ورتالىقتىڭ ەكونوميكالىق قىزمەت ءماجىلىسى بەيجيڭدە وتكىزىلدى
شي جينپيڭ ماڭىزدى ءسوز سويلەدى، لي چياڭ قورىتىندى ءسوز سويلەدى، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي ماجىلىسكە قاتىناستى
2023.12.13 15:48 كەلۋ قاينارى : حالىق تورابى
ورتالىقتىڭ ەكونوميكالىق قىزمەت ءماجىلىسى 12 - ايدىڭ 11 – كۇنىنەن 12 – كۇنىنە دەيىن بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
■ كەلەر جىلعى ەكونوميكالىق قىزمەتتى ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، جاڭا دامۋ جاعدايىن جەدەل قالىپتاستىرىپ، ساپالى دامۋدى كۇش سالا ىلگەرىلەتىپ، رەفورما جاساپ، ەسىك اشۋدى جاپپاي تەرەڭدەتىپ، جوعارى ورەلى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى ىلگەرىلەتىپ، ماكرولىق رەتتەۋ - مەڭگەرۋ تەبىنىن ارتتىرىپ، ىشكى سۇرانىمدى ۇلعايتۋدى جانە قامداۋ جاعىنداعى قۇرىلىمدىق رەفورمانى تەرەڭدەتۋدى ءبىر تۇتاس جوسپارلاپ، جاڭاشا قالا - قالاشىقتاندىرۋ مەن اۋىل - قىستاقتى جاپپاي گۇلدەندىرۋدى ءبىر تۇتاس جوسپارلاپ، ساپالى دامۋ مەن جوعارى ورەلى حاۋىپسىزدىكتى ءبىر تۇتاس جوسپارلاپ، ەكونوميكانىڭ ومىرشەڭدىك كۇشىن شىنايى نىعايتىپ، حاۋىپ - قاتەردەن ساقتانىپ جانە ونى شەشىپ، قوعامدىق مەجەنى جاقسارتىپ، ەكونوميكانىڭ قايتا ورلەۋ جاعدايىن بەكەمدەۋ جانە كۇشەيتىپ، ەكونوميكانىڭ ساپاسىنىڭ ءونىمدى جوعارىلاۋى مەن مولشەرىنىڭ ۇيلەسىمدى ارتۋىن ۇزدىكسىز ىلگەرىلەتىپ، حالىقتىڭ ىرىس - قۇتىن ارتتىرىپ، قوعامنىڭ ورنىقتىلىعىن ساقتاپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ كەرەك
«حالىق گازەتى»، 12 - ايدىڭ 12 – كۇنى، بەيجيڭ. ورتالىقتىڭ ەكونوميكالىق قىزمەت ءماجىلىسى 12 - ايدىڭ 11 – كۇنىنەن 12 – كۇنىنە دەيىن بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي ماجىلىسكە قاتىناستى.
شي جينپيڭ ماڭىزدى سوزىندە 2023 - جىلعى ەكونوميكالىق قىزمەتتى جاپپاي قورىتىندىلاپ، قازىرگى ەكونوميكالىق جاعدايعا تەرەڭ تالداۋ جاساپ، 2024 - جىلعى ەكونوميكالىق قىزمەتتى جۇيەلى ورنالاستىردى. لي چياڭ قورىتىندى ءسوز سويلەپ، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرۋ، تياناقتاندىرۋ، كەلەر جىلعى ەكونوميكالىق قىزمەتتى ويداعىداي ىستەۋ جونىندە تالاپ قويدى.
ءماجىلىس بىلاي دەپ قارادى: بيىل _ پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، 3 جىلدىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ كەزەڭىنەن كەيىنگى ەكونوميكا قالپىنا كەلگەن، دامىعان ءبىر جىل. شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، سىرتقى قىسىمعا توتەپ بەرىپ، ىشكى قيىنشىلىقتاردى جەڭىپ، رەفورما جاساپ، ەسىك اشۋدى جاپپاي تەرەڭدەتىپ، ماكرولىق تىزگىندەۋ تەبىنىن ارتتىرىپ، ىشكى سۇرانىمدى كەڭەيتۋگە، قۇرىلىمدى ساپالىلاندىرۋعا، سەنىمدى سەرپىلتۋگە، حاۋىپ - قاتەردەن ساقتانۋعا جانە ونى جويۋعا كۇش سالدى، ەلىمىز ەكونوميكاسى جاقسارىپ، ساپالى دامۋ تىڭعىلىقتى ىلگەرىلەتىلدى. وسىزاماندانعان كاسىپ سالاسى جۇيەسى قۇرىلىسىندا ماڭىزدى ىلگەرىلەۋشىلىككە قول جەتىپ، عىلىم - تەحنيكادا جاڭالىق اشۋدا تىڭ تابىستارعا قول جەتىپ، رەفورما جاساپ، ەسىك اشۋ ىشكەرىلەي ىلگەرىلەپ، حاۋىپسىز دامۋ نەگىزى بەكەمدەلىپ، نىعايىپ، حالىق تۇرمىسىن قامتاماسىز ەتۋ پارمەندى، ءونىمدى بولىپ، جاپپاي سوتسياليستىك وسىزاماندانعان مەملەكەت قۇرۋدا نىق قادام تاستالدى.
ءماجىلىس بىلاي دەپ اتاپ كورسەتتى: ەكونوميكانىڭ قايتا ورلەۋىن، جاقسارۋىن ونان ارى ىلگەرىلەتۋ ءۇشىن، كەيبىر قيىنشىلىقتار مەن سىن - سايىستى جەڭۋگە تۋرا كەلەدى، باستىسى، ءونىمدى سۇرانىستىڭ جەتكىلىكسىزدىگى، ءىشىنارا كاسىپ سالالارىنىڭ ءوندىرىس قۋاتىنىڭ ارتىپ قالۋى، قوعامدىق مەجەنىڭ السىزدىگى، حاۋىپ - قاتەردىڭ كومەسكى قاتەرى ءالى دە ءبىرشاما كوپ، ەل ىشىندەگى ۇلكەن اينالىمدا بوگەلۋ ءتۇيىنى ورىن تەۋىپ وتىر، سىرتقى ورتانىڭ كۇردەلىلىگى، قاتاڭدىعى، تۇراقسىزدىعى اسقىندى. تاۋقىمەت تانىمىن كۇشەيتىپ، وسى ماسەلەلەرگە ءونىمدى توتەپ بەرۋ جانە ونى شەشۋ كەرەك. جيناقتاپ قاراعاندا، ەلىمىزدىڭ دامۋى ءدوپ كەلىپ وتىرعان ءتيىمدى شارت - جاعداي ءتيىمسىز فاكتورلاردان مىعىم، ەكونوميكانىڭ قايتا ورلەۋ، جاقسارۋ، ۇزاق ۋاقىت جاقسارۋ سىندى نەگىزگى اۋقىمى وزگەرگەن جوق، سەنىم مەن جىگەردى كۇشەيتۋ كەرەك.
ءماجىلىس بىلاي دەپ قارادى: تاياۋ جىلداردان بەرى پارتيا ورتالىق كوميتەتىنىڭ پارمەندى باسشىلىعىندا، ءبىز ەل ءىشى جانە حالىقارا سىندى ەكى كەلەلى جاعدايدى ءونىمدى تۇردە ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى، دامۋ مەن حاۋىپسىزدىكتى ءبىر تۇتاس جوسپارلاپ، جاڭا داۋىردە ەكونوميكالىق قىزمەتتى ويداعىداي ىستەۋدىڭ زاڭدىلىعى جونىندەگى تانىمدى تەرەڭدەتتىك. ساپالى دامۋدا، ءسوز جوق، تاباندى بولۋدى جاڭا داۋىردەگى بۇلجىماس قاعيدا ەتىپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، ەكونوميكانىڭ ساپاسىنىڭ ءونىمدى جوعارىلاۋى مەن مولشەرىنىڭ ۇيلەسىمدى ارتۋىن ىلگەرىلەتۋ كەرەك. قامداۋ جاعىنداعى قۇرىلىمدىق رەفورمانى تەرەڭدەتۋدە جانە ءونىمدى سۇرانىستى كۇش سالا كەڭەيتۋدە تاباندى بولىپ، ەرەكشە كەڭ كولەمدى بازار مەن پارمەندى ءوندىرىس قۋاتىنىڭ ابزالدىعىن ساۋلەلەندىرىپ، ەل ىشىندەگى ءىرى اينالىمدى ىشكى سۇرانىستىڭ نەگىزگى قوزعاۋشى كۇشى نەگىزىندە قۇرىپ، حالىقارالىق اينالىمنىڭ ساپاسى مەن دەڭگەيىن جوعارىلاتۋ كەرەك. رەفورما جاساپ، ەسىك اشۋعا سۇيەنىپ دامۋدىڭ ىشكى قوزعاۋشى كۇشىن ارتتىرۋدا تاباندى بولىپ، تەرەڭ قاتپارلى رەفورما مەن جوعارى دەڭگەيدەگى ەسىك اشۋدى ءبىر تۇتاس ىلگەرىلەتىپ، قوعامدىق وندىرگىش كۇشتەردى ۇزدىكسىز ازات ەتىپ جانە دامىتىپ، قوعامنىڭ ومىرشەڭدىك كۇشىن تاسقىنداتۋ جانە كۇشەيتۋ كەرەك. ساپالى دامۋ مەن جوعارى دەڭگەيلى حاۋىپسىزدىكتىڭ ءتيىمدى ىقپالداستىعىندا تاباندى بولىپ، ساپالى دامۋ ارقىلى جوعارى دەڭگەيلى حاۋىپسىزدىكتى جەبەپ، جوعارى دەڭگەيلى حاۋىپسىزدىك ارقىلى ساپالى دامۋدى قامتاماسىز ەتىپ، دامۋ مەن حاۋىپسىزدىكتە اۋقىمدىق تەپە - تەڭدىكتى ساقتاپ، ءوزارا تيىمدىلىك جەتكىزۋ كەرەك. جۇڭگو ۇلگىسىندەگى وسىزامانداندىرۋدى، ءسوز جوق، ىلگەرىلەتۋدى ەڭ ۇلكەن ساياسي ەتىپ، پارتيانىڭ ءبىر تۇتاس باسشىلىعىندا، ەڭ قالىڭ حالىقتى ىنتىماقتاستىرىپ، نازاردى ەكونوميكالىق قۇرىلىس سىندى وزەكتى قىزمەت پەن ساپالى دامۋ سىندى ماڭداي الدى مىندەتكە شوعىرلاندىرىپ، جۇڭگو ۇلگىسىندەگى وسىزامانداندىرۋدىڭ ۇلى جوباسىن بىرتىندەپ تاماشا رەالدىققا اينالدىرۋ كەرەك.
ءماجىلىس بىلاي دەپ دارىپتەدى: كەلەر جىلعى ەكونوميكالىق قىزمەتتى ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، جاڭا دامۋ جاعدايىن جەدەل قالىپتاستىرىپ، ساپالى دامۋدى كۇش سالا ىلگەرىلەتىپ، رەفورما جاساپ، ەسىك اشۋدى جاپپاي تەرەڭدەتىپ، جوعارى ورەلى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى ىلگەرىلەتىپ، ماكرولىق رەتتەۋ - مەڭگەرۋ تەبىنىن ارتتىرىپ، ىشكى سۇرانىمدى ۇلعايتۋدى جانە قامداۋ جاعىنداعى قۇرىلىمدىق رەفورمانى تەرەڭدەتۋدى ءبىر تۇتاس جوسپارلاپ، جاڭاشا قالا - قالاشىقتاندىرۋ مەن اۋىل - قىستاقتى جاپپاي گۇلدەندىرۋدى ءبىر تۇتاس جوسپارلاپ، ساپالى دامۋ مەن جوعارى ورەلى حاۋىپسىزدىكتى ءبىر تۇتاس جوسپارلاپ، ەكونوميكانىڭ ومىرشەڭدىك كۇشىن شىنايى نىعايتىپ، حاۋىپ - قاتەردەن ساقتانىپ جانە ونى شەشىپ، قوعامدىق مەجەنى جاقسارتىپ، ەكونوميكانىڭ قايتا ورلەۋ جاعدايىن بەكەمدەۋ جانە كۇشەيتىپ، ەكونوميكانىڭ ساپاسىنىڭ ءونىمدى جوعارىلاۋى مەن مولشەرىنىڭ ۇيلەسىمدى ارتۋىن ۇزدىكسىز ىلگەرىلەتىپ، حالىقتىڭ ىرىس - قۇتىن ارتتىرىپ، قوعامنىڭ ورنىقتىلىعىن ساقتاپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ كەرەك.
ءماجىلىس مىنالاردى تالاپ ەتتى: كەلەر جىلى ورنىقتىلىق بارىسىندا ىلگەرىلەۋدە، ىلگەرىلەۋ ارقىلى ورنىقتىلىقتى جەبەۋدە، الدىمەن ورناتىپ، ونان سوڭ كۇشىنەن قالدىرۋدا تاباندى بولىپ، مەجەنى ورنىقتىرۋعا، ارتۋدى ورنىقتىرۋعا، جۇمىستاندىرۋدى ورنىقتىرۋعا ءتيىمدى ساياساتتاردى كوبىرەك شىعارىپ، تاسىلگە بۇرىلىس جاساۋ، قۇرىلىمدى رەتتەۋ، ساپانى جوعارىلاتۋ، ونىمدىلىكتى ارتتىرۋ جاعىندا بەلسەنە العا باسىپ، ورنىقتىلىق بارىسىندا جاقسارۋ نەگىزىن ۇزدىكسىز بەكەمدەۋ كەرەك. ماكرولىق ساياساتتىڭ كەرى پەريودتىق جانە پەريودتىق رەتتەلۋىن كۇشەيتىپ، بەلسەندى قازىنا ساياساتى مەن ورنىقتى اقشا ساياساتىن ۇزدىكسىز اتقارىپ، ساياسات قۇرالدارىندا جاڭالىق اشۋدى جانە سايكەسۋدى، سەلبەسۋدى كۇشەيتۋ كەرەك.
بەلسەندى قازىنا ساياساتىندا لايىقتى كۇش سالۋ، ساپانى جوعارىلاتىپ، ونىمدىلىكتى ارتتىرۋ كەرەك. قازىنالىق ساياسات كەڭىستىگىنەن ويداعىداي پايدالانىپ، قارجىنىڭ ونىمدىلىگى مەن ساياساتتىڭ ونىمدىلىگىن جوعارىلاتۋ كەرەك. قازىنالىق شىعىس قۇرىلىمىن ساپالىلاندىرىپ، مەملەكەتتىڭ كەلەلى ستراتەگيالىق مىندەتتەرىنىڭ قازىنالىق قۋاتىن قامتاماسىزداندىرۋدى كۇشەيتۋ كەرەك. جەرگىلىكتى ۇكىمەتتەردىڭ ارناۋلى زايومىن كاپيتال قورى ەتۋ كولەمىن ۇيلەسىمدى كەڭەيتۋ كەرەك. سالىقتى، اقىنى قۇرىلىمدىق كەمەيتۋ ساياساتىن ويداعىداي تياناقتاندىرىپ، عىلىم - تەحنيكادا جاڭالىق اشۋ مەن جاساۋ كاسىبىنىڭ دامۋىنا ءتۇيىندى تۇردە قولداۋ كورسەتۋ كەرەك. اۋدارىپ تولەۋ قارجىسىن باقىلاۋ - باسقارۋدى قاتايتىپ، قازىنا - ەكونوميكا ءتارتىبىن قاتايتۋ كەرەك. قازىنانىڭ باياندىلىعىن كۇشەيتىپ، نەگىزگى ساتىدا ”ءۇشتى قامتاماسىزداندىرۋدىڭ“ تومەنگى شەگىن بەرىك ساقتاۋ كەرەك. ادەتتەگى شىعىستى قاتاڭ تىزگىندەۋ كەرەك. پارتيا، ۇكىمەت ورگاندارى ۇنەمشىلدىكپەن تۇرمىس كەشىرۋگە داعدىلانۋ كەرەك.
ورنىقتى اقشا ساياساتىن يكەمدى، ۇيلەسىمدى، دالمە - ءدال، ءونىمدى اتقارۋ كەرەك. اينالىمنىڭ ۇيلەسىمدى، جەتكىلىكتى بولۋىن ساقتاپ، قوعامدىق قارجى قۇراۋ كولەمىن، اقشامەن قامداۋ مولشەرىن ەكونوميكانىڭ ارتۋىمەن جانە باعا دەڭگەيىنىڭ مەجەلى نىساناسىمەن سايكەستىرۋ كەرەك. اقشا ساياساتى قۇرالدارىنىڭ جالپى مولشەرى مەن قۇرىلىمىنىڭ قوس قابات فۋنكتسياسىن ويداعىداي ساۋلەلەندىرىپ، ىركىندى قوردى جانداندىرىپ، ونىمدىلىكتى جوعارىلاتىپ، فينانس قۇرىلىمدارىن عىلىم - تەحنيكادا جاڭالىق اشۋ، جاسىل تيپكە بۇرىلىس جاساۋ، جالپىعا ءتيىمدى شاعىن سومالى قارىز، سيفرلى ەكونوميكا سياقتى جاقتاردى قولداۋ تەبىنىن ارتتىرۋعا جەتەكتەۋ كەرەك. قوعامدىق جالپىلىق قارجى قۇراۋدىڭ وزىندىك قۇنىنىڭ ورنىقتىلىق بارىسىندا تومەندەۋىن جەبەۋ كەرەك. حالىق اقشاسى سىندىرىلىمىنىڭ ۇيلەسىمدى، تەپە - تەڭ ورەدەگى نەگىزگى ورنىقتىلىعىن ساقتاۋ كەرەك.
ماكرولىق ساياسات بەتالىسىنىڭ بىردەيلىگىن كۇشەيتۋ كەرەك. قازىنا، اقشا، جۇمىستاندىرۋ، كاسىپ سالاسى، ءوڭىر، عىلىم - تەحنيكا، قورشاعان ورتانى قورعاۋ سياقتى ساياساتتاردىڭ سايكەسۋىن، ۇشتاسۋىن كۇشەيتىپ، ەكونوميكاعا جاتپايتىن ساياساتتاردى ماكرولىق ساياساتتىڭ بەتالىسىن باعالاۋعا ەنگىزىپ، ساياساتتاردى ءبىر تۇتاس جوسپارلاۋدى كۇشەيتىپ، بىرگە كۇش سالۋعا، بىرىككەن كۇش قالىپتاستىرۋعا كەپىلدىك ەتۋ كەرەك. ەكونوميكالىق ۇگىت پەن قوعامدىق پىكىرگە جەتەكشىلىك ەتۋدى كۇشەيتىپ، جۇڭگو ەكونوميكاسىنىڭ جاريالىعلىعىن نىعايتۋ كەرەك.
ءماجىلىس بىلاي دەپ دارىپتەدى: كەلەر جىلى ساپالى دامۋدى ىلگەرىلەتۋدى ارقاۋ ەتىپ، ءتۇيىندى كورنەكتىلەندىرىپ، تەتىكتى يگەرىپ، ەكونوميكالىق قىزمەتتى تىڭعىلىقتى جاقسى ىستەۋ كەرەك.
ءبىرىنشى، عىلىم - تەحنيكادا جاڭالىق اشۋ ارقىلى وسىزاماندانعان كاسىپ جۇيەسى قۇرىلىسىنا جەتەكشىلىك ەتۋ كەرەك. عىلىم - تەحنيكادا جاڭالىق اشۋ ارقىلى كاسىپ سالاسىندا جاڭالىق اشۋدى ىلگەرىلەتۋ، اسىرەسە، وزگەرىس تۋدىرۋ سيپاتىنداعى تەحنيكا مەن الدىڭعى لەكتىك تەحنيكا ارقىلى جاڭا كاسىپ سالاسىن، جاڭا ۇلگىنى، جاڭا قوزعاۋشى كۇشتى تۋىنداتىپ، جاڭا ساپالى وندىرگىش كۇشتەردى دامىتۋ كەرەك. جاڭاشا بۇكىل ەل بولىپ جۇمىلۋ ءتۇزىلىسىن كەمەلدەندىرىپ، جاساۋ كاسىبىندەگى ءتۇيىندى كاسىپ تىزبەگىن ساپالى دامىتۋ ارەكەتىن اتقارىپ، ساپا تىرەگى مەن ولشەم جەتەكشىلىگىن كۇشەيتىپ، كاسىپ تىزبەگىنىڭ، قامداۋ تىزبەگىنىڭ سەرپىمدىلىگى مەن حاۋىپسىزدىك دەڭگەيىن جوعارىلاتۋ كەرەك. جاڭاشا ونەركاسىپتەندىرۋدى كۇش سالا ىلگەرىلەتىپ، سيفرلى ەكونوميكانى دامىتىپ، جاساندى زەردەنىڭ دامۋىن جەدەل ىلگەرىلەتۋ كەرەك. بيولوگيالىق جاساۋ، ساۋدا، عارىش، تومەن كەڭىستىك ەكونوميكاسى سياقتى ءبىرقانشا ستراتەگيالىق جاڭادان گۇلدەنگەن كاسىپتى قالىپتاستىرىپ، كۆانت، تىرشىلىك عىلىمى سياقتى بولاشاق كاسىپتەردىڭ جاڭا جارىس جولىن اشىپ، سيفرلى تەحنيكانى، جاسىل تەحنيكانى كەڭىنەن قولدانىپ، ءداستۇرلى كاسىپتەردىڭ تيپىن وزگەرتىپ، دارەجەسىن جوعارىلاتۋدى جەدەلدەتۋ كەرەك. قولدانىلمالى نەگىزدىك زەرتتەۋ مەن الدىڭعى لەكتىك زەرتتەۋدى كۇشەيتىپ، كاسىپورىنداردىڭ عىلىم - تەحنيكادا جاڭالىق اشۋداعى نەگىزگى تۇلعالىق ورنىن كۇشەيتۋ كەرەك. شارۋاشىلىق قۇرۋعا قارجى قوسۋعا، جارنا ۇقىعىنا قارجى قوسۋعا دەم بەرۋ كەرەك.
ەكىنشى، ىشكى سۇرانىمدى كۇش سالا كەڭەيتۋ كەرەك. كومەسكى قۋاتى بار تۇتىنۋعا دەم بەرىپ، ءونىمدى قارجى قوسۋدى كەڭەيتىپ، تۇتىنۋ مەن قارجى قوسۋ ءبىرىن - ءبىرى جەبەيتىن تاماشا اينالىم قالىپتاستىرۋ كەرەك. تۇتىنۋدىڭ ىندەتتەن كەيىنگى قالپىنا كەلۋدەن ۇزدىكسىز كەڭەيۋگە بۇرىلىس جاساۋىن ىلگەرىلەتىپ، جاڭاشا تۇتىنۋدى جەتىلدىرىپ، زورايتىپ، سيفرلى تۇتىنۋدى، جاسىل تۇتىنۋدى، اقاۋسىز تۇتىنۋدى كۇش سالا دامىتىپ، زەردەلى ءۇي جيھازدارى، مادەنيەت - كوڭىل اشۋ ساياحاتى، دەنە تاربيە جارىسى، ەل ىشىندە وندىرىلگەن، جاستارعا بەت العان بۇيىمدار سياقتى تۇتىنۋدىڭ جاڭا ارتۋ تۇيىندەرىن بەلسەنە جەتىلدىرۋ كەرەك. ءداستۇرلى تۇتىنۋدى ورنىقتىرىپ جانە كەڭەيتىپ، جاڭا ەنەرگيالى اۆتوموبيل، ەلەكتروندىق ونىمدەر سياقتى كوپ قولدى تۇتىنۋدى سەرپىلتۋ كەرەك. قالا - اۋىل تۇرعىندارىنىڭ كىرىسىن ارتتىرىپ، ورتاشا كىرىستەگى قاۋىمنىڭ كولەمىن كەڭەيتىپ، تۇتىنۋ ورتاسىن ساپالىلاندىرۋ كەرەك. تەحنيكا، ەنەرگيا سارىپ ەتۋ، ىعىستىرۋ سياقتى ولشەمدەردى جوعارىلاتۋدى جەتەكشى ەتىپ، كەڭ كولەمدى جابدىقتاردى جاڭالاۋ مەن تۇتىنۋ بۇيىمدارىنىڭ كونەسىن جاڭاسىنا اۋىستىرۋدى ىلگەرىلەتۋ كەرەك. ۇكىمەتتىڭ قارجى قوسۋىنىڭ جەتەكتەۋ، ۇلعايتۋ اسەرىن ويداعىداي ساۋلەلەندىرىپ، شەشۋشى، وزەكتى تەحنيكالاردان قامال الۋدى، جاڭاشا نەگىزدىك قۇرىلعىلاردى، ەنەرگيا ۇنەمدەپ، لاس شىعارۋدى ازايتىپ، كومىر قىشقىل گازىن تومەندەتۋدى ءتۇيىندى تۇردە قولداپ، دامۋدىڭ جاڭا قوزعاۋشى كۇشىن جەتىلدىرۋ كەرەك. قارجى قوسۋ، قارجى قۇراۋ مەحانيزمىن كەمەلدەندىرىپ، ۇكىمەت پەن قوعامدىق كاپيتال سەلبەستىگىنىڭ جاڭا مەحانيزمىن اتقارىپ، قوعامدىق كاپيتالدىڭ جاڭاشا نەگىزدىك قۇرىلعىلار سياقتى سالالارداعى قۇرىلىستارعا قاتىناسۋىنا قولداۋ كورسەتۋ كەرەك.
ءۇشىنشى، ءتۇيىندى سالالارداعى رەفورمانى تەرەڭدەتۋ كەرەك. رەفورمانى اناعۇرلىم جاپپاي تەرەڭدەتۋدىڭ كەلەلى شارالارىن جوسپارلاپ، ساپالى دامۋدى ىلگەرىلەتۋگە، جۇڭگو ۇلگىسىندەگى وسىزامانداندىرۋ قۇرىلىسىن جەدەلدەتۋگە ۇزدىكسىز قۇدىرەتتى قوزعاۋشى كۇش قوسۋ كەرەك. ”ەكىدەن تيتتەي دە اۋىتقىماۋ“ ءتۇزىلىس، مەحانيزمىن ۇزدىكسىز كەمەلدەندىرىپ، تياناقتاندىرىپ، ءتۇرلى تيجارات تۇلعالارىنىڭ ىشكى قوزعاۋشى كۇشى مەن جاڭالىق اشۋ ومىرشەڭدىك كۇشىن تولىق قاۋلاتۋ كەرەك. مەملەكەت مەنشىگىندەگى كاسىپورىندار رەفورماسىن تەرەڭدەتۋ، دەڭگەيىن جوعارىلاتۋ ارەكەتىن ىشكەرىلەي اتقارىپ، وزەكتى فۋنكتسيانى كۇشەيتىپ، وزەكتى باسەكەلىك قۋاتتى جوعارىلاتۋ كەرەك. حالىقتىق كاسىپورىنداردىڭ دامۋىن، زورايۋىن جەبەپ، بازارعا كىرۋ رۇقساتى، فاكتورعا يە بولۋ، ءادىل زاڭ اتقارۋ، ۇقىق - مۇددەنى قورعاۋ سياقتى جاقتاردا ءبىر توپ شارانى تياناقتاندىرۋ كەرەك. ورتا، شاعىن كاسىپورىنداردىڭ ارنايىلانۋ، سارالانۋ، ەرەكشە، جاڭا بولۋ سىندى دامۋ جولىمەن ءجۇرۋىن جەبەۋ كەرەك. بۇكىل ەل بويىنشا بىرلىككە كەلگەن ءىرى بازار قۇرىلىسىن جەدەلدەتىپ، ءتۇرلى فورماداعى جەرگىلىكتى قورعاۋ مەن بازاردى ءبولىپ تاستاۋدى كۇش سالا جويۋ كەرەك. تۇتاس قوعامنىڭ زات اينالىمىنىڭ وزىندىك قۇنىن ءونىمدى تومەندەتۋ كەرەك. جاڭا كەزەكتى قازىنا، سالىق ءتۇزىلىسى رەفورماسىن جوسپارلاپ، فينانس ءتۇزىلىسى رەفورماسىن تياناقتاندىرۋ كەرەك.
ءتورتىنشى، جوعارى دەڭگەيدەگى سىرتقا ەسىك اشۋدى كەڭەيتۋ كەرەك. سىرتقى ساۋدانىڭ جاڭا قوزعاۋشى كۇشىن جەدەل جەتىلدىرىپ، سىرتقى ساۋدا شەتەل قارجىسىنىڭ نەگىزگى جاعدايىن بەكەمدەپ، ارالىق بۇيىمدار ساۋداسىن، قىزمەت وتەۋ ساۋداسىن، سيفرلى ساۋدانى، شەكارا اتتاعان ەلەكتروندىق ساۋدا ەكسپورتىن كەڭەيتۋ كەرەك. تەلەگراف، ەمدەۋ سياقتى قىزمەت وتەۋ كاسىبىنىڭ بازارعا كىرۋ رۇقساتىن جەڭىلدەتىپ، حالىقارالىق جوعارى ولشەمدى ەكونوميكا - ساۋدا ەرەجەسىنە تۋرالانىپ، ساندى مالىمەتتىڭ شەكارا اتتاپ جىلجۋى، ۇكىمەتتىك ساتىپ الۋعا تەڭ تۇرعىدا قاتىناسۋ سياقتى ماسەلەلەردى مۇقيات شەشىپ، بازارلانعان، زاڭمەن جونگە سالىناتىن، حالىقارالانعان ماڭداي الدى ساۋدا ورتاسىن ۇزدىكسىز قۇرىپ، ”جۇڭگوعا قارجى قوسۋ“ ماركاسىن جاراتۋ كەرەك. شەتەلدىك قىزمەتكەرلەردىڭ جۇڭگوعا كەلىپ ساۋدامەن شۇعىلدانۋىنىڭ، ۇيرەنۋىنىڭ، ساياحاتتاۋىنىڭ بوگەلۋ ءتۇيىنىن شىنايى اشۋ كەرەك. ”ءبىر بەلدەۋ، ءبىر جولدى“ جوعارى ساپامەن بىرگە قۇرۋعا قولداۋ كورسەتۋدەگى 8 ءتۇرلى ارەكەتتىڭ تياناقتانۋىن ويداعىداي يگەرىپ، كەلەلى بوگەنايلىق ينجەنەريالار مەن ”شاعىن دا كوركەم“ حالىق تۇرمىسى نىساندارىن ءبىر تۇتاس جوسپارلاپ ىلگەرىلەتۋ كەرەك.
بەسىنشى، ءتۇيىندى سالالارداعى حاۋىپ - قاتەردەن ءۇرتىس، ءونىمدى ساقتانۋ جانە ونى جويۋ كەرەك. قورا - جاي، جەرگىلىكتى ورىنداردىڭ قارىزى، ورتا، شاعىن فينانس قۇرىلىمدارى سياقتى جاقتارداعى حاۋىپ - قاتەردى ءبىر تۇتاس جوسپارلاپ شەشىپ، زاڭسىز فينانس قيمىلدارىنا قاتاڭ سوققى بەرىپ، جۇيەلىك حاۋىپ - قاتەر تۋىلماۋدىڭ تومەنگى شەگىن باتىل ساقتاۋ كەرەك. قورا - جاي حاۋىپ - قاتەرىن بەلسەندى، ورنىقتى تۇردە شەشىپ، تۇرلىشە مەنشىكتەگى قورا - جاي كاسىپورىندارىنىڭ ۇيلەسىمدى قارجى قۇراۋ قاجەتىن بىردەي قاناعاتتاندىرىپ، قورا - جاي بازارىنىڭ ورنىقتى، اقاۋسىز دامۋىن جەبەۋ كەرەك. قامتاماسىزدىق تۇرعىن ءۇي قۇرىلىسى، ”جايشىلىقتا جانە شۇعىل جاعدايدا بىردەي پايدالانىلاتىن“ الەۋمەتتىك نەگىزدىك قۇرىلعىلار قۇرىلىسى، قالا ىشىندەگى قىستاقتاردى جاڭالاۋ سياقتى ”ءۇش ءىرى ينجەنەريانى“ جەدەل ىلگەرىلەتۋ كەرەك. قاتىستى نەگىزدىك تۇزىمدەردى كەمەلدەندىرىپ، قورا - جاي دامۋىنىڭ جاڭا ۇلگىسىن جەدەل ورناتۋ كەرەك. جەرگىلىكتى ورىنداردىڭ قارىز حاۋىپ - قاتەرىن شەشۋ مەن ورنىقتى دامۋدى ءبىر تۇتاس جوسپارلا كەرەك، ەكونوميكاداعى ءىرى ولكەلەر ۇلكەن تىرەك بولۋ جاۋاپكەرلىگىن شىنايى ارقالاپ، بۇكىل ەلدىڭ ەكونوميكاسىن ورنىقتىرۋعا اناعۇرلىم زور ۇلەس قوسۋى كەرەك.
التىنشى، اۋىل شارۋاشىلىعى، اۋىل - قىستاق، شارۋالار قىزمەتىن تاباندىلىقپەن مىقتى يگەرۋ كەرەك. اۋىل شارۋاشىلىعىندا قۋاتتى ەل قۇرۋ نىساناسىن بەلگىلەپ، ”مىڭ قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىنىڭ تاجىريبەلەرىن ۇيرەنىپ جانە قولدانىپ، اۋىل - قىستاقتى جاپپاي گۇلدەندىرۋدى پارمەندى، ءونىمدى ىلگەرىلەتىپ، مەملەكەتتىڭ استىق حاۋىپسىزدىگىنە كەپىلدىك ەتۋدى، كولەمدى قايتا كەدەيلەنۋدىڭ تۋىلماۋىنا كەپىلدىك ەتۋدى تومەنگى شەك، اۋىل - قىستاق كاسىپ سالاسىنىڭ دامۋ دەڭگەيىن جوعارىلاتۋدى، اۋىل - قىستاق قۇرىلىسىنىڭ دەڭگەيىن جوعارىلاتۋدى، اۋىل - قىستاقتى جونگە سالۋ دەڭگەيىن جوعارىلاتۋدى ماڭىزدى ءتۇيىن ەتىپ، عىلىم - تەحنيكا مەن رەفورمانىڭ قوس دوڭگەلەكتى قوزعاۋشى كۇشىن نىعايتىپ، شارۋالاردىڭ كىرىسىن ارتتىرۋ شارالارىن كۇشەيتۋ كەرەك. كۇشتى شوعىرلاندىرا وتىرىپ، بۇقارا سەزىنە الاتىن ءبىر توپ ناقتى ءىستى ويداعىداي ىستەپ، قونىستانۋعا، كاسىپكە قولايلى كورىكتى اۋىل - قىستاق قۇرۋ كەرەك. استىق سياقتى ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋدى تيتتەي دە بوساڭسىتپاي مىقتى يگەرىپ، استىق ءوندىرۋ - ساتۋ رايوندارىنىڭ ولكە ارالىق ەندىك مۇددە تولەمى مەحانيزمىن ورناتۋ جونىندە ىزدەنىس جاساپ، ەگىستىك جەردى يەمدەنۋ مەن تولىقتاۋدىڭ تەپە - تەڭدىك تۇزىمىنە رەفورما جاساپ جانە ونى كەمەلدەندىرىپ، جوعارى ولشەمدى ەگىس اتىزى قۇرىلىسىنا قوسىلىم ولشەمىن جوعارىلاتۋ كەرەك. ءىرى اۋىل شارۋاشىلىق كوزقاراسىن، ءىرى ازىق - تۇلىك كوزقاراسىن ورناتىپ، اۋىل شارۋاشىلىعىن وسىزاماندانعان ءىرى كاسىپ سالاسى ەتىپ قۇرىپ شىعۋ كەرەك.
جەتىنشى، قالا مەن اۋىلدىڭ توعىسۋىن، وڭىرلەردىڭ سايكەستى دامۋىن ىلگەرىلەتۋ كەرەك. جاڭاشا قالا - قالاشىقتاندىرۋ مەن اۋىل - قىستاقتى جاپپاي گۇلدەندىرۋدى ورگانيكالى ۇشتاستىرىپ، ءتۇرلى فاكتورلاردىڭ قوس باعىتتا اۋىسۋىن جەبەپ، اۋدان ورتالىعىن ماڭىزدى دانەكەر ەتكەن جاڭاشا قالا - قالاشىقتاندىرۋ قۇرىلىسىن ىلگەرىلەتىپ، قالا مەن اۋىلدىڭ توعىسپالى دامۋىنىڭ جاڭا جاعدايىن قالىپتاستىرۋ كەرەك. قالانى جاڭالاۋ ارەكەتىن اتقارىپ، قونىستانۋعا جايلى، يكەمدى، زەردەلى قالا قۇرۋ كەرەك. جەر - جەردىڭ سالىستىرمالى ابزالدىعىن تولىق ساۋلەلەندىرىپ، نەگىزگى تۇلعالىق فۋنكتسيالىق ورنى بويىنشا جاڭا دامۋ جاعدايىن قالىپتاستىرۋمەن بەلسەنە توعىسۋ جانە وعان قىزمەت وتەۋ كەرەك. كەلەلى وندىرگىش كۇشتەردىڭ ورنالاسۋىن ساپالىلاندىرىپ، مەملەكەتتىڭ ستراتەگيالىق ىشكى ءوڭىر قۇرىلىسىن كۇشەيتۋ كەرەك. تەڭىز - مۇحيت ەكونوميكاسىن كۇش سالا دامىتىپ، تەڭىز - مۇحيتتا قۋاتتى ەل قۇرۋ كەرەك.
سەگىزىنشى، ەكولوگيالىق وركەنيەت قۇرىلىسى مەن جاسىل، تومەن كومىرتەكتى دامۋدى ىشكەرىلەي ىلگەرىلەتۋ كەرەك. كورىكتى جۇڭگو قۇرۋدا الدىمەن اتقارىلاتىن رايون قۇرىپ، جاسىل، تومەن كومىرتەكتى دامۋ بيىگىن قالىپتاستىرۋ كەرەك. كومىر قىشقىل گازىنىڭ شىعارىلۋىن جوعارى مانگە جەتكىزىپ، كومىر قىشقىل گازىن بەيتاراپتاندىردى بەلسەندى، ورنىقتى ىلگەرىلەتىپ، جاسىل، تومەن كومىرتەكتى قامداۋ تىزبەگىن جەدەل قالىپتاستىرۋ كەرەك. كوك اسپان، تۇنىق سۋ، تازا توپىراقتى قورعاۋ شايقاسىن ۇزدىكسىز ىشكەرىلەي ويداعىداي جۇرگىزۋ كەرەك. ەكولوگيالىق ونىمدەردىڭ قۇنىن جۇزەگە اسىرۋ مەحانيزمىن كەمەلدەندىرۋ.
كوللەكتيۆتىك ورمان ۇقىعى ءتۇزىمى رەفورماسىن تياناقتاندىرۋ كەرەك. جاڭاشا ەنەرگيا جۇيەسىن قۇرۋدى جەدەلدەتىپ، بايلىقتى ۇنەمدى، شوعىرلى، اينالمالى، جوعارى ءونىمدى پايدالانۋدى كۇشەيتىپ، ەنەرگيا بايلىعىنىڭ حاۋىپسىزدىگىن قامتاماسىزداندىرۋ قۋاتىن جوعارىلاتۋ كەرەك.
توعىزىنشى، حالىق تۇرمىسىن شىنايى قامتاماسىز ەتۋ جانە جاقسارتۋ كەرەك. بار كۇشىن سالىپ ىستەۋدە، شاماعا قاراي ىستەۋدە تاباندى بولىپ، حالىق تۇرمىسىنىڭ تومەنگى شەگىن مىقتى يگەرۋ كەرەك. جۇمىستاندىرۋدى الدىمەن ويلاستىرۋ بەتالىسىن اناعۇرلىم كورنەكتىلەندىرىپ، ءتۇيىندى قاۋىمنىڭ جۇمىستانۋىنىڭ ورنىقتىلىعىنا كەپىلدىك ەتۋ كەرەك. قوعامدىق قامتاماسىزداندىرۋ تورابىن تىعىز، بەرىك توقىپ، ساتىلار بويىنشا تۇرگە ايىرىلعان قوعامدىق قۇتقارۋ جۇيەسىن اقاۋسىزداندىرۋ كەرەك. تۋىتتى قولداۋ ساياسات جۇيەسىن جەدەل كەمەلدەندىرىپ، قارتتار ەكونوميكاسىن دامىتىپ، حالىق سانىنىڭ ساپالى دامۋىن ىلگەرىلەتۋ كەرەك.
ءماجىلىس بىلاي دەپ اتاپ كورسەتتى: پارتيا ورتالىق كوميتەتىنىڭ ەكونوميكالىق جاعداي جونىندەگى عىلمي تۇجىرىمىن تەرەڭ ءتۇسىنىپ، ەكونوميكالىق قىزمەتتى ويداعىداي ىستەۋدىڭ جاۋاپكەرلىك سەزىمىن، بورىشتىلىق سەزىمىن شىن مانىندە كۇشەيتىپ، بارلىق ءتيىمدى ورايدى مىقتى يگەرىپ، بارلىق ءتيىمدى شارت - جاعدايدان پايدالانىپ، ءداپ باسىپ تاپقاننان كەيىن جەدەل ىستەۋ، كوپ ىستەۋگە بولاتىندارىن كوبىرەك ىستەۋ، ءوز قىزمەتىنىڭ تۇراقتىلىعى ارقىلى جاعداي وزگەرىسىنىڭ تۇراقسىزدىعىنا توتەپ بەرۋگە قۇلشىنۋ كەرەك. كەلەر جىلعى ەكونوميكالىق قىزمەتتىڭ جالپى تالابىن جاپپاي دايەكتىلەندىرىپ، قارقىن مەن ساپانىڭ، ماكرولىق ساندى مالىمەت پەن ميكرولىق سەزىنۋدىڭ، ەكونوميكانى دامىتۋ مەن حالىق تۇرمىسىن جاقسارتۋدىڭ، دامۋ مەن حاۋىپسىزدىكتىڭ قاتىناسىن ويداعىداي يگەرۋگە جانە ويداعىداي شەشۋگە نازار اۋدارىپ، ەكونوميكانىڭ قايتا ورلەۋ جاعدايىن ۇزدىكسىز بەكەمدەۋ جانە كۇشەيتۋ كەرەك. كەلەر جىلعى ەكونوميكالىق قىزمەتتىڭ ساياساتتىق بەتالىسىن دۇرىس يگەرىپ، ساياساتتى اتقارۋ جاعىندا سايكەسۋدى، ىقپالداستىقتى كۇشەيتىپ، قۇراما اسەردى زورايتىپ، ساياساتتىق زاپاس ساقتاۋ جاعىندا الدىن الا مولشەرلەپ، بوستىق قالدىرىپ، ساياساتتىق ونىمدىلىكتى باعالاۋ جاعىندا ونىمدىلىككە ءمان بەرىپ، تابىس سەزىمىن كۇشەيتىپ، ماكرولىق ساياساتتىڭ ساپالى دامۋدى قولداۋ ونىمدىلىگىن كۇش سالا جوعارىلاتۋ كەرەك. قىزمەتتى ىلگەرىلەتۋدىڭ ءادىس - امالدارىنا ءمان بەرىپ، باستى قايشىلىقتى مىقتى يگەرىپ، كەدەرگىلەردى، شەكتەمەلەردى بۇزىپ، كورەگەندىكپەن ورنالاستىرۋعا ءمان بەرىپ، كەلەر جىلعى ەكونوميكالىق قىزمەتتەگى ءتۇيىندى مىندەتتەردىڭ تياناقتانۋىنا كەپىلدىك ەتۋ كەرەك. قايراتتانا ءىس تىندىرۋ رۋحاني كۇيىن باستان - اياق ساقتاپ، ”مەملەكەتتىڭ زور ءىسىن“ كوكەيدە ساقتاپ، ىرىقتىلىقپەن جاۋاپكەرلىك ارقالاپ، ىسكەرلىك كورسەتىپ، سايكەسۋدى، سەلبەسۋدى كۇشەيتىپ، جەتەكتەۋ، جەبەۋ سيپاتى كۇشتى قىزمەت تۇتقاسىن بەلسەنە جوسپارلاپ، ويداعىداي پايدالانىپ، ساپالى دامۋدى تىڭعىلىقتى ىلگەرىلەتۋ كەرەك.
ءماجىلىس بىلاي دەپ دارىپتەدى: پارتيانىڭ جاپپاي باسشىلىعىندا تاباندى بولىپ جانە ونى كۇشەيتىپ، پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرۋ، تياناقتاندىرۋ كەرەك. تياناقتاندىرۋدى قاز - قالپىندا يگەرىپ، ەڭ سوڭعى ونىمدىلىكتىڭ پارتيا ورتالىق كوميتەتىنىڭ شەشىم - ماقساتىنا ۇيلەسۋىنە شىنايى كەپىلدىك ەتۋ كەرەك. تياناقتاندىرۋدى مىقتى يگەرىپ، ۋاقىتتى، ولشەمدى، ونىمدىلىكتى ءبىر تۇتاس يگەرۋ كەرەك. شىندىققا جۇگىنىپ، ناقتى ءىس ىستەپ، تياناقتاندىرۋدى يگەرىپ، فورماشىلدىقتى، تورەشىلدىكتى باتىل تۇزەتۋ كەرەك. باتىلدىقپەن ىستەپ، شەبەرلىكپەن تياناقتاندىرۋدى يگەرىپ، ادام ىستەتۋدىڭ دۇرىس بەتالىسىندا تاباندى بولىپ، ءار دارەجەلى باسشى كادرلاردىڭ بەلسەندىلىگىن، ىرىقتىلىعىن، جاسامپازدىعىن تولىق ساۋلەلەندىرۋ كەرەك. نەگىزگى تاقىرىپتىق تاربيەنىڭ جەتىستىكتەرىن بەكەمدەۋ، كەڭەيتۋ ءارى ساپالى دامۋدى ىلگەرىلەتۋدىڭ ونىمدىلىگىنە اينالدىرۋ كەرەك.
ءماجىلىس مىنالاردى تالاپ ەتتى: جىل سوڭى مەن جىل باسىندا حالىق تۇرمىسىنا قاتىستى ماڭىزدى تاۋارلارمەن قامداۋعا كەپىلدىك ەتىپ، باعانى ورنىقتىرىپ، شارۋا جۇمىسكەرلەردىڭ ەڭبەكاقىسىنىڭ ۋاعىندا، تولىق تاراتىلۋىن قامتاماسىز ەتىپ، قيىنشىلىعى بار بۇقارانىڭ ءوندىرىسى مەن تۇرمىسىنا كوڭىل ءبولىپ، ءوندىرىس حاۋىپسىزدىگى جاۋاپكەرلىك ءتۇزىمىن ىشكەرىلەي تياناقتاندىرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگى مەن سالاماتتىعىن ويداعىداي قورعاۋ كەرەك.
ءماجىلىس بۇكىل پارتيانى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، سەنىمدى بەكەمدەپ، ءورىس اشا ىلگەرىلەپ، ەكونوميكالىق، قوعامدىق دامۋدىڭ ءتۇرلى نىسانا - مىندەتتەرىن قۇلشىنا جۇزەگە اسىرىپ، ساپالى دامۋدىڭ ءىس جۇزىندىك ارەكەتى مەن ونىمدىلىگى ارقىلى جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋعا ۇندەدى.
ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار، سونداي - اق ورتالىق اسكەري ىستەر كوميتەتىنىڭ مۇشەلەرى ماجىلىسكە قاتىناستى.
ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىقتىڭ باسقارۋىنداعى ءىشىنارا فينانس قۇرىلىمدارى مەن كاسىپورىندارداعى، ورتالىق اسكەري ىستەر كوميتەتى ورگانىنىڭ تاراۋلارىنداعى نەگىزگى جاۋاپتى جولداستار قاتارلىلار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
