مەملەكەتتىك دەنساۋلىق ساقتاۋ جانە سالاماتتىق كوميتەتى ەمدەۋ قۇرىلىمدارىنىڭ ارىز ـ شاعىمىن باسقارۋدى كۇشەيتتى
ناۋقاستاردىڭ تالابىنا جەدەل جاۋاپ قايتارۋ مەحانيزمىن ورناتۋ كەرەك
2024.03.27 16:24 كەلۋ قاينارى : حالىق تورابى
حالىق گازەتىنىڭ 3 – ايدىڭ 26 – كۇنى بەيجيڭنەن بەرگەن حابارى. مەملەكەتتىك دەنساۋلىق ساقتاۋ جانە سالاماتتىق كوميتەتى بىرنەشە كۇننىڭ الدىندا «ەمدەۋ قۇرىلىمدارىنىڭ ارىز – شاعىمىن باسقارۋدى اناعۇرلىم كۇشەيتۋ جونىندەگى ۇقتىرۋدى» (قىسقاشا «ۇقتىرۋ» دەپ اتالادى) باسىپ تاراتىپ، ەمدەۋ قۇرىلىمدارىنىڭ ارىز – شاعىمىن ءبىر جاقتى ەتۋدى ارناعا ءتۇسىرۋ، عىلىميلاندىرۋ، زاڭمەن باسقارۋ ورەسىن جوعارىلاتۋدى، ارىز - شاعىمدى قابىلداۋ ۇلگىسىن اتقارىپ، ەمدەۋ قىزمەت وتەۋىن جاقسارتىپ، ناۋقاستاردىڭ رازىلىعىن جوعارىلاتۋدى تالاپ ەتتى.
«ۇقتىرۋدا» مىنالار اتاپ كورسەتىلدى: ناۋقاستاردىڭ تالابىنا جەدەل ءۇن قوسۋ مەحانيزمىن ورناتىپ، ناۋقاستاردىڭ شۇعىل، قيىن، الاڭداۋلى، ءزارۋ ماسەلەلەرىنە دەر كەزىندە جاۋاپ قايتارىپ، ارىز - شاعىمدى قابىلداۋ، ءبىر جاقتى ەتۋ ءتارتىبى بولۋ، ناتيجەسى جونىندە جاۋاپ قايتارۋ، جاۋاپكەرشىلىكتى تياناقتاندىرۋ، ماسەلەنى جاقسارتۋ، قىزمەت وتەۋدى جوعارىلاتۋ ارقىلى ناۋقاستاردى ۇقىقتى زاڭ بويىنشا قورعاۋعا جەتەكتەپ، شيپاحانا مەن ناۋقاس ەكى جاقتىڭ زاڭدى ۇقىق - مۇددەسىن قامتاماسىزداندىرىپ، شيپاگەرلەر مەن ناۋقاستاردىڭ جاراسىمدى قاتىناسىن ورناتىپ، قالىپتى ەمدەۋ ءتارتىبىن قورعاۋ كەرەك.
«ۇقتىرۋدىڭ» باستى مازمۇنى مىنالاردى قامتيدى: ارىز - شاعىمدى باسقارۋدىڭ ۇيىمدىق جۇلگەسىن كەمەلدەندىرىپ، ەمدەۋ قۇرىلىمى، ارىز - شاعىمدى باسقارۋ تاراۋى، اۋرۋ ءبولىمى سىندى ءۇش دارەجەلى ارىز - شاعىمدى باسقارۋ مەحانيزمىن ورناتۋ؛ ارىز - شاعىم قابىلداۋ ورنىن ولشەمدەندىرىپ قۇرىپ، قىزمەتكەرلەردىڭ قىزمەت ورنى مەن حاۋىپسىزدىك ساقتىق تالابىن ايقىنداۋ؛ ەمدەۋ قۇرىلىمدارىنىڭ گۋمانيتارلىق قامقورلىقتى كۇشەيتىپ، شيپاگەر مەن ناۋقاس اراسىنداعى بايلانىستى جاقسارتىپ، ناۋقاستاردىڭ جەكە قۇپيالىعىن قورعاۋعا ءمان بەرىپ، ەمدەۋ ساپاسىن جوعارىلاتىپ، ەمدەۋ داۋ ـ شارىن تۋ باستان ازايتۋدى دارىپتەۋ؛ ارىز - شاعىم ايتۋ ارناسىن ىركىلىسسىزدەندىرىپ، شارت - جاعدايى بار ەمدەۋ قۇرىلىمدارىن ارىز - شاعىم بەرۋدىڭ كوپ ءتۇرلى ارناسىن اشۋعا شابىتتاندىرىپ، ناۋقاستاردىڭ ارىز - ارمانىن ايتۋىنا قولايلىلىق جاراتۋ، سونىمەن بىرگە، العاشقى ارىز - شاعىمعا جاۋاپتى بولۋ ءتۇزىمىن دارىپتەپ، ارىز - شاعىمدى قابىلدايتىن تاراۋ، قىزمەتشىلەر ارىز - شاعىم ىستەرىن بەلسەندىلىكپەن جاقسى ءبىر جاقتى ەتۋىن ايقىن بەلگىلەۋ؛ ەمدەۋ قۇرىلىمدارىنان ارىز - شاعىم قابىلداۋدى ارناعا ءتۇسىرىپ، ارىز - شاعىم ايتۋشىلاردى قابىلداۋ تالابى مەن ارىز - شاعىم جاعدايىن انىقتاۋدى ايقىنداۋ؛ ارىز - شاعىمعا جاۋاپ قايتارۋ ۋاقىتىن قاتاڭ تياناقتاندىرىپ، نازاردى ءتۇيىندى ماسەلەلەرگە، ءتۇيىندى بولىمدەرگە جانە ءتۇيىندى بۋىندارعا شوعىرلاندىرىپ، ارىز - شاعىم سەبەبىنە تالداۋ جاساپ، ءبىر جاقتى ەتىپ، ەمدەۋ قىزمەت وتەۋ دەڭگەيىن ۇزدىكسىز جوعارىلاتۋ ؛ ارىز - شاعىم سەبەبىنە تالداۋ جاساپ، ءبىر جاقتى ەتىپ، ەمدەۋ قىزمەت وتەۋ دەڭگەيىن ۇزدىكسىز جوعارىلاتىپ، ەمدەۋ قۇرىلىمدارىنان شيپاحانا ىشىندەگى ارىز - شاعىم جاعدايىن مەرزىم بويىنشا حابارلاندىرۋدى ءارى ءبولىم مەن ەمدەۋ قىزمەتكەرلەرىنىڭ ارىز - شاعىم جاعدايىن قىزمەت ناتيجەسىن باعالاۋ، ۇزدىكتەردى باعالاۋ سياقتى باعالاۋدىڭ ماڭىزدى پايدالانۋ نەگىزى ەتۋدى تالاپ ەتتى.
«حابارلاندىرۋدا» مىنالار تالاپ ەتىلدى: ارىز - شاعىمعا جاۋاپ قايتارۋدى كۇشەيتۋ كەرەك. ەمدەۋ ورگانىنىڭ ارىز باسقارۋ تاراۋلارى ناۋقاستىڭ ارىزىن تاپسىرىپ العاننان كەيىن، تەز، ۋاعىندا جاۋاپ قايتارۋ قاعيداسىندا مىقتى تۇرىپ، سول ورىندا تەكسەرىپ ٴبىر جاقتى ەتۋگە بولاتىندارىن، احۋالىن ۋاعىندا انىقتاپ، ناق مايداندا ءبىر جاقتى ەتۋى جانە جاۋاپ قايتارۋى كەرەك؛ ناق مايداندا ءبىر جاقتى ەتۋگە بولمايتىندارىن ءبىر جاقتى ەتۋ احۋالى نەمەسە ءبىر جاقتى ەتۋ پىكىرىن بەلگىلەنگەن ۋاقىت ىشىندە ارىزدانۋشىعا ۇقتىرۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
