توراپ كەڭىستىگى تاعدىرلاس ورتاق تۇلعاسىن قۇرۋدىڭ جاڭا كەزەڭگە قادام تاستاۋىن بىرگە ىلگەرىلەتەيىك
«حالىق گازەتىنىڭ» شولۋشىسى
2023.11.09 16:46 كەلۋ قاينارى : حالىق تورابى
ينتەرنەت − ادامزاتتىڭ ورتاق مەكەنى. سيفرلى تەحنيكا قالاي جاڭالىق اشا دامىسا دا، حالىقارالىق ورتا قالاي اۋمالى - توكپەلى بولسا دا، ءاربىر ادام توراپ كەڭىستىگىندە تىنىستاس، تاعدىرلاس. 11 - ايدىڭ 8 - كۇنى ءتوراعا شي جينپيڭ 2023 - جىلعى دۇنيە جۇزىلىك ينتەرنەت جينالىسى ۋجىن باسشىلار باس قوسۋىنىڭ اشىلۋ سالتىندا بەينە ەكران ءسوزىن سويلەپ، ”ءبىز اۋىس - كۇيىستى، ناقتى سەلبەستىكتى تەرەڭدەتىپ، ينتەرنەت كەڭىستىگى تاعدىرلاس ورتاق تۇلعاسىن قۇرۋدىڭ جاڭا كەزەڭگە قادام تاستاۋىن بىرگە ىلگەرىلەتۋىمىز كەرەك“ دەپ دارىپتەپ، دامۋدى الدىمەن ەسكەرۋ، امانشىلىق پەن جامانشىلىقتا بىرگە بولۋ، وركەنيەتتە ءوزارا ۇلگى الۋ باستاماسىن كوتەرىپ، اناعۇرلىم جالپىعا ءتيىمدى، گۇلدەنگەن، بەيبىت، حاۋىپسىز، بارابار، سيىسىمدى ينتەرنەت كەڭىستىگىن قۇرۋ سىندى 3 ءتۇرلى قۋاتتامانى العا قويىپ، ءار ەلدىڭ ينتەرنەت كەڭىستىگىنىڭ تاعدىرلاس ورتاق تۇلعاسىن قول ۇستاسا قۇرۋىنا قۇدىرەتتى وڭ ەنەرگيا ۇستەدى.
بۇگىنگى دۇنيە جۇزىندە بىلىقپالىق قات – قابات تۋىلىپ، 100 جىلدىق وزگەرىس جاعدايى جەدەل قۇبىلىپ، دامۋ قىزىل سيفرىن قالاي شەشۋ، حاۋىپسىزدىك قيىنشىلىعىن قالاي شەشۋ، وركەنيەتتىڭ ءوزارا ۇلگى الۋىن قالاي كۇشەيتۋ ءبىز ورتاق ءدوپ كەلىپ وتىرعان داۋىرلىك تاقىرىپقا اينالدى. وسىنداي جاعدايدا جۇڭگو ءوز الدىنا دەربەس ءومىر سۇرمەيدى، قايتا دۇنيە جۇزىندەگى ءار ەلمەن سەلبەستىكتى كۇشەيتىپ، شەشۋ جولىن بىرگە قاراستىرادى. ءتوراعا شي جينپيڭ ”ءبىر بەلدەۋ، ءبىر جولدى“ بىرگە قۇرۋ باستاماسىن، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن العا قويدى، مۇندا دۇنيە جۇزىندەگى ءار ەلمەن بىرگە ەكونوميكانىڭ دامۋىن جۇزەگە اسىرىپ، حالىق تۇرمىسىن جاقسارتىپ، ءوزارا پايدا جەتكىزىپ، تەڭ يگىلىككە كەنەلىپ، ىنتىماقتىڭ بولشەكتەنۋدىڭ ورنىن باسۋىنا، سەلبەستىكتىڭ قارسىلاسۋدىڭ ورنىن باسۋىنا، سيىسىمدىلىقتىڭ قاقپايلاۋدىڭ ورنىن باسۋىنا مۇمكىندىك جاراتىپ، باياندى بەيبىت، جاپپاي حاۋىپسىز، بىرگە گۇلدەنگەن، اشىق، سيىسىمدى، تازا، كورىكتى دۇنيە ءجۇزىن بىرگە قۇرۋدى ءۇمىت ەتىپ وتىر. اماليات بىزگە ناعىز كوپ جاقتىلىقتى تاباندىلىقپەن امالياتتا ايگىلەپ، ”ءبىر بەلدەۋ، ءبىر جولدى“ بىرگە قۇرۋدىڭ اناعۇرلىم ساپالى، اناعۇرلىم جوعارى دەڭگەيدەگى جاڭا دامۋىن ىلگەرىلەتىپ، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن تياناقتاندىرۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتكەندە عانا، ءتۇرلى دۇنيە جۇزىلىك سىن - سايىسقا توتەپ بەرىپ، ادامزاتتىڭ اناعۇرلىم كوركەم بولاشاعىن بىرگە جاراتۋعا بولاتىنىن ۇعىندىردى.
ينتەرنەت كۇن سايىن دامۋدى ىلگەرىلەتەتىن جاڭا قوزعاۋشى كۇشكە، حاۋىپسىزدىكتى قورعاۋدىڭ جاڭا وڭىرىنە، وركەنيەتتە ءوزارا ۇلگى الاتىن جاڭا تۇعىرعا اينالدى، ينتەرنەت كەڭىستىگىنىڭ تاعدىرلاس ورتاق تۇلعاسىن قۇرۋ — ءداۋىر تاقىرىبىنا جاۋاپ بەرۋدىڭ تابيعي تالعامى ءارى حالىقارالىق قوعامنىڭ ورتاق تىلەگى. 2015 - جىلى ءتوراعا شي جينپيڭ 2 - كەزەكتى دۇنيە جۇزىلىك ينتەرنەت جينالىسىنىڭ اشىلۋ سالتىندا دۇنيە جۇزىلىك ينتەرنەتتىڭ دامۋىن جونگە سالۋدىڭ ”4 پرينسيبىن“، ”5 قۋاتتاماسىن“ العا قويىپ، ينتەرنەت كەڭىستىگىنىڭ تاعدىرلاس ورتاق تۇلعاسىن قۇرۋدى دارىپتەدى، بۇل ۇستانىم حالىقارالىق قوعامنىڭ جاپپاي قۇپتاۋىنا جانە بەلسەنە ءۇن قوسۋىنا يە بولدى. جاڭا داۋىردەگى جۇڭگونىڭ ينتەرنەت كەڭىستىگى حالىقارالىق سەلبەستىگى ينتەرنەت كەڭىستىگىنىڭ تاعدىرلاس ورتاق تۇلعاسىن قۇرۋ ارمانىندا ۇزدىكسىز تىڭ تابىستارعا قول جەتكىزىپ، جاڭا بەينەنى ايگىلەدى. اماليات ينتەرنەت كەڭىستىگىنىڭ تاعدىرلاس ورتاق تۇلعاسىن قۇرۋدى ىلگەرىلەتۋ ادامزاتتىڭ تاعدىرلاس ورتاق تۇلعاسىن قۇرۋعا تاسقىنداعان قوزعاۋشى كۇش ازىرلەپ، بەرىك حاۋىپسىزدىك قالتقىسىن قۇرىپ، اناعۇرلىم كەڭ كولەمدى سەلبەستىك ورتاق تانىمىن ۇيىستىراتىنىن تولىق دالەلدەدى. العا باسۋ جولىندا جۇڭگو ينتەرنەت كەڭىستىگىنىڭ تاعدىرلاس ورتاق تۇلعاسىن قۇرۋ ۇستانىمىن باستان - اياق ۇستانىپ، حالىقارالىق قوعاممەن بىرگە اناعۇرلىم جالپىعا ءتيىمدى، گۇلدەنگەن، بەيبىت، حاۋىپسىز، بارابار، سيىسىمدى ينتەرنەت كەڭىستىگىن بىرگە قۇرادى.
ينتەرنەتتىڭ دامۋى كوپشىلىكتىڭ بىرگە ات سالىسۋىن قاجەت ەتەدى، دامۋ جەتىستىكتەرىنەن كوپشىلىك بىرگە يگىلىكتەنۋى كەرەك. جاڭا بۋىن ينفورماتسيا، حابارلاسۋ تەحنيكاسىنىڭ جەدەل توعىسۋىنا، جاڭالىق اشۋىنا بايلانىستى، سيفرلانۋ، توراپتانۋ، زەردەلىلەنۋ ەكونوميكا مەن قوعامنىڭ ءار سالاسىندا جەدەل ءسىڭىپ، توعىسىپ، ادامداردىڭ ءوندىرىس ءتاسىلى مەن تۇرمىس ءتاسىلىن تەرەڭ وزگەرتتى.
حاۋىپسىزدىك − دامۋدىڭ العى شارتى، حاۋىپسىز، ورنىقتى، گۇلدەنگەن توراپ كەڭىستىگى دۇنيە جۇزىندەگى ءار ەل جونىنەن كەلەلى ماڭىز الادى. ينتەرنەت حاۋىپسىزدىگى دۇنيە جۇزىلىك سىن - سايىس ەكەنىن، ينتەرنەت حاۋىپسىزدىگىن قورعاۋ حالىقارالىق قوعامنىڭ ورتاق جاۋاپكەرلىگى ەكەنىن جەتە تانۋ كەرەك. سونىمەن بىرگە، «بىرلەسكەن مەملەكەتتەر ۇيىمىنىڭ ۋستاۆىندا» بەلگىلەنگەن يەلىك ۇقىق تەڭدىگى پرينسيبى وسىزامانعى حالىقارالىق قاتىناستىڭ نەگىزگى ولشەمى بولىپ، توراپ كەڭىستىگىنە دە ۇيلەسەدى. ءتوراعا شي جينپيڭ بىلاي دەپ اتاپ كورسەتتى: ”ءبىز امانشىلىق پەن جامانشىلىقتا بىرگە بولىپ، اناعۇرلىم بەيبىت، حاۋىپسىز توراپ كەڭىستىگىن قۇرۋ جونىندە باستاما كوتەرەمىز“. تەك توراپ يەلىك ۇقىعىنا قۇرمەت ەتىپ، توراپ كەڭىستىگىنىڭ حالىقارالىق ەرەجەسىنە بويسۇنىپ، توراپ حاۋىپسىزدىگىندەگى ناقتى سەلبەستىكتى تەرەڭدەتىپ، توراپتاعى زاڭعا قايشى قىلمىستىق ارەكەتتەرگە پارمەندى سوققى بەرىپ، ساندى مالىمەت حاۋىپسىزدىگى مەن جەكەلەردىڭ ينفورماتسياسىن قورعاۋدى كۇشەيتكەندە عانا، عىلىم - تەحنيكانىڭ دامۋى الا كەلگەن ەرەجە قاقتىعىسىنا، قوعامدىق حاۋىپ - قاتەرگە، ەتيكالىق سايىسقا ۇيلەسىمدى توتەپ بەرىپ، توراپ كەڭىستىگىنىڭ حاۋىپسىزدىگىن اناعۇرلىم ويداعىداي قورعاۋعا بولادى.
وركەنيەت اۋىس - كۇيىس ارقىلى الۋان ءتۇرلى بولادى، ءوزارا ۇلگى الۋ ارقىلى داميدى. ينتەرنەت − ادامزاتتىڭ تاڭداۋلى مادەنيەتىن تاراتاتىن، وڭ ەنەرگيانى ساۋلەلەندىرەتىن ماڭىزدى دانەكەر. توراپتاعى مادەنيەت اۋىس - كۇيىسىنەن ورتاق يگىلىكتەنۋ تۇعىرىن قۇرىپ، اۋىس - كۇيىستى، ءوزارا ۇلگى الۋدى جەبەۋ توراپ مادەنيەتىنىڭ گۇلدەنىپ - كوركەيۋىن، دامۋىن بىرگە ىلگەرىلەتىپ، ادامداردىڭ رۋحاني دۇنيەسىن بايىتىپ، ادامزات وركەنيەتىنىڭ العا باسۋىن جەبەۋگە ءتيىمدى. ءتوراعا شي جينپيڭ بىلاي دەپ اتاپ كورسەتتى: ”ءبىز وركەنيەتتە ءوزارا ۇلگى الىپ، اناعۇرلىم بارابار، سيىسىمدى توراپ كەڭىستىگىن قۇرۋ جونىندە باستاما كوتەرەمىز“. تەك ينتەرنەتتە اۋىس - كۇيىستى، تىلدەسۋدى كۇشەيتىپ، ءار ەل حالقىنىڭ ءوزارا ءتۇسىنىسۋىن، جاقىنداسۋىن جەبەپ، تۇرلىشە وركەنيەتتىڭ سيىسىمدى قاتار ءومىر ءسۇرۋىن ىلگەرىلەتكەندە عانا، بۇكىل ادامزاتتىڭ ورتاق قۇنىن اناعۇرلىم ويداعىداي ساۋلەلەندىرۋگە بولادى. توراپ وركەنيەتى قۇرىلىسىن كۇشەيتىپ، ساپالى توراپ مادەنيەت ونىمدەرىن ءوندىرۋدى، تاراتۋدى جەبەپ، ادامزاتتىڭ تاڭداۋلى وركەنيەت جەتىستىكتەرىن تولىق ايگىلەپ، وركەنيەتكە مۇراگەرلىك ەتۋدى، دامىتۋدى بەلسەنە ىلگەرىلەتكەندە عانا، توراپتاعى رۋحاني مەكەندى بىرگە قۇرۋعا بولادى.
ينفورماتسيا توڭكەرىسىنىڭ ءداۋىر اعىمى جوڭكىلە العا باستى، توراپ كەڭىستىگى ادامزاتتىڭ كوركەم بولاشاققا دەگەن شەكسىز تالپىنىسىن ارقالاپ وتىر. العا باسۋ جولىندا ينتەرنەتتىڭ دامۋ اۋقىمىنا سايكەسىپ، ينتەرنەت كەڭىستىگىن ۇلاستىرۋدى، تۇتاستىرۋدى، بىرگە يگىلىكتەنۋدى، بىرگە جونگە سالۋدى ىلگەرىلەتىپ، ينتەرنەت كەڭىستىگىنىڭ تاعدىرلاس ورتاق تۇلعاسىن قول ۇستاسا قۇرساق، ءسوز جوق، ينتەرنەتتىڭ اناعۇرلىم گۇلدەنۋىنە، اناعۇرلىم تازا، اناعۇرلىم حاۋىپسىز بولۋىنا مۇمكىندىك جاساپ، دۇنيە جۇزىندەگى ءار ەل حالقىنا ءتىپتى دە زور باقىت جاراتا الامىز. سونىمەن بىرگە، تۇرلىشە ەلدەر مەن رايونداردىڭ ينتەرنەتتى جالپىلاستىرۋ، نەگىزدىك قۇرىلعىلار قۇرىلىسى، تەحنيكادا جاڭالىق اشۋ، جاسامپازدىق جاراتۋ، سيفرلى ەكونوميكانىڭ دامۋى، سيفرلى ساپا جانە شەبەرلىك سياقتى جاقتارداعى دامۋ ورەسى بىركەلكى بولماي، دۇنيە جۇزىندەگى ەلدەردىڭ، اسىرەسە، وركەندەپ كەلە جاتقان ەلدەردىڭ ينفورماتسيالاندىرۋ قۇرىلىسى مەن سيفرلانۋىنا ىقپال جاسادى جانە ونى شەكتەدى. ءتوراعا شي جينپيڭ بىلاي دەپ اتاپ كورسەتتى: ”ءبىز دامۋدى الدىمەن ويلاستىرىپ، اناعۇرلىم جالپىعا ءتيىمدى، گۇلدەنگەن ينتەرنەت كەڭىستىگىن قالىپتاستىرۋ جونىندە باستاما كوتەردىك“. سيفرلى سالاداعى حالىقارالىق اۋىس ـ كۇيىستى، سەلبەستىكتى تەرەڭدەتىپ، عىلىم ـ تەحنيكا جەتىستىكتەرىن كادەگە جاراتۋدى جەدەلدەتىپ، ينفورماتسيالانعان قىزمەت وتەۋدىڭ جالپىلاسۋىن جەدەلدەتىپ، سيفرلى اڭعاردى ازايتىپ، ينتەرنەتتىڭ دامۋى بارىسىندا حالىق تۇرمىسىن قامتاماسىز ەتكەندە جانە جاقسارتقاندا عانا، اناعۇرلىم كوپ مەملەكەت پەن حالىقتى ينتەرنەتتىڭ دامۋ جەتىستىكتەرىنەن بىرگە يگىلىكتەندىرۋگە بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
