ديڭ شۋەشياڭ جۇڭگو قورشاعان ورتا جانە دامۋ حالىقارالىق سەلبەستىك كوميتەتىنىڭ 2023 - جىلعى جىلدىق ماجىلىسىنە قاتىناستى ءارى ءسوز سويلەدى
2023.08.31 16:39 كەلۋ قاينارى : حالىق تورابى
شينحۋا اگەنتتىگى، 8 ـ ايدىڭ 30 ـ كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى، جۇڭگو قورشاعان ورتا جانە دامۋ حالىقارالىق سەلبەستىك كوميتەتىنىڭ ءتوراعاسى ديڭ شۋەشياڭ 8 ـ ايدىڭ 30 ـ كۇنى بەيجيڭدە مەملەكەتتىك سەلبەستىك كوميتەتىنىڭ 2023 ـ جىلعى جىلدىق ماجىلىسىنە قاتىناستى ءارى ءسوز سويلەدى.
ديڭ شۋەشياڭ مىنالاردى ءبىلدىردى: جۇڭگو ەكولوگيالىق وركەنيەت قۇرىلىسىنا ايرىقشا ءمان بەرەدى. ج ك پ - نىڭ 18 ـ قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ەكولوگيالىق وركەنيەت قۇرىلىسىن جۇڭحۋا ۇلتىنىڭ باياندى دامۋىنا ساياتىن ءتۇبىرلى ۇلى جوسپار ەتىپ، ءبىرقىدىرۋ جاسامپازدىق قىزمەت ورىستەتتى، مۇنداعى بەكىمنىڭ زور، سەرپىنىنىڭ زور، ونىمدىلىكتىڭ زور بولۋى بۇرىن بولماعان دەڭگەيگە جەتتى. ءبىز جاسىل دامۋ ۇستانىمىن بەرىك ورناتىپ، لاستانۋعا باتىل سايىس جاريالاپ، جاسىل، تومەن كومىرتەكتى دامۋدى ىلگەرىلەتىپ، ەكولوگيانى قورعاۋدى، قالپىنا كەلتىرۋدى كۇشەيتىپ، كورىكتى جۇڭگو قۇرىلىسىندا ماڭىزدى قادام تاستادىق. جۇڭگونىڭ اسپانى ءتىپتى دە اشىق، جەرى ءتىپتى دە جاسىل، سۋى ءتىپتى دە تۇنىق بولىپ، حالىق بۇقاراسىنىڭ ەكولوگيالىق ورتا جاعىنداعى تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى.
ديڭ شۋەشياڭ مىنالاردى دارىپتەدى: جاڭا ءداۋىر، جاڭا جورىقتا جۇڭگو شي جينپيڭ ەكولوگيالىق وركەنيەت يدەياسىن جەتەكشى ەتىپ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋدى جەدەل ىلگەرىلەتەدى. لاستانۋدان ساقتانۋ جانە ونى جونگە سالۋدان قامال الۋ شايقاسىن تاباندىلىقپەن ويداعىداي جۇرگىزىپ، كوك اسپان، تۇنىق سۋ، تازا توپىراق سىندى ءۇش ءىرى قورعاۋ شايقاسىن ىشكەرىلەي ىلگەرىلەتىپ، ەكولوگيالىق ورتا ساپاسىنىڭ ۇزدىكسىز جاقسارۋىن جەبەۋ كەرەك. دامۋ ءتاسىلىنىڭ جاسىل، تومەن كومىرتەكتى تيپكە بۇرىلىس جاساۋىن جەدەل ىلگەرىلەتىپ، ساپالى دامۋدىڭ جاسىل ءتۇسىن بەكەمدەۋ كەرەك. ەكولوگيانى قورعاۋ جانە قالپىنا كەلتىرۋ تەبىنىن ارتتىرىپ، ەكولوگيالىق جۇيەنىڭ الۋان تۇرلىلىگىن، ورنىقتىلىعىن، باياندىلىعىن كۇش سالا جوعارىلاتۋ كەرەك. كومىر قىشقىل گازىنىڭ شىعارىلۋىن جوعارى مانگە جەتكىزىپ، كومىر قىشقىل گازىن بەيتاراپتاندىرۋدى بەلسەنە، ورنىقتى ىلگەرىلەتىپ، جاڭاشا ەنەرگيا جۇيەسىن قۇرۋدى جەدەلدەتۋ كەرەك. قاتىستى زاڭدار مەن تۇزىمدەر جۇيەسىن اقاۋسىزداندىرىپ، جاسىل، تومەن كومىرتەكتى دامۋ ەكونوميكالىق ساياساتىن كەمەلدەندىرىپ، ەكولوگيالىق ورتانى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ۇزدىكسىز ىلگەرىلەتۋ كەرەك. ادامزاتتىڭ تاعدىرلاس ورتاق تۇلعاسى ۇستانىمىن ۇستانىپ، دۇنيە جۇزىلىك ورتانى جونگە سالۋعا بەلسەنە ات سالىسىپ، كليمات وزگەرىسىنە توتەپ بەرۋ، تەڭىز ـ مۇحيتتىڭ لاستانۋىن جونگە سالۋ، ورگانيزمدەردىڭ الۋان تۇرلىلىگىن قورعاۋ سياقتى سالالارداعى حالىقارالىق سەلبەستىكتى كۇشەيتۋ كەرەك.
ديڭ شۋەشياڭ مىنانى ءبىلدىردى: جۇڭگو ۇكىمەتى مەملەكەتتىك سەلبەستىك قوعامىنىڭ دامۋىن، زورايۋىن بۇرىنعىداي قولداپ، اناعۇرلىم زور رول اتقارادى. مۇشەلەردىڭ، مامانداردىڭ زەرتتەۋ مەن اۋىس ـ كۇيىستى كۇشەيتىپ، جۇڭگونىڭ قورشاعان ورتا جانە دامۋ ىستەرىن ىلگەرىلەتۋگە بەلسەنە اقىل ـ كەڭەس بەرىپ، تازا، كورىكتى دۇنيە ءجۇزىن قۇرۋعا اناعۇرلىم كوپ اقىل ـ پاراسات جانە كۇش قوسۋىن ءۇمىت ەتەمىن.
وسى رەتكى مەملەكەتتىك سەلبەستىك كوميتەتىنىڭ جىلدىق ءماجىلىسىنىڭ باستى تاقىرىبى: ”جاسىل بايلىقتى مولايتىپ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋدى جەبەۋ“ بولدى. مەملەكەتتىك سەلبەستىك قوعامىنىڭ جۇڭگولىق، شەتەلدىك مۇشەلەرىنەن، جۇڭگو ـ شەتەل ماماندارىنان، جۇڭگو ـ شەتەل باقىلاۋشىلارىنان 500 دەي ادام ماجىلىسكە قاتىناستى. ماجىلىستە ورگانيزمدەردىڭ الۋان تۇرلىلىگىن قورعاۋ، كليمات وزگەرىسىنە توتەپ بەرۋ، جاسىل جىبەك جولى قۇرىلىسى، جاسىل فينانستا جاڭالىق اشۋ سياقتىلار توڭىرەگىندە پىكىر اۋىستىرىلىپ، تالقى جۇرگىزىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
