ەلىمىزدىڭ جەر - جەرىندەگى جوعارى مەكتەپتەر قىستىق دەمالىسقا تاراتۋ ۋاقىتىن ىركەس - تىركەس جاريالادى، ەڭ ۇزاق بولعاندا 68 كۇن دەمالىس بەرىلەدى
2023.11.23 13:04 كەلۋ قاينارى : حالىق تورابى
جۋىردا ەلىمىزدەگى كوپتەگەن ولكەلەردەگى جوعارى مەكتەپتەر قىستىق دەمالىسقا تاراتۋ ۋاقىتىن ىركەس - تىركەس جاريالادى. مەكتەپتەردىڭ بۇرىنعى جىلدارى رەسمي جاريالاعان دەمالىس جاعدايىنان الىپ قاراعاندا، بيىل ءارقايسى مەكتەپتەردە قىسقى دەمالىس ۋاقىتى 35 تە 45 كۇن ارالىعىندا بولادى، باسىم كوپ ساندى مەكتەپتەر ءبىرىنشى ايدىڭ ورتا شەنىنەن باستاپ قىستىق دەمالىسقا تاراتادى، 2 - ايدىڭ اياعىندا وقۋشىلار مەكتەپكە قايتادى. شىعىس سولتۇستىكتەگى جوعارى مەكتەپتەردىڭ دەمالىسقا تاراتۋ ۋاقىتى جاپپاي ۇزاق بولادى، وڭتۇستىكتە دەمالىس ۋاقىتى ءبىرشاما قىسقا بولادى. دەمالىسقا تاراتۋ ۋاقىتى ەڭ ۇزاق بولعاندا 68 كۇن، ەڭ قىسقا بولعاندا 30 كۇنگە جەتپەيدى.
ۇعىسۋعا قاراعاندا، ءارقايسى جوعارى مەكتەپتەر ءار ماۋسىمداعى وقىتۋ جوسپارىنا نەگىزدەلە وتىرىپ، وقۋ ماۋسىمىنىڭ ۇزىن - قىسقالىعىن وزدەرى بەلگىلەۋىنە بولادى. وقۋشىلاردىڭ مەكتەپكە بارىپ تىزىمدەلگەنىنەن باستاپ، ءاربىر مەكتەپتىڭ وقىتۋ ۇردىسىندە ازداپ ۇقساماستىقتار بولادى، ونىڭ ۇستىنە، وقىتۋ ۋاقىتى مەن ەمتيحان ۋاقىتىنىڭ ۇزىن - قىسقالىعى دا بىركەلكى بولمايدى، سوندىقتان، قىستىق دەمالىستى ورنالاستىرۋدا پارىقتى جاعداي تۋىلادى. جوعارى مەكتەپتىڭ ءتورت جىلدىق وقىتۋ مەرزىمى وزگەرمەيتىندىكتەن، بۇل ماۋسىمدا قىسقى دەمالىس ۋاقىتى قىسقا بولسا، كوكتەمدە الدىن الا وقۋ باستاعاندىقتان، جازدىق دەمالىسقا دا الدىن الا تاراتۋعا بولادى، جازدىق دەمالىس ۋاقىتى دا ءبىرشاما ۇزاق بولۋى مۇمكىن. تەك تۇتاس جىل بويى وقۋشىلاردى وقىتۋ ۋاقىتىن تولىق ورىنداپ بولسا، جوعارى مەكتەپتەردىڭ قىستىق دەمالىس پەن جازدىق دەمالىستىڭ ۋاقىتىن جاعدايعا قاراي بەلگىلەۋىنە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
