جوۋ تيەنۇڭ جولداستىڭ سۇيەگى بەيجيڭدە ورتەلدى
شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلىلار باباۋشان توڭكەرىستىك قۇرباندار قابىرستانىنا بارىپ سۇيەكپەن قوشتاستى
2023.11.10 16:00 كەلۋ قاينارى : حالىق تورابى
جوۋ تيەنۇڭ جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالار ارقىلى جوۋ تيەنۇڭ جولداستىڭ قايتىس بولعانىنا قايعىلى ازا ءبىلدىردى ءارى ونىڭ تۋىس - تۋعاندارىنان شىنايى حال سۇرادى
11 - ايدىڭ 9 - كۇنى جوۋ تيەنۇڭ جولداستىڭ سۇيەگى بەيجيڭدەگى باباۋشان توڭكەرىستىك قۇرباندار قابىرستانىندا ورتەلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلىلار باباۋشانعا بارىپ سۇيەكپەن قوشتاستى. سۋرەتتە: شي جينپيڭ جوۋ تيەنۇڭنىڭ تۋىس - تۋعاندارىمەن قول الىسىپ، شىنايى حال سۇراۋدا. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگى، 11 - ايدىڭ 9 - كۇنى، بەيجيڭ. ايگىلى قوعام قايراتكەرى، جۇڭگو گومينداڭ توڭكەرىستىك كوميتەتىنىڭ كورنەكتى باسشىسى، جۇڭگو كوممۋنيستىك پارتياسىنىڭ جاقىن دوسى، 11 - كەزەكتى مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى، جۇڭگو حالىق ساياسي ءماسليحات كەڭەسى 9 -، 10 - كەزەكتى مەملەكەتتىك كوميتەتتەرى ءتوراعاسىنىڭ ورىنباسارى، جۇڭگو گومينداڭ توڭكەرىستىك كوميتەتى 11 - كەزەكتى ورتالىق كوميتەتىنىڭ ءتوراعاسى جوۋ تيەنۇڭ جولداستىڭ سۇيەگى 11 - ايدىڭ 9 - كۇنى بەيجيڭدەگى باباۋشان توڭكەرىستىك قۇرباندار قابىرستانىندا ورتەلدى.
جوۋ تيەنۇڭ جولداس 2023 - جىلى 11 - ايدىڭ 3 - كۇنى ساعات 16 دان 15 مينۋت وتكەندە بەيجيڭدە 85 جاسىندا ناۋقاستان قايتىس بولدى.
جوۋ تيەنۇڭ جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالار ارقىلى جوۋ تيەنۇڭ جولداستىڭ قايتىس بولعانىنا قايعىلى ازا ءبىلدىردى ءارى ونىڭ تۋىس - تۋعاندارىنان شىنايى حال سۇرادى.
11 - ايدىڭ 9 - كۇنى تۇستەن بۇرىن باباۋشان توڭكەرىستىك قۇرباندار قابىرستانىنىڭ زالى قايعىلى جىم – جىلاس كۇيگە شومىپ، قايعىلى مۋزىكا باياۋ تولقىپ تۇردى. زالدىڭ ءتورىنىڭ جوعارعى جاعىنا ”جوۋ تيەنۇڭ جولداسقا قايعىلى ازا بىلدىرەمىز“ دەگەن اق ءتۇستى جازۋ جازىلعان قارا كەرمە تۋ ىلىنگەن، كەرمە تۋدىڭ استىنا جوۋ تيەنۇڭ جولداستىڭ سۋرەتى قويىلعان. شالقالاي جاتقىزىلعان جوۋ تيەنۇڭ جولداستىڭ سۇيەگىنىڭ اينالاسىنا الۋان گۇلدەر مەن ارشالار قويىلعان.
تۇستەن بۇرىن ساعات 9 دان 30 مينۋت وتكەندە، شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلىلار قايعىلى مۋزىكا ءۇنى ىشىندە جوۋ تيەنۇڭ جولداستىڭ سۇيەگىنىڭ الدىنا باياۋ كەلىپ، ءۇنسىز ازا ءبىلدىرىپ، جوۋ تيەنۇڭ جولداستىڭ سۇيەگىنە 3 رەت تاعزىم ەتتى ءارى جوۋ تيەنۇڭ جولداستىڭ تۋىس - تۋعاندارىمەن ءبىر - بىرلەپ قول الىسىپ، حال سۇرادى.
پارتيا مەن مەملەكەتتىڭ قاتىستى باسشى جولداستارى سۇيەكپەن قوشتاستى نەمەسە ءتۇرلى تاسىلدەرمەن ازا ءبىلدىردى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، جوۋ تيەنۇڭ جولداستىڭ كوزى تىرىسىندەگى دوستارى مەن اۋىلداستارىنىڭ ۋاكىلدەرى دە سۇيەكپەن قوشتاستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
