شي جينپيڭ ورتالىق رەفورمانى جاپپاي تەرەڭدەتۋ كوميتەتىنىڭ 3 - رەتكى ءماجىلىسىن باسقارىپ اشقاندا مىنانى دارىپتەدى
كورىكتى جۇڭگو قۇرىلىسىن جاپپاي ىلگەرىلەتىپ، تابيعي مونوپوليالىق بۋىنداردى باقىلاۋ - باسقارۋ ءتۇزىلىس، مەحانيزمىن اقاۋسىزداندىرۋ كەرەك
لي چياڭ، ۋاڭ حۋنيڭ، ساي چي ماجىلىسكە قاتىناستى
2023.11.08 16:00 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 7 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 11 - ايدىڭ 7 - كۇنى تۇستەن كەيىن ورتالىق رەفورمانى جاپپاي تەرەڭدەتۋ كوميتەتىنىڭ 3 - رەتكى ءماجىلىسىن باسقارىپ اشتى، «كورىكتى جۇڭگو قۇرىلىسىن جاپپاي ىلگەرىلەتۋ جونىندەگى پىكىردى»، «مەملەكەت مەنشىگىندەگى كاپيتال تيجاراتى مەجە ەسەپ ءتۇزىمىن اناعۇرلىم كەمەلدەندىرۋ جونىندەگى پىكىردى»، «تابيعي مونوپوليالىق بۋىنداردى باقىلاۋ - باسقارۋ ءتۇزىلىس، مەحانيزمىن اقاۋسىزداندىرۋ جونىندەگى اتقارۋ پىكىرىن»، «مامانداردىڭ الەۋمەتتىك شەشىم جاساۋعا قاتىناسۋ ارەكەتىن باقىلاۋ - باسقارۋدى كۇشەيتۋ جونىندەگى جەتەكشى پىكىردى»، «ەكولوگيالىق ورتانى رايوندارعا ءبولىپ باسقارۋ - مەڭگەرۋدى كۇشەيتۋ جونىندەگى جەتەكشى پىكىردى» قاراپ ماقۇلدادى.
شي جينپيڭ ءماجىلىستى باسقارعاندا مىنالاردى دارىپتەدى: كورىكتى جۇڭگو قۇرۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭىزدى نىساناسى، 2035 - جىلعى كورىكتى جۇڭگو نىساناسىن نەگىزىنەن جۇزەگە اسىرىپ، لاستانۋدان ساقتانۋ جانە ونى جونگە سالۋدان قامال الۋدى ۇزدىكسىز ىشكەرىلەي ىلگەرىلەتىپ، دامۋ ءتاسىلىنىڭ جاسىلعا بۇرىلىس جاساۋىن جەدەلدەتىپ، ەكولوگيالىق جۇيەنىڭ الۋان تۇرلىلىگىن، ورنىقتىلىعىن، باياندىلىعىن جوعارىلاتىپ، حاۋىپسىزدىك تومەنگى شەگىن بەكەمدەپ، قامتاماسىزداندىرۋ جۇيەسىن اقاۋسىزداندىرىپ، ەكولوگيالىق ورتانىڭ تۇبىرىنەن جاقسارۋىن جۇزەگە اسىرۋدى ىلگەرىلەتۋ كەرەك. مەملەكەت مەنشىگىندەگى كاپيتال تيجاراتى مەجە ەسەبى − مەملەكەت مەجە ەسەبى جۇيەسىنىڭ ماڭىزدى قۇرامداس بولەگى، مەملەكەت مەنشىگىندەگى كاپيتال تيجاراتى مەجە ەسەپ ءتۇزىمىن كەمەلدەندىرىپ، اتقارۋ كولەمىن كەڭەيتىپ، فۋنكتسيالىق رولىن كۇشەيتىپ، كىرىس - شىعىستى باسقارۋدى اقاۋسىزداندىرىپ، قارجىنىڭ ونىمدىلىگىن جوعارىلاتۋ كەرەك. تابيعي مونوپوليالىق بۋىنداردى باقىلاۋ - باسقارۋ ءتۇزىلىس، مەحانيزمىن اقاۋسىزداندىرىپ، ءتۇزىم جوباسىن كۇشەيتىپ، باقىلاۋ - باسقارۋ جۇيەسىن كەمەلدەندىرىپ، باقىلاۋ - باسقارۋ قابىلەتىن جوعارىلاتىپ، مەملەكەت مەنشىگىندەگى شارۋاشىلىقتىڭ تابيعي مونوپوليالىق بۋىنداردى مەڭگەرۋ قۋاتىن كۇشەيتىپ، وسىزاماندانعان نەگىزدىك قۇرىلعىلار جۇيەسىن قۇرۋدىڭ قاجەتىن اناعۇرلىم ويداعىداي قاناعاتتاندىرىپ، مەملەكەتتىڭ حاۋىپسىزدىگىن اناعۇرلىم ويداعىداي قامتاماسىز ەتۋ كەرەك. الەۋمەتتىك شەشىم جاساۋعا اناعۇرلىم ويداعىداي قىزمەت وتەۋدى جانە وعان تىرەك بولۋدى تياناق ەتىپ، مامانداردىڭ الەۋمەتتىك شەشىم جاساۋ ارەكەتىنە قاتىناسۋىن باقىلاۋ - باسقارۋدى كۇشەيتىپ، ءتۇزىلىس، مەحانيزمدى كەمەلدەندىرىپ، ءتارتىپ ولشەمىن ارناعا ءتۇسىرىپ، تۇتاس بارىستى باسقارۋدى كۇشەيتىپ، ادامنىڭ قابىلەتىن تولىق ساۋلەلەندىرەتىن، ومىرشەڭدىك كۇشكە باي، ستيلى پاك، سالتى دۇرىس مامانداردىڭ الەۋمەتتىك شەشىم جاساۋعا قاتىناسۋ ورتاسىن قالىپتاستىرۋ كەرەك. ەكولوگيالىق ورتانى رايوندارعا ءبولىپ باسقارۋ - مەڭگەرۋ ەكولوگيالىق ورتانىڭ تۋ باستان ساقتانۋ جۇيەسىندە نەگىزدىك رول اتقارادى، جوعارى دەڭگەيدە جوبالاۋدى كۇشەيتىپ، ءتۇزىم جۇيەسىن كەمەلدەندىرىپ، ەكولوگيالىق فۋنكتسيانى قامتاماسىز ەتۋدى جانە قورشاعان ورتا ساپاسىن جاقسارتۋدى نىسانا ەتىپ، ەكولوگيالىق ورتانى وڭىرلەرگە ءبولىپ پارىقتى، دالمە - ءدال باسقارۋ - مەڭگەرۋدى جۇزەگە اسىرۋدى ىلگەرىلەتۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتى مەڭگەرۋشىسىنىڭ ورىنباسارلارى لي چياڭ، ۋاڭ حۋنيڭ، ساي چي ماجىلىسكە قاتىناستى.
ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى ەلىمىزدىڭ ەكولوگيالىق وركەنيەت قۇرىلىسىندا نازاريادان امالياتقا دەيىن تۇگەلدەي تاريحي، بۇرىلىستىق، جالپى جاعدايلىق وزگەرىستەر تۋىلدى، ەكونوميكانىڭ، قوعامنىڭ ساپالى دامۋىنىڭ جاڭا قاجەتىنە، حالىق بۇقاراسىنىڭ ەكولوگيالىق ورتانى جاقسارتۋ جونىندەگى جاڭا تىلەگىنە ساي، كورنەكتى ەكولوگيالىق ورتا ماسەلەلەرىن شوعىرلى شەشۋ سەرپىنىن ارتتىرىپ، ەكولوگيالىق وركەنيەت ءتۇزىمى قۇرىلىسىن كۇش سالا ويداعىداي يگەرىپ، الدىمەن ىزدەنىس جاساۋ، ۇلگى كورسەتۋ، جەتەكتەۋ رولىن ويداعىداي ساۋلەلەندىرىپ، جالپى حالىقتىق قيمىلدى ورىستەتىپ، ءىشىنارالىق پەن جالپى جاعدايدىڭ ءوزارا سايكەسۋىن، ۇستىنەن وڭاۋ مەن تۇبىرىنەن وڭاۋدىڭ ءوزارا تۇتاسۋىن، قازىرگى مەن ۇزاق بولاشاقتى ۇشتاستىرۋدى ىلگەرىلەتۋ كەرەك. ۇيىمدىق باسشىلىقتى كۇشەيتىپ، جەرگىلىكتى ورىننىڭ ءىس جۇزىندىك جاعدايىمەن ۇشتاستىرىپ، تۇرگە ءبولىپ شارا قولدانىپ، رايوندارعا ءبولىپ جونگە سالىپ، قۇرىلىستى ەگجەي - تەگجەيلى جۇرگىزىپ، ناقتى ارەكەتتەر ارقىلى كورىكتى جۇڭگو نىساناسىنىڭ بىرتىندەپ رەالدىققا اينالۋىن ىلگەرىلەتۋ كەرەك.
ءماجىلىس مىنالاردى دارىپتەدى: مەجە ەسەپ قىزمەتى پارتيا مەن مەملەكەتتىڭ ەركىن ايگىلەيدى، پارتيانىڭ باسشىلىعىندا تاباندى بولىپ جانە ونى كۇشەيتىپ، كۇشتى شوعىرلاندىرا وتىرىپ ءىرى ىستەردى ىستەۋ ءتۇزىلىس ابزالدىعىن ساۋلەلەندىرىپ، نازاردى مەملەكەت مەنشىگىندەگى شارۋاشىلىقتىڭ ورنالاسۋىن ساپالىلاندىرۋعا جانە قۇرىلىمىن رەتتەۋگە شوعىرلاندىرىپ، مەملەكەت مەنشىگىندەگى كاپيتالدىڭ مەملەكەتتىڭ حاۋىپسىزدىگىنە، حالىق شارۋاشىلىعىنىڭ جان تامىرىنا قاتىستى ماڭىزدى كاسىپتەر مەن شەشۋشى سالالارعا، مەملەكەت شارۋاشىلىعى مەن حالىق تۇرمىسىنا قاتىستى الەۋمەتتىك قىزمەت وتەۋ، شۇعىل جاعدايعا توتەپ بەرۋ قۋاتى، الەۋمەتتىك يگىلىك سالاسى سياقتىلارعا، كورەگەندىك، ستراتەگيالىق سيپاتى بار جاڭادان گۇلدەنگەن شارۋاشىلىقتارعا شوعىرلانۋىن ىلگەرىلەتىپ، جاڭا دامۋ جاعدايىن قالىپتاستىرۋعا، ساپالى دامۋدى ىلگەرىلەتۋگە اناعۇرلىم ويداعىداي قىزمەت وتەۋ كەرەك. ۇنەمشىلدىكپەن كۇن كورۋ يدەياسىندا باستان - اياق تاباندى بولىپ، قازىنا، بايلىقتى عىلمي ءبىر تۇتاس جوسپارلاۋدى جانە ۇيلەسىمدى ءبولۋدى كۇشەيتىپ، مەجە ەسەپ كىرىس - شىعىس كولەمىن ۇيلەسىمدى بەلگىلەپ، حالىق تۇرمىسىن ءبىر تۇتاس قامتاماسىز ەتىپ جانە جاقسارتىپ، استا - توكتىك، ىسىراپشىلدىق سياقتى قۇبىلىستاردى تيۋ كەرەك. مەجە ەسەپتى زاڭمەن بەلگىلەۋدە تاباندى بولىپ، مەجە ەسەپ تەجەمىن كۇشەيتىپ، مەجە ەسەپ ناتيجەسىن باسقارۋدى ىلگەرىلەتىپ، حالىق قۇرىلتايىنىڭ باقىلاۋ رولىن ساۋلەلەندىرۋ كەرەك.
ءماجىلىس مىنالاردى اتاپ كورسەتتى: ەلەكتر قۋاتى، مۇناي، تابيعي گاز، تەمىر جول سياقتى كاسىپتەردىڭ توراپ بۋىندارى تابيعي مونوپوليالىق سيپاتقا يە، ەلىمىزدىڭ مەملەكەت مەنشىگىندەگى شارۋاشىلىقتى ورنالاستىرۋداعى ءتۇيىندى سالاسى. باقىلاۋ - باسقارۋ ءتۇزىمى جۇيەسىن اقاۋسىزداندىرىپ، باقىلاۋ - باسقارۋ قابىلەتى قۇرىلىسىن كۇشەيتىپ، تابيعي مونوپوليالىق بۋىنداردا مەملەكەتتىڭ كەلەلى ستراتەگياسى مەن جوبا مىندەتىن تياناقتاندىرۋ، مەملەكەت حاۋىپسىزدىگى جاۋاپكەرلىگىن اتقارۋ، قوعامدىق جاۋاپكەرلىكتى اتقارۋ، تيجارات كولەمى مەن تيجارات ارەكەتى سياقتى جاقتارداعى باقىلاۋ - باسقارۋدى ءتۇيىندى تۇردە كۇشەيتىپ، تابيعي مونوپوليالىق بۋىنداردا تۇرعان كاسىپورىنداردىڭ نازاردى نەگىزگى جاۋاپكەرلىككە، نەگىزگى كاسىپكە شوعىرلاندىرۋىن ىلگەرىلەتىپ، مەملەكەت مەنشىگىندەگى كاپيتالدىڭ توراپتىق نەگىزدىك قۇرىلعىلارعا قوسىلىمىن ارتتىرىپ، تىرەكتى توراپ حاۋىپسىزدىگىنىڭ سەنىمدىلىگىن جوعارىلاتۋ كەرەك. تابيعي مونوپوليالىق بۋىنداردا مونوپوليالىق كاسىپتەر مەن باسەكەلىك كاسىپتەردىڭ كولەمىن باقىلاپ - باسقارىپ، مونوپوليالىق ابزالدىقتان پايدالانىپ جوعارى - تومەنگى اعارداعى باسەكەلىك بۋىندارعا دەيىن كەڭەيۋدەن ساقتانۋ كەرەك.
ءماجىلىس مىنالاردى دارىپتەدى: ماماندار − رەفورما مەن دامۋدى ىلگەرىلەتۋدەگى ماڭىزدى اقىل - پاراسات بايلىعى، ماماندار قوسىنىنا ساياسي جەتەكشىلىكتى كۇشەيتىپ، مامانداردىڭ الەۋمەتتىك شەشىم جاساۋعا قاتىناسۋىن ساياساتتىق قامتاماسىزداندىرۋ جانە شابىتتاندىرۋ شارالارىن كەمەلدەندىرىپ، مامانداردىڭ بەلسەندىلىگى مەن ىرىقتىلىعىن تولىق جۇمىلدىرۋ كەرەك. مامانداردى سارالاۋدان باعالاۋعا، باقىلاۋعا دەيىنگى تۇتاس بارىستى، تۇتاس تىزبەكتى باسقارۋ ءتۇزىمى جۇيەسىن ورناتىپ جانە كەمەلدەندىرىپ، مامانداردىڭ الەۋمەتتىك شەشىم جاساۋعا قاتىناسۋىنىڭ تۇزىمدىك ولشەمىن سالاعا، تۇرگە ءبولىپ كەمەلدەندىرىپ، مامانداردىڭ الەۋمەتتىك شەشىم جاساۋعا قاتىناسۋداعى مىندەت ورنى، ۇقىق - بورىشى جانە سايكەستى جاۋاپكەرلىگى سياقتىلاردى ايقىنداپ، وسى مامانداردى پارتيا مەن ۇكىمەتتىڭ عىلمي شەشىم جاساۋىنا بەلسەنە اقىل - كەڭەس بەرۋگە شابىتتاندىرۋ كەرەك.
ءماجىلىس مىنالاردى اتاپ كورسەتتى: ەكولوگيالىق ورتانى رايوندارعا ءبولىپ باسقارۋ - مەڭگەرۋدى كۇشەيتۋدە نەگىزگى تۇلعالىق فۋنكتسيالىق رايون ستراتەگياسىن تياناقتاندىرىپ، مەملەكەت جەر بايلىعى كەڭىستىك جوباسى مەن پايدالانۋ ورنىن باسقارۋدى ۇشتاستىرىپ، نازاردى وڭىرلىك، الاپتىق كورنەكتى ەكولوگيالىق ورتا ماسەلەسىنە شوعىرلاندىرىپ، ەكولوگيالىق ورتانى رايوندارعا ءبولىپ باسقارۋ - مەڭگەرۋ جوباسىن كەمەلدەندىرىپ، ماسەلەنى پارىقتاۋدان شەشۋ جوباسىنا دەيىنگى رايوندارعا ءبولىپ، تۇرگە ءبولىپ باسقارۋ - مەڭگەرۋ تاكتيكاسىن ورناتۋ كەرەك. جەرگىلىكتى ءار دارەجەلى پارتكومدار مەن ۇكىمەتتەردىڭ تۇلعالىق جاۋاپكەرلىگىن تياناقتاندىرىپ، ەكولوگيالىق ورتانى رايوندارعا ءبولىپ باسقارۋ - مەڭگەرۋ جەتىستىكتەرىنەن پايدالانىپ، مەملەكەت پەن جەرگىلىكتى ورىنداردىڭ كەلەلى دامۋ ستراتەگياسىنىڭ اتقارىلۋىنا قىزمەت ەتىپ، ءتۇرلى اشۋ، قورعاۋ، گۇلدەندىرۋ قيمىلدارىنا عىلمي جەتەكشىلىك ەتۋ كەرەك.
ورتالىق رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
