بانكە اتتاپ اقشا شىعارۋ اقىسىن كۇشىنەن قالدىرۋعا بولا ما؟ ورتالىق بانكە جاۋاپ قايتاردى
2023.11.10 15:11 كەلۋ قاينارى : حالىق تورابى
بۇكىل ەلىمىز كولەمىندە بانكە اتتاپ اقشا شىعارۋ اقىسىن كۇشىنەن قالدىرۋعا بولا ما؟ جۋىردا توراپتاستار حالىق تورابىنىڭ ”باسشىلارعا ءسوز قالدىرۋ پاراقشاسىنداعى“ جۇڭگو حالىق بانكەسى پارتكومىنىڭ شۋجيىنا ءسوز قالدىرۋ پاراقشاسىنا ءسوز قالدىرىپ، بانكە اتتاپ اقشا شىعارۋ اقىسىن كۇشىنەن قالدىرۋ جونىندە ۇسىنىس بەرگەن.
توراپتاس سوزىندە بىلاي دەگەن: قازىر ءاربىر ادام كەمىندە بىرنەشە بانكە كارتۋچكاسىن قولدانادى، كەيبىر بانكەلەر بانكە اتتاپ اقشا شىعارعاندا قىزمەت وتەۋ اقىسىن كۇشىنەن قالدىردى. ”بۇكىل ەلىمىز كولەمىندە جەرگىلىكتى ساۋدا بانكەلەرىن قامتىعان بارلىق بانكەلەر اراسىندا بانكە اتتاپ اقشا شىعارۋ اقىسىن كۇشىنەن قالدىرىپ، حالىق بۇقاراسىنىڭ اۋىرتپالىعىن جەڭىلدەتۋگە بولا ما؟“ دەپ سۇراعان.
11 - ايدىڭ 8 - كۇنى، جۇڭگو حالىق بانكەسىنىڭ تولەۋ - ەسەپ جاساۋ ىستەرى مەڭگەرمەسى ”باسشىلارعا ءسوز قالدىرۋ پاراقشاسىندا“ وسى توراپتاستىڭ سوزىنە جاۋاپ قايتارعان كەزدە اۆتوماتتى اقشا شىعارۋ ماشيناسىنان (ATM) اقشا شىعارعان كەزدە بانكە اتتاپ اقشا شىعارۋ اقىسىن الۋعا بازارلاندىرىلعان باعا بەلگىلەۋ فورماسى قولدانىلاتىنىن ايتقان. جاۋاپتا بىلاي دەپ تانىستىرعان: 2021 - جىلى جۇڭگو حالىق بانكەسى اسىلگى بانكە - قامسىزداندىرۋ ىستەرىن باقىلاۋ - باسقارۋ كوميتەتىمەن سايكەسىپ، جۇڭگو بانكە كاسىبى بىرلەستىگى مەن جۇڭگو تولەۋ - ەسەپ جاساۋ ىستەرى بىرلەستىگىنىڭ ۇندەۋ جاريالاۋىنا جەتەكشىلىك ەتىپ، ساۋدا بانكەلەرىن ۇقساس قالاداعى ATM ماشينالارى ارقىلى بانكە اتتاپ اقشا شىعارعاندا اقى الۋ ولشەمىن تومەندەتۋگە ۇندەگەن، ءىشىنارا ساۋدا بانكەلەرى بانكە اتتاپ اقشا شىعارۋ اقىسىن كۇشىنەن قالدىرعان. الدا جۇڭگو حالىق بانكەسى مەملەكەتتىك فينانستى باقىلاۋ - باسقارۋ باس مەكەمەسىمەن (اسىلگى بانكە - قامسىزداندىرۋ ىستەرىن باقىلاۋ - باسقارۋ كوميتەتى) بەلسەندى سايكەسىپ، توراپتاستاردىڭ ۇسىنىستارىن مۇقيات زەرتتەپ، ساۋدا بانكەلەرىنىڭ، ەسەپ جاساۋ قۇرىلىمدارىنىڭ ATM ارقىلى بانكە اتتاپ اقشا شىعارعاندا الاتىن اقىنى تومەندەتۋىنە قاتىستى شارالاردى تياناقتاندىرۋدى ىشكەرىلەي ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
