شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن كەڭەس وتكىزدى
2023.12.13 15:54 كەلۋ قاينارى : حالىق تورابى
سول جەر ۋاقىتى 12 - ايدىڭ 12 – كۇنى تۇستەن كەيىن حانويعا ەندى عانا كەلگەن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتى تۇرعان جەردە ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن كەڭەس وتكىزدى. سۋرەتتە: رۋان فۋجۇڭ ءتوراعا سارايى الاڭىندا شي جينپيڭگە ارناپ سالتاناتتى قارسى الۋ سالتىن وتكىزۋدە. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
«حالىق گازەتى»، 12 - ايدىڭ 12 – كۇنى، حانوي (تىلشىلەر دۋ شاڭزى، ياڭ شۋەبو). سول جەر ۋاقىتى 12 - ايدىڭ 12 – كۇنى تۇستەن كەيىن حانويعا ەندى عانا كەلگەن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتى تۇرعان جەردە ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن كەڭەس وتكىزدى. ەكى جاق جۇڭگو مەن ۆيەتنامنىڭ ەكى پارتيا، ەكى ەل قارىم - قاتىناسىنىڭ جاڭا ورنىن تۇراقتاندىرىپ، جۇڭگو مەن ۆيەتنامنىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىن تەرەڭدەتۋ نەگىزىندە، ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن قول ۇستاسا قۇراتىنىن جاريالادى.
ءتوراعا سارايى الاڭى ايبىندى دا دۋماندى بەينەگە شومدى، شولپان قىزىل تۋى مەن بەس جۇلدىزدى قىزىل تۋ ءبىر - بىرىنە شۇعىلا شاشىپ، قارسى الۋعا شىققان نەشە جۇزدەگەن بالانىڭ جۇزىنەن كۇلكى ەسەدى.
رۋان فۋجۇڭ شي جينپيڭگە ارناپ سالتاناتتى قارسى الۋ سالتىن وتكىزدى.
شي جينپيڭ مەن حانىمى پىڭ لييۋان اۆتوكولىكپەن كەلگەندە، رۋان فۋجۇڭ مەن حانىمى اۆتوكولىكتەن تۇسەر جەردە قىزۋ قارسى الدى، ۆيەتنامدىق ورەندەر مەن بالالار شي جينپيڭ مەن حانىمىنا قۇرمەت ءبىلدىرىپ گۇل ۇسىندى. ەكى پارتيانىڭ باس شۋجيى ەكى جاقتان سەرىك بولىپ كەلگەندەرمەن جەكە - جەكە قول الىسىپ قۇرمەت ءبىلدىردى. شي جينپيڭ مەن رۋان فۋجۇڭ كوزدەن كەشىرۋ مىنبەسىنە شىقتى. اسكەري وركەستر جۇڭگو مەن ۆيەتنام ەلدەرىنىڭ مەملەكەت اندەرىن ورىندادى، 21 رەت ساليۋت اتىلدى. شي جينپيڭ رۋان فۋجۇڭنىڭ سەرىك بولۋىندا قۇرمەت قاراۋىلىن كوزدەن كەشىردى ءارى سالتانات قاتارىن كوردى.
قارسى الۋ سالتىنان كەيىن شي جينپيڭ مەن رۋان فۋجۇڭ اۆتوكولىكپەن ۆيەتنام كوممۋنيستىك پارتياسى ورتالىق كوميتەتى تۇرعان جەرگە باردى. جەرگىلىكتى ءار سالا بۇقاراسى ەكى ەلدىڭ مەملەكەت تۋىن بۇلعاپ قارسى الدى، جول بويى قىزۋ دوستىق لەبى ەستى.
شي جينپيڭ رۋان فۋجۇڭمەن كەڭەس وتكىزدى.
شي جينپيڭ بىلاي دەپ اتاپ كورسەتتى: ۋادە بويىنشا كەلىپ، باس شۋجي رۋان فۋجۇڭمەن 3 - رەتكى ءوزارا ساپاردا كەزدەسكەنىمە وتە قۋانىشتىمىن. جولداس ۇستىنە باۋىرلاس رەتىندە، ءبىز ۆيەتنامنىڭ رەفورما جاساپ، ەسىك اشقان 40 جىلعا تاياۋ ۋاقىتتان بەرى، اسىرەسە، ۆيەتنام كوممۋنيستىك پارتياسىنىڭ 13 - قۇرىلتايىنان بەرى قول جەتكىزگەن دامۋ جەتىستىكتەرىنە شىن جۇرەكتەن قۋانامىز. جۇڭگو جاق ۆيەتنامنىڭ سوتسياليستىك قۇرىلىس ىستەرىن ۇزدىكسىز ىلگەرىلەتۋىن باتىل قولدايدى، باس شۋجي رۋان فۋجۇڭ جولداس باستاعان ۆيەتنام كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، ۆيەتنامنىڭ پارتياسى مەن ۇكىمەتىنىڭ ۆيەتنام كوممۋنيستىك پارتياسىنىڭ 13 - قۇرىلتايىندا العا قويىلعان ءتۇرلى مىندەتتەردى، ءسوز جوق، ءساتتى ورىنداپ، ۆيەتنامنىڭ پارتيا قۇرىپ، مەملەكەتتى كوركەيتۋدىڭ ”ەكى 100 جىلدىق“ كۇرەس نىساناسىن جۇزەگە اسىرۋىنا بەرىك نەگىز قالايتىنىنا سەنەدى.
شي جينپيڭ بىلاي دەپ دارىپتەدى: جۇڭگو مەن ۆيەتنام ەكى ەل وزدەرىنىڭ مەملەكەتتىڭ تاۋەلسىزدىگى مەن ۇلتتىڭ ازاتتىعىنا قول جەتكىزۋ كۇرەسىندە ءبىرىن - ءبىرى قولداپ، ءبىر - ءبىرىنىڭ رەفورما جاساپ، ەسىك اشۋ جانە جاڭالىق اشۋ ىستەرىندە ءوزارا ۇيرەنىپ، ءوزارا ۇلگى الدى، ”ۆيەتنام مەن جۇڭگونىڭ دوستىعى تەرەڭ، جولداس ۇستىنە باۋىرلاس بولۋ“ − جۇڭگو - ۆيەتنام قارىم - قاتىناسىنىڭ ەڭ جاندى بەينەسى. جۇڭگو جاق جۇڭگو - ۆيەتنام قارىم - قاتىناسىنا باستان - اياق ستراتەگيالىق جانە ۇزاق بولاشاقتىق تۇرعىدان مامىلە جاسايدى. قازىر دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن بولىپ كورىلمەگەن تاسىلمەن ورىستەتىلۋدە. جۇڭگو مەن ۆيەتنامنىڭ ەكى پارتياسى دۇنيە جۇزىندەگى الدىڭعى ەكى ۇلكەن بيلىككتى كوممۋنيستىك پارتيا رەتىندە ماركسيزمدە تاباندى بولىپ جانە ونى دامىتىپ، سوتسياليزم جولىمەن بۇلجىماي ءجۇرىپ، ءوز ەلدەرىنە باسشىلىق ەتىپ، سوتسياليستىك قۇرىلىس جۇرگىزۋدە، دۇنيە جۇزىندەگى سوتسياليستىك كۇشتەردى زورايتۋ جانە وزدەرىنىڭ سوتسياليستىك قۇرىلىس ىستەرىنىڭ ورنىقتى، باياندى دامۋىنا كەپىلدىك ەتۋ بيىك تۇرعىسىنان جۇڭگو - ۆيەتنام قارىم - قاتىناسىنىڭ ەرەكشە ستراتەگيالىق ءمانىن يگەرىپ، جۇڭگو مەن ۆيەتنامنىڭ تاعدىرلاس ورتاق تۇلعاسى قۇرىلىسىن تىڭعىلىقتى ىلگەرىلەتۋى ءتىپتى دە كەرەك. ەكى جاقتىڭ بىرگە قۇلشىنۋىندا جۇڭگو - ۆيەتنام قارىم - قاتىناسىنىڭ ساياسي سەنىمدىلىگى اناعۇرلىم جوعارى، حاۋىپسىزدىك سەلبەستىگى اناعۇرلىم ناقتى، ءوزارا ءتيىمدى سەلبەستىگى اناعۇرلىم تەرەڭ، حالىق رايى نەگىزى اناعۇرلىم بەرىك، كوپ جاقتى سايكەسۋى اناعۇرلىم تىعىز، الاۋىزدىقتاردى ب مەڭگەرۋ - شەشۋى اناعۇرلىم جاقسى جاڭا كەزەڭگە قادام تاستايتىنىنا، جۇڭگو - ۆيەتنام ەكى ەلدىڭ سوتسياليستىك قۇرىلىس ىستەرىندە ۇزدىكسىز تىڭ تابىستارعا قول جەتكىزىلەتىنىنە، سونداي - اق ءوڭىردىڭ، ءتىپتى، دۇنيە ءجۇزىنىڭ ورنىقتىلىعىنا، دامۋىنا، گۇلدەنۋىنە تىڭ ۇلەس قوساتىنىنا سەنەمىن.
شي جينپيڭ جۇڭگو مەن ۆيەتنامنىڭ تاعدىرلاس ورتاق تۇلعاسىن قۇرۋ جونىندە بىرنەشە ۇسىنىس قويدى.
ساياسي جاقتا بەتالىستى ءدال يگەرۋ كەرەك. جوعارى جىكتەگىلەردىڭ ستراتەگيالىق جەتەكشىلىگىندە تاباندى بولىپ، پارتيانى، مەملەكەتتى جونگە سالۋ تاجىريبەلەرىن اۋىستىرۋدى، ءوزارا ۇلگى الۋدى كۇشەيتىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى بىرگە تەرەڭدەتۋ كەرەك. ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى باتىل قولداپ، حالىقارالىق ادىلدىك پەن ادىلەتتىلىكتى بىرگە قورعاۋ كەرەك.
حاۋىپسىزدىك جاعىندا ءوزارا سەنىمدىلىكتى تەرەڭدەتۋ كەرەك. مەملەكەتتىڭ ساياسي حاۋىپسىزدىگىن قورعاۋدى ماڭداي الدى ورىنعا قويىپ، سوتسياليستىك قىزىل تۋدىڭ ءتۇسىن وزگەرتپەۋگە كەپىلدىك ەتىپ، ءتۇرلى ساياسي حاۋىپسىزدىك حاۋىپ - قاتەرىنەن بار كۇشپەن ساقتانۋ، ونى جويۋ، تەجەۋ كەرەك. جۇڭگو ۆيەتنامنىڭ قوعام ورنىقتىلىعى مەن ۇلتتار ىنتىماعىن قورعاۋىن باتىل قولدايدى، ۆيەتنامنىڭ جۇڭگونىڭ سىرتتىڭ كيلىگۋىنە قارسى تۇرۋىن، مەملەكەتتىڭ بىرلىككە كەلۋ ۇلى ءىسىن باتىل ىلگەرىلەتۋىن ۇزدىكسىز قولدايتىنىنا سەنەدى.
ناقتى سەلبەستىكتە ساپانى جوعارىلاتىپ، دارەجەسىن كوتەرۋ كەرەك. ءبىر ميلليارد 400 ميلليوننان استام جۇڭگو حالقىنىڭ وسىزاماندانۋعا جالپى تۇلعالىق جاقتان قادام تاستاۋى − جۇڭگونىڭ دۇنيە جۇزىنە سيلاعان وراسان زور ورايى، جۇڭگو ۆيەتنامداعى جولداستارمەن ورايدان بىرگە يگىلىكتەنىپ، دامۋدى بىرگە قاراستىرۋدى قالايدى. ۆيەتنامنىڭ ”ءبىر بەلدەۋ، ءبىر جولدى“ جوعارى ساپامەن بىرگە قۇرۋداعى 8 ءتۇرلى ارەكەتپەن بەلسەنە ۇشتاسىپ، سيفرلى ەكونوميكا، جاسىل دامۋ سياقتى جاڭادان گۇلدەنگەن سالالارداعى سەلبەستىكتى كەڭەيتۋىن قارسى الامىز. ەكى جاق وڭىرلىك جالپى بەتتىك ەكونوميكالىق سەرىكتەستىك قارىم - قاتىناس كەلىسىمىن بىرگە ويداعىداي اتقارىپ، دۇنيە جۇزىلىك ەركىن ساۋدا جۇيەسىن قورعاپ، حاۋىپسىز، ورنىقتى، ىركىلىسسىز، جوعارى ءونىمدى، اشىق، سيىسىمدى، ءوزارا پايدا جەتكىزىپ، تەڭ يگىلىككە كەنەلەتىن دۇنيە جۇزىلىك كاسىپ تىزبەگى مەن قامداۋ تىزبەگىن قالىپتاستىرۋى كەرەك. جۇڭگو جاق قۋاتتى جۇڭگو كاسىپورىندارىن ۆيەتنامعا بارىپ قارجى قوسىپ، شارۋاشىلىقتى گۇلدەندىرۋگە ۇزدىكسىز شابىتتاندىرادى، ۆيەتنامنىڭ جۇڭگو كاسىپورىندارىنا تاماشا ساۋدا ورتاسىن ازىرلەۋىن ءۇمىت ەتەدى.
حالىق تىلەگى نەگىزىندە ۇسىنىلىمدى ارتتىرۋ كەرەك. جۇڭگو - ۆيەتنام سەلبەستىگى اۋىل شارۋاشىلىعى، وقۋ - اعارتۋ، ەمدەۋ سياقتى حالىق تۇرمىسى سالالارىنا كوبىرەك بەيىمدەلىپ، جاستار، ساياحات، جەرگىلىكتى ورىندار سياقتى سالالارداعى سەلبەستىكتى كۇشەيتىپ، ەكى ەل حالىقتارىنىڭ جۇڭگو - ۆيەتنام تاعدىرلاس ورتاق تۇلعاسى، ەكى پارتيانىڭ، ەكى ەلدىڭ ءداستۇرلى دوستىعى جونىندەگى تۇسىنىگىن ارتتىرىپ، جاس ۇرپاقتار اراسىنداعى سۇيىسپەنشىلىكتى كۇشەيتىپ، جۇڭگو - ۆيەتنام دوستىعىنىڭ حالىق رايى نەگىزىن بەكەمدەۋ كەرەك.
حالىقارالىق جانە وڭىرلىك ماسەلەلەردە تىعىز سەلبەسۋ كەرەك. جۇڭگو مەن ۆيەتنامنىڭ دۇنيەنى جالت قاراتقان دامۋ جەتىستىكتەرىنە قول جەتكىزۋى − ءارى ءوزىنىڭ قۇلشىنا كۇرەس جۇرگىزۋىنىڭ ناتيجەسى، ءارى اشىق، سيىسىمدى دۇنيە ءجۇزىنىڭ، اسىرەسە، بەيبىت، ورنىقتى ازيا - تىنىق مۇحيت ورتاسىنىڭ ارقاسى. جۇڭگو قاقپايلاۋ سيپاتتى شاعىن شەڭبەرمەن شۇعىلدانبايدى، توپتىق ساياسيمەن شۇعىلدانبايدى، لاگەر قۇرىپ قارسىلاسپايدى، ۆيەتناممەن كوپ جاقتى سەلبەستىكتى كۇشەيتىپ، ناعىز كوپ جاقتىلىقتى قورعاپ، وركەندەپ كەلە جاتقان ەلدەردىڭ حالىقارالىق ىستەردەگى سويلەۋ ۇقىعى مەن ىقپال كۇشىن جوعارىلاتۋدى قالايدى.
تەڭىزگە ساياتىن ماسەلەلەردە الاۋىزدىقتاردى تىزگىندەۋ كەرەك. ەكى جاق اناعۇرلىم كوپ تەڭىزدەگى سەلبەستىك نىساندارىن بەلسەنە قاراستىرىپ جانە ورىستەتىپ، تەڭىزدەگى بىرگە اشۋدى قۇلشىنا ىلگەرىلەتىپ، تەڭىزدەگى ماسەلەلەر الا كەلگەن سىن - سايىستى ەكى جاقتىڭ سەلبەستىكتى تەرەڭدەتۋ ورايىنا اينالدىرۋى كەرەك.
رۋان فۋجۇڭ ۆيەتنام پارتياسى، مەملەكەتى جانە حالقى اتىنان باس شۋجي، مەملەكەت ءتوراعاسى شي جينپيڭنىڭ ۆيەتنام مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ 15 جىلدىعى قارساڭىندا ۆيەتنامدا مەملەكەتتىك ساپاردا بولعانىن قىزۋ قارسى الدى ءارى جۇڭگو كوممۋنيستىك پارتياسىنىڭ 20 - قۇرىلتايىندا قول جەتكەن كەلەلى نازاريالىق جانە امالياتتىق جاڭالىق اشۋ جەتىستىكتەرىن تاعى ءبىر رەت شىن جۇرەكتەن قۇتتىقتادى. رۋان فۋجۇڭ مىنانى ءبىلدىردى: باس شۋجي شي جينپيڭنىڭ پارمەندى باسشىلىعى مەن شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، جۇڭگو جان - جاقتى تابىستارعا قول جەتكىزدى، حالىقاراداعى ورنى مەن ىقپالى كۇن سايىن ارتتى، ۆيەتنام باۋىرلاس جۇڭگوعا شىن جۇرەكتەن قۋانادى. ۆيەتنام جاق باس شۋجي شي جينپيڭدى ۇيىتقى ەتكەن پارتيا ورتالىق كوميتەتىنىڭ باسشىلىعىندا، جۇڭگونىڭ ج ك پ 20 - قۇرىلتايىندا بەلگىلەنگەن ءتۇرلى نىسانالاردى ۋاعىندا جۇزەگە اسىراتىنىنا، سونداي - اق ادامزاتتىڭ العا باسۋ ىستەرىنە تىڭ دا كەلەلى ۇلەس قوساتىنىنا كامىل سەنەدى.
رۋان فۋجۇڭ مىنالاردى ءبىلدىردى: باس شۋجي، مەملەكەت ءتوراعاسى شي جينپيڭ − جۇڭگو حالقىنىڭ قادىرلەيتىن كوسەمى، دۇنيە جۇزىندەگى كورنەكتى باسشى، سونداي - اق ۆيەتنام حالقىنىڭ قۇرمەتىنە جانە ىزەتىنە بولەنگەن جولداس جانە دوس، مەيلى ج ك پ 20 - قۇرىلتايىنان كەيىن مەنى جۇڭگوعا ساپارلاي كەلۋگە الدىمەن ۇسىنىس ەتسىن، الدە ۋادە بويىنشا ۆيەتنامعا 3 - رەت ساپارلاي كەلسىن، باس شۋجي، مەملەكەت ءتوراعاسى شي جينپيڭنىڭ ۆيەتنامعا دەگەن ەرەكشە دوستىق سۇيىسپەنشىلىگىن، سونداي - اق ۆيەتنام – جۇڭگو قارىم - قاتىناسىنىڭ جوعارى دەڭگەيىن تولىق ايگىلەدى. ۆيەتنام مەن جۇڭگونىڭ دوستىعى تەرەڭ، جولداس ۇستىنە باۋىرلاس. تاياۋدا مەن دوستىق وتكەلىنە بارىپ ”دوستىق اعاشىن“ ەكتىم، سونداي - اق وسى ارقىلى ۆيەتنام مەن جۇڭگونىڭ ەرەكشە تۋىسقاندىق سۇيىسپەنشىلىگىن ايگىلەپ، ۆيەتنام مەن جۇڭگونىڭ ەرەكشە دوستىعىنىڭ بەلسەندى سيگنالىن تاراتۋدى ءۇمىت ەتەمىن. جۇڭگو جاقتىڭ ۆيەتنامدى توڭىرەكتىك ديپلوماتيانىڭ الدىمەن ەسكەرەتىن باعىتى ەتىپ، ۆيەتنامنىڭ جاڭالاۋ، ەسىك اشۋ جانە ونەركاسىپتەندىرۋ، وسىزامانداندىرۋ ىستەرىن باتىل قولداعانىنا ءارى ۆيەتنامنىڭ جاڭا تيپتى ايدارشا ۆيرۋس وكپە قابىنۋ ىندەتى سياقتى قيىنشىلىقتارعا تاپ بولعان كەزەڭدەرىندە قاستەرلى كومەك كورسەتكەنىنە العىس ايتامىن. ۆيەتنام ءبىر جۇڭگو پرينسيبىندە تاباندى بولادى، تايۋاننىڭ جۇڭگو تەرريتورياسىنىڭ ايرىلماس ءبىر بولىگى ەكەنىن مويىندايدى، جۇڭگونىڭ بىرلىككە كەلۋ ۇلى ءىسىن قولدايدى، ءارقانداي فورماداعى ”تايۋان دەربەستىگى“ بولشەكتەۋ قيمىلىنا باتىل قارسى تۇرادى. شياڭگاڭعا، شينجياڭعا، شيزاڭعا ساياتىن ماسەلەلەردىڭ بارلىعى − جۇڭگونىڭ ىشكى ءىسى، ۆيەتنام ءارقانداي كۇشتىڭ جۇڭگونىڭ ىشكى ىسىنە كيلىگۋىنە قارسى تۇرادى، جۇڭگونىڭ ورنىقتىلىقتى ساقتاۋىن، دامۋىن جانە گۇلدەنۋىن ءۇمىت ەتەدى ءارى بۇعان سەنەدى. ۆيەتنام دەربەس، ءوز - وزىنە قوجا بولۋ ديپلوماتيالىق ساياساتىندا تاباندى بولىپ، جۇڭگومەن قارىم - قاتىناسىن دامىتۋدى ماڭداي الدى ورىنعا قويادى جانە ستراتەگيالىق تالعام ەتەدى. ۆيەتنام جاق جۇڭگو جاقپەن بىرگە ستراتەگيالىق مانگە يە ۆيەتنام - جۇڭگو تاعدىرلاس ورتاق تۇلعاسىن قۇرىپ، ”التىدا اناعۇرلىم ىلگەرىلەۋدى“ جەتەكشى ەتىپ، ساياسي، ەكونوميكا - ساۋدا، حاۋىپسىزدىك، حالىقتىق بارىس - كەلىس سياقتى سالالارداعى سەلبەستىكتى جاپپاي كۇشەيتىپ، ءوزارا پايدا جەتكىزىپ، تەڭ يگىلىككە كەنەلۋدىڭ ۇلگىسىن قالىپتاستىرۋدى قالايدى، بۇل ۆيەتنام، جۇڭگو پارتيالارىنىڭ، ەكى ەل ۇكىمەتتەرىنىڭ جانە حالىقتارىنىڭ ورتاق مۇددەسىنە ۇيلەسەدى. تەڭىزدەگى الاۋىزدىق − ۆيەتنام – جۇڭگو قارىم - قاتىناسىنىڭ ءبىر بولەگى عانا، ەكى جاقتىڭ ءوزارا سەنۋ، ءوزارا قۇرمەت ەتۋ رۋحى بويىنشا ۇيلەسىمدى ءبىر جاقتى ەتە الاتىنىنا سەنەمىن. ۆيەتنام مەن جۇڭگو كوپ جاقتىلىقتى جانە حالىقارالىق ادىلدىك پەن ادىلەتتىلىكتى قورعاۋ، بەيبىتشىلىكتى، سەلبەستىكتى، دامۋدى جەبەۋ سياقتى جاقتاردا ۇقساس ۇستانىمعا يە. ءتوراعا شي جينپيڭ العا قويعان ”ءبىر بەلدەۋ، ءبىر جولدى“ بىرگە قۇرۋ، دۇنيە جۇزىلىك دامۋ باستاماسى، دۇنيە جۇزىلىك حاۋىپسىزدىك باستاماسى، دۇنيە جۇزىلىك وركەنيەت باستاماسى سياقتى ماڭىزدى دۇنيە جۇزىلىك باستامالاردىڭ ماقساتى بۇكىل ادامزاتتىڭ ورتاق مۇددەسىن قورعاۋ، حالىقارالىق زاڭعا بۇكىلدەي ۇيلەسەدى، كۇن سايىن حالىقارالىق قوعامنىڭ جاپپاي قولداۋى مەن بەلسەنە ءۇن قوسۋىنا يە بولىپ كەلەدى، ۆيەتنام جاق باتىل قولدايدى ءارى بەلسەنە ات سالىسۋدى قالايدى. قازىرگى كۇردەلى حالىقارالىق جاعدايدا، ۆيەتنام مەن جۇڭگونىڭ كوپ جاقتى سەلبەستىكتى جيىلەتىپ، ءتۇرلى ءداستۇرلى جانە بەي ءداستۇرلى حاۋىپسىزدىك سىن - سايىسىنا بىرگە توتەپ بەرۋى ەكى ەل جانە دۇنيە ءجۇزى جونىنەن كەلەلى ماڭىز الادى. باس شۋجي، مەملەكەت ءتوراعاسى شي جينپيڭنىڭ وسى رەتكى ساپارىنىڭ ۆيەتنام - جۇڭگو قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋدەگى تاريحي بەلەسكە اينالاتىنىنا، سونداي - اق ءوڭىردىڭ جانە دۇنيە ءجۇزىنىڭ بەيبىتشىلىگى مەن دامۋىنا ۇلەس قوساتىنىنا سەنەمىن.
كەڭەستەن كەيىن ەكى پارتيانىڭ باس شۋجيلەرى ەكى جاق قول قويعان ەكى جاقتى سەلبەستىك قۇجاتتارىن كورسەتۋگە بىرگە كۋا بولدى، بۇل ”ءبىر بەلدەۋ، ءبىر جولدى“ بىرگە قۇرۋ، تەكسەرۋ - كارانتيندەۋ، دامۋ سەلبەستىگى، سيفرلى ەكونوميكا، جاسىل دامۋ، قاتىناس - تاسىمال، جەرگىلىكتى ورىندار سەلبەستىگى، قورعانىس ىستەرى جانە زاڭ اتقارۋ حاۋىپسىزدىگى سەلبەستىگى، تەڭىزدەگى سەلبەستىك سياقتى 30 نەشە سالانى قامتيدى.
رۋان فۋجۇڭ شي جينپيڭدى شاعىن كولەمدەگى شاي اڭگىمەسىنە ۇسىنىس ەتتى. ەكى پارتيانىڭ باس شۋجيلەرى كوڭىلدى دە دوستىق بەينەدە ۇزدىكسىز ىشكەرىلەي پىكىرلەستى.
ەكى باس شۋجي بىلاي دەپ قارادى: جۇڭگو مەن ۆيەتنام دوس كورشى رەتىندە، مۇراتى ۇقساس، ۇستانىمى توعىسقان. جاقسى كورشى، جاقسى سەرىك، جاقسى باۋىرلاس، جاقسى جولداس رەتىندە، جۇڭگو مەن ۆيەتنامنىڭ ستراتەگيالىق مانگە يە تاعدىرلاس ورتاق تۇلعاسىن قۇرۋى ىڭعايلى ءساتى بولۋ، جەرى جاقىن كەلۋ، ادامدارى تاتۋ بولۋداي وزگەشە ابزالدىققا يە. ەكى جاق اعا بۋىن باسشىلار جاساسقان ءداستۇرلى دوستىققا مۇراگەرلىك ەتىپ، تاعدىرلاس ورتاق تۇلعا قۇرۋعا بىرگە قۇلشىنىپ، وزدەرىنىڭ وسىزاماندانۋ جولىمەن ويداعىداي ءجۇرىپ، ءوزارا پايدا جەتكىزىپ، تەڭ يگىلىككە كەنەلىپ، كوركەمدىكتى ءبولىسۋدى جۇزەگە اسىرىپ، ەكى ەل حالىقتارىنا باقىت جاراتۋى، سونداي - اق ءوڭىردىڭ بەيبىتشىلىگى مەن گۇلدەنۋىنە بەلسەندى ۇلەس قوسۋى كەرەك.
ەكى جاق «جان - جاقتى ستراتەگيالىق سەلبەستىك سەرىكتەستىك قارىم - قاتىناستى ونان ارى تەرەڭدەتۋ جانە جوعارىلاتۋ، ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن قۇرۋ جونىندەگى بىرلەسكەن مالىمدەمەنى» جاريالاۋعا ماقۇل بولدى.
سول كۇنى كەشتە ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ مەن حانىمى، ۆيەتنامنىڭ مەملەكەت ءتوراعاسى ۋ ۋىنشاڭ مەن حانىمى شي جينپيڭ مەن پىڭ لييۋانعا ارناپ سالتاناتتى قارسى الۋ قوناعاسىن وتكىزدى. ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، شۋجيچۋىنىڭ شۋجيلەرى قاتارلى جوعارى دارەجەلى باسشىلار تۇگەلدەي سەرىك بولىپ قاتىناستى.
ساي چي، ۋاڭ ي، ۋاڭ شياۋحۇڭ قاتارلىلار جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
