شي جينپيڭ 2023 - جىلعى دۇنيە جۇزىلىك ينتەرنەت جينالىسى ۋجىن باسشىلار باس قوسۋىنىڭ اشىلۋ سالتىندا بەينە ەكران ءسوزىن سويلەدى
2023.11.09 16:44 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 8 - كۇنى، بەيجيڭ. 11 - ايدىڭ 8 - كۇنى تۇستەن بۇرىن مەملەكەت ءتوراعاسى شي جينپيڭ 2023 - جىلعى دۇنيە جۇزىلىك ينتەرنەت جينالىسى ۋجىن باسشىلار باس قوسۋىنىڭ اشىلۋ سالتىنا بەينە ەكران ءسوزىن سويلەدى.
شي جينپيڭ مىنالاردى اتاپ كورسەتتى: 2015 - جىلى مەن 2 - كەزەكتى دۇنيە جۇزىلىك ينتەرنەت جينالىسىنىڭ اشىلۋ سالتىندا دۇنيە جۇزىلىك ينتەرنەتتى دامىتۋدىڭ، جونگە سالۋدىڭ ”4 پرينسيبىن“، ”5 قۋاتتاماسىن“ العا قويىپ، ينتەرنەت كەڭىستىگىنىڭ تاعدىرلاس ورتاق تۇلعاسىن قۇرۋ باستاماسىن كوتەردىم، بۇل ۇستانىم حالىقارالىق قوعامنىڭ جاپپاي قۇپتاۋىنا جانە بەلسەنە ءۇن قوسۋىنا يە بولدى. بۇگىنگى دۇنيە جۇزىندە بىلىقپالىق قات – قابات تۋىلىپ، 100 جىلدىق وزگەرىس جاعدايى جەدەل قۇبىلىپ، دامۋ قىزىل سيفرىن قالاي شەشۋ، حاۋىپسىزدىك قيىنشىلىعىن قالاي شەشۋ، وركەنيەتتىڭ ءوزارا ۇلگى الۋىن قالاي كۇشەيتۋ ءبىز ورتاق ءدوپ كەلىپ وتىرعان داۋىرلىك تاقىرىپقا اينالدى. ينتەرنەت كۇن سايىن دامۋدى ىلگەرىلەتەتىن جاڭا قوزعاۋشى كۇشكە، حاۋىپسىزدىكتى قورعاۋدىڭ جاڭا وڭىرىنە، وركەنيەتتە ءوزارا ۇلگى الاتىن جاڭا تۇعىرعا اينالدى، ينتەرنەت كەڭىستىگىنىڭ تاعدىرلاس ورتاق تۇلعاسىن قۇرۋ — ءداۋىر تاقىرىبىنا جاۋاپ بەرۋدىڭ تابيعي تالعامى ءارى حالىقارالىق قوعامنىڭ ورتاق تىلەگى. ءبىز اۋىس - كۇيىستى، ناقتى سەلبەستىكتى تەرەڭدەتىپ، ينتەرنەت كەڭىستىگى تاعدىرلاس ورتاق تۇلعاسىن قۇرۋدىڭ جاڭا كەزەڭگە قادام تاستاۋىن بىرگە ىلگەرىلەتۋىمىز كەرەك.
ءبىز دامۋدى الدىمەن ەسكەرۋدى دارىپتەپ، اناعۇرلىم جالپىعا ءتيىمدى، گۇلدەنگەن توراپ كەڭىستىگىن قۇردىق. سيفرلى سالاداعى حالىقارالىق اۋىس - كۇيىس پەن سەلبەستىكتى تەرەڭدەتىپ، عىلىم - تەحنيكا جەتىستىكتەرىن كادەگە جاراتۋدى جەدەلدەتۋ كەرەك. ينفورماتسيالانعان قىزمەت وتەۋدى جالپىلاستىرۋدى جەدەلدەتىپ، سيفرلى اڭعاردى ازايتىپ، ينتەرنەتتىڭ دامۋى بارىسىندا حالىق تۇرمىسىن قامتاماسىزداندىرىپ جانە جاقسارتىپ، ءتىپتى دە كوپ مەملەكەت پەن حالىقتى ينتەرنەتتىڭ دامۋ جەتىستىكتەرىنەن ورتاق يگىلىكتەندىرۋ كەرەك.
ءبىز امانشىلىق پەن جامانشىلىقتا بىرگە بولىپ، اناعۇرلىم بەيبىت، حاۋىپسىز توراپ كەڭىستىگىن قۇرۋ جونىندە باستاما كوتەرەمىز. توراپ يەلىك ۇقىعىنا، ءار ەلدىڭ ينتەرنەتتى دامىتۋ جولى مەن جونگە سالۋ ۇلگىسىنە قۇرمەت ەتۋ كەرەك. توراپ كەڭىستىگىنىڭ حالىقارالىق ەرەجەسىنە بويسۇنىپ، توراپ زورەكەرلىگىمەن شۇعىلدانباۋ كەرەك. توراپ كەڭىستىگىندە توپ قۇرىپ قارسىلاسۋمەن جانە اسكەري دايىندىق باسەكەسىمەن شۇعىلدانباۋ كەرەك. ينتەرنەت حاۋىپسىزدىگى جاعىنداعى ناقتى سەلبەستىكتى تەرەڭدەتىپ، ينتەرنەتتەگى زاڭعا قايشى قىلمىستىق ارەكەتتەرگە پارمەندى سوققى بەرىپ، ساندى مالىمەت حاۋىپسىزدىگى مەن جەكەلەردىڭ ينفورماتسياسىن قورعاۋدى كۇشەيتۋ كەرەك. عىلىم - تەحنيكانىڭ دامۋى الا كەلگەن ەرەجە قاقتىعىسىنا، قوعامدىق حاۋىپ - قاتەرگە، ەتيكالىق سايىسقا ۇيلەسىمدى توتەپ بەرۋ كەرەك. جۇڭگو جاق ءار جاقپەن قول ۇستاسا وتىرىپ دۇنيە جۇزىلىك جاساندى زەردەنى جونگە سالۋ باستاماسىن تياناقتاندىرىپ، جاساندى زەردەنىڭ حاۋىپسىز دامۋىن جەبەۋدى قالايدى.
ءبىز وركەنيەتتە ءوزارا ۇلگى الىپ، اناعۇرلىم بارابار، سيىسىمدى توراپ كەڭىستىگىن قۇرۋ جونىندە باستاما كوتەرەمىز. توراپتاعى اۋىس - كۇيىستى، تىلدەسۋدى كۇشەيتىپ، ءار ەل حالقىنىڭ ءوزارا ءتۇسىنىسۋىن، ەتەنە بولۋىن جەبەپ، تۇرلىشە وركەنيەتتىڭ سيىسىمدى قاتار ءومىر ءسۇرۋىن ىلگەرىلەتىپ، بۇكىل ادامزاتتىڭ ورتاق قۇنىن اناعۇرلىم ويداعىداي ساۋلەلەندىرۋ كەرەك. توراپ وركەنيەتى قۇرىلىسىن كۇشەيتىپ، ساپالى توراپ مادەنيەت ونىمدەرىن ءوندىرۋدى، تاراتۋدى جەبەپ، ادامزاتتىڭ تاڭداۋلى وركەنيەت جەتىستىكتەرىن تولىق ايگىلەپ، وركەنيەتكە مۇراگەرلىك ەتۋدى، دامىتۋدى بەلسەنە ىلگەرىلەتىپ، توراپتاعى رۋحاني مەكەندى بىرگە قۇرۋ كەرەك.
شي جينپيڭ سوڭىندا مىنالاردى دارىپتەدى: ينفورماتسيا توڭكەرىسىنىڭ ءداۋىر اعىمى جوڭكىلە العا ىلگەرىلەۋدە، ينتەرنەت كەڭىستىگى ادامزاتتىڭ كوركەم بولاشاققا دەگەن شەكسىز تالپىنىسىن ارقالاپ وتىر. ءبىز قول ۇستاسىپ، ينتەرنەت كەڭىستىگىنىڭ تاعدىرلاس ورتاق تۇلعاسىن قۇرىپ، ينتەرنەتتىڭ دۇنيە جۇزىندەگى ءار ەل حالقىنا ءتىپتى دە زور باقىت جاراتۋىنا، ادامزاتتىڭ ءتىپتى دە كوركەم بولاشاعىن بىرگە جاراتۋىنا مۇمكىندىك جاسايىق!
2023 - جىلعى دۇنيە جۇزىلىك ينتەرنەت جينالىسى ۋجىن باسشىلار باس قوسۋى 11 – ايدىڭ 8 – كۇنىنەن 10 – كۇنىنە دەيىن جىجياڭ ۋجىندا وتكىزىلەدى، باستى تاقىرىبى ”سيىسىمدى، جالپىعا ءتيىمدى، سەرپىمدىلىگى بار سيفرلى دۇنيە ءجۇزىن قۇرىپ، توراپ كەڭىستىگى ورتاق تۇلعاسىن قول ۇستاسا سومداۋ“ بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
