ءۇش تاراۋ ”دەنە تاربيە جارىستارىن كورىنىس رايوندارىندا، كوشەلەردە، ساۋدالىق اۋماقتاردا وتكىزۋ“ قيمىلىن بىرگە ورىستەتەدى
2024.03.29 13:26 كەلۋ قاينارى : حالىق تورابى
مەملەكەتتىك دەنە تاربيە باس مەڭگەرمەسى، ساۋدا مينيسترلىگى، مادەنيەت جانە ساياحات مينيسترلىگى سىندى ءۇش تاراۋ 3 – ايدىڭ 28 – كۇنى بەيجيڭدە بۇكىل مەملەكەت بويىنشا ”دەنە تاربيە جارىستارىن كورىنىس رايوندارىندا، كوشەلەردە، ساۋدالىق اۋماقتاردا وتكىزۋ“ قيمىلىن باستادى.
دەنە تاربيە باس مەڭگەرمەسى، ساۋدا مينيسترلىگى، مادەنيەت جانە ساياحات مينيسترلىگى سىندى ءۇش تاراۋ جۋىردا بىرگە جاريالاعان «”دەنە تاربيە جارىستارىن كورىنىس رايوندارىندا، كوشەلەردە، ساۋدالىق اۋماقتاردا وتكىزۋ“ قيمىلىن ورىستەتۋ جونىندەگى ۇقتىرۋعا» ساي، ءۇش تاراۋ جەر – جەردى جەرگىلىكتى جاعدايعا، ۋاقىتقا، قاجەتكە قاراي وتىرىپ، سپورت نىساندارىنىڭ ەرەكشەلىگىمەن ۇشتاستىرىپ، دەنە تاربيە جارىستارىن بۇقارانىڭ اراسىنا اپارىپ وتكىزىپ، كورىنىس رايوندارىمەن، كوشەلەرمەن، ساۋدالىق اۋماقتارمەن ءبىر تۇلعالاندىرىپ، حالىق بۇقاراسىنىڭ قاتىستى تۇتىنۋ تۇرلەرىنە قاتىناسۋ بارىسىندا وزگەشە اسەرگە بولۋىنە شارت – جاعداي ازىرلەپ، دەنە تاربيەلىك جارىس قيمىلدارىنىڭ ەكونوميكالىق ونىمدىلىگىن ارتتىرادى.
مەملەكەتتىك دەنە تاربيە باس مەڭگەرمەسى ەكونوميكا مەكەمەسىنىڭ ورىنباسار باستىعى ۋاڭ شياۋپىڭ بىلاي دەدى: دەنە تاربيە جارىستارىن ءداستۇرلى دەنە تاربيە سارايلارىندا وتكىزۋدەن، تىڭ جاڭا ورىنداردا وتكىزۋگە وزگەرتىپ، كورىنىس رايوندارى مەن كورىنىس ورىندارىنا، ساۋدا ورتالىقتارىنا، جاياۋلار كوشەسىنە اپارىپ وتكىزۋ، اناعۇرلىم كەڭ ورىسكە جانە جاڭا ورتاعا يە ەتۋ، مادەنيەت، دەنە تاربيە، ساۋدا، ساياحات، دەنساۋلىق ساقتاۋ ىستەرىنىڭ ىشكەرىلەي توعىسۋىن كورنەكتىلەندىرىپ، تۇتىنۋدىڭ اناعۇرلىم كوپ جاڭا كۇيى مەن جاڭا ورتاسىن جاراتۋ جانە وسى جاعىندا جاڭالىق اشۋ، دەنە تاربيە جارىستارىنىڭ كورىلىمىن ەكونوميكانىڭ وسىمىنە اينالدىرۋ قاجەت.
قيمىل بارىسىندا، بەيجيڭ قالاسى 2024 – جىلعى دەنە تاربيە جارىستارىن كورىنىس رايوندارىندا، كوشەلەردە، ساۋدالىق اۋماقتاردا وتكىزۋ جوسپارىن جاريالادى، الدا ءارقايسى ءىرى كورىنىس رايوندارىندا، كوشەلەردە، ساۋدالىق اۋماقتاردا تور دوپ، باسكەتبول، ايداعارشا قايىق، جەلكەندى قايىق، ۆەلوسيپەت قاتارلى تۇرلەر بويىنشا 116 جارىس قيمىلىن ۇيىمداستىرىپ، ساۋدا، ساياحات، مادەنيەت، دەنە تاربيە، دەنساۋلىق ساقتاۋ ىشكەرىلەي توعىستىرىلعان تۇتىنۋدىڭ جاڭا ورتاسىن قالىپتاستىرادى.
ۇعىسۋعا قاراعاندا، بولاشاقتا دەنە تاربيە جارىستارىن ”ءۇش ورىنعا جەتكىزۋ“ قيمىلى ەل ىشىندەگى تۇتىنۋ جاعىنداعى باسقا دا ءتۇيىندى قالالاردا ىركەس – تىركەس ورىستەتىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
