حان جىڭ وزبەكستاننىڭ سىرتقى ىستەر مينيسترى سايدوۆپەن كەزدەستى
2023.11.22 16:54 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 21 - كۇنى، بەيجيڭ. 11 - ايدىڭ 21 - كۇنى مەملەكەت ءتوراعاسىنىڭ ورىنباسارى حان جىڭ بەيجيڭدە وزبەكستاننىڭ سىرتقى ىستەر مينيسترى سايدوۆپەن كەزدەستى.
حان جىڭ مىنالاردى ءبىلدىردى: جۇڭگو مەن وزبەكستان − دۇنيە جۇزىندەگى وركەنيەتتى بايىرعى ەلدەر، بايىرعى جىبەك جولى ەكى ەل حالىقتارىنىڭ ەكى مىڭ جىلدان استام ۋاقىتتان بەرگى دوستىق بارىس - كەلىسىنە كۋا بولدى. ديپلوماتيالىق قارىم - قاتىناس ورناتقان 31 جىلدان بەرى ەكى جاق باستان - اياق تەڭ تۇرعىدا مامىلە جاساپ، ءوزارا قۇرمەت ەتىپ، ءوزارا سەنىم ارتىپ، جۇڭگو - وزبەكستان قارىم - قاتىناسىنىڭ باياندى، اقاۋسىز، ورنىقتى دامۋىن ىلگەرىلەتتى. ەكى ەل مەملەكەت باسشىلارىنىڭ ستراتەگيالىق جەتەكشىلىگى مەن تىكەلەي جەبەۋىندە، جۇڭگو - وزبەكستان قارىم - قاتىناسىنىڭ دامۋى جاڭا داۋىرگە قادام تاستاپ، ءار سالاداعى سەلبەستىك جەدەل ارناعا ءتۇسىپ، ەكى ەلدىڭ بىرگە دامۋىنا، گۇلدەنۋىنە تىڭ قوزعاۋشى كۇش قوستى. جۇڭگو جاق وزبەكستانمەن ءوزارا قولداۋ سەرپىنىن ارتتىرىپ، دامۋ ستراتەگياسىن ۇشتاستىرۋدى جەدەلدەتىپ، ەكى ەلدىڭ جوعارى دەڭگەيدەگى ساياسي قارىم - قاتىناسىن ناقتى جەتىستىكتەرگە اينالدىرىپ، ەكى ەل حالىقتارىن اناعۇرلىم ويداعىداي يگىلىككە كەنەلتۋدى قالايدى.
سايدوۆ مىنانى ءبىلدىردى: وزبەكستان - جۇڭگو قاتىناسى تاريحتاعى ەڭ جاقسى، ەڭ جوعارى دەڭگەيدە تۇر. وزبەكستان جۇڭگونى ەڭ ماڭىزدى جان - جاقتى ستراتەگيالىق سەرىك دەپ قارايدى، جۇڭگومەن ستراتەگيالىق تىلدەسۋدى كۇشەيتىپ، ەكى ەل مەملەكەت باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ەكى ەلدىڭ ءار سالاداعى ءوزارا ءتيىمدى سەلبەستىگىن ۇزدىكسىز تەرەڭدەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
