كوڭىل بولىڭىزدەر، جۇقپالى تۇماۋ حاۋپىنە الدىن الا بولجام جاساۋعا بولاتىن بولدى
2024.03.27 12:52 كەلۋ قاينارى : حالىق تورابى
ءتىلشىنىڭ جۇڭگو اۋا رايى مەكەمەسىنەن ۇعىسۋىنشا، مەملەكەتتىك جۇقپالى تۇماۋ تارالاتىن اۋا رايى حاۋپىنە الدىن الا بولجام جاساۋ قىزمەتى جۋىردا ىسكە قوسىلدى. جۇڭگو اۋا رايى تورابىنىڭ قوعامداعىلارعا جاريالاۋىنشا، اتالعان الدىن الا بولجام جاساۋ ”تومەن دارەجەدە“، ”ءبىرشاما تومەن دارەجەدە“، ”ورتاشا دارەجەدە“، ”ءبىرشاما جوعارى دارەجەدە“، ”جوعارى دارەجەدە“ قاتارلى بەس دارەجەگە بولىنگەن. بۇدان بىلاي ۋيشين تەكشەسىندە جۇڭگو اۋا رايى تورابى ارقىلى جۇقپالى تۇماۋ جونىندەگى بولجامدى كورۋگە بولادى، ءتۇرلى وڭىرلەردەگى حاۋىپ – قاتەر دارەجەسىنە قاراي، تۇرلىشە ساقتىق شارالارىن قولدانىپ، دەنساۋلىقتى اناعۇرلىم ويداعىداي كۇتىمدەۋگە شارت – جاعداي جاراتادى.
جۇقپالى تۇماۋدىڭ تارالۋ كولەمى كەڭ، ۆيرۋس ءتۇرى كوپ، اۋرۋ بەلگىلەرى كورنەكتى بولۋ سىندى ەرەكشەلىكتەرى بار. سۋىق اعىستىڭ تەبىندى بولۋ، اۋا رايىنىڭ وزگەرىس اياسى كەڭ بولۋى، ادام دەنەسىنىڭ زات الماسۋى اۋا رايىنىڭ كۇرت سۋىتۋى سەبەبىنەن تۋىنداعان وزگەرىستەرگە تەز ۇيلەسە الماۋى سەبەپتى ادامداردىڭ يممۋنيتەت قۋاتى تومەندەپ، جۇقپالى تۇماۋمەن اناعۇرلىم تەز جۇعىمدالادى. سۋىق اعىس كۇشتى، اۋا رايىنداعى وزگەرىس اياسى كەڭ بولعان سايىن، جۇقپالى تۇماۋمەن جۇعىمدالۋ حاۋپى ارتا تۇسەدى.
جۇقپالى تۇماۋ تارالاتىن اۋا رايى حاۋپى جونىندە بولجام جاساۋ دەگەنىمىز اۋا رايى شارت – جاعدايى مەن جۇقپالى تۇماۋعا شالدىققانداردىڭ سانى اراسىنداعى بولجام مودەلىن ورناتۋدان پايدالانىپ، ونى اۋا رايىنان بولجام جاساۋ ساندى مالىمەتىمەن ۇشتاستىرا وتىرىپ، بولاشاقتا جۇقپالى تۇماۋدىڭ تارالۋ ىقتيمالدىعى جونىندە بولجام جاساۋدى كورسەتەدى. بولجام جاريالانعان كەزدە، ءتۇرلى حاۋىپ – قاتەر دارەجەسىنە قاراي وتىرىپ، ءتۇرلى ساقتىق شارالارى مەن ۇسىنىستار بەرىلەدى، سايكەستى دارەجەدەگى ساقتانۋعا بەرىلگەن ۇسىنىسقا ساي ساقتانۋ شارالارىن ىستەۋ ارقىلى جۇقپالى تۇماۋعا شالدىعۋ حاۋپىن تومەندەتۋگە بولادى.
جالعانىمى:
”جۇڭگو اۋا رايى تورىنا“ (http://www.weather.com.cn) شىعىپ، ”اۋا رايىنان ەڭ جاڭا مالىمەت“ ايدارشاسىنان ”دەنساۋلىققا قاتىستى اۋا رايىنان بولجام“ دەگەن ورىندى باسۋ ارقىلى جۇقپالى تۇماۋ تارالۋ ىقتيمالدىعى بار اۋا رايى حاۋپىنەن جاسالعان بولجامدى كورۋگە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
