مايمىل شەشەگى B تۇردەگى جۇقپالى اۋرۋلار قاتارىنا قوسىلىپ، قاتىستى باسقارۋ شارالارى اتقارىلادى
2023.09.15 15:57 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى دۇڭ رۇيفىڭ، گۋ تيانچىڭ 9 - ايدىڭ 15 - كۇنى بەيجيڭنەن حابارلايدى. مەملەكەتتىك دەنساۋلىق ساقتاۋ - سالاماتتىق كوميتەتىنىڭ 9 - ايدىڭ 15 - كۇنى جاريالاعان ۇقتىرۋىنا قاراعاندا، «جۇڭحۋا حالىق رەسپۋبليكاسىنىڭ جۇقپالى اۋرۋلاردان ساقتانۋ جانە ونى ەمدەۋ زاڭىنداعى» قاتىستى بەلگىلەمەلەرگە ساي، 2023 - جىلى 9 - ايدىڭ 20 - كۇنىنەن باستاپ، مايمىل شەشەگى B تۇردەگى جۇقپالى اۋرلار قاتارىنا قوسىلىپ، قاتىستى باسقارۋ شارالارى اتقارىلادى.
مايمىل شەشەگى مايمىل شەشەگى ۆيرۋسىمەن جۇعىمدالۋدان تۋىلاتىن ادامدا دا، حايۋاناتتا دا بولاتىن اۋرۋ، بۇرىن نەگىزىنەن ورتا افريكا مەن باتىس افريكادا تۋىلاتىن. 2022 - جىلى 5 - ايدان بەرى، دۇنيە ءجۇزى بويىنشا 100 نەشە مەملەكەت پەن رايوندا مايمىل شەشەگى ىندەتى تۋىلدى. كوپ ەلدەگى ىندەت جاعدايىنا قاراعاندا، مايمىل شەشەگى ادامدار اراسىندا تارالادى ءارى افريكادان باسقا مەملەكەتتەر مەن رايوندارعا دا تارالعان، اۋرۋدان قازا بولۋ مولشەرى %0.1 بولادى.
2022 - جىلى 9 - ايدا ەلىمىزگە شەتەلدەن كەلگەن ادامنىڭ مايمىل شەشەگى اۋرۋىمەن شالدىققانى تۇڭعىش رەت بايقالدى، 2023 - جىلى 6 - ايدان باستاپ، جەرگىلىكتى ورىننان مايمىل شەشەگى ىندەتى بايقالدى، قازىر ەلىمىزدەگى 20 نەشە ولكەدە ىلگەرىندى - كەيىندى مايمىل شەشەگىمەن جۇعىمدالعان ناۋقاستار بايقالىپ، جەرگىلىكتى ورىندا ىندەتتىڭ جاڭادان ارتۋى مەن جاسىرىن تارالۋى تۋىلدى.
مەملەكەتتىك دەنساۋلىق ساقتاۋ - سالاماتتىق كوميتەتى جاريالاعان ساياساتتىق ساراپتاماعا ساي، مەملەكەتتىك دەنساۋلىق ساقتاۋ - سالاماتتىق كوميتەتى مەن مەملەكەتتىك اۋرۋدىڭ الدىن الۋ جانە ونى تىزگىندەۋ مەكەمەسى پارتيا ورتالىق كوميتەتى مەن مەملەكەتتىك كەڭەستىڭ شەشىمدەرى مەن ورنالاستىرۋلارىن مۇقيات، دايەكتى تياناقتاندىرىپ، مايمىل شەشەگىن توساتتان تۋىلعان جۇقپالى اۋرۋلار قاتارىنا جاڭادان قوسىپ، سايكەستى ءبىر جاقتى ەتۋ شارالارىن اتقارىپ، كوپ تاراۋ سايكەسىپ ساقتانۋ - تىزگىندەۋ سىندى ماڭىزدى رولىن تولىق ساۋلەلەندىرىپ، ساقتانۋ - تىزگىندەۋ جاعىنداعى ساياساتتىق شارالاردى ۇزدىكسىز كەمەلدەندىرىپ، ينفورماتسيا جاريالاۋ، ۇگىت - تاربيە جۇرگىزۋ، ءتۇيىندى ادامدار توبىنا شارا قولدانۋ جانە جۇيەلى ەمدەۋ شارالارىن كۇشەيتىپ، مايمىل شەشەگىنەن ساقتانۋ - تىزگىندەۋ قىزمەتىندە بەلسەندى ناتيجەلەرگە قول جەتكىزدى.
تانىستىرۋعا قاراعاندا، مايمىل شەشەگى ىندەتىنىڭ ەلىمىزدە بەلگىلى مەرزىم ىشىندە ۇزدىكسىز تارالاتىنىن ويلاستىرا وتىرىپ، مايمىل شەشەگى ىندەتىنەن ساقتانۋ - تىزگىندەۋ قىزمەتىن ىشكەرىلەي، عىلىمي، جۇيەلى ورىستەتىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنىڭ اقاۋسىزدىعىن شىنايى قامتاماسىزداندىرۋ ءۇشىن، مەملەكەتتىك دەنساۋلىق ساقتاۋ - سالاماتتىق كوميتەتى 2023 - جىلى 9 - ايدىڭ 20 - كۇنىنەن باستاپ مايمىل شەشەگىن «جۇڭحۋا حالىق رەسپۋبليكاسىنىڭ جۇقپالى اۋرۋلاردان ساقتانۋ جانە تىزگىندەۋ زاڭىندا» بەلگىلەنگەن B تۇردەگى جۇقپالى اۋرۋلار قاتارىنا قوسىپ، B تۇردەگى جۇقپالى اۋرۋلاردان ساقتانۋ، تىزگىندەۋ شارالارىن قولدانۋدى ۇيعارعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
