شي جينپيڭ ارگەنتينانىڭ سايلانعان زۇڭتۇڭى ميلەيگە قۇتتىقتاۋ تەلەگرامماسىن جولدادى
2023.11.24 15:46 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 23 - كۇنى، بەيجيڭ. 11 - ايدىڭ 21 - كۇنى مەملەكەت ءتوراعاسى شي جينپيڭ حاۆەر ميلەيگە تەلەگرامما جولداپ، ونىڭ ارگەنتينا رەسپۋبليكاسىنىڭ زۇڭتۇڭى بولىپ سايلانعانىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن ارگەنتينا − وركەندەپ كەلە جاتقان ءىرى ەلدەر جانە بازارى جاڭادان گۇلدەنگەن ماڭىزدى ەلدەر. ەكى ەل ءوزارا قۇرمەت ەتۋدە، تەڭ تۇرعىدا مامىلە جاساۋدا، ءوزارا پايدا جەتكىزىپ، تەڭ يگىلىككە كەنەلۋدە باستان - اياق تاباندى بولىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى باتىل قولداپ، ءار سالاداعى ناقتى سەلبەستىك ەكى ەل حالىقتارىنا ناقتى پايدا جەتكىزدى. جۇڭگو - ارگەنتينا دوستىعى جۇرت جۇرەگىنە تەرەڭ ۇيالاپ، جۇڭگو – ارگەنتينا قارىم - قاتىناسىن ۇزدىكسىز ىلگەرىلەتۋ ەكى ەل قوعامىنداعى ءار سالانىڭ جاپپاي ورتاق تانىمىنا اينالدى. مەن جۇڭگو - ارگەنتينا قارىم - قاتىناسىنىڭ دامۋىنا ايرىقشا ءمان بەرەمىن، سايلانعان زۇڭتۇڭ ميلەيمەن بىرگە جۇڭگو - ارگەنتينا دوستىعىن جالعاستىرىپ، سەلبەسىپ تەڭ يگىلىككە كەنەلۋ ارقىلى ءوز ەلدەرىنىڭ دامۋىنا، گۇلدەنۋىنە دەم بەرىپ، جۇڭگو - ارگەنتينا قارىم - قاتىناسىنىڭ ورنىقتى، باياندى دامۋىن ىلگەرىلەتىپ، ەكى ەل حالىقتارىن اناعۇرلىم ويداعىداي باقىتقا كەنەلتۋدى قالايمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
