شي جينپيڭ سىچۋاننىڭ لياڭشان وبلىسى جينياڭ اۋدانىندا تۋىلعان تاسقىن اپاتىنا ماڭىزدى نۇسقاۋ بەردى
بار كۇشپەن دەرەكسىز كەتكەندەردى ىزدەپ، جاپپاي تەكسەرۋ جۇرگىزىپ، حاۋىپسىزدىكتى باقىلاۋ ـ باسقارۋدى كۇشەيتىپ، حالىق بۇقاراسىنىڭ ءومىرى مەن مال ـ مۇلكىنىڭ حاۋىپسىزدىگىنە كەپىلدىك ەتدى تالاپ ەتتى
لي چياڭ بەكىتۋ سالدى
2023.08.31 16:33 كەلۋ قاينارى : حالىق تورابى
شينحۋا اگەنتتىگى، 8 ـ ايدىڭ 30 ـ كۇنى، بەيجيڭ. 8 ـ ايدىڭ 21 ـ كۇنى تاڭ سارىدە سىچۋاننىڭ لياڭشان وبلىسى جينياڭ اۋدانىندا نوسەرلى جاڭبىردان تۇتقيىل تاسقىن ءجۇرىپ، چاڭجياڭ وزەنى بويىنداعى جوعارى قارقىندى تاس جولدىڭ JN1 مەردىگەرلىك بولىگىندەگى نىسان ءبولىمى بولات شىبىقتى مانەرلەۋ الاڭىنداعى ءبىر ءبولىم ادام قازا بولىپ، حابار ـ وشارسىز كەتتى.
قاتىستى جاعدايلاردان حابار تاپقاننان كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ، مىنالاردى تالاپ ەتتى: دەرەكسىز كەتكەن ادامداردى بار كۇشپەن ىزدەپ، وتباسىنداعىلاردى جۇباتۋ سياقتى سوڭعى جۇمىستاردى لايىقتى جاقسى ىستەۋ؛ مەملەكەتتىك كەڭەس قىزمەت گرۋپپاسىن جىبەرىپ، جاپپاي تەكسەرۋ جۇرگىزىپ، قاتىستى جاۋاپتى ادامداردى زاڭ بويىنشا قاتاڭ ءبىر جاقتى ەتۋ؛ بۇدان تەرەڭ ساباق الىپ، بىرەۋى ارقىلى وزگەسىن تۇسپالداپ، ماسەلەلەردى جاپپاي ءبىر - بىرلەپ تەكسەرىپ، ءار جاقتىڭ جاۋاپكەرلىگىن نىعايتىپ، حاۋىپسىزدىكتى باقىلاۋ - باسقارۋدى كۇشەيتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، مىنالاردى تالاپ ەتتى: جاعدايدى جەدەل انىقتاپ، دەرەكسىز كەتكەندەردى بار كۇشپەن ىزدەپ تاۋىپ، قۇتقارىپ، سەبەبىن تەز ارادا انىقتاپ، ساباق الۋ ءارى زاڭ بويىنشا جاۋاپكەرلىگىن قاتاڭ قۋزاۋ كەرەك.
شي جينپيڭنىڭ نۇسقاۋى مەن لي چياڭنىڭ تالابىنا ساي، شۇعىل جاعدايعا توتەپ بەرۋدى باسقارۋ مينيسترلىگى قىزمەت گرۋپپاسىن ناق مايدانعا جىبەرىپ، ىزدەۋ ـ قۇتقارۋ قىزمەتىنە جەتەكشىلىك ەتتى، سىچۋان ولكەسى، لياڭشان وبلىسى قۇتقارۋ ـ كومەكتەسۋ كۇشتەرىن ۇيىمداستىرىپ، قاتىستى قىزمەتتەردى ورىستەتتى.قازىر ءتۇرلى قىزمەتتەر ءالى دە شۇعىل، ءتارتىپتى جۇرگىزىلۋدە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
