جۇڭگو ورتالىق بانكەسىنىڭ ورىنباسار بانكە باستىعى: مەجەمەن بيىل جۇڭگو ەكونوميكاسىنىڭ %5 اينالاسىندا ارتۋىن ىسكە اسىرۋدان ءۇمىت زور

2023.11.10 15:10 كەلۋ قاينارى : حالىق تورابى

　　جۇڭگو اقپارات اگەنتتىگىنىڭ ءتىلشىسى پاڭ ۋجي 11 - ايدىڭ 9 - كۇنى بەيجيڭنەن حابارلايدى. جۇڭگو ورتالىق بانكەسىنىڭ ورىنباسار بانكە باستىعى شۋان چاڭنىڭنىڭ 11 - ايدىڭ 8 - كۇنى كەشتە 2023 - جىلعى فينانس كوشەسى تالقى مىنبەرىنىڭ جىلدىق جينالىسىندا ايتۋىنشا، مەجەمەن بيىل جۇڭگو ەكونوميكاسىنىڭ %5 اينالاسىندا ارتۋىن ىسكە اسىرۋدان ءۇمىت زور.

　　شۋان چاڭنىڭ مىنانى اتاپ كورسەتتى: جىل باسىنان بەرى، ماكرولىق رەتتەۋدەگى جان - جاقتى ساياساتتىڭ ىقپال جاساپ، ونىمدىلىك كورسەتۋىنە بايلانىستى، جۇڭگونىڭ باستى ەكونوميكالىق كورسەتكىشتەرى ورنىقتى تۇردە قايتادان جوعارىلاۋ بەتالىسىن بايقاتتى، ەكونوميكانىڭ اينالىمىنداعى بەلسەندى فاكتورلار جيناقتالۋدا، كورنەكتى تۇيىندەر ارتۋدا، بولجامنىڭ بەتالىسى جاقسارۋدا. ”مەجەمەن بيىل جۇڭگو ەكونوميكاسىنىڭ %5 اينالاسىندا ارتۋىن ىسكە اسىرۋدان ءۇمىت زور، جۇڭگو ەكونوميكاسىنىڭ ارتۋ قارقىنى باستى ەكونوميكالىق تۇلعالار اراسىندا ءالى دە الدىڭعى قاتاردا بولىپ، دۇنيە جۇزىلىك ەكونوميكانىڭ ارتۋىنداعى ماڭىزدى قوزعاۋشى كۇشكە جانە ورنىقتىرۋشى قۋاتقا اينالۋدا.

　　بيىلعى ۇكىمەت قىزمەتىنەن باياندامادا 2023 - جىلعى جۇڭگونىڭ ەل ءىشى ءوندىرىسىنىڭ جالپى ءونىم قۇنىن (GDP) ارتتىرۋ نىساناسى %5 اينالاسىندا بولادى دەپ بەلگىلەنگەن.

　　حالىقارالىق ۇيىمداردىڭ جۇڭگونىڭ ەكونوميكانى ارتتىرۋدىڭ جىلدىق نىساناسىن ىسكە اسىرۋىنا بولعان سەنىمى ارتۋدا. حالىقارالىق ۆاليۋتا قورى ۇيىمى (IMF) جۋىردا جۇڭگو ەكونوميكاسىنىڭ ارتۋى جونىندەگى بولجام كورسەتكىشىن جوعارىلاتىپ، 2023 - جىلى جۇڭگو ەكونوميكاسىنىڭ ارتۋ مولشەرى شامامەن %5.4 بولادى دەپ مەجەلەدى، بۇل بيىل 10 - ايداعى مەجەنىڭ ورتاق مانىنەن 0.4 پايىز جوعارى بولدى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved