جۇڭگو اقپارات سيلىعى، چاڭجياڭ تاۋفىن سيلىعىن تاراتۋ بايانداما ءماجىلىسى وتكىزىلدى
ساي چي سيلىق العان ۋاكىلدەرمەن كەزدەستى
2023.11.22 16:53 كەلۋ قاينارى : حالىق تورابى
«حالىق گازەتى»، 11 - ايدىڭ 21 - كۇنى، بەيجيڭ (ءتىلشى جاڭ شو). 32 -، 33 - كەزەكتى جۇڭگو اقپارات سيلىعى مەن 17 - كەزەكتى چاڭجياڭ تاۋفىن سيلىعىن تاراتۋ بايانداما ءماجىلىسى 11 - ايدىڭ 21 - كۇنى بەيجيڭدە وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي سيلىق يەگەرلەرىنىڭ ۋاكىلدەرىمەن كەزدەستى.
تۇستەن بۇرىن ساعات 9 دان 30 مينۋت وتكەندە ساي چي حالىق سارايىنىڭ سولتۇستىك زالىنا كەلىپ، سيلىق يەگەرلەرىنىڭ ۋاكىلدەرىن قىزۋ قۇتتىقتادى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ۇگىت ءبولىمىنىڭ باستىعى لي شۋلەي كەزدەسۋدە بىرگە بولدى ءارى ءسوز سويلەدى.
ءماجىلىس مىنالاردى تالاپ ەتتى: قالىڭ اقپارات قىزمەتكەرلەرى شي جينپيڭ مادەنيەت يدەياسىن ۇيرەنۋدى، يگەرۋدى مىندەتتى ساباق ەتىپ، وسى ماڭىزدى يدەيانىڭ كەلەلى ءمانىن، باي مازمۇنىن جانە امالياتتىق تالابىن تەرەڭ ءتۇسىنىپ، اقپاراتتىق قوعامدىق پىكىر قىزمەتىنىڭ ءار جاعىندا، جالپى بارىسىندا سانالى تۇردە دايەكتىلەندىرىپ، تياناقتاندىرىپ، سۇيىسپەنشىلىگى، قابىلەتى، جاۋاپكەرلىگى بار جاڭا داۋىردەگى اقپارات قىزمەتكەرى بولۋعا قۇلشىنۋى كەرەك.
ءماجىلىس مىنالاردى دارىپتەدى: اقپارات شەبى سەنىمدى كۇشەيتۋدى ءتۇيىن ەتىپ، ۇنامدى ۇگىتتى كۇشەيتىپ، جۇڭگو مەن شەتەلدى توعىستىرعان جاڭا ۇعىم، جاڭا كاتەگوريا، جاڭا بايانداۋ ارقىلى جۇڭگو حيكاياسىن، جۇڭگو كوممۋنيستىك پارتياسىنىڭ حيكاياسىن جانە جاڭا ءداۋىر حيكاياسىن ويداعىداي بايانداپ، جاڭا تەحنيكا، جاڭا تۇعىر، جاڭا تاسىلدەردەن بەلسەنە پايدالانىپ، جالپىلىق اقپارات قۇرالدارىنىڭ تاراتۋ جۇيەسى قۇرىلىسىن ىلگەرىلەتىپ، اقپاراتتىق قوعامدىق پىكىر قىزمەتىنىڭ جاڭا جاعدايىن ۇزدىكسىز اشۋى كەرەك.
جۇڭگو تىلشىلەر قوعامىنىڭ ءتوراعاسى حى پيڭ ماجىلىستە ارناۋ ءسوز سويلەدى. حالىق تەڭىز ارمياسى گازەتى مەكەمەسىنىڭ، جۇمىسشىلار گازەتى مەكەمەسىنىڭ، حالىق گازەتى مەكەمەسىنىڭ، شينحۋا اگەنتتىگىنىڭ، ورتالىق راديو - تەلەۆيزيا باس ستانسياسىنىڭ، جىجياڭ راديو - تەلەۆيزيا توبىنىڭ، حاربين گازەتى مەكەمەسىنىڭ ۋاكىلدەرى ىلگەرىندى - كەيىندى لەبىز ءبىلدىردى. ورتالىقتىڭ ۇگىت، يدەيا، مادەنيەت قىزمەتىنە باسشىلىق ەتۋ گرۋپپاسىنىڭ مۇشەلەرى، ورتالىق پەن مەملەكەت ورگاندارىنىڭ قاتىستى تاراۋلارىنداعى، ورتالىقتاعى نەگىزگى اقپارات ورىندارىنداعى جاۋاپتى جولداستار جانە اقپارات قىزمەتكەرلەرىنىڭ ۋاكىلدەرى قاتارلىلار بولىپ 310 داي ادام ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
