وقۋ – اعارتۋ مينيسترلىگى: ورتا، باستاۋىش مەكتەپتەر وقۋشىلاردىڭ ساباق ارالىعىنداعى قالىپتى قيمىلدارىنا كەپىلدىك ەتۋ كەرەك
2023.11.06 15:19 كەلۋ قاينارى : حالىق تورابى
شينحۋا اگەنتتىگىنىڭ 11 – ايدىڭ 3 – كۇنى بەيجيڭنەن بەرگەن حابارى. تاياۋدا كەيبىر جەرلەردەگى ورتا، باستاۋىش مەكتەپ وقۋشىلارىنىڭ ”ساباق ارالىعىنداعى دەمالاتىن 10 مينۋتى شەكتەمەگە ۇشىراۋ“ ماسەلەسى قوعامنىڭ نازارىن جاپپاي اۋداردى، شينحۋا اگەنتتىگى ”شينحۋا شولۋىنىڭ“ ءتىلشىسى وسى جونىندە وقۋ – اعارتۋ مينيسترلىگىنىڭ قاتىستى جاۋاپتى جولداستارىمەن سۇحباتتاستى.
بۇل جاۋاپتى جولداس بىلاي دەدى: ورتا، باستاۋىش مەكتەپتەردىڭ ساباق ارالىعىنداعى دەمالىستى ورنالاستىرۋى توتەنشە ماڭىزدى، توتەنشە قاجەتتى، بۇل وقۋشىلاردىڭ كوڭىل كۇيىن رەتتەپ، كوڭىل كۇيىن جادىراتىپ، دەنە قۋاتىن ارتتىرۋعا جانە الىستى كورە الماۋدان ساقتانۋعا ءتيىمدى. وقۋ – اعارتۋ مينيسترلىگى وقۋشىلاردىڭ ساباق ارالىعىنداعى دەمالىسىنا ايرىقشا ءمان بەرەدى، 2021 – جىلى 9 – ايدىڭ 1 - كۇنىنەن باستاپ اتقارىلعان «ازامات جاسىنا تولماعانداردى مەكتەپتە قورعاۋ بەلگىلەمەسىندە» (وقۋ – اعارتۋ مينيسترلىگىنىڭ 50 - ءنومىرلى بۇيرىعى) بىلاي دەپ ايقىن بەلگىلەندى: وقۋشىلاردىڭ ساباق ارالىعىنداعى جانە باسقا دا وقىتۋ ۋاقىتىنا جاتپايتىن ۋاقىتىنداعى اۋىس – كۇيىس جاساۋ، ويىن ويناۋ، كلاستان شىعىپ قيمىل جاساۋ سياقتى ءىس ارەكەتتەرىنە قاجەتسىز شەكتەمەلەر قويۋعا بولمايدى. ءىس جۇزىندىك قىزمەت بارىسىندا ورتا - باستاۋىش مەكتەپتەردەن ءار كۇنى 30 مينۋتتىق ساباق ارالىعى دەنە تاربيە قيمىلىن ءبىرتۇتاس ورنالاستىرۋدى، ءار ساباق ارالىعىندا وقۋشىلاردى كلاستان شىعىپ لايىقتى قيمىل جاساۋعا جانە بوي جازۋعا ورنالاستىرۋدى تالاپ ەتتى.
بۇل جاۋاپتى جولداس بىلاي دەپ اتاپ كورسەتتى: وقۋ - اعارتۋ مينيسترلىگى جەرگىلىكتى ورىندار مەن مەكتەپتەردىڭ مەملەكەتتىڭ قاتىستى بەلگىلەمەلەرىن قاتاڭ تياناقتاندىرۋىن ونان ارى قۋزاپ، وقۋ - اعارتۋ زاڭدىلىعى مەن وقۋشىلاردىڭ دەنە، اقىل - وي جاقتارىنان جەتىلۋ زاڭدىلىعىنا بويسۇنىپ، ”وقۋشىلاردىڭ حاۋىپسىزدىگىنە شىنايى كەپىلدىك ەتۋدى“ سىلتاۋ ەتىپ، وقۋشىلاردىڭ ساباق ارالىق دەمالىسى مەن قيمىلىن جاي عانا شەكتەۋ ءادىسىن باتىل تۇزەتەدى؛ جەرگىلىكتى ورىندار مەن مەكتەپتەردىڭ باسقارۋ جانە حاۋىپسىزدىك ساقتىق شارالارىن عىلىمي اتقارۋىنا جەتەكشىلىك ەتىپ، جابىق الاڭ قۇرىلعىلارىن ءبىر ـ بىرلەپ تەكسەرۋ مەن قىزمەتكەرلەردىڭ كەزەكشىلىگىن كۇشەيتىپ، وقۋشىلاردىڭ حاۋىپسىزدىك ساۋاتى تاربيەسىن كۇشەيتىپ، حاۋىپسىزدىك شىرعالاڭى حاۋىپ ـ قاتەرىن ەڭ تومەنگى شەككە ءتۇسىرىپ، بالالاردىڭ كوڭىلدى، الاڭسىز قيمىل جاساۋىنا مۇمكىندىك جاسايدى. سونىمەن بىرگە، مەكتەپتەردەن وتباسى، مەكتەپ، قوعام سەلبەستىگىن كۇشەيتىپ، اتا ـ انالاردىڭ ءتۇسىنۋى مەن قوعامنىڭ قولداۋىنا يە بولىپ، وقۋشىلاردىڭ ساباق ارالىعىنداعى قالىپتى قيمىلداردى بىرگە قامتاماسىز ەتىپ، وقۋشىلاردىڭ اقاۋسىز ەسەيىپ ـ ەرجەتۋىن جانە جان ـ جاقتى دامۋىن جەبەۋدى تالاپ ەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
