شي جينپيڭ 2 - كەزەكتى دۇنيە جۇزىلىك سيفرلى ساۋدا كورمەسىنە قۇتتىقتاۋ حاتىن جولدادى
2023.11.24 15:43 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 23 - كۇنى، بەيجيڭ. 11 - ايدىڭ 23 - كۇنى مەملەكەت ءتوراعاسى شي جينپيڭ 2 - كەزەكتى دۇنيە جۇزىلىك سيفرلى ساۋدا كورمەسىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: قازىر دۇنيە جۇزىلىك سيفرلى ساۋدا قارىشتاپ دامىپ، حالىقارالىق ساۋدانىڭ جاڭا كورىنەۋ تۇيىنىنە اينالدى. تاياۋ جىلداردان بەرى جۇڭگو جوعارى ولشەمدى حالىقارالىق ەكونوميكا - ساۋدا ەرەجەسىمەن بەلسەنە ۇشتاستىرىپ، سيفرلى ساۋدانى جونگە سالۋ جۇيەسىن ورناتىپ جانە كەمەلدەندىرىپ، سيفرلى ساۋدانى رەفورما، جاڭالىق اشۋ نەگىزىندە دامىتۋدى جەبەپ، جۇڭگونىڭ جاڭا دامۋى ارقىلى دۇنيە جۇزىنە ۇزدىكسىز جاڭا وراي ازىرلەدى. ءارقايسى جاقتىڭ دۇنيە جۇزىلىك سيفرلى ساۋدا كورمەسى تۇعىرىنان تولىق پايدالانىپ، سەلبەستىكتى بىرگە اقىلداسىپ، دامۋدى بىرگە جەبەپ، تابىستان بىرگە يگىلىكتەنىپ، قول ۇستاسا وتىرىپ سيفرلى ساۋدانى بىرگە دامۋدىڭ جاڭا قوزعالتقىشىنا اينالدىرىپ، دۇنيە ءجۇزى ەكونوميكاسىنىڭ ارتۋىنا جاڭا قوزعاۋشى كۇش ۇستەۋىن ءۇمىت ەتەمىن.
2 - كەزەكتى دۇنيە جۇزىلىك سيفرلى ساۋدا كورمەسى سول كۇنى جىجياڭ ولكەسىنىڭ حاڭجوۋ قالاسىندا اشىلدى، نەگىزگى تاقىرىبى ”سيفرلى ساۋدا، دۇنيە ءجۇزىن تۇتاستىرۋ“ بولدى، ونى جىجياڭ ولكەلىك حالىق ۇكىمەتى مەن ساۋدا مينيسترلىگى بىرگە وتكىزدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
