قالا - اۋىل تۇرعىندارىنىڭ تۇرعىن ءۇي اۋىر اپاتىن قامسىزداندىرۋدى قامتاماسىزداندىرۋ كولەمى كەڭەيدى
2024.03.27 16:18 كەلۋ قاينارى : حالىق تورابى
حالىق بۇقاراسىنىڭ اۋىر اپات جونىندەگى قامتاماسىزداندىرۋ قاجەتىن اناعۇرلىم ويداعىداي قاناعاتتاندىرۋ ءۇشىن، 3 – ايدىڭ 26 – كۇنى مەملەكەتتىك فينانستى باقىلاۋ - باسقارۋ باس مەكەمەسى، قازىنا مينيسترلىگى «قالا - اۋىل تۇرعىندارىنىڭ تۇرعىن ءۇي اۋىر اپاتىن قامسىزداندىرۋىن قامتاماسىزداندىرۋ كولەمىن كەڭەيتىپ، اۋىر اپات قامسىزداندىرۋى ءتۇزىمىن ونان ارى كەمەلدەندىرۋ جونىندەگى ۇقتىرۋدى» اشىق جاريالادى.
ۇقتىرۋدا مىنالار ايقىن بەلگىلەندى: اۋىر اپاتتى قامسىزداندىرۋ جاۋاپكەرشىلىگىن كەڭەيتىپ، قالا – اۋىل تۇرعىندارىنىڭ تۇرعىن ۇيلەرى مەن ءۇي ىشىندەگى قوسالقى قۇرىلعىلاردى قامتاماسىزداندىرۋ وبيەكتىسى ەتىپ، قامسىزداندىرۋ جاۋاپكەرشىلىگى قازىرگى جەر سىلكىنىسى نەگىزىندە تايفىڭ داۋىلى، تاسقىن، نوسەر، لاي كوشكىنى، جەر كوشكىنى سياقتى جاراتىلىستىق اپاتتارعا كەڭەيتىلدى.
نەگىزگى قامسىزداندىرۋ سوماسى جوعارىلاتىلىپ، اۋىر اپات قامسىزداندىرۋىنىڭ نەگىزگى قامسىزداندىرۋ سوماسى ەسەلەپ ارتىپ، قالا - قالاشىق تۇرعىندارىنىڭ تۇرعىن ۇيىنەن 50 مىڭ يۋان، اۋىل - قىستاق تۇرعىندارىنىڭ تۇرعىن ۇيىنەن 20 مىڭ يۋاننان قالا - قالاشىق تۇرعىندارىنىڭ تۇرعىن ۇيىنە 100 مىڭ يۋانعا، اۋىل - قىستاق تۇرعىندارىنىڭ تۇرعىن ۇيىنە 40 مىڭ يۋانعا كوتەرىلدى.
ساۋدا سالاسىنداعى اۋىر اپات قامسىزداندىرۋىنىڭ دامۋىن قولداپ، قازىرگى قامتاماسىزداندىرۋ مازمۇنىنان سىرت قامسىزداندىرۋ جاۋاپكەرشىلىگى مەن قامتاماسىزداندىرۋ وبيەكتىسى جونىندە جۇڭگو قالا - اۋىل تۇرعىندارىنىڭ تۇرعىن ءۇي اۋىر اپات قامسىزداندىرۋ ورتاق تۇلعاسى مۇشەلەر جينالىسىنىڭ ماقۇلداۋىمەن ساۋدالىق قامسىزداندىرۋ تولىقتاماسىن بەرىپ، جەر - جەردىڭ حاۋىپ - قاتەردى پارىقتى قامتاماسىزداندىرۋ قاجەتىن تولىق قاناعاتتاندىرا الادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
