الدىڭعى 3 توقساندا جاڭادان 24 ميلليون 808 مىڭ تيجارات تۇلعاسى قۇرىلدىسايكەس مەزگىلدەگىدەن %12.7 ارتتى
2023.11.10 16:02 كەلۋ قاينارى : حالىق تورابى
«حالىق گازەتى»، 11 - ايدىڭ 9 - كۇنى، بەيجيڭ (ءتىلشى لين ليلي). مەملەكەتتىك بازار باقىلاۋ - باسقارۋ باس مەكەمەسى جاريالاعان ساندى مالىمەتتە كورسەتىلۋىنشە، بيىل الدىڭعى 3 توقساندا بۇكىل ەل بويىنشا جاڭادان قۇرىلعان تيجارات تۇلعالارى 24 ميلليون 808 مىڭ بولىپ، سايكەس مەزگىلدەگىدەن %12.7 ارتقان. مۇنىڭ ىشىندە جاڭادان قۇرىلعان كاسىپورىندار 7 ميلليون 518 مىڭ بولىپ، سايكەس مەزگىلدەگىدەن %15.4 ارتقان؛ جاڭادان قۇرىلعان جەكەشە ونەركاسىپشىلەر مەن ساۋداگەرلەر 17 ميلليون 196 مىڭ بولىپ، سايكەس مەزگىلدەگىدەن %11.7 ارتقان.
الدىڭعى 3 توقساندا ىشكى سۇرانىمدى كەڭەيتۋ، سەنىمدى ارتتىرۋ، حالىقتىق شارۋاشىلىقتىڭ دامۋىن جەبەۋ سياقتى ساياساتتىق شارالاردىڭ جەتەكشىلىگى مەن جەبەۋىندە ەلىمىزدىڭ تيجارات تۇلعالارىنىڭ ىشكى ومىرشەڭدىك قۋاتى ۇزدىكسىز كۇشەيىپ، ەكونوميكا ۇزدىكسىز قالپىنا كەلىپ، ساپالى دامۋدىڭ نەگىزى ۇزدىكسىز بەكەمدەلدى.
قوناق ءۇي جانە اس - سۋ كاسىبىندە جاڭادان قۇرىلعان كاسىپورىندار تەز قارقىنمەن ارتتى. الدىڭعى 3 توقساندا ءارقايسى كاسىپ سالاسىندا جاڭادان قۇرىلعان كاسىپورىندار ورنىقتى ارتتى. ءبىرىنشى كاسىپتە جاڭادان قۇرىلعان كاسىپورىندار سايكەس مەزگىلدەگىدەن %23.6 ارتىپ، ارتۋ قارقىنى ەڭ تەز بولدى. ەكىنشى كاسىپتە جاڭادان قۇرىلعان كاسىپورىندار سايكەس مەزگىلدەگىدەن %5.3 ارتىپ، دامۋ بەتالىسى ورنىقتى بولدى. 3 - كاسىپتە جاڭادان قۇرىلعان كاسىپورىندار سايكەس مەزگىلدەگىدەن %17.2 ارتتى، مۇنىڭ ىشىندە جاتاق جانە اس - سۋ كاسىبى سايكەس مەزگىلدەگىدەن %40 تەن استام ارتتى.
حالىق باسقارۋىنداعى جانە شەتەل كاپيتالىمەن قۇرىلعان كاسىپورىنداردىڭ دامۋ بەتالىسى جاقسى بولدى. الدىڭعى 3 توقساندا جاڭادان قۇرىلعان حالىقتىق كاسىپورىندار سايكەس مەزگىلدەگىدەن % 15.3 ارتتى، جاڭادان شەتەل كاپيتالىمەن قۇرىلعان كاسىپورىندار سايكەس مەزگىلدەگىدەن % 29.3 ارتتى. كوپ ءتۇرلى مەنشىكتەگى كاسىپورىنداردىڭ تاماشا دامۋ جاعدايى بازار مەجەسىنىڭ ۇزدىكسىز جاقسارعانىن، قارجى قوسۋ سەنىمىنىڭ بىرتىندەپ كۇشەيگەنىن ايگىلەدى.
تيجارات تۇلعالارىنىڭ جالپى مولشەرى تاعى دا تىڭ ساتىعا كوتەرىلدى. بيىل 9 - ايدىڭ سوڭىنا دەيىن بۇكىل ەل بويىنشا تىزىمگە الىنعان تيجارات تۇلعالارى 181 ميلليون بولىپ، 2022 – جىلدىڭ سوڭىنداعىدان %6.7 ارتتى. مۇنىڭ ىشىندە 56 ميلليون 737 مىڭ كاسىپورىن، 122 ميلليون جەكەشە ونەركاسىپشىلەر مەن ساۋداگەر، 2 ميلليون 240 مىڭ شارۋالار كاسىپتىك سەلبەستىك كووپەراتيۆى بار، بۇلار وتكەن جىلدىڭ سوڭىنداعىدان جەكە - جەكە %7.4، %6.5، %0.1 ارتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
