يانكۋيچي: جۇڭگو ەرلەر فۋتبول كومانداسىنىڭ نىساناسى ‐ دۇنيە جۇزىلىك فۋتبول ساۋىتىنا تالاسۋ جارىسىنا كىرۋ
2023.11.21 14:05 كەلۋ قاينارى : حالىق تورابى
شينحۋا اگەنتتىگىنىڭ 11 – ايدىڭ 20 – كۇنى شىنجىننان بەرگەن حابارى. 2026 - جىلعى ا ق ش - كانادا - مەكسيكا دۇنيە جۇزىلىك فۋتبول ساۋىتىنا تالاسۋ جارىسى ازيا رايونى ىرىكتەۋ جارىسىنىڭ 36 مىقتىنىڭ كەزدەسۋىنىڭ جۇڭگو كومانداسى مەن كورەيا كومانداسىنىڭ جارىسى الدىندا وتكىزىلگەن اقپار جاريالاۋ ماجىلىسىندە، جۇڭگو كومانداسىنىڭ باس جاتتىقتىرۋشىسى يانكۋيچي جۇڭگو كومانداسىنىڭ نىساناسى ‐ دۇنيە جۇزىلىك فۋتبول ساۋىتىنا تالاسۋ جارىسىنا كىرۋ دەدى.
سۋرەتتە: 11 – ايدىڭ 20 – كۇنى، جۇڭگو كومانداسىنىڭ باس جاتتىقتىرۋشىسى يانكۋيچي اقپار جاريالاۋ ماجىلىسىندە. شينحۋا اگەنتتىگىنىڭ ءتىلشىسى جيا حاۋچىڭ فوتوسى
يانكۋيچي بىلاي دەدى: ”ءبىز كورەيا كومانداسىنا قۇرمەت بىلدىرەمىز، ولار دۇنيە جۇزىلىك ورەگە ۋاكىلدىك ەتەدى. دۇنيە جۇزىلىك فۋتبول ساۋىتىنا تالاسۋ جارىسىنىڭ ىرىكتەۋ جارىسى ‐ ءبىزدىڭ باستى مىندەتىمىز، نىسانامىز ‐ دۇنيە جۇزىلىك فۋتبول ساۋىتىنا تالاسۋ جارىسىنا كىرۋ. ءبىز ىرىكتەۋ جارىسىنىڭ ءبىرىنشى مايدانىندا 3 ءنومىر العانىمىز ءبىرشاما ماڭىزدى، ەرەكشە مانگە يە ءسات دەۋگە بولادى. ءوزىمىزدىڭ الاڭعا كەلگەننەن كەيىن وسىنداي (سايىسۋ) قوزعاۋشى كۇشتى جالعاستى ساۋلەلەندىرەمىز. دوپشىلارىمىز ەرەكشە كوڭىلدى، جارىستى اسىعا كۇتۋدە.“
اقپار جاريالاۋ زالى كوپتەگەن تىلشىلەرگە تولدى، يانكۋيچي بۇل جونىندە بىلاي دەدى: ”بۇل بۇكىل ەل نازار اۋدارىپ وتىرعان جارىس ەكەندىگىن تۇسىندىرەدى، وسىنداي جارىسقا قاتىناسقانىمدى ماقتانىش سەزىنەمىن. مەن كوماندانىڭ بۇكىل ەل حالقىنىڭ كۇتكەن ءۇمىتىن ارقالاي الاتىندىعىن باستان - اياق دارىپتەپ كەلەمىن، مۇندا تەك ناتيجە جاعىندا عانا ەمەس، ونان دا ماڭىزدىسى، كۇرەسشەڭدىك رۋح، فۋتبولعا دەگەن سۇيىسپەنشىلىك، جەڭىسكە دەگەن اڭسار بولۋى كەرەك. تايلاند كومانداسىمەن بولعان جارىستا ءبىز ىرىقسىز جاعدايدا ەرلىكپەن سايىسۋ رۋحىن ايگىلەدىك ءارى ارتتا تۇرعان جاعدايدا وزىپ الدىعا تۇستىك، ءبىز وسىنداي تاماشا ساتتەردى جالعاستىرۋعا تىرىسامىز.“
سۋرەتتە: 11 – ايدىڭ 20 – كۇنى، جۇڭگو كومانداسىنىڭ باس جاتتىقتىرۋشىسى يانكۋيچي جاتتىعۋدا. شينحۋا اگەنتتىگىنىڭ ءتىلشىسى جيا حاۋچىڭ فوتوسى
قارسىلاسى تۋرالى توقتالعاندا يانكۋيچي بىلاي دەدى: ”كورەيا كومانداسىنىڭ شابۋىل شەبى وتە كۇشتى، ءارقانداي كەزدە نەمقۇرايدى قاراۋعا بولمايدى، ولار جاقىنداعى ءتورت مايدان دوستىق جارىس پەن تۇڭعىش كەزەكتى ىرىكتەۋ جارىسىندا قارسىلاسىنا بىردە ءبىر دوپ سالدىرمادى. بۇل ولاردىڭ قورعانىس شەبىنىڭ دە ايتارلىقتاي ەكەندىگىن تۇسىندىرەدى“.
كورەيا كومانداسىنىڭ ماڭداي الدى دوپشىسى سۇن شيڭميننەن قالاي قورعانۋ جونىندە يانكۋيچي بىلاي دەدى: ”ءبىز جارىستا ونان عانا ەمەس، قايتا كورەيا كومانداسىنىڭ بارلىق مۇشەلەرىنەن قورعانۋىمىز كەرەك. ويتكەنى قورعانىس ‐ جالپى تۇلعالىق ماسەلە، ءبىزدىڭ بارلىق مۇشەلەرىمىزدە اسا جوعارى قورعانۋ ءتارتىبى بولۋ كەرەك. ءبىزدىڭ قورعانىس شەبىمىز اناعۇرلىم بەلسەندى، ىرىقتى، اناعۇرلىم قۋاتتى بولۋى، ونىڭ ۇستىنە، ءسوز جوق، توتەنشە ورنىقتى بولۋى كەرەك. ەندى ءبىر تۇرعىدان قاراعاندا، ەڭ جاقسى كوماندا بولعان كۇننىڭ وزىندە دە بوستىق بولادى، مۇمكىندىكتىڭ بارىنشا قارسىلاسقا تالداۋ جاساپ، قارسىلاستىڭ وسال ٴتۇسىن يگەرۋىمىز كەرەك.“
11 – ايدىڭ 21 – كۇنگى جارىستا جارىس مايدانىنا مەجەمەن 40 مىڭنان استام فۋتبول جانكۇيەرلەرى كىرەدى، يانكۋيچي: ” فۋتبول جانكۇيەرلەرى كوبەيگەن سايىن، كوڭىل كۇيىمىزدى سولعۇرلىم جاقسى مەڭگەرۋىمىز كەرەك. وسىنشاما كوپ جانكۇيەرلەردىڭ بىزگە دەم بەرۋى، ءسوز جوق، وراسان زور قولداۋ جانە شابىتتاندىرۋ بولماق.“
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
