الدىڭعى 3 توقساندا جاڭادان سالىنعان اۋىل – قىستاق تاس جولى 118 مىڭ كيلومەترگە جەتتى (جاڭا ساندى مالىمەت، جاڭا ءتۇيىن)
2023.11.20 16:04 كەلۋ قاينارى : حالىق تورابى
«حالىق گازەتى»، 11 - ايدىڭ 19 - كۇنى، بەيجيڭ (ءتىلشى حان شين). ءتىلشىنىڭ تاياۋدا قاتىناس – تاسىمال مينيسترلىگىنەن ۇعىسۋىنشا، بيىل الدىڭعى 3 توقساندا ەلىمىزدىڭ اۋىل – قىستاق تاس جولى تۇراقتى مۇلكىنە 358 ميلليارد 700 ميلليون يۋان قارجى قوسىلىپ، سەيكەس مەزگىلدەگىدەن %5.1 ارتقان؛ جاڭادان وزگەرتىپ سالىنعان اۋىل – قىستاق تاس جولى 118 مىڭ كيلومەتر بولىپ، تۇتاس جىلدىق نىسانالىق مىندەتتىڭ %90 تەن استامى ورىندالعان؛ اۋىل - قىستاق تاس جولىنىڭ حاۋىپسىزدىگىن قورعاۋ ينجەنەرياسى 78 مىڭ كيلومەتر جولدا اتقارىلىپ، اۋىل - قىستاق تاس جولىنىڭ 5 مىڭ 409 قاتەرلى كوپىرى جاڭالانىپ، بۇكىل ەلدەگى 7 مىڭ 679 اۋىل - قىستاق تاس جولىنىڭ تەگىس ايقاسقان جول اۋزىنا 15 مىڭ قارقىن باياۋلاتقىش ورناتىلعان.
بيىل جىل باسىنان بەرى جەر - جەردەگى قاتىناس - تاسىمال تاراۋلارى ءتۇيىندى تۇردە ورنالاستىرىپ، بەلسەنە ىلگەرىلەتىپ، اۋىل - قىستاق تاس جول قۇرىلىسىندا تىڭعىلىقتى ونىمدىلىككە قول جەتكىزىپ، قولايلى، جوعارى ءونىمدى، جالپىعا ءتيىمدى، ءادىل اۋىل - قىستاق تاس جول تورابىن نەگىزىنەن قۇردى.
جول تورابى ۇزدىكسىز كەڭەيدى. وتكەن جىلدىڭ سوڭىنا دەيىن بۇكىل ەل بويىنشا اۋىل - قىستاق تاس جولىنىڭ جالپى ۇزىندىعى 4 ميلليون 530 مىڭ كيلومەترگە، بۇكىل ەل بويىنشا اۋىل - قىستاق تاس جولىنىڭ قورعالۋ شاماسى %100 كە، ساپالى ورتا دارەجەلى جول شاماسى %89.3 كە جەتتى. اۋىل - قىستاق تاس جولىن باسقارۋ مىندەتى بار اۋدان دارەجەلى اكىمشىلىك ورىندار ”جول باستىعى ءتۇزىمىنىڭ“ جاپپاي قامتۋىن جۇزەگە اسىرىپ، ”جول باستىعىنىڭ“ جالپى سانى 670 مىڭعا جەتتى.
قىزمەت وتەۋ ۇزدىكسىز ساپالىلاندى. وتكەن جىلدىڭ سوڭىنا دەيىن 50 مىڭنان استام جولاۋشى، جۇك، پوچتا قىزمەت وتەۋ پۋنكتى قۇرىلىپ، 8 مىڭنان استام جولاۋشى، جۇك، پوچتا توعىسپالى لەنياسى اشىلىپ، پوچتا جولدامالارىن ۋاكىلدىك رەتىندە تاسۋ تەز جولدامالارى 200 ميلليوننان استى. مەملەكەت بويىنشا ”تورتتە جاقسى اۋىل - قىستاق جولىندا“ ۇلگى كورسەتەتىن اۋدان 353، قالا مەن اۋىلدىڭ قاتىناس - تاسىمالىن ءبىر تۇلعالاندىرۋدان ۇلگى كورسەتەتىن اۋدان 49، ”ەڭ كوركەم اۋىل - قىستاق جولى“ 40 بولدى.
”تورتتە جاقسى اۋىل - قىستاق جولىنىڭ“ ساپالى دامۋىن ىلگەرىلەتۋ − اۋىل - قىستاقتى گۇلدەندىرۋ ستراتەگياسىنا قىزمەت وتەۋدىڭ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتۋدىڭ ماڭىزدى دانەكەرى. كەلەسى قادامدا قاتىناس - تاسىمال مينيسترلىگى حالىق سانى ءبىرشاما كوپ تابيعي قىستاقتارعا (گرۋپپالارعا) اسفالت جول، قۇرىلىمدىق قىستاقتارعا دارەجەلىك جول، اۋىل - قالاشىققا 3 - دارەجەلى جانە ودان جوعارى تاس جول سالۋ قۇرىلىسىن تارتىپپەن ىلگەرىلەتىپ، كونە تاس جولداردى جاڭالاۋدى، سونداي - اق وتە تار اۋىل - قىستاق تاس جولدارىن كەڭەيتۋدى، جاڭالاۋدى نەمەسە قاتە كەزەكتەسىپ قاتىناۋ جولىن سالۋ قۇرىلىسىن كۇش سالا اتقارادى. سونىمەن بىرگە، اۋىل - قىستاق جولاۋشى، جۇك، پوچتا ىستەرىنىڭ توعىسپالى دامۋىن جەدەل ىلگەرىلەتىپ، اۋىل - قىستاق جولاۋشى، جۇك، پوچتا ىستەرىنىڭ يقۋاتى شوعىرلى، قولايلى، جوعارى ءونىمدى توعىسپالى دامۋ ۇلگىسىن ورناتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
