جاۋ لىجي بو - اۋ ازيا تالقى مىنبەسىنىڭ 2024 - جىلعى جىلدىق ءماجىلىسىنىڭ اشىلۋ سالتىنا قاتىناستى ءارى ارقاۋ ءسوز سويلەدى
2024.03.29 16:16 كەلۋ قاينارى : حالىق تورابى
«حالىق گازەتى»، 3 - ايدىڭ 28 - كۇنى، حاينان بو - اۋ (تىلشىلەر ۋاڭ يۋان، ۋاڭ دي، گۇڭ ميڭ). مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 3 - ايدىڭ 28 - كۇنى تۇستەن بۇرىن حاينان بو - اۋدا بو - اۋ ازيا تالقى مىنبەسىنىڭ 2024 – جىلعى جىلدىق ءماجىلىسىنىڭ اشىلۋ سالتىنا قاتىناستى ءارى «ىنتىماقتاسا سەلبەسىپ، سايىستى بىرگە قارسى الىپ، ازيا مەن دۇنيە ءجۇزىنىڭ كوركەم بولاشاعىن قول ۇستاسا اشايىق» دەگەن تاقىرىپتا ارقاۋ ءسوز سويلەدى. قازاقستاننىڭ زۇڭتۇڭى توقايەۆ، ناۋرۋدىڭ زۇڭتۇڭى ادياڭ، شريلانكانىڭ زۇڭليى گۋناۆادنەر، دومينيكانىڭ زۇڭليى سكاريت، كامبودجا پاتشا اقىلشىلار ۇيىرمەسىنىڭ ءتوراعاسى حۇڭسىن، رەسەي زۇڭليىنىڭ ورىنباسارى وۆەرچۋك، دۇنيە جۇزىلىك ءبىلىم مەنشىك ۇقىعى ۇيىمىنىڭ باس القاسى دىڭ حۇڭسىن، ەكونوميكالىق سەلبەستىك جانە دامۋ ۇيىمىنىڭ باس حاتشىسى كورمان، شىعىس وڭتۇستىك ازيا ەلدەرى وداعىنىڭ باس حاتشىسى گاۋ جينحۇڭ، تالقى مىنبەسىنىڭ القا باستىعى پان جيۋىن قاتارلى 60 نەشە مەملەكەت پەن رايوننان كەلگەن ءبىر مىڭ 500 دەن استام ساياسي سالانىڭ، ونەركاسىپ - ساۋدا سالاسىنىڭ جانە اقىل - پاراسات قويماسى وقىمىستىلارىنىڭ ۋاكىلدەرى قاتىناستى.
جاۋ لىجي مىنانى ءبىلدىردى: بۇگىنگى دۇنيەدە 100 جىلدىق وزگەرىس جەدەل قۇبىلىپ، بەيبىتشىلىك پەن دامۋ قاتاڭ سايىسقا ءدوپ كەلدى. ”ادامزات قايدا بارادى“ دەگەن داۋىرلىك سۇراۋعا جۇڭگونىڭ جاۋابى − ادامزاتتىڭ تاعدىرلاس ورتاق تۇلعاسىن قول ۇستاسا قۇرۋ. ءتوراعا شي جينپيڭ بىلاي دەپ اتاپ كورسەتتى: ادامزاتتىڭ تاعدىرلاس ورتاق تۇلعاسىن قۇرۋ ءاربىر ۇلتتىڭ، ءاربىر مەملەكەتتىڭ بولاشاق تاعدىرىمەن تىعىز بايلانىستى، جاپا - ماشاقاتتا بىرگە بولىپ، داڭقتا دا، نامىستا دا بىرگە بولىپ، تۋىپ - وسكەن پلانەتامىزدى تاتۋ - ءتاتتى ۇلى شاڭىراق ەتىپ قۇرىپ شىعۋعا قۇلشىنۋىمىز كەرەك. بۇل ۇستانىم حالىقارالىق قوعامنىڭ جالپىلىق ورتاق تانىمى مەن تىلەگىنەن باستاۋ العان، سونداي - اق جۇڭگونىڭ ءىرى ەلدىك جاۋاپكەرلىگى مەن مىندەت ارقالاۋىنان باستاۋ الىپ، ءار ەل حالقىنىڭ قول ۇستاسىپ ءبىر نيەت، ءبىر تىلەكتە بولا وتىرىپ مەكەندى بىرگە قورعاۋىنا، كوركەم بولاشاقتى بىرگە جاراتۋىنا جۇڭگو جوباسىن ارنادى.
جاۋ لىجي مىنالاردى اتاپ كورسەتتى: ازيا حالقى وتكەن كەشكەن سوعىستى، قىرعي قاباقتىق سوعىستى باستان كەشىرىپ، سان وزگەرىستى باستان كەشىرگەن، بەيبىتشىلىكتىڭ اسا باعالى ەكەنىن، دامۋدىڭ وڭاي - وسپاق قولعا كەلمەگەنىن ابدەن بىلەدى. ءبىز ادامزاتتىڭ تاعدىرلاس ورتاق تۇلعاسى تۋىن بيىك ۇستاپ، ازيانىڭ تاعدىرلاس ورتاق تۇلعاسىن قول ۇستاسا قۇرىپ، بەيبىت، تىنىش، گۇلدەنگەن، كوركەم، دوسجار، بىرگە ءومىر سۇرەتىن ازيا مەكەنىن بىرگە قۇرۋىمىز كەرەك. ازيا حاۋىپسىزدىگىنىڭ بىرگە قورعاۋشىسى بولىپ، دۇنيە ءجۇزىنىڭ بەيبىتشىلىگى مەن ورنىقتىلىعىنا بەلسەندى كۇش قوسۋىمىز؛ ازيانىڭ دامۋىن بىرگە جەبەۋشى بولىپ، دۇنيە ءجۇزى ەكونوميكاسىنىڭ قالپىنا كەلۋىنە وراسان زور وراي جاراتۋىمىز؛ ازيا سەلبەستىگىنىڭ بىرگە امالياتتا ايگىلەۋشىسى بولىپ، دۇنيە ءجۇزىنىڭ ىنتىماعى مەن سەلبەستىگىنە كەڭ كولەمدى ورتاق تانىم قالىپتاستىرۋىمىز؛ ازيانى اشىق ۇستاۋدىڭ بىرگە ىلگەرىلەتۋشىسى بولىپ، سەلبەسىپ تەڭ يگىلىككە كەنەلەتىن دۇنيە ءجۇزىن قۇرۋعا قۇدىرەتتى بىرىككەن كۇش توپتاۋىمىز؛ ازيا وركەنيەتىن بىرگە ساۋلەلەندىرىپ، دۇنيە ءجۇزى وركەنيەتىنىڭ اۋىس - كۇيىسىنە، ءوزارا ۇلگى الۋىنا سارقىلماس قوزعاۋشى كۇش قوسۋىمىز كەرەك.
جاۋ لىجي مىنالاردى دارىپتەدى: جۇڭگو ساپالى دامۋ ارقىلى جۇڭگو ۇلگىسىندەگى وسىزامانداندىرۋدى جاپپاي ىلگەرىلەتىپ، دۇنيە ءجۇزى ەكونوميكاسىنىڭ قالپىنا كەلۋىنە قۇدىرەتتى قوزعاۋشى كۇش قوسىپ، ءار ەلدىڭ دامۋىنا، اسىرەسە، ازياداعى كورشى ەلدەردىڭ دامۋىنا اناعۇرلىم كوپ وراي ازىرلەيدى. جۇڭگو جاڭالىق اشا دامۋدا، اشىق دامۋدا، جاسىل دامۋدا، بىرگە يگىلىككە كەنەلەتىن دامۋدا تاباندى بولىپ، دۇنيە جۇزىندەگى ءار ەلدىڭ جۇڭگونىڭ دامۋىنىڭ جۇردەك پويەزىنە وتىرۋىن شىن جۇرەكتەن قارسى الادى.
جاۋ لىجي بىلاي دەپ اتاپ كورسەتتى: ادامزات ءبىر جەر شارى قىستاعىندا جاسايدى، دۇنيە جۇزىندەگى ءار ەل تاعدىرلاس، ورتاق كەمەگە وتىرادى. دۇنيە جۇزىلىك قاتاڭ دا كۇردەلى حاۋىپ - قاتەر، سىن - سايىس الدىندا، ءبىز سەنىمدى بەكەمدەپ، قول ۇستاسا العا باسىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ازيا مەن دۇنيە ءجۇزىنىڭ اناعۇرلىم كوركەم بولاشاعىن بىرگە جاراتۋىمىز كەرەك (لەكسيانىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).
اشىلۋ سالتىندا پان جيۋىن قارسى الۋ ءسوزىن سويلەدى. توقايەۆ، ادياڭ، گۋناۆادنەر، سكاريت، حۇڭسىن، دىڭ حۇڭسىن، كورمان جانە ونەركاسىپ - ساۋدا سالاسىنىڭ ۋاكىلدەرى ىلگەرىندى - كەيىندى ءسوز سويلەدى. ولار مىنانى ءبىلدىردى: وسى كەزەكتى بو - اۋ ازيا تالقى مىنبەسى ءوڭىردىڭ جانە دۇنيە ءجۇزىنىڭ بەيبىتشىلىگى مەن دامۋىن جەبەۋگە اناعۇرلىم كوپ سەنىم جانە قوزعاۋشى كۇش قوستى. ءارقايسى جاق جۇڭگو العا قويعان جانە امالياتتا ايگىلەگەن ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ جانە جەلىلەس دۇنيە جۇزىلىك باستامالاردى جوعارى باعالاپ، جۇڭگو ەكونوميكاسىنىڭ دامۋ بولاشاعىنا نازار اۋدارادى، ىنتىماقتى، سەلبەستىكتى كۇشەيتىپ، دۇنيە جۇزىلىك جونگە سالۋدى كەمەلدەندىرۋگە، دۇنيە جۇزىندەگى ءار ەل حالقىنىڭ ىرىس – قۇتىن مولايتۋعا ۇلەس قوسۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
