قوعام حاۋىپسىزدىگى مينيسترلىگىنىڭ قاتىناس باسقارۋ مەكەمەسى: اۋىر كومەسكى شىرعالاڭ حاۋپىن ارناۋلى تەكسەرۋ، جونگە سالۋ ۇزدىكسىز ىشكەرىلەي ىلگەرىلەتىلەدى
2023.11.09 16:03 كەلۋ قاينارى : حالىق تورابى
شينحۋا اگەنتتىگىنىڭ 11 – ايدىڭ 8 – كۇنى بەيجيڭنەن بەرگەن حابارى. ءتىلشىنىڭ 11 - ايدىڭ 8 - كۇنى ۇعىسۋىنشا ، قوعام حاۋىپسىزدىگى مينيسترلىگىنىڭ قاتىناس باسقارۋ مەكەمەسى شاندۇڭ ولكەسىنىڭ يانتاي قالاسىندا مەملەكەت بويىنشا جول قاتىناس ءىرى شىرعالاڭدارىن ارناۋلى تەكسەرىپ، جونگە سالۋدى جۇمىس باسىندا ىلگەرىلەتۋ ءماجىلىسىن اشىپ، جەر ـ جەردەگى قوعام حاۋىپسىزدىگى قاتىناس باسقارۋ تاراۋلارىنان اۋىر شىرعالاڭداردىڭ كومەسكى قاتەرىن ارناۋلى اداقتاپ تەكسەرۋدى، جونگە سالۋدى ۇزدىكسىز ىشكەرىلەي ىلگەرىلەتىپ، قاتىناس شىرعالاڭىنىڭ الدىن الۋ، ”مولشەرىن ازايتىپ، اۋىر شىرعالاڭداردى تىزگىندەۋ“ قىزمەتىن تەرەڭدەتىپ، شىرعالاڭداردىڭ كومەسكى قاتەرىن تۇبىرىنەن جويۋعا قۇلشىنىپ، جول قاتىناس حاۋىپسىزدىگى قىزمەتىنىڭ جوعارى ساپالى دامۋىن ىلگەرىلەتۋدى تالاپ ەتتى.
قوعام حاۋىپسىزدىگى مينيسترلىگى قاتىناس باسقارۋ مەكەمەسىنىڭ قاتىستى جاۋاپتىسىنىڭ تانىستىرۋىنا قاراعاندا، جەر – جەردەگى قوعام حاۋىپسىزدىگى قاتىناس باسقارۋ تاراۋلارى اۋىر كومەسكى شىرعالاڭ حاۋپىن ارناۋلى تەكسەرۋ، جونگە سالۋ قيمىلىن كۇش سالا ورىستەتىپ، ءبىر توپ اۋىر كومەسكى شىرعالاڭ زاردابىن ءونىمدى جويدى. ارەكەت ورىستەتىلگەننەن بەرى، بۇكىل ەل بويىنشا قارقىندى اسىرۋ، جۇكتى ارتىق تيەۋ، شارشاپ اۆتوكولىك جۇرگىزۋ، سونداي – اق قۇراستىرعان اۆتوكولىكتى جۇرگىزۋ، جاراقسىزعا شىعارىلعان اۆتوكولىكتى جۇرگىزۋ جانە ولشەمگە تولمايتىن اۆتوكولىكتى جۇرگىزۋ قاتارلىلاردان تۋىلعان شىرعالاڭ مولشەرى وتكەن جىلدىڭ ۇقساس مەزگىلىندەگىدەن جەكە – جەكە %6.3، %21.7، %13.3 جانە %30.6 ازايعان، اۋىل - قىستاق تاس جولدارىنداعى اۆتوكولىك اۋدارىلۋ قاتارلى ءبىر جاقتى شىرعالاڭداردىڭ تۋىلۋى وتكەن جىلدىڭ ۇقساس مەزگىلىندەگىدەن %18.3 ازايعان.
ءىشىنارا جەرلەردىڭ ارناۋلى حاۋىپتى تەكسەرۋ تۇزەۋ قىزمەتىندە ءالى دە تەرەڭ بولماۋ، تولىق بولماۋ، حاۋىپتى ٴۇزىلدى – كەسىلدى تۇزەمەۋ، جالپىلىق تۇزەۋ جۇيەسى كەمەلدى بولماۋ، جاۋاپكەرشىلىكتى جەتكىزۋى جەتكىلىكتى بولماۋ قاتارلى ماسەلەلەر مەن ءالسىز تۇيىندەر ساقتالىپ وتىر، ءارقايسى جەردەگى قوعام حاۋىپسىزدىگى قاتىناس باسقارۋ تاراۋلارى ماسەلەلەرگە دۇرىس مامىلە جاساپ، ”قاي ـ قاشان دا الاڭداپ تۇراتىن“ جاۋاپكەرشىلىك سەزىمىن شىن مانىندە كۇشەيتىپ، شاندۇڭ سياقتى جەرلەردىڭ تاجىريبە ـ ادىستەرىنەن ۇيرەنىپ، ۇلگى الىپ، پارمەندى، ءونىمدى شارالار قولدانىپ، كومەسكى قاتەرلەردى ءبىر ـ بىرلەپ تەكسەرۋ، رەتتەۋ ـ تۇزەتۋ ساپاسىن شىن مانىندە جوعارىلاتىپ، جول قاتىناس حاۋىپسىزدىگى جاعدايىنىڭ باياندى ورنىقتىلىعىن بار كۇشپەن قورعاۋ كەرەك.
قوعام حاۋىپسىزدىگى مينيسترلىگى قاتىناس باسقارۋ مەكەمەسى مىنالاردى تالاپ ەتتى: جەر ـ جەردەگى قوعام حاۋىپسىزدىگى قاتىناس باسقارۋ تاراۋلارى يدەيالىق تانىم، شارا – ءادىس، ءتۇزىم، مەحانيزم، جاۋاپكەرشىلىك جۇيەسى سياقتى بۋىنداردان ولقىلىقتاردى تولىقتاپ، ءالسىز بۋىنداردى كۇشەيتىپ، اۋىر شىرعالاڭداردىڭ كومەسكى قاتەرىن تەكسەرۋ، جونگە سالۋ قىزمەتىن ۇزدىكسىز ىشكەرىلەي ىلگەرىلەتۋ كەرەك. ماسەلەنى بايقاۋ، ماسەلەنى شەشۋ كۇشتى تىلەگى مەن قابىلەت دەڭگەيىن ۇزدىكسىز جوعارىلاتىپ، ”تاباندا وزگەرتۋ“ مەن ”باياندى ورناتۋدى“ ۇشتاستىرۋعا تاباندى بولىپ، جول - قاتىناس حاۋىپسىزدىگىنىڭ نەگىزىن اناعۇرلىم بەكەمدەۋ كەرەك. ارەكەت سانالىلىعىن شىنايى كۇشەيتىپ، كومەسكى قاتەرلەردىڭ ساقتالۋ مولشەرىنەن قامال الۋدى كۇشەيتىپ، ”ءبىر تىزىمدىك، ءبىر سۋرەت، ءبىر كەستە“ ءتۇزىمىن جاپپاي تياناقتاندىرىپ، ”ءتىزىم بويىنشا باسقارۋ، ەسەپكە تىركەپ تىزىمنەن ءوشىرۋ، تۇيىق اينالىمدى باسقارۋ ـ تىزگىندەۋ“ بويىنشا كومەسكى قاتەرلەردى رەتتەۋ ـ تۇزەتۋدى ىلگەرىلەتۋ كەرەك. تۇزىمدىك قامتاماسىزداندىرۋدى ۇزدىكسىز كۇشەيتىپ، جان ـ جاقتى جونگە سالۋ مەحانيزمىن اقاۋسىزداندىرىپ، اۋىر كومەسكى شىرعالاڭداردى جالپى تىزبەك بويىنشا، ، جان ـ جاقتى ءبىر – بىرلەپ تەكسەرىپ، جونگە سالۋدىڭ بىرىككەن كۇشىن شىن مانىندە قالىپتاستىرۋ كەرەك. كومەسكى قاتەرلەردى ءبىر ـ بىرلەپ تەكسەرۋ، جونگە سالۋ قىزمەتىن ەكونوميكانىڭ، قوعامنىڭ جوعارى ساپالى دامۋىن باعالاۋ جۇيەسىنە ەنگىزۋدى بەلسەنە ىلگەرىلەتىپ، ماسەلە كومەسكى قاتەرىن بىرگە جونگە سالۋدى، حاۋىپ ـ قاتەردەن بىرگە ساقتانۋدى، جاۋاپكەرشىلىكتى بىرگە ارقالاۋدى ىلگەرىلەتۋ كەرەك. شىرعالاڭدى ىشكەرىلەي تەكسەرۋدى ۇزدىكسىز تەرەڭدەتىپ، جاۋاپكەرشىلىكتى قۋزاستىرۋ ارقىلى تياناقتاندىرۋدى جەبەپ، جاۋاپكەرشىلىكتى قۋزاستىرۋ ارقىلى رەتتەۋ - تۇزەتۋدى جەبەپ، نەگىزگى ساتىنىڭ سوڭعى بۋىندارىنا نازاردى ۇزدىكسىز شوعىرلاندىرىپ، كۇش سالىپ، قۋزاۋ - جەتەكشىلىك ەتۋدى، كومەكتەسۋدى، سۇيەمەلدەۋدى كۇشەيتىپ، حابارلاندىرۋ شىعارىپ شاقىرىپ اڭگىمەلەسۋدى كۇشەيتىپ، ءبىر - بىرلەپ تەكسەرۋ، جونگە سالۋ شارالارىنىڭ ”ەڭ سوڭعى ءبىر كيلومەترگە“ دەيىن تياناقتانۋىنا شىنايى كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
