حان جىڭ انگليانىڭ ديپلوماتيانى دامىتۋ ءۋازىرى كلەفليمەن كەزدەستى
2023.08.31 16:40 كەلۋ قاينارى : حالىق تورابى
شينحۋا اگەنتتىگى، 8 ـ ايدىڭ 30 ـ كۇنى، بەيجيڭ. 8 ـ ايدىڭ 30 ـ كۇنى مەملەكەت ءتوراعاسىنىڭ ورىنباسارى حان جىڭ بەيجيڭدە انگليانىڭ ديپلوماتيانى دامىتۋ ءۋازىرى كلەفليمەن كەزدەستى.
حان جىڭ مىنانى ءبىلدىردى: جۇڭگو مەن انگليانىڭ باس ەلشى دارەجەلى ديپلوماتيالىق قارىم - قاتىناس ورناتقانىنا جارتى عاسىردان استام ۋاقىت بولدى، ءار سالاداعى ناقتى سەلبەستىكتە بەلسەندى تابىستارعا قول جەتتى. قازىرگى حالىقارالىق جاعدايداعى حاۋىپ ـ قاتەر مەن سىن ـ سايىس الدىندا، جۇڭگو مەن انگليا ب م ۇ حاۋىپسىزدىك القالار كەڭەسىنىڭ تۇراقتى القا ەلى جانە دۇنيە جۇزىندەگى نەگىزگى ەكونوميكالىق تۇلعا رەتىندە، ءوزارا قۇرمەت ەتۋ، سەلبەسىپ تەڭ يگىلىككە كەنەلۋ رۋحىن ۇستانىپ، ءبىر ـ ءبىرىنىڭ وزەكتى مۇددەسىمەن جانە نازار اۋدارىپ وتىرعان كەلەلى ماسەلەلەرىمەن ساناسىپ، حالىقارالىق جانە وڭىرلىك ىستەردە بايلانىستى ساقتاپ، دۇنيە ءجۇزىنىڭ بەيبىتشىلىگى مەن دامۋىن بىرگە ىلگەرىلەتۋى كەرەك. ەكونوميكا ـ ساۋدا سەلبەستىگى − جۇڭگو ـ انگليا قارىم - قاتىناسىنىڭ اقاۋسىز، ورنىقتى دامۋىنىڭ نەگىزى، ەكى ەل ۇكىمەتى كاسىپورىندارعا تاماشا تيجارات ـ ساۋدا ورتاسىن جاراتىپ، ناقتى سەلبەستىكتىڭ جاڭا ارتۋ تۇيىندەرىن بەلسەنە قاراستىرۋى كەرەك.
كلەفلي مىنانى ءبىلدىردى: جۇڭگو − دۇنيە جۇزىلىك ىقپالعا يە ماڭىزدى ءىرى ەل، حالىقارالىق جونگە سالۋدا كۇن سايىن ماڭىزدى رول اتقارۋدا. انگليا جاق جۇڭگونىڭ دۇنيە ءجۇزىنىڭ ەكونوميكاسىنا جانە كەدەيلەردى ازايتۋ ىستەرىنە قوسقان ماڭىزدى ۇلەسىن القايدى، جۇڭگو جاقپەن جوعارى جىكتەگىلەردىڭ بارىس - كەلىسىن جانە ستراتەگيالىق تىلدەسۋدى كۇشەيتىپ، ورتاق تانىم ۇيىستىرىپ، سەلبەستىكتى تەرەڭدەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
