شي جينپيڭ رەسەي مەملەكەتتىك دۋماسىنىڭ ءتوراعاسى ۆولوكينمەن كەزدەستى
2023.11.23 20:11 كەلۋ قاينارى : حالىق تورابى
11 - ايدىڭ 22 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا رەسەي مەملەكەتتىك دۋماسىنىڭ ءتوراعاسى ۆولوكينمەن كەزدەستى.سۋرەتتى شينحۋا اگەنتتىگىنىڭ ءتىلشىسى ليۋ ۋەيبيڭ تۇسىرگەن
شينحۋا اگەنتتىگى، 11 - ايدىڭ 22 - كۇنى، بەيجيڭ (ءتىلشى ياڭ ي – جۇن). 11 - ايدىڭ 22 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا رەسەي مەملەكەتتىك دۋماسىنىڭ ءتوراعاسى ۆولوكينمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن رەسەي _ ەڭ ۇلكەن كورشى ەلدەر، ەكەۋى دە بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلدەرى، كەڭ كولەمدى ورتاق مۇددەگە يە. بيىل مەن پۋتين زۇڭتۇڭمەن ەكى رەت بەتپە - بەت، ىشكەرىلەي پىكىر اۋىستىرىپ، جۇڭگو مەن رەسەيدىڭ جان - جاقتى ستراتەگيالىق سەلبەستىگىن جانە ءار سالاداعى ناقتى سەلبەستىگىن تەرەڭدەتۋ جونىندە كوپتەگەن جاڭا ورتاق تانىمعا كەلدىك. كەلەر جىلى _ جۇڭگو مەن رەسەيدىڭ ديپلوماتيالىق قارىم - قاتىناس ورناتقانىنىڭ 75 جىلدىعى، جۇڭگو رەسەيمەن بىرگە ماڭگىلىك تاتۋ كورشىلىك، دوستىق، جالپى بەتتىك ستراتەگيالىق سەلبەستىك، ءوزارا پايدا جەتكىزىپ، تەڭ يگىلىككە كەنەلۋ سىندى ەكى جاقتى قارىم - قاتىناستى ۇزدىكسىز تەرەڭدەتىپ، ەكى ەلدىڭ دامۋىنا، گۇلدەنۋىنە تىڭ قوزعاۋشى كۇش قوسىپ، دۇنيە ءجۇزىنىڭ گۇلدەنۋى مەن ورنىقتىلىعىنا اناعۇرلىم كوپ ورنىقتىلىق ازىرلەۋدى قالايدى.
شي جينپيڭ بىلاي دەپ دارىپتەدى: زاڭ شىعارۋ قۇرىلىمدارىنىڭ سەلبەستىگىن كۇشەيتۋ جۇڭگو - رەسەي قارىم - قاتىناسىنىڭ ورنىقتى، باياندى بولۋىنا كەپىلدىك ەتۋدە ماڭىزدى رول اتقارادى. رەسەي مەملەكەتتىك دۋماسىنىڭ جۇڭگو مەملەكەتتىك حالىق قۇرىلتايىمەن زاڭ شىعارۋ تاجىريبەلەرىن اۋىستىرۋدى كۇشەيتىپ، ەكى ەلدىڭ زاڭ شىعارۋ قۇرىلىمدارىنىڭ ارناۋلى كوميتەتتەرىنىڭ، پارلامەنت مۇشەلەرىنىڭ دوستىق گرۋپپالارىنىڭ رولىن تولىق ساۋلەلەندىرىپ، ەكى جاقتىڭ سەلبەستىگىنە اناعۇرلىم كەمەلدى زاڭدىق تىرەك ازىرلەپ، ”ءبىر بەلدەۋ، ءبىر جولدى“ بىرگە قۇرۋ باستاماسى مەن ەۆروپا - ازيا ەكونوميكالىق وداعىن ۇشتاستىرۋدى ويداعىداي قامتاماسىز ەتۋىن، شاڭحاي سەلبەستىك ۇيىمى، بريكس ەلدەرى، 20 ەل توبى سياقتى كوپ جاقتى تۇعىرلارداعى قارىم - قاتىناستى، سەلبەستىكتى تەرەڭدەتۋىن ءۇمىت ەتەمىن.
ۆولوكين مىنالاردى ءبىلدىردى: ءتوراعا شي جينپيڭ مەن پۋتين زۇڭتۇڭنىڭ ستراتەگيالىق جەتەكشىلىگىندە، رەسەي - جۇڭگو قارىم - قاتىناسى تاريحتاعى ەڭ جاقسى دەڭگەيگە جەتتى. رەسەي مەملەكەتتىك دۋماسىنداعى پارتيا - توپتار جۇڭگومەن دوستىق قارىم - قاتىناستى دامىتۋدى قولداۋ جاعىندا وسكەلەڭ ورتاق تانىمعا يە. رەسەي ءبىر جۇڭگو ساياساتىن باتىل اتقارادى، جۇڭگونىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋىن باتىل قولدايدى. رەسەي جاق جۇڭگو جاقپەن ەكى ەلدىڭ زاڭ شىعارۋ قۇرىلىمدارى مەن پارتيالار ارا اۋىس - كۇيىستى، سەلبەستىكتى كۇشەيتىپ، ەكى ەل مەملەكەت باسشىلارىنىڭ ماڭىزدى ورتاق تانىمىن بەلسەنە تياناقتاندىرىپ، حالىقتاردىڭ دوستىعى مەن ءوزارا سەنىمدىلىگىن تەرەڭدەتىپ، رەسەي مەن جۇڭگونىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ باياندى دامۋىن پارمەندى زاڭدىق كەپىلمەن قامداپ، ەكى ەل قارىم - قاتىناسىنىڭ دامۋىنا ۇلەس قوسۋدى قالايدى.
ۋاڭ ي، پىڭ چيڭحۋا كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
