لي چياڭ ورتالىق فينانس كوميتەتىنىڭ ءماجىلىسىن باسقارىپ اشتى
باس شۋجي شي جينپيڭنىڭ ورتالىقتىڭ فينانس قىزمەتى ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، فينانستىڭ ساپالى دامۋىن ىلگەرىلەتۋگە قاتىستى ءتۇيىندى مىندەتتەردىڭ جۇمىس ءبولىسى جوباسىن قارادى
2023.11.21 16:07 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 20 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق فينانس كوميتەتىنىڭ مەڭگەرۋشىسى لي چياڭ 11 - ايدىڭ 20 - كۇنى ورتالىق فينانس كوميتەتىنىڭ ءماجىلىسىن باسقارىپ اشىپ، باس شۋجي شي جينپيڭنىڭ ورتالىقتىڭ فينانس قىزمەتى ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، فينانستىڭ ساپالى دامۋىن ىلگەرىلەتۋگە قاتىستى ءتۇيىندى مىندەتتەردىڭ جۇمىس ءبولىسى جوباسىن قارادى.
ءماجىلىس بىلاي دەپ اتاپ كورسەتتى: باس شۋجي شي جينپيڭنىڭ ورتالىقتىڭ فينانس قىزمەتى ماجىلىسىندە سويلەگەن ماڭىزدى ءسوزى جاڭا ءداۋىردىڭ جاڭا جورىعىندا فينانستىڭ ساپالى دامۋىن ىلگەرىلەتۋگە ءتۇبىرلى تياناق جانە ارەكەت باعدارناماسىن ازىرلەدى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، جۇڭگوشا فينانستى دامىتۋ جولىمەن ويداعىداي ءجۇرۋدىڭ كەلەلى ءمانىن جەتە تانىپ، جاڭا داۋىردەگى فينانس قىزمەتىن ويداعىداي ىستەۋدىڭ جاۋاپكەرلىك سەزىمىن، بورىشتىلىق سەزىمىن شىنايى كۇشەيتىپ، قايراتتانا العا ۇمتىلاتىن رۋحاني كۇيمەن، تىڭعىلىقتى، ءونىمدى قىزمەت شارالارىمەن ورتالىقتىڭ فينانس قىزمەتى ءماجىلىسىنىڭ ورنالاستىرۋلارىن جاپپاي تياناقتاندىرىپ، فينانستا قۇدىرەتتى ەل قۇرۋدى جەدەلدەتىپ، جۇڭگو ۇلگىسىندەگى وسىزامانداندىرۋ قۇرىلىسىنا اناعۇرلىم ويداعىداي قىزمەت وتەۋ جانە تىرەك بولۋ كەرەك.
ءماجىلىس فينانستىڭ ساپالى دامۋىن ىلگەرىلەتۋگە قاتىستى ءتۇيىندى مىندەتتەردىڭ جۇمىس ءبولىسى جوباسىن قاراپ ماقۇلدادى. ءماجىلىس مىنالاردى دارىپتەدى: فينانستىڭ ەكونوميكالىق، قوعامدىق دامۋعا قىزمەت وتەۋىنىڭ ساپا دەڭگەيىن كۇش سالا جوعارىلاتىپ، اقشا ساياساتىنىڭ تۇراقتىلىعىن ساقتاۋ نەگىزىندە، كەلەلى ستراتەگيالاردى، ءتۇيىندى سالالاردى جانە ءالسىز بۋىنداردى قولداۋ سەرپىنىن ارتتىرىپ، عىلىم - تەحنيكا فينانسى، جاسىل فينانس، جالپىعا ءتيىمدى فينانس، زەينەتكەرلىك فينانسى، سيفرلى فينانس سىندى 5 ءىرى ءىستى ويداعىداي ىستەۋدى ارقاۋ ەتىپ، ناقتى ساياساتتار مەن قىزمەت شارالارىن جەدەل اقىلداسىپ شىعارۋ كەرەك. ورايدى، ريتىمدى جانە سەرپىندى ويداعىداي يگەرىپ، فينانس كاسىبىنىڭ ەسىك اشۋىنىڭ ورنىقتى، باياندى بولۋىن تىڭعىلىقتى ىلگەرىلەتىپ، فينانس كاسىبىنىڭ اناعۇرلىم ويداعىداي دامۋىن، زورايۋىن جەبەۋ كەرەك. فينانستى باقىلاۋ - باسقارۋدى جاپپاي كۇشەيتىپ، فينانس حاۋىپ - قاتەرىن ءبىر جاقتى ەتۋ جاۋاپكەرلىگىن قاتايتىپ، ناقتىلاندىرىپ، تاراۋلاردىڭ سايكەسۋىن جانە جوعارى مەن تومەننىڭ ىقپالداستىعىن كۇشەيتىپ، ىركىندى حاۋىپ - قاتەردى شەشۋ تەبىنىن ۇزدىكسىز ارتتىرۋمەن بىرگە، تۋ باستان باسقارۋ - مەڭگەرۋدى كۇشەيتىپ، قاتىستى سالالارداعى رەفورمانى تەرەڭدەتىپ، حاۋىپ - قاتەردەن ساقتانۋ، ساقتاندىرۋ جانە ءبىر جاقتى ەتۋ مەحانيزمىن كەمەلدەندىرىپ، حاۋىپ - قاتەردەن ساقتانۋ جانە ونى جويۋ مىندەتىن بىرگە ناقتى، ويداعىداي يگەرۋ كەرەك. پارتيانىڭ فينانس قىزمەتىنە جاپپاي باسشىلىعىندا تاباندى بولىپ، فينانس جۇيەسىنىڭ پارتيا قۇرىلىسىن شىنايى كۇشەيتىپ، ءار دارەجەلى پارتيا ۇيىمدارىنىڭ جاۋىنگەر قورعاندىق رولىن ساۋلەلەندىرىپ، ساپالى كادر - دارىندىلار قوسىنى قۇرىلىسىن كۇشەيتىپ، جۇمىس ءبولىسى جوباسىنىڭ تالابى بويىنشا مىندەتتى قاتاڭ اتقارىپ، جاۋاپكەرلىكتى ادا ەتىپ، ءتۇرلى مىندەتتەردىڭ تياناقتانىپ، ناتيجە بەرۋىن بار كۇشپەن ىلگەرىلەتۋ كەرەك.
حى ليفىڭ، ۋ جىڭلۇڭ ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
