مۇگەدەكتەردىڭ اناعۇرلىم باقىتتى، تاماشا تۇرمىسىن بىرگە جاراتايىق (باسماقالا)
− جۇڭگو مۇگەدەكتەر بىرلەستىگىنىڭ مەملەكەتتىك 8 - قۇرىلتايىنىڭ اشىلعانىن قىزۋ قۇتتىقتايمىز
2023.09.18 16:33 كەلۋ قاينارى : حالىق تورابى
بۇگىن جۇڭگو مۇگەدەكتەر بىرلەستىگىنىڭ مەملەكەتتىك 8 - قۇرىلتايى بەيجيڭدە اشىلدى. بۇل قالىڭ مۇگەدەكتەر مەن مۇگەدەكتەر قىزمەتكەرلەرىن مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋدىڭ ۇلى امالياتىنا بەلسەنە ات سالىسۋعا ىنتىماقتاستىرىپ، جۇمىلدىرىپ، اناعۇرلىم باقىتتى، تاماشا تۇرمىستى بىرگە جاراتۋدا ماڭىزدى مانگە يە. ءبىز ءماجىلىستىڭ اشىلعانىن قىزۋ قۇتتىقتايمىز!
مۇگەدەكتەر ءىسى − جۇڭگوشا سوتسياليزم ىستەرىنىڭ ماڭىزدى قۇرامداس بولەگى. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى حالىقتى وزەك ەتكەن دامۋ يدەياسىندا تاباندى بولىپ، السىزدەردى سۇيەمەلدەۋدە تاباندى بولىپ، مۇگەدەكتەردىڭ تەڭدىك ۇقىعىن قامتاماسىز ەتىپ، مۇگەدەكتەردىڭ حالىق تۇرمىسى جاعىنداعى ىرىس - قۇتىن ارتتىرىپ، مۇگەدەكتەر ىستەرىنىڭ دامۋىن ىلگەرىلەتۋدە تاريحي ىلگەرىلەۋشىلىككە جانە ناتيجەگە قول جەتكىزدى. بۇل كۇندە مۇگەدەكتەردىڭ ۇقىق - مۇددەسىن قامتاماسىز ەتۋ اناعۇرلىم پارمەندى بولىپ، 85 ميلليون مۇگەدەك بىرگە دوڭگەلەك داۋلەتتىلىككە قادام تاستاپ، تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلادى. قالىڭ مۇگەدەكتەر ەكونوميكالىق، قوعامدىق دامۋعا ات سالىسۋشى، ۇلەس قوسۋشى جانە يگىلىكتەنۋشى رەتىندە، كەڭ ساحنادا تالىقپاي تالپىناتىن ءداۋىر بەينەسىن ايگىلەپ، ءومىردىڭ شۇعىلالى كۇرەس داستانىن جازدى.
مۇگەدەكتەردى ەسىنەن شىعارماي، ولاردىڭ قام جەدى. باس شۋجي شي جينپيڭ مۇگەدەكتەرگە ەرەكشە كوڭىل ءبولىپ، مۇگەدەكتەر ءىسىنىڭ دامۋىنا ءبىرقىدىرۋ ايقىن تالاپتار قويدى. باس شۋجي شي جينپيڭنىڭ مۇگەدەكتەر ءىسى جونىندەگى ماڭىزدى پايىمداۋلارى ەلىمىزدىڭ مۇگەدەكتەر ىستەرىنىڭ دامۋىنا العا باسۋ بەتالىسىن كورسەتىپ، ءتۇبىرلى تياناق ازىرلەدى. پارتيا ورتالىق كوميتەتىنىڭ پارمەندى باسشىلىعىندا، جۇڭگو مۇگەدەكتەر بىرلەستىگىنىڭ مەملەكەتتىك 7 - قۇرىلتايىنان بەرى ءار دارەجەلى مۇگەدەكتەر بىرلەستىگى ۇيىمدارى مەن مۇگەدەكتەر قىزمەتكەرلەرى تاڭداۋلى ءداستۇردى ساۋلەلەندىرىپ، ”ۋاكىلدىك ەتۋ، قىزمەت وتەۋ، باسقارۋ“ فۋنكتسياسىن شىنايى اتقارىپ، قالىڭ مۇگەدەكتەردى پارتيانىڭ سوزىنە قۇلاق اسۋعا، پارتياعا العىس ايتۋعا، پارتياعا ىلەسۋگە ىنتىماقتاستىرىپ، جەتەكتەپ، جاڭا ءداۋىردىڭ جاڭا ساپارىندا بەلسەنە العا باسۋدىڭ، ەرلىكپەن تالپىنۋدىڭ داڭقتى داستانىن جازدى. اماليات مۇگەدەكتەردىڭ قوعام ۇلى شاڭىراعىنىڭ تەرەزەسى تەڭ مۇشەسى، ادامزات وركەنيەتىن دامىتۋدىڭ ماڭىزدى كۇشى، جۇڭگوشا سوتسياليزمدە تاباندى بولۋدىڭ جانە ونى دامىتۋدىڭ ماڭىزدى كۇشى ەكەنىن تولىق دالەلدەدى.
قالىڭ مۇگەدەكتەردىڭ الاڭسىز تىرشىلىك ەتۋىنە، الاڭسىز تۇرمىس كەشىرۋىنە مۇمكىندىك جاساۋ − پارتيامىزدىڭ بۇكىل ىنتا - پەيىلىمەن حالىق ءۇشىن قىزمەت ىستەۋ باستى ماقساتىنىڭ ماڭىزدى بەينەسى، ەلىمىزدىڭ سوتسياليستىك ءتۇزىمىنىڭ تابيعي تالابى. پارتيانىڭ 20 - قۇرىلتايىندا جاپپاي سوتسياليستىك وسىزاماندانعان مەملەكەت قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ۇلى جوباسى جاسالدى. باس شۋجي شي جينپيڭ بىلاي دەپ دارىپتەدى: ”جۇڭگو مۇگەدەكتەرگە ايرىقشا كوڭىل ءبولىپ، ايرىقشا نازار اۋدارىپ وتىر، جۇڭگو ۇلگىسىندەگى وسىزامانداندىرۋ ۇردىسىندە مۇگەدەكتەردى قوعامدىق قامتاماسىزداندىرۋ ءتۇزىمى مەن قامقورلىق جاساۋ، قىزمەت وتەۋ جۇيەسىن اناعۇرلىم كەمەلدەندىرىپ، مۇگەدەكتەر ىستەرىنىڭ جاپپاي دامۋىن جەبەۋ كەرەك“. جاڭا جورىقتا ءبىز حالىقتى بارىنەن جوعارى قويۋدا تاباندى بولىپ، ادامگەرشىلىك رۋحىن بارىنشا اسقاقتاتىپ، مۇگەدەكتەردىڭ تەڭدىك ۇقىعىن اناعۇرلىم ويداعىداي قامتاماسىز ەتىپ، مۇگەدەكتەردىڭ توعىسا دامۋىن جەبەپ، ەكونوميكانىڭ، قوعامنىڭ دامۋ جەتىستىكتەرىنەن مۇگەدەكتەردى اناعۇرلىم كوپ، اناعۇرلىم ويداعىداي يگىلىكتەندىرۋىمىز كەرەك. ءار دارەجەلى پارتكومدار مەن ۇكىمەتتەر مۇگەدەكتەر ءىسىنىڭ دامۋىنا ايرىقشا ءمان بەرىپ، بەلسەنە ىلگەرىلەتىپ، مۇگەدەكتەردىڭ ىرىس - قۇتىن ۇزدىكسىز مولايتۋى كەرەك. ءار دارەجەلى مۇگەدەكتەر بىرلەستىگى ۇيىمدارى مەن مۇگەدەكتەر قىزمەتكەرلەرى كوپىرلىك، دانەكەرلىك رولدارىن ويداعىداي ساۋلەلەندىرىپ، پارتيانىڭ مەيىرى مەن قامقورلىعىن مۇگەدەكتەرگە جەتكىزۋى كەرەك. قوعامنىڭ ءار سالاسى مۇگەدەكتەردى سۇيەمەلدەۋ، مۇگەدەكتەرگە كومەكتەسۋ وركەنيەت امالياتىنا بەلسەنە ات سالىسىپ، تۇتاس قوعام مۇگەدەكتەردى تۇسىنەتىن، قۇرمەتتەيتىن، مۇگەدەكتەرگە كوڭىل بولەتىن، مۇگەدەكتەرگە كومەكتەسەتىن قويۋ راي قالىپتاستىرىپ، مۇگەدەكتەردىڭ تالىقپاي تالپىنۋىن قولداپ جانە شابىتتاندىرىپ، جاڭا داۋىردەگى مۇگەدەكتەر ىستەرىنىڭ دامۋىنا ۇلەس قوسۋى كەرەك.
”جۇڭگو ارمانى − ۇلت ارمانى، مەملەكەت ارمانى، ءاربىر جۇڭگولىقتىڭ ارمانى ءارى ءاربىر مۇگەدەك دوستىڭ ارمانى“. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، مۇگەدەكتەر ءىسىن اناعۇرلىم دامىتىپ، مۇگەدەكتەردىڭ جاپپاي دامۋىن جانە بىرگە بايۋىن جەبەپ، جۇڭگو ارمانىن ءبىر نيەت، ءبىر تىلەكپەن ورىنداۋدىڭ ايبىندى كۇشىن ۇيىستىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزەيىك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
