ەكى تاراۋ 2023 - جىلى ورتالىق قازىنا قولدايتىن، بالا باعۋ جاعىنداعى جالپىعا ءتيىمدى قىزمەت وتەۋدى دامىتۋدان ۇلگى كورسەتەتىن نىساندار قاتارىنا ءوتىنىش بەرۋدى ۇيىمداستىردى
2023.11.29 15:55 كەلۋ قاينارى : حالىق تورابى
شينحۋا اگەنتتىگىنىڭ 11 - ايدىڭ 28 - كۇنى بەيجيڭنەن بەرگەن حابارى. بالا باعۋ جاعىنداعى جالپىعا ءتيىمدى قىزمەت وتەۋدى كۇش سالا دامىتۋ ءۇشىن، قازىنا مينيسترلىگىنىڭ كەڭسە مەڭگەرمەسى، مەملەكەتتىك دەنساۋلىق ساقتاۋ - سالاماتتىق كوميتەتىنىڭ كەڭسە مەڭگەرمەسى جۋىردا 2023 - جىلى ورتالىق قازىنا قولدايتىن، بالا باعۋ جاعىنداعى جالپىعا ءتيىمدى قىزمەت وتەۋدى دامىتۋدان ۇلگى كورسەتەتىن نىساندار قاتارىنا ءوتىنش بەرۋدى ۇيىمداستىرۋ جونىندەگى ۇقتىرۋدى باسىپ تاراتىپ، بۇقارانىڭ بالانى بالا باعۋ ورنىنا كىرگىزۋى قيىن بولۋ ماسەلەسىن باسەڭدەتىپ، بۇقارانىڭ بالانى بالا باعۋ ورنىنا كىرگىزۋ اقىسىنىڭ قىمبات بولۋى سىندى اۋىرتپالىعىن جەڭىلدەتىپ، بۇقارانىڭ بالانى بالا باعۋ ورنىنا بەرۋىنىڭ ويداعىداي بولۋى جاعىنان سەنىمىن كۇشەيتۋگە نازار اۋدارادى.
نىساندا باستىسى ءۇش ءتۇرلى نىساناعا نازار شوعىرلاندىرىلادى: بىرىنشىدەن، قولايلى دا قولجەتىمدى بولۋىن توڭىرەكتەي وتىرىپ، بالا باعۋ جاعىندا قىزمەت وتەۋمەن قامداۋدى كەڭەيتىپ، بۇقارانىڭ بالانى بالا باعۋ ورنىنا كىرگىزۋى قيىن بولۋ ماسەلەسىن باسەڭدەتەدى. بازاردىڭ بالا باعۋعا قىزمەت وتەۋدەگى بايلىق قاينارىن ورنالاستىرۋ جاعىنداعى شەشۋشى رولىن تولىق ساۋلەلەندىرىپ، قوعامدىق كۇشتەردىڭ بالا باعۋ جاعىنداعى جالپىعا ءتيىمدى قىزمەت وتەۋمەن قامداۋىنا ءتۇرلى تاسىلدەر ارقىلى شابىت بەرىلەدى ءارى قولداۋ كورسەتىلەدى؛ الەۋمەتتىك اۋماقتارداعى بالا باعۋ جاعىندا قىزمەت وتەۋ يقۋاتى كەڭەيتىلەدى، الەۋمەتتىك اۋماقتارداعى نارەستەلەرگە، سابيلەرگە ارنالعان ارەكەت الاڭدارى مەن قىزمەت وتەۋ قۇرىلعىلارى كەمەلدەندىرىلەدى؛ شارت - جاعدايى بار قىزمەتكەر ىستەتۋشى ورىندار، كاسىپ سالاسى باقشالارى، ساۋدا عيماراتتارى قاتارلىلاردىڭ بالا باعۋ جاعىندا قىزمەت وتەۋى ىلگەرىلەتىلەدى.
ەكىنشىدەن، باعانىڭ ۇيلەسىمدى بولۋىن توڭىرەكتەي وتىرىپ، بالا باعۋ جاعىنداعى قىزمەت وتەۋ اقىسى تومەندەتىلىپ، بۇقارانىڭ بالانى بالا باعۋ ورنىنا بەرۋ اقىسىنىڭ قىمبات بولۋى سىندى اۋىرتپالىعى جەڭىلدەتىلەدى. بالا باعۋ جاعىندا قىزمەت وتەۋدى دامىتۋدا باجى جاعىندا تيىمدىلىك جاساۋ ساياساتى تياناقتاندىرىلادى؛ الەۋمەتتىك اۋماقتارداعى، ءىس ورىندارىنداعى، قاتىستى قۇرىلىمدارداعى قازىر بار ورىن سياقتى ساقتالعان بايلىق قاينارى ىسكە قوسىلىپ، بالا باعۋ قۇرىلىمدارىن ىسكە قوسۋدىڭ وزىندىك قۇنى مەن قىزمەت وتەۋ باعاسى ءونىمدى تومەندەتىلەدى؛ اۋىل - قىستاقتاعى جانە كەدەيلىكتەن ارىلعان وڭىرلەردەگى بالا باعۋ جاعىنداعى قىزمەت وتەۋگە قولداۋ كورسەتۋ ارتتىرىلادى.
ۇشىنشىدەن، ساپاسىنا كەپىلدىك ەتۋدى توڭىرەكتەي وتىرىپ، بالا باعۋداعى حاۋىپسىزدىك ورەسى جوعارىلاتىلادى، بۇقارانىڭ بالا باعۋ قىزمەتىنە دەگەن سەنىمى ارتتىرىلادى. بالا باعۋ ورنىن اشۋدىڭ دۇرىس باعدارىنا تاباندى بولىپ، ءمورال تىكتەپ، ادام تاربيەلەۋ تالابى تياناقتاندىرىلادى، بوبەكتەر مەن سابيلەردىڭ ەرتە باستان ەسەيىپ - ەرجەتۋىن ىلگەرىلەتەدى؛ بوبەكتەر مەن سابيلەردىڭ حاۋىپسىزدىگى مەن اقاۋسىزدىعى نەگىز ەتىلىپ، بالا باعۋ قۇرىلىمدارىنىڭ حاۋىپسىزدىگىن باقىلاۋ - باسقارۋ جانە قاداعالاۋ - تەكسەرۋ كۇشەيتىلەدى؛ ينتەرنەت، جىلجىمالى كليەنت قاتارلى ارنالارعا سۇيەنىپ، بالا باعۋ جاعىندا قىزمەت وتەۋدىڭ سيفرلاندىرىلۋ ورەسى جوعارىلاتىلادى؛ بالا باعۋ قۇرىلىمدارىنىڭ قىزمەت وتەۋ قۋاتى كۇشەيتىلەدى، ەمدەۋ قۇرىلىمدارى مەن الەۋمەتتىك دەنساۋلىق ساقتاۋ قۇرىلىمدارىنىڭ بالا باعۋ قۇرىلىمدارىنا جەتەكشىلىك ەتۋدى، ولاردى كۋرسقا قاتىناستىرۋدى كۇشەيتۋىنە قولداۋ كورسەتىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
