شي جينپيڭ كامبودجا پاتشالىق مەملەكەتىنىڭ تاۋەلسىزدىك العانىنىڭ 70 جىلدىعى بايلانىسىمەن كامبودجانىڭ پاتشاسى سيحامونيعا، كامبودجا حالىق پارتياسىنىڭ ءتوراعاسى حۇڭسىنعا جەكە - جەكە قۇتتىقتاۋ تەلەگرامماسىن جولدادى
2023.11.10 15:56 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 9 - كۇنى، بەيجيڭ. 11 - ايدىڭ 9 - كۇنى مەملەكەت ءتوراعاسى شي جينپيڭ كامبودجا پاتشالىعىنىڭ تاۋەلسىزدىك العانىنىڭ 70 جىلدىعى بايلانىسىمەن كامبودجانىڭ پاتشاسى سيحامونيعا قۇتتىقتاۋ تەلەگرامماسىن جولدادى.
شي جينپيڭ مىنالاردى اتاپ كورسەتتى: تاياۋ جىلداردان بەرى كامبودجا حالقى ءوز مەملەكەت جاعدايىنا ۇيلەسەتىن دامۋ جولىمەن جۇرۋدە تاباندى بولىپ، مەملەكەت قۇرىلىسى ىستەرىندە ۇزدىكسىز تىڭ تابىستارعا قول جەتكىزدى. ءداستۇرلى دوس كورشى ەل رەتىندە، جۇڭگو كامبودجانىڭ ورنىقتىلىقتى قورعاۋىن، دامۋدى جەبەۋىن، حالىق تۇرمىسىن جاقسارتۋىن بۇرىنعىداي باتىل قولدايدى.
شي جينپيڭ مىنالاردى دارىپتەدى: بيىل _ جۇڭگو مەن كامبودجانىڭ ديپلوماتيالىق قارىم - قاتىناس ورناتقانىنىڭ 65 جىلدىعى جانە جۇڭگو - كامبودجا دوستىق جىلى، ءبىز بەيجيڭدە جانە حاڭجوۋدا ىقىلاسپەن كەزدەسىپ، جۇڭگو - كامبودجا تاعدىرلاس ورتاق تۇلعاسىنىڭ جوباسىن بىرگە جاسادىق. مەن جۇڭگو - كامبودجا قارىم - قاتىناسىنىڭ دامۋىنا ايرىقشا ءمان بەرەمىن، سيحاموني پاتشامەن بىرگە قۇلشىنىپ، ەكى ەل قارىم - قاتىناسىنا ستراتەگيالىق جەتەكشىلىكتى كۇشەيتىپ، ساپالى، جوعارى دەڭگەيلى، جوعارى ولشەمدى جاڭا داۋىردەگى جۇڭگو - كامبودجا تاعدىرلاس ورتاق تۇلعاسىن قول ۇستاسا قۇرۋدى قالايمىن.
سول كۇنى ج ك پ ورتالىق كوميتەتىنىڭ باس شۋجيى شي جينپيڭ كامبودجا حالىق پارتياسىنىڭ ءتوراعاسى حۇڭسىنعا قۇتتىقتاۋ تەلەگرامماسىن جولدادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
