مەملەكەتتىك كەڭەس كەڭسەسى جەتەكشى پىكىردى تاراتتى

ۇكىمەت پەن قوعامدىق كاپيتال سەلبەستىگىنىڭ جاڭا مەحانيزمىن ارناعا ءتۇسىرىپ اتقارۋ

2023.11.09 16:50 كەلۋ قاينارى : حالىق تورابى

　　«حالىق گازەتى»، 11 - ايدىڭ 8 - كۇنى، بەيجيڭ. ءتىلشىنىڭ مەملەكەتتىك دامۋ جانە رەفورما كوميتەتىنەن ۇعىسۋىنشا، مەملەكەتتىك كەڭەس كەڭسەسى تاياۋدا مەملەكەتتىك دامۋ جانە رەفورما كوميتەتىنىڭ، قازىنا مينيسترلىگىنىڭ «ۇكىمەت پەن قوعامدىق كاپيتال سەلبەستىگىنىڭ جاڭا مەحانيزمىن ارناعا ءتۇسىرىپ اتقارۋ جونىندەگى جەتەكشى پىكىرىن» جالعاپ تاراتقان.

　　جەتەكشى پىكىردە مىنالار العا قويىلدى: ۇكىمەت پەن قوعامدىق كاپيتال سەلبەستىگىنىڭ جاڭا مەحانيزمىن ارناعا ءتۇسىرىپ جانە اتقارىپ، بازار مەحانيزمىنىڭ رولىن تولىق ساۋلەلەندىرىپ، حالىقتىق قارجى قوسۋ كەڭىستىگىن كەڭەيتۋ كەرەك. جەرگىلىكتى ۇكىمەتتەردىڭ جاڭادان ارتقان كومەسكى قارىزىن باتىل تەجەپ، نەگىزدىك قۇرىلعىلار مەن الەۋمەتتىك ىستەر نىسانى قۇرىلىسىنىڭ اينالىم دەڭگەيىن جوعارىلاتىپ، جۇيەلى دامۋعا، جاريا اينالىمعا كەپىلدىك ەتۋ كەرەك.

　　جەتەكشى پىكىردە مىنالار ايقىن بەلگىلەندى: پايدالانۋشىنىڭ اقى تولەۋ نىسانىنا نازار اۋدارىپ، تۇگەلدەي ەرەكشە رۇقسات ەتىلگەن تيجارات ۇلگىسىن قولدانۋ كەرەك. ءتۇيىندى سالالاردى ۇيلەسىمدى يگەرىپ، حالىقتىق كاسىپورىنداردى الدىمەن تاڭداپ، باسقارۋ جاۋاپكەرلىگى مەن جۇمىس ءبولىسىن ايقىنداپ، جاڭا مەحانيزمنىڭ اتقارىلۋىن ورنىقتى ىلگەرىلەتۋ كەرەك.

　　قۇرىلىستى اتقارۋدى ارناعا ءتۇسىرۋ جاعىندا، جەتەكشى پىكىردە مىنالار العا قويىلدى: ەرەكشە رۇقسات ەتىلگەن تيجارات جوباسىن قاتاڭ تەكسەرىپ، ەرەكشە رۇقسات ەتىلگەن تيجاراتشىلاردى ءادىل تاڭداپ، ەرەكشە رۇقسات ەتىلگەن تيجارات كەلىسىمىنە جۇيەلى قول قويىپ، قارجى قوسۋدى باسقارۋ ءتارتىبىن قاتاڭ اتقارىپ، نىسان قۇرىلىسىن اتقارۋدى باسقارۋدى ويداعىداي ىستەۋ كەرەك.

　　اينالىمدى باقىلاۋ - باسقارۋدى كۇشەيتۋ جاعىندا، جەتەكشى پىكىردە مىنالار ايقىن بەلگىلەندى: نىسان اينالىمىن مەرزىم بويىنشا باعالاپ، زاڭعا، بەلگىلەمەگە قايشى جايتتەردى جانە سەنىمسىزدىك ارەكەتتەرىن جازالاپ ساقتاندىرۋ كەرەك. ەرەكشە رۇقسات ەتىلگەن تيجارات كەلىسىمىن وزگەرتۋ جانە نىسانداردى وتكىزىپ بەرۋ سياقتى قىزمەتتەردى جۇيەلى ورىستەتىپ، ۇدايىلانعان ينفورماتسيا جاريالاۋ مەحانيزمىن ورناتۋ كەرەك.

　　بۇدان سىرت، جەتەكشى پىكىردە حالىقتىق كاسىپورىنداردىڭ ات سالىسۋىنا قولداۋ كورسەتىلەتىن ەرەكشە رۇقسات ەتىلگەن تيجاراتتىڭ جاڭادان سالىناتىن (وزگەرتىپ كەڭەيتىپ سالۋدى قامتيدى) نىسان ءتىزىمى (2023 - جىلعى نۇسقاسى) ايقىندالدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved