ەلىمىزدە قاتەرلى وسپەگە شالدىعۋ مولشەرى بويىنشا مىناداي وسپە ءبىرىنشى ورىندا تۇرادى، باستاپقى مەزگىلدە، كوبىنەسە، اۋرۋ بەلگىلەرى بايقالمايدى
2023.11.10 14:55 كەلۋ قاينارى : حالىق تورابى
مەملەكەتتىك راكتى ەمدەۋ ورتالىعى جاريالاعان ەڭ جاڭا ساندى مالىمەتكە قاراعاندا، ەلىمىزدە جىلىنا وكپە راگىنە شالدىققان ناۋقاستاردىڭ سانى شامامەن 828 مىڭ ادام بولىپ، قاتەرلى وسپە اۋرۋىنا شالدىعۋ مولشەرى بويىنشا ءبىرىنشى ورىندا تۇرادى، ونىڭ ۇستىنە، اۋرۋعا شالدىعۋ مولشەرى جىل سايىن ارتۋدا.
وكپە راگىنا شالدىعۋ حاۋپىن تۋدىراتىن فاكتورلار تەمەكى شەگۋ، راديواكتيۆتىك ساۋلەلەرگە جۋىسۋ، حيميالىق زاتتارعا اشىق جۋىسۋ قاتارلىلاردى قامتيدى.
باستاپقى مەزگىلدە وكپە راگىنا شالدىققانداردىڭ كوبىندە اۋرۋ بەلگىسى بايقالمايدى، الدا - جالدا قاتتى جوتەلۋ، قاقىرىققا قان ارالاسۋ، دەمى قىسىلىپ، تىنىسى تارىلۋ قاتارلى اۋرۋ بەلگىلەرى بايقالسا، %70 تەن جوعارى جاعدايدا راكتىڭ ورتا، سوڭعى مەزگىلىنە وتكەنىن كورسەتەدى.
تومەن دوزالى اينالمالى CT ارقىلى ەمدەۋگە بولاتىن باستاپقى مەزگىلدەگى وكپە راگىن بايقاۋعا بولادى، دۇنيە جۇزىندەگى ەلدەردىڭ بارلىعى بۇل ءتاسىلدى وكپە راگىنا شالدىققانداردى بايقاۋداعى باستى ءتاسىل رەتىندە قولدانادى.
سىچۋان داشۋەسى حۋاشي ەمحاناسىنىڭ باستىعى لي ۋەيمين بىلاي دەدى: ەلىمىزدە وكپە راگىنا شالدىققان جاستاردىڭ قاتارى بىرتىندەپ ارتۋدا. 40 جاستان اسقانداردىڭ، سونىمەن بىرگە، تەمەكى تارتۋ، كاسىپكە بايلانىستى حاۋىپتى زاتتارمەن جۋىسۋ، اۋلەتىندە وسپە شىعۋ تاريحى بولۋ، اۋلەتىندە وكپە راگىنا شالدىعۋ تاريحى بولۋ، سوزىلمالى وكپە اۋرۋىنا شالدىعۋ قاتارلى حاۋىپتى فاكتورلاردىڭ ءبىر ءتۇرلىسى وزىندە بار ادامداردىڭ بارلىعى دا وكپە راگىنا شالدىعۋ ىقتيمالدىعىن تەكسەرتىپ وتىرعانى ءجون.
ماماندار تومەن دوزالى اينالمالى CT ارقىلى تەكسەرۋ قاراجاتىن ەمدەۋدى قامسىزداندىرۋ قاراجاتىنىڭ ەسەبىنەن كوتەرۋ كولەمىنە ەنگىزۋ جونىندە ۇسىنىس بەرۋدە.
سىچۋان داشۋەسى حۋاشي ەمحاناسىنىڭ باستىعى لي ۋەيمين بىلاي دەدى: ەگەر ءبىز تومەن دوزالى اينالمالى CT ارقىلى وكپە راگىن تەكسەرۋدى ەمدەۋدى قامسىزداندىرۋ كولەمىنە ەنگىزىپ، ءبىر ءبولىم قاراجاتتى ەسەپتەن كوتەرۋ ارقىلى باستاماشىلدىق ەتسەك، وكپە راگىنا شالدىعۋ حاۋپى جوعارى ادامداردىڭ بارلىعىن تەكسەرىپ وتىرساق، وكپە راگىنا شالدىققانداردى اناعۇرلىم ەرتە بايقاپ، وكپە راگىنا شالدىققانداردىڭ 5 جىل ءومىر ءسۇرۋ مولشەرىن اناعۇرلىم جوعارىلاتۋىمىزعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
