4 تاراۋ «كاسىپتىك مەكتەپتەردىڭ قوسىمشا مىندەت وتەيتىن وقىتۋشىلارىن باسقارۋ ادىسىنە» وزگەرىس ەنگىزىپ باسىپ تاراتتى
2023.11.08 16:12 كەلۋ قاينارى : حالىق تورابى
شينحۋا اگەنتتىگىنىڭ 11 – ايدىڭ 7 – كۇنى بەيجيڭنەن بەرگەن حابارى. ءتىلشىنىڭ 11 – ايدىڭ 7 – كۇنى وقۋ – اعارتۋ مينيسترلىگىنەن ۇعىسۋىنشا، وقۋ – اعارتۋ مينيسترلىگى قاتارلى 4 تاراۋ تاياۋدا «كاسىپتىك مەكتەپتەردىڭ قوسىمشا مىندەت وتەيتىن وقىتۋشىلارىن باسقارۋ ادىسىنە» وزگەرىس ەنگىزىپ باسىپ تاراتقان، بۇل ءادىس جاريالانعان كۇننەن باستاپ اتقارىلادى. باسقارۋ ءادىسى كاسىپتىك مەكتەپتەر مەن كاسىپورىن، ءىسورىنداردى قوسىمشا مىندەت وتەۋگە ءوزارا ۇسىنىس ەتۋگە شابىتتاندىرىپ، كاسىپتىك مەكتەپتەر مەن كاسىپورىن، ءىسورىنداردىڭ دارىندىلاردى تاربيەلەۋ، شاكىرت تاربيەلەۋ، تەحنيكا جەتكىزۋ، تەحنيكادا جاڭالىق اشۋ، عىلىمي زەرتتەۋدەن قامال الۋ، تاقىرىپتىق زەرتتەۋ، نىسانداردى ىلگەرىلەتۋ، جەتىستىكتەردى وندىرگىش كۇشكە اينالدىرۋ سياقتى جاقتاردا سەلبەستىكتى كۇشەيتۋدى ىلگەرىلەتەدى.
باسقارۋ ءادىسى 2012 - جىلى باسىپ تاراتىلعان «كاسىپتىك مەكتەپتەردىڭ قوسىمشا مىندەت وتەيتىن وقىتۋشىلارىن باسقارۋ ادىسىنە» ىشكەرىلەي وزگەرىس ەنگىزىپ جانە كەمەلدەندىرىپ، بۇرىنعى 6 تاراۋ، 23 تارماق نەگىزىندە 9 تاراۋ، 34 تارماققا كەڭەيتىپ، كاسىپتىك وقۋ - اعارتۋ دامۋىنىڭ جاڭا جاعدايىن، جاڭا تالابىن تولىق ايگىلەدى.باسقارۋ ادىسىندە قوسىمشا مىندەت وتەيتىن وقىتۋشىلاردى تاڭداپ ۇسىنىس ەتۋ ءتاسىلى ايقىندالدى. كاسىپتىك مەكتەپتەردىڭ ەرەكشە ۇسىنىس ەتىلگەن پروفەسسور، قوناق پروفەسسور، كاسىپ جەتەكشىسى سياقتى كوپ ءتۇرلى تاسىلدەر ارقىلى قوسىمشا وقىتۋشى ۇسىنىس ەتۋىنە بولادى، جەكە ۇسىنىس ەتۋ، توپتىق ۇسىنىس ەتۋ نەمەسە جەكە مەن توپتى ۇشتاستىرۋ ءتاسىلىن قولدانۋعا بولادى دەگەندى ورتاعا قويدى.
باسقارۋ ادىسىندە قوسىمشا مىندەت وتەيتىن وقىتۋشىلاردان جاڭا تەحنيكا، جاڭا تەحنولوگيا، جاڭا ولشەم، تيپتىك ءوندىرىس مىسالدارى سياقتىلاردى وقىتۋ مازمۇنىنا ەنگىزىپ، كاسىپتىك مەكتەپتەردەگى ارناۋلى وقىتۋشىلاردىڭ ”قوس ۇستازدىق“ ساپاسىن جەتىلدىرۋىنە كومەكتەسۋ تالاپ ەتىلدى. ءىسورىندار مەن مەملەكەت مەنشىگىندەگى كاسىپورىنداردىڭ قىزمەتكەرلەردى كاسىپتىك مەكتەپتەرگە قوسىمشا مىندەت وتەۋگە تاڭداپ جىبەرۋىنە دەم بەرىپ، قولداۋ كورسەتىپ، قوسىمشا مىندەت وتەيتىن وقىتۋشىلاردىڭ سانى مەن ورەسىن ءوندىرىس پەن وقىتۋدى توعىستىراتىن كاسىپورىنداردى تۇراقتاندىرۋدىڭ، باعالاۋدىڭ ماڭىزدى كورسەتكىش نەگىزى ەتۋ كەرەك.
باسقارۋ ادىسىندە تاعى مىنالار ورتاعا قويىلدى: كاسىپتىك مەكتەپتەر قوسىمشا مىندەت وتەيتىن وقىتۋشىلاردىڭ جەكە تابىس ارحيۆىن ورناتىپ، وقىتۋشىلىق ءمورال، وقىتۋشىلىق ستيل، تاربيەلەۋ، تەكسەرۋ، باعالاۋ سياقتى قوسىمشا مىندەت وتەۋ جاعدايىن ارحيۆكە الىپ، بۇرىنعى تۇرعان ورنىنا دەر كەزىندە اڭىس ەتۋ كەرەك. كاسىپورىن، ءىسورىندار كاسىپتىك مەكتەپتەردە قوسىمشا مىندەت وتەيتىن قىزمەتكەرلەردىڭ وقىتۋشىلىق جاعدايىن تەكسەرۋ - باعالاۋدىڭ، ۇزدىكتەردى، وزاتتاردى باعالاۋدىڭ، قىزمەت اتاعى مەن مىندەتىن ءوسىرۋدىڭ ماڭىزدى پايدالانۋ ماتەريالى ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
