لي چياڭ مەملەكەتتىك كەڭەستىڭ زور كولەمدى جابدىق جاڭالاۋ جانە تۇتىنۋ بۇيىمدارىنىڭ كونەسىن جاڭاسىنا اۋىستىرۋ قىزمەتىن ىلگەرىلەتۋ جونىندەگى بەينە - ەكران ماجىلىسىندە مىنانى دارىپتەدى
زور كولەمدى جابدىق جاڭالاۋ مەن تۇتىنۋ بۇيىمدارىنىڭ كونەسىن جاڭاسىنا اۋىستىرۋدى تىڭعىلىقتى ىلگەرىلەتىپ، ەكونوميكانىڭ تيپىن وزگەرتىپ، دارەجەسىن جوعارىلاتۋدى جانە قالا - اۋىل تۇرعىندارىنىڭ تۇرمىس ساپاسىن جوعارىلاتۋدى جەبەۋ كەرەك
ديڭ شۋەشياڭ ءماجىلىستى باسقاردى
2024.03.29 16:00 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 28 – كۇنى، بەيجيڭ. 3 - ايدىڭ 28 - كۇنى مەملەكەتتىك كەڭەس زور كولەمدى جابدىق جاڭالاۋ جانە تۇتىنۋ بۇيىمدارىنىڭ كونەسىن جاڭاسىنا اۋىستىرۋ قىزمەتىن ىلگەرىلەتۋ جونىندە بەينە - ەكران ءماجىلىسىن اشتى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ ماجىلىستە مىنالاردى دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسىنىڭ، ورتالىق قازىنا - ەكونوميكا كوميتەتىنىڭ 4 - ءماجىلىسىنىڭ جانە مەملەكەتتىك ەكى ءماجىلىستىڭ رۋحىن مۇقيات تياناقتاندىرىپ، زور كولەمدى جابدىق جاڭالاۋ مەن تۇتىنۋ بۇيىمدارىنىڭ كونەسىن جاڭاسىنا اۋىستىرۋدى تىڭعىلىقتى ىلگەرىلەتىپ، ەكونوميكانىڭ تيپىن وزگەرتىپ، دارەجەسىن جوعارىلاتۋدى جانە قالا - اۋىل تۇرعىندارىنىڭ تۇرمىس ساپاسىنىڭ جوعارىلاۋىن پارمەندى جەبەۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ ءماجىلىستى باسقاردى. مەملەكەتتىك كەڭەس زۇڭليىنىڭ ورىنباسارلارى زۇڭليى حى ليفىڭ، جاڭ گوچيڭ، مەملەكەتتىك كەڭەستىڭ مۇشەسى ۋ جىڭلۇڭ ماجىلىسكە قاتىناستى.
لي چياڭ مىنالاردى اتاپ كورسەتتى: جاڭا كەزەكتى زور كولەمدى جابدىق جاڭالاۋ مەن تۇتىنۋ بۇيىمدارىنىڭ كونەسىن جاڭاسىنا اۋىستىرۋدى ىلگەرىلەتۋ − پارتيا ورتالىق كوميتەتىنىڭ ساپالى دامۋ جالپى جاعدايىن كوزدە ۇستاي وتىرىپ جاساعان كەلەلى شەشىمى، ورنالاستىرۋى. بۇل قىزمەت قازىرگى جاعدايعا دا، ۇزاق بولاشاققا دا پايدالى، ارتۋدى ورنىقتىرۋمەن بىرگە، تيپىن وزگەرتۋدى دە جەبەيدى، كاسىپورىندارعا دا، حالىق تۇرمىسىنا دا ءتيىمدى، جالپى جاعدايلىق، ستراتەگيالىق مانگە يە. جەر - جەر، تاراۋلار دەڭگەيدى جوعارىلاتىپ، تانىمدى تەرەڭدەتىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، جابدىقتاردى جاڭالاۋ مەن تۇتىنۋ بۇيىمدارىنىڭ كونەسىن جاڭاسىنا اۋىستىرۋ قىزمەتىن ىلگەرىلەتۋدى ماڭىزدى ورىنعا قويىپ، ناقتى، ويداعىداي يگەرۋى كەرەك.
لي چياڭ مىنالاردى دارىپتەدى: زور كولەمدى جابدىق جاڭالاۋ مەن تۇتىنۋ بۇيىمدارىنىڭ كونەسىن جاڭاسىنا اۋىستىرۋ ءار سالا، ءار كاسىپكە جانە سان مىڭداعان وتباسىنا سايادى، ءسوز جوق، بازاردى نەگىز ەتۋدە، ۇكىمەت جەتەكشىلىك ەتۋدە تاباندى بولىپ، وزىقتارىن شابىتتاندىرۋدا، ناشارلارىن قاتاردان قالدىرۋدا تاباندى بولىپ، ولشەم ارقىلى جەتەكشىلىك ەتۋدە، تارتىپپەن جوعارىلاتۋدا تاباندى بولىپ، جابدىقتاردى جاڭالاۋ، تۇتىنۋ بۇيىمدارىنىڭ كونەسىن جاڭاسىنا اۋىستىرۋ، جيناپ الىپ اينالمالى پايدالانۋ، ولشەمدى جوعارىلاتۋ سىندى 4 ۇلكەن ارەكەتتى تىڭعىلىقتى ىلگەرىلەتىپ، يگى ىستەردى شىنايى ويداعىداي ىستەۋ كەرەك. كاسىپورىندار مەن تۇتىنۋشىلاردىڭ تىلەگىنە قۇرمەت ەتىپ، ساياساتتىق قولداۋ مەن ىلگەرىلەتۋدى كۇشەيتىپ، جاڭالانۋدىڭ ىشكى قوزعاۋشى كۇشى مەن كولەم اسەرىن كۇش سالا قالىپتاستىرۋ كەرەك. تۇرلەر بويىنشا ىلگەرىلەتۋگە باسا ءمان بەرىپ، ماڭىزدىسى مەن ادەتتەگىسىن، شۇعىلى مەن شۇعىل ەمەسىن يگەرىپ، دامۋ بولاشاعى جاقسى، ۇسىنىلىم ارقىلى جەتەكتەۋ سالىستىرماسى جوعارى كاسىپ سالالارىنداعى جابدىقتاردى جاڭالاۋدى الدىمەن قولداپ، مەرزىمىنەن ارتىق مىندەت وتەپ جاتقان ناشار، تومەن ءونىمدى جابدىقتاردى، ەنەرگيانى كوپ سارىپ ەتەتىن، لاس زاتتاردى كوپ شىعاراتىن جابدىقتاردى، حاۋىپسىزدىك كومەسكى قاتەرى بار جابدىقتاردى جەدەل قاتاردان قالدىرىپ، سۇرانىسى شۇعىل، جەبەۋ اسەرى زور، ءبىراق ساتىپ الۋ وزىندىك قۇنى ءبىرشاما جوعارى كوپ قولدى، شىدامدى تۇتىنۋ بۇيىمدارىنا قاراتا كونەسىن جاڭاسىنا اۋىستىرۋدى ءتۇيىندى تۇردە قولداۋ كەرەك. ەكونوميكالىق اينالىمنىڭ ساپاسى مەن دەڭگەيىن جوعارىلاتۋدى كوزدە ۇستاپ، جيناپ الىپ اينالمالى پايدالانۋ ءىسىن ويداعىداي ىستەپ، ”جاڭاعا اۋىستىرۋ + جيناپ الۋ“ زات اينالىمى جۇيەسى مەن جاڭا ۇلگىنىڭ دامۋىن جەدەلدەتىپ، قايتا تۋىندايتىن بايلىقتى مانەرلەۋ، پايدالانۋ كاسىپورىندارىنىڭ شوعىرلانۋىن، كولەمدەنىپ دامۋىن ىلگەرىلەتۋ كەرەك. كاسىپورىنداردىڭ كوتەرىمدىلىك قۋاتى مەن تۇتىنۋشىلاردىڭ قابىلداۋ دارەجەسىن ءبىر تۇتاس ويلاستىرىپ، ءبىر توپ ولشەمدى جەدەل جاساپ، وعان وزگەرىس ەنگىزىپ، ولشەمنىڭ بىرتىندەپ جوعارىلاۋى ارقىلى جاڭالانۋدى ۇدايىلاندىرۋدى ىلگەرىلەتۋ كەرەك. دەن قويا ۇيىمداستىرىپ اتقارىپ، ءبىر تۇتاس سايكەستىرۋدى كۇشەيتىپ، ساياساتتى ۇگىتتەۋدى، ءتۇسىندىرۋدى كۇشەيتىپ، جەرگىلىكتى جاعدايعا قاراي تياناقتاندىرۋدى مىقتى يگەرىپ، زور كولەمدى جابدىق جاڭالاۋ جانە تۇتىنۋ بۇيىمدارىنىڭ كونەسىن جاڭاسىنا اۋىستىرۋ قىزمەتىندە تىڭعىلىقتى ونىمدىلىككە قول جەتكىزۋگە كەپىلدىك ەتۋ كەرەك.
مەملەكەتتىك دامۋ جانە رەفورما كوميتەتىنىڭ، قازىنا مينيسترلىگىنىڭ، جۇڭگو حالىق بانكەسىنىڭ، ونەركاسىپ جانە ينفورماتسيالاندىرۋ مينيسترلىگىنىڭ، تۇرعىن ءۇي، قالا - اۋىل قۇرىلىسى مينيسترلىگىنىڭ، ساۋدا مينيسترلىگىنىڭ، بازار باقىلاۋ - باسقارۋ باس مەكەمەسىنىڭ جانە گۋاڭدۇڭ ولكەلىك ۇكىمەتتىڭ، سىچۋان ولكەلىك ۇكىمەتتىڭ جاۋاپتى جولداستارى ماجىلىستە ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
