ەگىستىك جەردى يەلەپ كول قازىپ، كورىنىس جاساۋ، زاڭعا قايشى تۇردە كەن قازۋ قاتارلى ماسەلەلەر جونىندە
جاراتىلىستىق بايلىق مينيسترلىگى زاڭ - تۇزىمگە قايشى تيپتىك دەلولاردان 56 دەلونى اشىق جاريالادى
2023.09.13 15:57 كەلۋ قاينارى : حالىق تورابى
حالىق گازەتىنىڭ ءتىلشىسى ياڭ جاۋكۇي 9 - ايدىڭ 10 - كۇنى بەيجيڭنەن حابارلايدى. ءتىلشىنىڭ جاراتىلىستىق بايلىق مينيسترلىگىنەن ۇعىسۋىنشا، ەگىستىك جەردى قاتاڭ قورعاپ، ەكولوگيانى قورعاۋدىڭ قىزىل سىزىعىن قاتاڭ ساقتاپ، جەر - جەردى زاڭ - تۇزىمگە قايشى ماسەلەلەردى باتىل رەتكە سالۋعا قۋزاۋ ءۇشىن، جاراتىلىستىق بايلىق مينيسترلىگى جۋىردا زاڭ - تۇزىمگە قايشى ءىرى تيپتىك ماسەلەلەردەن 56 ماسەلەنى شوعىرلى تۇردە اشىق جاريالادى.
تانىستىرۋعا قاراعاندا، 2023 - جىلى مەملەكەتتىك جاراتىلىستىق بايلىق مينيسترلىگىنىڭ باقىلاۋ قۇرىلىمدارى كەزەكتى باقىلاۋ قىزمەتىن ورىستەتۋ بارىسىندا، ءىشىنارا جەرلەر 2020 - جىلى 9 - ايدىڭ 10 - كۇنى جاريالانعان «مەملەكەتتىك كەڭەس كەڭسە مەڭگەرمەسىنىڭ ەگىستىك جەردى اۋىل شارۋاشىلىعىنان باسقا ماقساتتا پايدالانۋ ارەكەتىن قاتاڭ تەجەۋ جونىندەگى ۇقتىرۋىندا» ”التى ءتۇرلى قاتاڭ تيىم“ ايقىن بەلگىلەنگەن كەيىن دە، جاعدايدى بىلە تۇرا ەگىستىك جەردەن كول قازىپ، كورىنىس جاساپ، ماڭگىلىك نەگىزدىك ەگىستىك اتىزىن يەلەپ الىپ، ەگىن ەگۋ قاباتىنداعى جاسىلداندىرۋ، بەزەندىرۋ رولىن اتقاراتىن شىمدى بۇلدىرگەنىن بايقاعان، ءىشىنارا جەرگىلىكتى ۇكىمەت ورىندارى جانە ولارعا قاراستى تاراۋلاردا زاڭسىز تۇردە جەر ءبولىپ بەرۋ، زاڭسىز تۇردە جەردى وتكىزىپ الۋ، جەردى زاڭعا قايشى تۇردە يەلەپ الۋعا جەتەكشىلىك ەتۋ جانە ونى ىلگەرىلەتۋ جاعدايى ساقتالعان، ءىشىنارا قالا، اۋدانداردا ەگىستىك جەردى يەلەپ الىپ، اۋىل شارۋاشىلىعىنان باسقا ماقساتتا پايدالانۋ ماسەلەسى قايتادان باس كوتەرگەن، ەگىستىك جەردى شىنايى تولىقتاماۋ، ەكولوگيالىق قورعاۋ سىزىعىن يەلەپ الىپ، زاڭعا قايشى تۇردە جەردى يەلەپ قۇرىلىس سالۋ، زاڭسىز تۇردە كەن قازۋ جاعدايلاردى ساقتالعان؛ ەلىمىز بويىنشا جاساندى سەرىك ارقىلى تۇسىرىلگەن سۋرەتكە نەگىزدەلىپ جەرگە قاتىستى زاڭ اتقارۋ بارىسىندا بايقاۋعا قاراعاندا، ءىشىنارا جەرلەردە 2022 - جىلدان بەرى ەگىستىك جەردى زاڭسىز يەلەپ الۋ ماسەلەسى كورنەكتى بولعان ءارى بيىل 6 - ايدىڭ سوڭىنا دەيىن رەتتەۋ - وزگەرتۋدى تولىق ورىنداماعان، بۇعان ساياتىن ەگىستىك جەر كولەمى ءبىرشاما زور بولعان.
مەملەكەتتىك جاراتىلىستىق بايلىق مينيسترلىگىنىڭ باقىلاۋشى قۇرىلىمدارىنىڭ كەزەكتى باقىلاۋ جۇرگىزۋ جانە مەملەكەت بويىنشا جاساندى سەرىك ارقىلى تۇسىرىلگەن سۋرەتكە نەگىزدەلىپ جەرگە قاتىستى زاڭ اتقارۋ بارىسىندا بايقاۋىنشا، كەي جەرلەردە 2020 - جىلى 7 - ايدىڭ 3 - كۇنىنەن بەرى اۋىل - قىستاقتاعى ەگىستىك جەردى الباتى يەلەپ الىپ ءۇي سالۋ جاعىندا جاڭادان ارتقان ماسەلەلەر ۇنەمى تۋىلۋدا، كەيبىرەۋى بيىل 6 - ايدىڭ سوڭىنا دەيىن رەتتەۋ - وزگەرتۋدى ءالى دە تولىق ورىنداماعان، بۇعان ساياتىن ەگىستىك جەردىڭ كولەمى ءبىرشاما زور، اۋىل - قىستاقتاعى ەگىستىك جەردى يەلەپ الىپ ءۇي سالۋ جاعىنداعى جاڭادان ارتقان ماسەلەلەرگە ”مۇلدە جول بەرمەۋ“ سىندى تالاپقا ساي كەلمەگەن.
جاراتىلىستىق بايلىق مينيسترلىگىنىڭ ايتۋىنشا، زاڭ - تۇزىمگە قايشى بۇل ارەكەتتەر ەگىستىك جەردى قورعاۋ قىزىل سىزىعىنا اۋىر دارەجەدە قايشى كەلگەن، مەملەكەتتىڭ استىق حاۋىپسىزدىگىنە زيان جەتكىزگەن، ەكولوگيالىق ورتانى بۇلدىرگەن. جەر - جەر ەگىستىك جەردى قورعاۋدىڭ قىزىل سىزىعى مەن ەكولوگيالىق ورتانى قورعاۋدىڭ قىزىل سىزىعىن باتىل قورعاۋى، قاتاڭ شارالاردى قولدانىپ، ەگىستىك جەردى اۋىل شارۋاشىلىعىنان باسقا ماقساتتا پايدالانۋدى قاتاڭ تەجەپ، ماڭگىلىك نەگىزدىك ەگىستىك اتىزىن استىق وندىرىسىنەن باسقا ماقساتتا پايدالانۋدان ساقتانىپ، استىق حاۋىپسىزدىگىنىڭ نەگىزىن بەكەمدەۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
