جەر - جەر 2 - توپتاعى نەگىزگى تاقىرىپتىق تاربيەنى تىڭعىلىقتى ورىستەتتى −
وسىزاماندانعان شارۋاشىلىق جۇيەسىن ورناتۋدى جەدەلدەتتى (يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ)
«حالىق گازەتىنىڭ» ءتىلشىسى ۋ چۋچي
2023.11.20 16:02 كەلۋ قاينارى : حالىق تورابى
وسىزاماندانعان كاسىپ سالاسى جۇيەسى − وسىزاماندانعان مەملەكەتتىڭ زاتتىق - تەحنيكالىق نەگىزى. باس شۋجي شي جينپيڭ بىلاي دەپ اتاپ كورسەتتى: وسىزاماندانعان كاسىپ سالاسى جۇيەسىن ورناتۋدا ۇلى مۇرات، اسقاق جىگەر بولۋ، بەلسەنە ورىن يەلەپ دامۋ ءارى ءىس جۇزىندىكتى تياناق ەتىپ، ورىن اۋىستىرىپ دامۋعا شەبەر بولۋ كەرەك.
2 - توپتاعى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىندە جەر - جەر تاسقىنداعان ۇيرەنۋ، قىزمەت ىنتاسىن قيىندىقتاردى جەڭىپ، ءىس تىندىرىپ، شارۋاشىلىق قۇرۋدىڭ قۇدىرەتتى قوزعاۋشى كۇشىنە اينالدىرىپ، جاساۋ كاسىبىنىڭ ساپالى دامۋىن قۇلشىنا ىلگەرىلەتىپ، وسىزاماندانعان كاسىپ سالاسى جۇيەسىن ورناتۋدى جەدەلدەتتى.
قىزمەت ونەرىن ۇيرەنىپ، ناقتى ەكونوميكانى زور كۇشپەن دامىتتى
نازاريانىڭ قۇنى امالياتقا جەتەكشىلىك ەتۋدە، ۇيرەنۋدىڭ ماقساتى تۇگەلدەي قولدانۋدا. نەگىزگى تاقىرىپتىق تاربيەدە جەر - جەر تاربيە امالياتىن ەكى جاقتان يگەرۋدە، ەكى جاقتان جەبەۋدە تاباندى بولىپ، ۇيرەنگەن قىزمەت قابىلەتىن دامۋدى جەبەۋگە جۇمساپ، كەلەلى نىسانداردى كۇشتى قوزعالتقىش، ابزال كاسىپتەردى نەگىزگى تۇتقا ەتىپ، ناقتى ەكونوميكانى زور كۇشپەن دامىتىپ، وسىزاماندانعان كاسىپ سالاسى نەگىزىن بەكەمدەدى.
جۇڭگوشا ءدارى - دارمەكتەگى جاڭالىق جاراتىلعان ءدارى سارى كەتون تابلەتكاسى ەل ىشىندە بازارعا سالىندى، ەنزارۋامين شيكىزات ءدارىسى مەن جۇمساق كاپسۋلاسى شەتەلدە بازارعا سالىندى... جياڭشي ولكەسى گانجوۋ قالاسى جاڭگۇڭ رايونىندا بيولوگيالىق ءدارى - دارمەك سالاسىندا تاياۋدا قۋانىشتى حابار ارت - ارتىنان تارالدى، وسى جەرگە 130 بيولوگيالىق ءدارى - دارمەك كاسىپورنى جينالىپ، جاڭالىق اشۋ جاندانعان، تىزبەگى تولىق، فاكتورى تولىق وسى زامانعى ءدارى - دارمەك، دەنساۋلىق ساقتاۋ كاسىپ سالاسى شوعىرى قالىپتاستى.
جاڭگۇڭ رايونى نەگىزگى تاقىرىپتىق تاربيەنى ورىستەتۋدى وسىزاماندانعان كاسىپ جۇيەسىن ورناتۋمەن ۇشتاستىرىپ، ساپالى دامۋعا تۇساۋ بولاتىن قيىن ماسەلەلەردى كۇش سالا شەشىپ، عىلىم - تەحنيكادا جاڭالىق اشۋ قۋاتىن كۇشەيتەتىن ءبىرقانشا ساياساتتىق شارا شىعارىپ، جاڭا ءدارى - دارمەك جاساۋ مەملەكەتتىك ءتۇيىندى تاجىريبەحاناسىن كۇش سالا قۇرىپ، جياڭشي ولكەسىنىڭ ۇلگى حايۋاناتتار كاسىبىندە تەحنيكالىق جاڭالىق اشۋ ستراتەگيالىق وداعىن قۇرادى.
وسىزاماندانعان شارۋاشىلىق جۇيەسىن ورناتۋدىڭ تەتىگى جاساۋ كاسىبىن گۇلدەندىرۋدە. نەگىزگى تاقىرىپتىق تاربيەدە جەر - جەر جاساۋ كاسىبىنىڭ ساپالى دامۋىن نەگىزگى قامال الۋ باعىتى ەتۋدە تاباندى بولىپ، ۇيرەنۋ جەتىستىكتەرىن ەكونوميكانىڭ دامۋىن جەبەۋدىڭ ءىس جۇزىندىك شاراسىنا اينالدىردى.
”ءبىز جاڭا عانا زەرتتەپ جاساعان بۇل قۇلتەمىردىڭ ەڭ جۇقا ءتۇرى 127 ميلليمەتر، ەڭ جوعارى كوتەرىمدىلىگى 7 تونناعا جەتەدى، سايكەستى سۇيىقتىق قىسىمدى تورنيك تەحنيكاسى قولدانىلعان، كوتەرۋ بارىسى ميلليمەترلىك دارەجەگە جەتەدى“. شاندۇڭ شيمانكى تەحنيكا شەكتى سەرىكتىگىندە تەحنيكتەر دەربەس زەرتتەپ جاساعان قۇلتەمىردى زاۆودتان شىعارىپ سىناپ جاتتى، ءونىم شىعارىلىسىمەن بازاردىڭ قارسى الۋىنا يە بولدى.
شاندۇڭ ولكەسىنىڭ جينيڭ قالاسى پارتيا مۇشەلەرىن، كادرلاردى نەگىزگى تاقىرىپتىق تاربيەدەن تۋىنداعان قىزۋ ىنتانى ءىس تىندىرىپ، شارۋاشىلىق قۇرۋدىڭ قۇدىرەتتى قوزعاۋشى كۇشىنە اينالدىرۋعا جەتەكتەپ، ”كادرلاردىڭ كاسىپورىندارعا كومەكتەسىپ ورلەۋىن“ تەرەڭدەتىپ، جوعارىلاتىپ، تىزبەكتى ارتۋدى، شوعىرلى زورايۋدى، شارشى شەپ فورماسىندا ەڭسە كوتەرۋدى كۇش سالا ىلگەرىلەتىپ، وسىزاماندانعان كاسىپ سالاسى جۇيەسىن كۇش سالا قۇردى.
دامۋ وي جەلىسىندە جاڭالىق اشىپ، جاسىل كاسىپتىڭ جاڭا جارىس جولىن اشتى
ءداستۇرلى شارۋاشىلىقتىڭ تيپىن وزگەرتىپ، دارەجەسىن جوعارىلاتۋدى جەدەلدەتۋ − وسىزاماندانعان شارۋاشىلىق جۇيەسىنىڭ نەگىزىن بەكەمدەۋدىڭ ماڭىزدى تىرەگى. جەر - جەر نەگىزگى تاقىرىپتىق تاربيە بارىسىندا پارتيا مۇشەلەرىن، كادرلاردى جاۋاپكەرلىك ارقالاپ، ناقتى ىستەپ، دامۋدى جەبەۋگە جەتەكتەپ، جوعارى دەڭگەيلى، زەردەلىلەنگەن، جاسىلدانعان دامۋ بەتالىسىن بەلگىلەپ، كاسىپ سالاسى جۇيەسىنىڭ وسىزاماندانۋ دەڭگەيىن جاپپاي جوعارىلاتتى.
”اشىق كۇندەرى ءۇستى – باسىمىز شاڭ – توزاڭ بولىپ جۇرەدى، جاڭبىرلى كۇندەرى باتپاققا مالشىنامىز“. بۇل ادامداردىڭ ءداستۇرلى سەمەنت كاسىپورىندارىنا بولعان تانىمى. جينيۇي شىعىس حىبي سەمەنتى پانشى شەكتى جاۋاپكەرلىك سەرىكتىگى سەمەنت قۇمدانى ءوندىرىسىنىڭ پايدالانىلۋ مولشەرىن جوعارىلاتۋ ارقىلى قاتتى كۇيدەگى جاراقسىز زاتتار، سابان - توپان سياقتى جاراقسىز بايلىقتاردى جان - جاقتى ءبىر جاقتى ەتىپ، ”تىنىش، جاسىل، جاڭاشىل، اقىل - پاراساتتى، ونىمدىلىگى جوعارى بولۋ“ سىندى 5 ءتۇرلى ەرەكشەلىككە يە زاۆودتى ءساتتى قۇردى.
جيلين ولكەسى پانشى قالاسى سەمەنت، بولات تەمىر قاتارلى ءتۇيىندى كاسىپتەردىڭ بۇكىل بارىسىن جاسىلداندىرۋدى زور كۇشپەن ىلگەرىلەتىپ، جوعارى ءونىمدى، تازا، تومەن كومىر قىشقىل گازدى، جاسىل اينالمالى ءوندىرىس جۇيەسىن قالىپتاستىرىپ، ءونىم قۇرىلىمىن رەتتەۋ، ورتانى قورعاۋ تۇرعىسىنان دارەجەنى جوعارىلاتۋ، اقىل – پاراساتتىق جاساۋ اياق الىسىن تەزدەتىپ، ءوندىرىس تەحنولوگياسى، ورتانى قورعاۋ، ەنەرگيا ۇنەمدەۋ، بايلىقتان پايدالانۋ قاتارلى جاقتاردا ءبىر تۇتاس جوسپارلاپ، ىشكەرىلەي ىلگەرىلەتتى، ءداستۇرلى نەگىزدىك ونەركاسىپتە اۆتوماتتاندىرۋعا، ينفورماتسيالاندىرۋعا، سيفرلاندىرۋعا، زەردەلىلەندىرۋگە، جاسىل جاساۋعا قاراي بۇرىلىس جاسادى.
عىلىم - تەحنيكالىق قۇرامى جوعارى، بايلىقتىڭ سارىپ ەتىلۋى تومەن، ورتانىڭ لاستانۋى از جاسىل كاسىپ قۇرىلىمىن قۇرۋ جاڭا ارتۋ تۇيىنىنە اينالدى. نەگىزگى تاقىرىپتىق تاربيەدە جەر - جەر دامۋ ورايىن مىقتى يگەرىپ، جاسىل كاسىپتىڭ جاڭا جارىس جولىن اشتى.
جياڭسۋ سۋچيان ءداۋىر ەنەرگيا ساقتاۋ عىلىم - تەحنيكا شەكتى سەرىكتەستىگىنىڭ قاقپاسىنا كىرسەڭىز، ءبىر ”تيەۋىش قوراپ“ كوزگە شالىنادى، بۇل − تاياۋدا وندىرىسكە قوسىلعان مەگاۋاتتىق سۋ جۇيەسى ورگانيكالىق سۇيىقتىق اعىندى باتەرياسى. سول جەردىڭ ساياساتتىق قولداۋىندا، وسى جوعارى عىلىم - تەحنيكا كاسىپورنىنىڭ 1 - مەرزىمدىك ءوندىرىس جەلىسى وندىرىسكە قوسىلىپ، سۋ جۇيەسىندەگى ورگانيكالىق سۇيىقتىق اعىندى باتەرياسىنىڭ تۇتاس كاسىپ تىزبەگىنىڭ ورنالاسۋىن جۇزەگە اسىردى. سۋچيان قالاسى ەنەرگيا ساقتاۋ كاسىبىن دامىتۋدىڭ جاڭا ورايىنا نازار اۋدارىپ، جاڭاشا ەنەرگيا ساقتاۋ كاسىبىنىڭ دامۋىن قولدايتىن ساياساتتىق شارالاردى شىعارىپ، كاسىپورىن جەتىستىكتەرىن وندىرگىش كۇشكە اينالدىرۋ، تەحنيكالىق قامال الۋ، جوعارى، جاڭا تەحنيكالى كاسىپورىنداردى تۇراقتاندىرۋ سياقتى جاقتاردا قولداۋ كورسەتىپ، جاڭاشا ەنەرگيا ساقتاۋ كاسىبىن زورايتۋعا، كۇشەيتۋگە قۇلشىندى.
كاسىپورىنداردىڭ قيىن ماسەلەلەرىن شەشىپ، وسىزاماندانعان كاسىپ جۇيەسىن قۇرۋعا دەم بەردى
تاماشا ساۋدا ورتاسى − ساپالى دامۋ مەن جوعارى دەڭگەيدەگى سىرتقا ەسىك اشۋدىڭ العى شارتى جانە نەگىزى. نەگىزگى تاقىرىپتىق تاربيەدە جەر - جەر ”جۇمساق“، ”قاتتى“ ورتا قۇرىلىسىن ءبىر تۇتاس جوسپارلاپ، كاسىپ سالاسى ساياساتىمەن قامداۋدى كۇشەيتىپ، اكىمشىلىك قىزمەت وتەۋدىڭ ساپاسىن، ونىمدىلىگىن جوعارىلاتىپ، كاسىپورىندارعا تيىمدىلىك جاساۋ ساياساتىنىڭ تياناقتانۋىن ىلگەرىلەتىپ، وسىزاماندانعان كاسىپ سالاسى جۇيەسىن قۇرۋعا دەم بەردى.
”نانچۇڭنىڭ كاسىپ سالاسىن دامىتۋ ورتاسى ءبىزدى ايرىقشا الاڭسىز ەتتى، جەرگىلىكتى ورىن شىعارعان كاسىپورىندارعا تيىمدىلىك جاسايتىن، كاسىپورىندارعا پايدا جەتكىزەتىن ءبىرقىدىرۋ ساياسات ءبىزدىڭ ىرگە تەبۋ سەنىمىمىزدى نىعايتتى“ دەدى نانچۇڭ ياحۇي ەلەكترون عىلىم - تەحنيكا شەكتى سەرىكتەستىگىنىڭ قاتىستى جاۋاپتىسى. قازىر سەرىكتەستىكتىڭ نانچۇڭداعى تۇڭعىش مەرزىمدىك نىسانى سالىنىپ بولىپ وندىرىسكە قوسىلدى، كۇنىنە 500 ميلليون كەدەرگى وندىرۋگە بولادى.
نەگىزگى تاقىرىپتىق تاربيەنى وراي ەتكەن سىچۋان ولكەسى نانچۇڭ قالاسى ساۋدا ورتاسىن ساپالىلاندىرۋ، جوعارىلاتۋ جونىندەگى 33 ءتۇرلى قىزمەت شاراسىن بەلگىلەپ، تيجارات تۇلعالارىنىڭ ومىرشەڭدىك كۇشىن تاسقىنداتۋ، نىسان قۇرىلىسىنا قىزمەت وتەۋدى ساپالىلاندىرۋ، اكىمشىلىك قىزمەت وتەۋ قابىلەتىن جوعارىلاتۋ سياقتى 6 جاقتان ىسكە كىرىسىپ، ماڭداي الدى ساۋدا ورتاسىن كۇش سالا قالىپتاستىردى؛ سونىمەن بىرگە، نانچۇڭ قالاسى ساۋدا ورتاسىنداعى كورنەكتى ماسەلەلەردى ارناۋلى جونگە سالۋدى ورىستەتىپ، كاسىپورىنداردىڭ ەسەپ - قيسابىن كەشەۋىلدەتۋ، كاسىپورىن بۇقاراسىنىڭ ءىس بىتىرۋىندەگى بوگەتتەر سياقتى 4 جاقتاعى 12 ءتۇرلى جونگە سالۋ شاراسىن اشالاپ، باستاماشى ادامداردى، جاۋاپتى ورىنداردى، ورىنداۋ ۋاقىت شەگىن ءبىر - بىرلەپ ايقىنداپ، جاڭا شارالاردى، جاڭا ادىستەردى بەلگىلەپ، كاسىپورىنداردىڭ قيىنشىلىعىن شەشۋ جونىندە ىزدەنىس جاسادى.
نەگىزگى تاقىرىپتىق تاربيە بارىسىندا جەر - جەر پارتيالى كادرلاردى ءبىرىنشى شەپكە ىشكەرىلەي ارالاسىپ، كاسىپورىنداردىڭ تالاپ - تىلەكتەرىن ۇعىسىپ، دالمە - ءدال قىزمەت وتەپ، ۇكىمەت ىستەرىنىڭ جاڭا سالتىن كاسىپورىنداردىڭ جۇرەگىنە ۇيالاتتى.
شاندۇڭ ولكەسى دۇڭيىڭ قالاسى تىڭ يگەرۋ ەكونوميكالىق اشۋ رايونى كاسىپ تىزبەگىندەگى سەلبەستىكتى تەرەڭدەتۋدى نەگىزگى تاقىرىپتىق تاربيەنى ورىستەتۋدەگى ءتۇيىندى قىزمەت ەتىپ، پارتيا قۇرىلىسى ارقىلى كاسىپ تىزبەگىنىڭ جوعارعى، ورتا، تومەنگى اعارىنداعى كاسىپورىنداردى شوعىرلاندىرىپ، نىسانداردى يگەرىپ، تالاپ - تىلەكتەرىن ايتىپ، قيىن ماسەلەلەردى شەشىپ، دامۋدى جەبەدى؛ باسشى كادرلاردىڭ باقشا رايوندارىنا، كاسىپورىندارعا ىشكەرىلەي ارالاسۋىن، ءبىرىنشى شەپكە بارۋىن ىلگەرىلەتىپ، تۇتاس كاسىپ تىزبەگىندەگى دامۋ جاعدايىن جانە شەشۋگە ءتيىستى كىلتەڭ ماسەلەلەردى ۇعىسىپ، كاسىپورىنداردىڭ قازىرگى قيىن ماسەلەلەردى شەشۋىنە كومەكتەسىپ، جالپىلىق ساياساتتىق ماسەلەلەردى رەفورما نەگىزىندە كەمەلدەندىردى ءارى ۇزاق بولاشاقتىق دامۋ جوباسىن جاسادى.
تيەليڭ چاڭتيان ماشينا - ەلەكتر شەكتى جاۋاپكەرلىك سەرىكتەستىگىنە بارعانىمىزدا، بۇل ارادا كاسىپتىك اتاق ارناۋلى باعالاۋ ءماجىلىسى اشىلىپ جاتىر ەكەن، ادام كۇشى بايلىعى جانە قوعامدىق قامتاماسىزداندىرۋ تاراۋلارىنىڭ كاسىپتىك اتاق باعالاۋ ۇيىرمەسى كاسىپورىنعا كەلىپ ينجەنەرلەردى باعالاپ جاتىپتى. نەگىزگى تاقىرىپتىق تاربيە ورىستەتىلگەننەن بەرى لياۋنيڭ ولكەسى تيەليڭ قالاسى قىزمەت ستيلىنە ۇزدىكسىز بۇرىلىس جاساپ، اكىمشىلىك قىزمەت وتەۋ ونىمدىلىگىن جوعارىلاتىپ، كورنەكتى ماسەلەلەردى شەشۋگە باقىلاۋشىلىق ەتىپ، بۇكىل قالانىڭ ساۋدا ورتاسىنىڭ ۇزدىكسىز جاقسارۋىن ىلگەرىلەتكەن. تيەليڭ قالالىق، اۋداندىق ەكى دارەجەلى 206 ورىن 137 ءتۇرلى اكىمشىلىك قىزمەت وتەۋ ءىسىن تەكسەرىپ، 373 ءىس جۇزىندىك ماسەلەنى شەشىپ، 42 ءتۇرلى ”ءوتىنىش ەتپەي – اق يگىلىكتەنۋ“ ساياسات ءتىزىمىن شىعارىپ، 21 ميلليون 670 مىڭ يۋان ”ءوتىنىش ەتپەي – اق يگىلىكتەنۋ“ ساياسات قارجىسىن تولەپ، بازاردىڭ ومىرشەڭدىك كۇشىن ونان ارى قاۋلاتىپ، اكىمشىلىك قىزمەت وتەۋدىڭ ساپاسىن، ونىمدىلىگىن جوعارىلاتىپ، كاسىپورىندار مەن بۇقارانىڭ تابىس سەزىمىن كورنەكتى كۇشەيتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
