جاۋ لىجي رەسەي مەملەكەتتىك دۋماسىنىڭ ءتوراعاسى ۆولوكينمەن كەڭەس وتكىزدى
2023.11.22 16:53 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 21 - كۇنى، بەيجيڭ (ءتىلشى شۇي كى). مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 11 - ايدىڭ 21 - كۇنى تۇستەن كەيىن حالىق سارايىندا رەسەي مەملەكەتتىك دۋماسىنىڭ ءتوراعاسى ۆولوكينمەن كەڭەس وتكىزدى.
جاۋ لىجي مىنالاردى ءبىلدىردى: ءتوراعا شي جينپيڭ مەن پۋتين زۇڭتۇڭنىڭ ستراتەگيالىق جەتەكشىلىگىندە، جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم - قاتىناسى باستان - اياق دۇرىس العا باسۋ بەتالىسىن ساقتاپ، ساياسي ءوزارا سەنىمدىلىگى ۇزدىكسىز بەكەمدەلىپ، ناقتى سەلبەستىگى قارىشتاپ دامىپ، گۋمانيتارلىق جانە جەرگىلىكتى ورىندار اۋىس - كۇيىس ۇزدىكسىز تەرەڭدەپ، جاڭاشا ءىرى ەلدىك قارىم - قاتىناستىڭ ۇلگىسىن ورناتتى. حالىقارالىق جاعداي قالاي قۇبىلسا دا، جۇڭگو مەن رەسەي ەكى ەل مەملەكەت باسشىلارى تۇراقتاندىرعان ”تورتتە ءوزارا باتىل قولداۋ“ ماڭىزدى پرينسيبىنە بويسۇنىپ، جان - جاقتى ستراتەگيالىق سەلبەستىكتى قول ۇستاسا بەكەمدەپ جانە دامىتىپ، ەكى ەل حالىقتارىن ۇزدىكسىز باقىتقا كەنەلتىپ، حالىقارالىق ادىلدىك پەن تۋراشىلدىقتى قورعاۋى كەرەك. ەكى جاق ”ءبىر بەلدەۋ، ءبىر جولدى“ بىرگە قۇرۋدى ەۆروپا - ازيا ەكونوميكالىق وداعىمەن ۇشتاستىرۋدى ۇزدىكسىز ىلگەرىلەتىپ، اناعۇرلىم كوپ ناقتى سەلبەستىك جەتىستىكتەرىن قالىپتاستىرىپ، شاڭحاي سەلبەستىك ۇيىمى، بريكس ەلدەرى سياقتى مەحانيزمدەردىڭ سەلبەستىگىن ىلگەرىلەتۋى كەرەك.
جاۋ لىجي مىنالاردى ءبىلدىردى: جۇڭگو مەن رەسەيدىڭ زاڭ شىعارۋ قۇرىلىمدارىنىڭ بارىس - كەلىسىنىڭ جوعارى دەڭگەيى − ەكى ەل قارىم - قاتىناسىنىڭ ستراتەگيالىق، ەرەكشە ماڭىزدى بەلگىلەرىنىڭ ءبىرى. ەكى جاق قۇرعان جۇڭگو - رەسەي پارلامەنت سەلبەستىك كوميتەتى − ساياسي سەنىمدىلىكتى كۇشەيتىپ، ناقتى سەلبەستىكتى جەبەپ، حالىقتار دوستىعىن جالعاستىرۋدىڭ ورنىقتى، ءونىمدى تۇعىرى. جۇڭگو مەملەكەتتىك حالىق قۇرىلتايى رەسەي فەدەراتسياسىنىڭ ماجىلىسىمەن بىرگە ەكى ەل مەملەكەت باسشىلارىنىڭ ماڭىزدى ورتاق تانىمىن ويداعىداي تياناقتاندىرۋدى ماڭداي الدى مىندەت ەتىپ، اۋىس - كۇيىستى، بارىس - كەلىستى اناعۇرلىم جيىلەتىپ، ەكى ەلدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز العا دامۋىنا دەم بەرۋدى قالايدى. رەسەي مەملەكەتتىك دۋماسى مەن ءارقايسى پارتيا، توبىنىڭ ۇزاقتان بەرى جۇڭگو - رەسەي دوستق سەلبەستىگىن ىلگەرىلەتەرۋ ءۇشىن ىستەگەن قىزمەتىنە العىس ايتامىز. كەلەر جىلى ەكى مەملەكەتتىڭ ديپلوماتتىق بايلانىس ورناتقانىنىڭ 75 جىلدىعىن قۇتتىقتاۋدى وراي ەتىپ، ەكى جاقتىڭ جاقسى سەلبەستىك نەگىزى مەن تابىستى تاسىلدەرىن تياناق ەتىپ، اۋىس - كۇيىس مەحانيزىمى، ارناۋلى كوميتەت، ەكى جاق دوستىق گرۋپپاسى، ءىس ءبىتىرۋ قۇرىلىمى سياقتى تۇعىرلاردىڭ رولىن ساۋلەلەندىرىپ، كوپ ساتىلى، كوپ سالالى اۋىس - كۇيىس سەلبەستىگىن ىشكەرىلەي ورىستەتىپ، شەتەلگە بايلانىستى زاڭ شىعارۋ تاجىريبەلەرىن الماستىرۋدى كۇشەيتىپ، ەكى ەلدىڭ ەكونوميكا - ساۋدا، فينانس، قارجى قوسۋ، حاۋىپسىزدىك، ينفورماتسيا، گۋمانيتارلىق، جەرگىلىكتى ورىندار سياقتى سالالارداعى سەلبەستىگىن جەبەۋدى بەرىك زاڭدىق كەپىلمەن قامداۋدى قالايمىز.
ۆولوكين مىنالاردى ءبىلدىردى: پۋتين زۇڭتۇڭ ءتوراعا شي جينپيڭمەن رەسەي مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىن ۇزدىكسىز تەرەڭدەتۋ جونىندە ماڭىزدى ورتاق تانىمعا كەلىپ، ەكى ەل قارىم - قاتىناسىنىڭ دامۋىن تاريحتاعى ەڭ جاقسى دەڭگەيدە تۇرۋىنا جەتەكشىلىك ەتتى. رەسەي ءبىر جۇڭگو پرينسيبىن باتىل اتقارادى. رەسەي مەملەكەتتىك دۋماسىنداعى پارتيالار مەن توپتار جۇڭگومەن دوستىق قارىم - قاتىناستى ۇزدىكسىز دامىتۋدى ءبىر اۋىزدان قولدايدى. رەسەي مەملەكەتتىك دۋماسى جۇڭگو مەملەكەتتىك حالىق قۇرىلتايىمەن بىرگە قۇلشىنىپ، زاڭ شىعارۋ سياقتى فورمالار ارقىلى ەكى ەل مەملەكەت باسشىلارى كەلىسكەن ورتاق تانىمدى ويداعىداي تياناقتاندىرىپ، رەسەي - جۇڭگو پارلامەنت سەلبەستىك كوميتەتىنىڭ بەلسەندى رولىن ساۋلەلەندىرىپ، ەكى ەلدىڭ ناقتى سەلبەستىگىن جەبەۋدى زاڭدىق كەپىلمەن قامداپ، رەسەي پارلامەنت مۇشەلەرى مەن جۇڭگو حالىق قۇرىلتايى ۋاكىلدەرى اراسىنداعى، ەكى ەل حالىقتارى اراسىنداعى ءوزارا ءتۇسىنىسۋ مەن دوستىقتى كۇشەيتىپ، رەسەي - جۇڭگو قارىم - قاتىناسىنىڭ دامۋىن جەبەۋگە ۇلەس قوسۋدى قالايدى.
پىڭ چيڭحۋا كەڭەستە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
