لي چياڭ تۇڭعىش كەزەكتى جۇڭگو حالىقارالىق قامداۋ تىزبەگىن جەبەۋ كورمەسىنىڭ اشىلۋ سالتىنا جانە دۇنيە جۇزىلىك قامداۋ تىزبەگىندە جاڭالىق اشا دامۋ تالقى مىنبەرىنە قاتىناستى ءارى ارقاۋ ءسوز سويلەدى
2023.11.29 16:38 كەلۋ قاينارى : حالىق تورابى
11 - ايدىڭ 28 - كۇنى مەملەكەتتىك كەڭەستىڭ زۇڭليى لي چياڭ بەيجيڭدە تۇڭعىش كەزەكتى جۇڭگو حالىقارالىق قامداۋ تىزبەگىن جەبەۋ كورمەسىنىڭ اشىلۋ سالتىنا جانە دۇنيە جۇزىلىك قامداۋ تىزبەگىندە جاڭالىق اشا دامۋ تالقى مىنبەرىنە قاتىناستى ءارى ارقاۋ ءسوز سويلەدى.سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن
شينحۋا اگەنتتىگى، 11 - ايدىڭ 28 – كۇنى، بەيجيڭ (تىلشىلەر زوۋ ۋەي، چىڭ شين). مەملەكەتتىك كەڭەستىڭ زۇڭليى لي چياڭ 11 - ايدىڭ 28 - كۇنى بەيجيڭدە تۇڭعىش كەزەكتى جۇڭگو حالىقارالىق قامداۋ تىزبەگىن جەبەۋ كورمەسىنىڭ اشىلۋ سالتىنا جانە دۇنيە جۇزىلىك قامداۋ تىزبەگىندە جاڭالىق اشا دامۋ تالقى مىنبەرىنە قاتىناستى ءارى ارقاۋ ءسوز سويلەدى.
لي چياڭ مىنانى ءبىلدىردى: جۇڭگو حالىقارالىق قامداۋ تىزبەگىن جەبەۋ كورمەسى − دۇنيە جۇزىندەگى قامداۋ تىزبەگىن نەگىزگى تاقىرىپ ەتكەن تۇڭعىش مەملەكەت دارەجەلى كورمە. قازىر دۇنيە ءجۇزى ەكونوميكاسىنىڭ قالپىنا كەلۋى قيىندىققا تاپ بولىپ وتىر. ءتوراعا شي جينپيڭ اتاپ كورسەتكەندەي، دۇنيە جۇزىلىك كاسىپ تىزبەگى مەن قامداۋ تىزبەگىنىڭ سەرپىمدىلىگى مەن ورنىقتىلىعىن قورعاۋ − دۇنيە ءجۇزى ەكونوميكاسىنىڭ دامۋىن ىلگەرىلەتۋدىڭ ماڭىزدى كەپىلى. دۇنيە جۇزىلىك كاسىپ تىزبەگى مەن قامداۋ تىزبەگى سەلبەستىگىن بەكەمدەۋ جانە كۇشەيتۋ − ءار جاقتىڭ مۇددەسى جانە كوكەي تەستى تىلەگى. جۇڭگونىڭ قامداۋ تىزبەگىن جەبەۋ كورمەسىن وتكىزۋدەگى ماقساتى ءداۋىردىڭ قاجەتىنە سايكەسىپ، ءار جاقتىڭ قارىم - قاتىناسىن كۇشەيتەتىن، سەلبەستىكتى تەرەڭدەتەتىن، دامۋدى بىرگە جوسپارلايتىن حالىقارالىق تۇعىر ورناتۋ ءۇشىن بولىپ تابىلادى.
لي چياڭ بىلاي دەپ اتاپ كورسەتتى: تاريح پەن رەالدىق دۇنيە جۇزىلىك كاسىپ تىزبەگى مەن قامداۋ تىزبەگى سەلبەستىگى ورنىقتى بولىپ، ۇزدىكسىز تەرەڭدەگەن كەزدە، دۇنيە جۇزىندەگى ءار ەل جاپپاي يگىلىككە كەنەلەتىنىن؛ دۇنيە جۇزىلىك كاسىپ تىزبەگى مەن قامداۋ تىزبەگى سەلبەستىگى كەدەرگىگە ۇشىراپ، توقىراعان كەزدە، دۇنيە جۇزىندەگى ءار ەل جاپپاي زيانعا ۇشىرايتىنىن دالەلدەدى. جۇڭگو − ءارى دۇنيە جۇزىلىك كاسىپ تىزبەگى مەن قامداۋ تىزبەگى سەلبەستىگىنىڭ ات سالىسۋشىسى، يگىلىگىن كورۋشىسى، ءارى تاباندى قورعاۋشىسى، قۇرۋشىسى. جۇڭگو جاق ءارقايسى جاقپەن بىرگە دۇنيە جۇزىلىك كاسىپ تىزبەگى مەن قامداۋ تىزبەگىن اناعۇرلىم يكەمدى، اناعۇرلىم ءونىمدى، اناعۇرلىم ومىرشەڭدىك كۇشكە يە ەتىپ قۇرىپ، دۇنيە ءجۇزى ەكونوميكاسىنىڭ قالپىنا كەلۋى مەن دۇنيە ءجۇزىنىڭ دامۋىن، گۇلدەنۋىن جەبەۋگە اناعۇرلىم زور ۇلەس قوسۋدى قالايدى.
لي چياڭ كاسىپ تىزبەگى مەن قامداۋ تىزبەگىنىڭ حالىقارالىق سەلبەستىگىن تەرەڭدەتۋ جونىندە 4 ءتۇرلى باستامانى العا قويدى: ءبىرىنشى، حاۋىپسىز، ورنىقتى كاسىپ تىزبەگى مەن قامداۋ تىزبەگىن بىرگە قۇرۋ. ءتۇيىندى كاسىپ تىزبەگىنىڭ بۇكىل دۇنيە ءجۇزى كولەمىندەگى بايلىقتى سايكەستىرۋىن كۇشەيتۋ، بازار ارەكەتىنە بەتالدى كيلىكپەۋ كەرەك. جۇڭگو دۇنيە ءجۇزىن ساپالى جۇڭگو جاساۋىمەن، ورنىقتى جۇڭگو قامداۋىمەن ۇزدىكسىز قامدايدى. ەكىنشى، ىركىلىسسىز، جوعارى ءونىمدى كاسىپ تىزبەگى مەن قامداۋ تىزبەگىن بىرگە قۇرۋ. دۇنيە جۇزىلىك ۇلاستىرۋ - تۇتاستىرۋدى ونان ارى كۇشەيتىپ، فاكتورلاردىڭ اناعۇرلىم قولايلى اينالىمىنا، ءونىمدى ورنالاستىرىلۋىنا مۇمكىندىك جاساۋ كەرەك. جۇڭگو ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ سەلبەستىگىن ۇزدىكسىز ىلگەرىلەتىپ، زەردەلى جاساۋ، سيفرلى ەكونوميكا سياقتى سالالاردا جاڭالىق اشۋ سەلبەستىگىن كۇشەيتەدى. ءۇشىنشى، اشىق، سيىسىمدى كاسىپ تىزبەگى مەن قامداۋ تىزبەگىن بىرگە قۇرۋ. قورعانىمپازدىققا جانە ءتۇرلى فورماداعى ”اجىراۋ، ۇزىلۋگە“ تۋدى ايقىن ۇستاپ قارسى تۇرۋ، سونىمەن بىرگە، كاسىپ تىزبەگىنىڭ، قامداۋ تىزبەگىنىڭ جاسىل، تومەن كومىرتەكتى تيپكە بۇرىلىس جاساۋىن قۇلشىنا جەبەۋ كەرەك. جۇڭگو دۇنيە جۇزىلىك كاسىپ تىزبەگى، قامداۋ تىزبەگى جۇيەسىمەن اناعۇرلىم تەرەڭ توعىسىپ، جاسىل دامۋ سالاسىنداعى حالىقارالىق سەلبەستىككە بەلسەنە ات سالىسادى. ءتورتىنشى، ءوزارا تيىمدىلىك جەتكىزىپ، تەڭ يگىلىككە كەنەلەتىن كاسىپ تىزبەگى مەن قامداۋ تىزبەگىن بىرگە قۇرۋ. ءار ەل جاپپاي ات سالىساتىن، ابزالدىقتارىمەن ءبىرىن - ءبىرى تولىقتايتىن، پايدادان ورتاق يگىلىكتەنەتىن دۇنيە جۇزىلىك كاسىپ تىزبەگى مەن قامداۋ تىزبەگى جۇيەسىن قۇرۋدى ىلگەرىلەتۋ كەرەك. جۇڭگو ءار ەلمەن كاسىپ سالاسى، ءوندىرىس قۋاتى سەلبەستىگىن بەلسەنە ىلگەرىلەتىپ، وركەندەپ كەلە جاتقان ەلدەردىڭ دۇنيە جۇزىلىك قۇن تىزبەگىنە اناعۇرلىم ىشكەرىلەي ات سالىسۋىنا جەتەكشىلىك ەتەدى. ءار ەل كاسىپورىنشىلارىنىڭ دۇنيە جۇزىلىك كاسىپ تىزبەگى مەن قامداۋ تىزبەگىنىڭ ورنىقتى اينالىمىن ىلگەرىلەتۋدە بەلسەندى رول اتقارۋىن ءۇمىت ەتەمىن. جۇڭگو ءار ەل كاسىپورىندارىنىڭ جۇڭگوعا كەلىپ قارجى قوسىپ، شارۋاشىلىقتى گۇلدەندىرۋىنە اناعۇرلىم كوپ قولايلىلىق، اناعۇرلىم ويداعىداي كەپىلدىك ازىرلەيدى.
وسىدان كەيىن لي چياڭ تۇڭعىش كەزەكتى جۇڭگو حالىقارالىق قامداۋ تىزبەگىن جەبەۋ كورمەسىنىڭ اشىلعانىن جاريالادى.
يندونەزيانىڭ زۇڭتۇڭى جوكو، ۋرۋگۆايدىڭ زۇڭتۇڭى لاكالە، دۇنيە جۇزىلىك ساۋدا ۇيىمىنىڭ باس القاسى يۆيلا، بىرلەسكەن مەملەكەتتەر ۇيىمى ساۋدانى دامىتۋ ءماجىلىسىنىڭ باس حاتشىسى گرينسپان قاتارلىلار اشىلۋ سالتىندا بەينە ەكران ءسوزىن سويلەدى.
اشىلۋ سالتىنان بۇرىن لي چياڭ قامداۋ تىزبەگىن جەبەۋ كورمەسى سارايىنا بارىپ كورمە سارايىن ارالاپ كوردى ءارى قاتىستى كاسىپورىنداردىڭ جاۋاپتىلارىمەن پىكىر اۋىستىردى.
يىن لي، ۋ جىڭلۇڭ جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
