14 ـ كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 5 ـ ءماجىلىسى بىرلەسكەن گرۋپپا ءماجىلىسىن وتكىزدى
مەملەكەتتىڭ استىق حاۋىپسىزدىگىنە كەپىلدىك ەتۋ قىزمەتى جاعدايى جونىندەگى باياندامانى قارادى ءارى ارناۋلى تاقىرىپتا پىكىر الۋ قىزمەتىن ورىستەتتى
جاۋ لىجي ءماجىلىستى باسقاردى ءارى ءسوز سويلەدى
2023.08.31 16:36 كەلۋ قاينارى : حالىق تورابى
«حالىق گازەتى»، 8 ـ ايدىڭ 30 ـ كۇنى، بەيجيڭ (ءتىلشى جاڭ سۇڭ). 14 ـ كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 5 ـ ءماجىلىسى 8 ـ ايدىڭ 30 ـ كۇنى تۇستەن بۇرىن بەيجيڭدەگى حالىق سارايىندا بىرلەسكەن گرۋپپا ءماجىلىسىن وتكىزىپ، مەملەكەتتىك كەڭەستىڭ مەملەكەتتىڭ استىق حاۋىپسىزدىگىنە شىنايى كەپىلدىك ەتۋ قىزمەتى احۋالى جونىندەگى بايانداماسىن قارادى ءارى ارناۋلى تاقىرىپتا پىكىر الدى. كوميتەت باستىعى جاۋ لىجي ءماجىلىستى باسقاردى ءارى ءسوز سويلەدى.
وسى رەتكى تۇراقتى كوميتەت ءماجىلىسى گرۋپپالارعا ءبولىنىپ مەملەكەتتىڭ استىق حاۋىپسىزدىگىنە شىنايى كەپىلدىك ەتۋ قىزمەتى جاعدايى جونىندەگى باياندامانى قاراۋ نەگىزىندە، بىرىككەن گرۋپپا ءماجىلىسىن اشىپ، ارناۋلى تاقىرىپتا پىكىر الدى. بۇل 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ تۇڭعىش رەت ارناۋلى تاقىرىپتا پىكىر الۋى بولىپ تابىلادى.
مەملەكەتتىك حالىق قۇرىلتايى تۇراقتى كوميتەتىنىڭ مۇشەلەرى پاڭ ليجۋان، تاڭ حۋاجۇن، سۇڭ بين، شۇي ۋەيگاڭ، ۋاڭ گاڭ جانە شۇي سىلياڭ، جاڭ شۋپيڭ قاتارلى ماجىلىسكە قاتىناسقان جولداستار ساياساتتى كەمەلدەندىرىپ، استىق حاۋىپسىزدىگىنىڭ نەگىزىن بەكەمدەۋدى قامتاماسىز ەتىپ، پارتكوم مەن ۇكىمەت بىردەي جاۋاپكەرلىكتى قاتاڭ تياناقتاندىرىپ، باعالاۋ رولىن تولىق ساۋلەلەندىرىپ، استىق ساپاسى حاۋىپسىزدىگىنە شىنايى كەپىلدىك ەتىپ، تۇقىم شارۋاشىلىعىن گۇلدەندىرۋدى جەدەل ىلگەرىلەتىپ، استىق وندىرەتىن نەگىزگى رايونداردىڭ مۇددەلىك تولەم مەحانيزمىن كەمەلدەندىرۋ سياقتى ماسەلەلەردى ارقاۋ ەتە وتىرىپ پىكىر الدى.
مەملەكەتتىك كەڭەس زۇڭليىنىڭ ورىنباسارى ليۋ گوجۇڭ مەملەكەتتىك دامۋ جانە رەفورما كوميتەتى، ونەركاسىپ جانە ينفورماتسيالاندىرۋ مينيسترلىگى، قازىنا مينيسترلىگى، جاراتىلىستىق بايلىق مينيسترلىگى، سۋ يگىلىگى مينيسترلىگى، اۋىل شارۋاشىلىعى، اۋىل ـ قىستاق مينيسترلىگى، ساۋدا مينيسترلىگى سياقتى قاتىستى تاراۋلارداعى نەگىزگى جاۋاپتى جولداستار ماجىلىسكە قاتىناسىپ پىكىر تىڭداپ، سۇراۋلارعا جاۋاپ بەردى.
جاۋ لىجي سوزىندە مىنالاردى اتاپ كورسەتتى: پارتيانىڭ 18 ـ قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى مەملەكەتتىڭ استىق حاۋىپسىزدىگىنە ايرىقشا ءمان بەرىپ، ءبىر ميللياردتان استام حالىقتىڭ تاماق ماسەلەسىن شەشۋدى باستان ـ اياق ەل باسقارۋداعى ماڭداي الدى ءىرى ءىس ەتىپ، استىق حاۋىپسىزدىگىنىڭ جۇڭگوشا جولىن اشتى. باس شۋجي شي جينپيڭنىڭ مەملەكەتتىڭ استىق حاۋىپسىزدىگى جونىندەگى ماڭىزدى پايىمداۋلارىن مۇقيات ۇيرەنىپ، دايەكتىلەندىرىپ، پارتيا 20 ـ قۇرىلتايىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي دايەكتىلەندىرىپ، تياناقتاندىرىپ، مەملەكەتتىڭ استىق حاۋىپسىزدىگى ستراتەگياسىن ىشكەرىلەي اتقارىپ، استىق حاۋىپسىزدىگىنىڭ نەگىزىن جان ـ جاقتى بەكەمدەپ، جۇڭگولىقتاردىڭ استىق كەسەسىنىڭ ءوز قولىندا بولۋىنا شىنايى كەپىلدىك ەتۋ كەرەك. ەڭ قاتاڭ ەگىستىك جەردى قورعاۋ ءتۇزىمىن اتقارىپ، ءبىر ميلليارد 800 ميلليون مۋ ەگىستىك جەردىڭ قىزىل سىزىعىن بەرىك ساقتاۋ؛ اۋىل شارۋاشىلىق عىلىم - تەحنيكاسىندا ءوزىن الۋەتتەندىرۋدە تاباندى بولۋ؛ شارۋالاردىڭ استىق ەگۋ بەلسەندىلىگى مەن جەرگىلىكتى ۇكىمەتتىڭ استىق ءوندىرىسىن يگەرۋ بەلسەندىلىگىن جۇمىلدىرۋ جانە ويداعىداي قورعاۋ؛ ءتۇسىمدى ارتتىرۋ مەن زياندى ازايتۋ سىندى ەكى جاققا بىردەي كۇش سالىپ، تۇتاس قوعامدى استىقتى سانالىلىقپەن قاستەرلەۋگە، ىسىراپشىلدىققا قارسى تۇرۋعا جەتەكتەۋ؛ دۇنيە جۇزىلىك استىق حاۋىپسىزدىگىن جونگە سالۋعا بەلسەنە ات سالىسۋ كەرەك.جاۋ لىجي مىنالاردى دارىپتەدى: حالىق قۇرىلتايى جانە ونىڭ تۇراقتى كوميتەتى ءوز قىزمەت جاۋاپكەرلىگىن تۇراقتاندىرۋدى تياناق ەتىپ، زاڭ شىعارۋ، باقىلاۋ سياقتى قىزمەتتەردى ويداعىداي ىستەپ، استىق حاۋىپسىزدىگىن قامتاماسىز ەتۋ زاڭى جوباسىن قاراۋ، وزگەرىس ەنگىزۋ قىزمەتىن ىلگەرىلەتىپ، جۇيەلى، كەمەلدى استىق حاۋىپسىزدىگىن قامتاماسىز ەتۋ زاڭ ـ ءتۇزىم جۇيەسىن ورناتىپ، ءار دارەجەلى ۇكىمەتتەردى جانە قاتىستى تاراۋلاردى استىق حاۋىپسىزدىگى جاۋاپكەرلىك ءتۇزىمىن تياناقتاندىرۋعا قۋزاپ، استىق حاۋىپسىزدىگىن جونگە سالۋدى وسىزامانداندىرۋدى، زاڭمەن جونگە سالۋدى ىلگەرىلەتۋى كەرەك.
ليۋ گوجۇڭ مىنانى ءبىلدىردى: پارتيانىڭ 18 ـ قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىز ءبىر ميلليارد 400 ميلليوننان استام ادامدى ۇتىمدى قامتاماسىز ەتىپ، استىق حاۋىپسىزدىگىنىڭ جۇڭگوشا جولىمەن ءجۇردى. مەملەكەتتىك كەڭەس جانە قاتىستى تاراۋلار باس شۋجي شي جينپيڭنىڭ مەملەكەتتىڭ استىق حاۋىپسىزدىگى جونىندەگى ماڭىزدى پايىمداۋلارىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارى بويىنشا، استىق ءوندىرۋ، مانەرلەۋ - اينالىم، زاپاس ساقتاۋ، يمپورت ـ ەكسپورت ەتۋ، ۇنەمدەۋ، زياندى ازايتۋ سياقتى تۇتاس جەلى، ءارقايسى بۋىندا ساياسات ـ شارالاردى كەمەلدەندىرىپ، جاۋاپكەرلىك پەن قىزمەتتى تياناقتاندىرۋدى كۇشەيتىپ، نەگىزدى جان ـ جاقتى بەكەمدەپ، قامتاماسىز ەتۋ دەڭگەيىن ۇزدىكسىز جوعارىلاتتى.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭ جياڭسۇن، باس حاتشى ليۋ چي ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
