ورتالىقتىڭ ءۇشىنشى اينالىمداعى ءبىرىنشى توپتاعى ەكولوگيالىق ورتانى قورعاۋ ىستەرىن باقىلاۋ – قاداعالاۋ قىزمەتى جالپى بەتتىك باستالدى
2023.11.22 14:22 كەلۋ قاينارى : حالىق تورابى
ەكولوگيالىق ورتا مينيسترلىگىنىڭ ەڭ جاڭا حابارىنا قاراعاندا، ورتالىق كوميتەتتىڭ، مەملەكەتتىك كەڭەستىڭ بەكىتۋىمەن، ورتالىقتىڭ ءۇشىنشى اينالىمداعى ءبىرىنشى توپتاعى ەكولوگيالىق ورتانى قورعاۋ ىستەرىن باقىلاۋ – قاداعالاۋ قىزمەتى جالپى بەتتىك باستالدى. فۋجيان، حىنان، حاينان، گانسۋ، چيڭحاي سىندى 5 ولكەدە جەكە - جەكە ءبىر ايلىق ۋاقىتپەن تۇراقتاپ باقىلاۋ - قاداعالاۋ قىزمەتىن ورىستەتەدى. باقىلاۋ - قاداعالاۋ گرۋپپاسى ولكە دارەجەلى پارتكوم مەن ۇكىمەتتىڭ شي جينپيڭنىڭ ەكولوگيالىق وركەنيەت يدەياسى مەن پارتيا ورتالىق كوميتەتىنىڭ، مەملەكەتتىك كەڭەستىڭ ەكولوگيالىق وركەنيەت قۇرىلىسىنا قاتىستى كەلەلى شەشىمدەرىن، ورنالاستىرۋلارىن دايەكتى تياناقتاندىرۋ جاعدايىن، ولكە دارەجەلى قاتىستى تاراۋلاردىڭ ەكولوگيالىق ورتانى قورعاۋ جاۋاپكەرشىلىگىن تياناقتاندىرۋ جانە مىندەت ارقالاپ، شارا قولدانۋ جاعدايىن، ايماق - قالا دارەجەلى پارتكوم مەن ۇكىمەتتىڭ ەكولوگيالىق ورتانى قورعاۋ جاعىنداعى قىزمەتتەردى ىلگەرىلەتۋ، تياناقتاندىرۋ جاعدايىن ءتۇيىندى تۇردە باقىلاپ، قۋزاۋشىلىق ەتەدى.
تۇراقتاپ باقىلاۋ مەزگىلىندە، ءارقايسى باقىلاۋ گرۋپپاسى جەكە - جەكە بايلانىس تەلەفونى مەن پوچتا حات ساندىعىنىڭ ءنومىرىن بەلگىلەپ، باقىلاۋعا الىناتىن وبيەكتىلەردىڭ ەكولوگيالىق ورتانى قورعاۋ جاعىنداعى قىزمەتتەرىنە ساياتىن اشكەرەلەۋ تەلەفونى مەن اشكەرەلەۋ حاتىن قابىلدايدى. (باس ستانسيا ورتالىق تەلەۆيزيا ءتىلشىسى جياڭ شياۋپيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
