شيزاڭ ەرەكشە كاسىپتەردى دامىتىپ، اۋىل - قىستاقتىڭ جاپپاي گۇلدەنۋىن ىلگەرىلەتتى
2023 – جىلى اۋىل – قىستاق تۇرعىندارىنىڭ كىسى باسىنا تۋرا كەلەتىن يگەرىلمەلى كىرىسى سايكەس مەزگىلدەگىدەن %9.4 ارتتى
«حالىق گازەتىنىڭ» تىلشىلەرى يۋان چۋان، چيۇڭ داجوۋ، شيان يۇڭ
2024.03.29 16:18 كەلۋ قاينارى : حالىق تورابى
2021 - جىلى 7 - ايدا باس شۋجي شي جينپيڭ شيزاڭدا قىزمەت تەكسەرگەندە بىلاي دەپ اتاپ كورسەتتى: ”ەرەكشە كاسىپتەردى دامىتۋ“، ”شيزاڭنىڭ ءىس جۇزىندىگىنە ۇيلەسەتىن ساپالى دامۋ جولىمەن ءجۇرۋ“ كەرەك.
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرعان شيزاڭ ءۇستىرتتىڭ دامۋ ءىس جۇزىندىگىن تياناق ەتىپ، ساپالى دامۋدى تىڭعىلىقتى ىلگەرىلەتىپ، ۇستىرتتەگى ەگىن، مال شارۋاشىلىعى، مادەنيەت، ساياحات سياقتى ەرەكشە باسىمدىققا يە كاسىپ سالالارىن كۇش سالا دامىتىپ، اۋىل - قىستاقتىڭ جاپپاي گۇلدەنۋىن ىلگەرىلەتتى.
2023 - جىلى شيزاڭنىڭ وڭىرلىك ءوندىرىس جالپى ءونىم قۇنى 239 ميلليارد 267 ميلليون يۋان بولىپ، الدىنداعى جىلداعىدان %9.5 ارتتى، مۇنىڭ ىشىندە 1 - كاسىپتىڭ ارتقان قۇنى %14.9 ارتتى. شيزاڭداعى اۋىل - قىستاق تۇرعىندارىنىڭ جان باسىندىق يگەرىلمەلى كىرىسى 19 مىڭ 924 يۋان بولىپ، الدىنداعى جىلداعىدان %9.4 ارتتى.
ۇستىرتتەگى ەرەكشە ەگىن، مال شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىردى
شاننان قالاسى جياچا اۋدانى لىڭدا اۋىلى بادا قىستاعىنىڭ تۇرعىنى جوگا تاعى ءبىر رەت ۇستىرتتە كۇرىش ەگۋدى تاڭدادى.
”ءالى دە ساپالى تۇقىم العىڭىز كەلە مە؟“ جوگانىڭ قاراۋىنشا، شيزاڭ اۆتونوميالى رايوندىق ەگىن، مال شارۋاشىلىق عىلىم اكادەمياسىنىڭ تۇقىم جەتىلدىرۋ مامانى فان چۇنباۋ تاڭداپ جەتىلدىرگەن تەڭىز دەڭگەيىنەن بيىك وڭىرگە ەگۋگە ۇيلەسەتىن كۇرىشتىڭ جاڭا سورت جۇيەسى مول ءونىم كەپىلدىگىنە يە بولعان.
2023 - جىلى كۇزگى جيىن - تەرىندە تەڭىز دەڭگەيىنەن 3 مىڭ 100 مەتردەن استام بيىكتىكتەگى وسى جەردە كۇرىشتىڭ مۋ باسىندىق ءونىمى 556.16 كيلوگرام بولدى.
استىق قامباعا قۇيىلىپ، ەگىنشىلەر شاتتىققا شومدى، فان چۇنباۋ قۋانىشپەن: ”كۇرىشتىڭ ءونىمى ارتىپ، شارۋالاردىڭ كىرىسى جوعارىلادى“ دەدى.
رىكازى قالاسى بايلاڭ اۋدانى باجا اۋىلى پىڭساڭ قىستاعىندا 170 نەشە جىلىجايداعى پاميدور، قيار، قىزىل بۇرىش سياقتى كوكونىستەردىڭ ءوسۋ جاعدايى ادامدى قۋانتادى.
”بۇرىن كوكونىستى اۋىزعا الساق، بارلارى لوبى مەن كارتوپ قانا ەدى“ دەدى ساقا قىستاق پارتيا ياچەيكاسىنىڭ شۋجيى بيانبادۇنجۋ ەسكە الىپ. سوڭعى جىلدارى جەمىس - جيدەك، كوكونىس كاسىبىن الۋەتتەندىرۋ ءۇشىن، قىستاق كوللەكتيۆى كوكونىس ەگەتىن شارۋالار كاسىپتىك سەلبەستىك كووپەراتيۆىن قۇردى. قازىر 10 نەشە ءتۇرلى جەمىس - جيدەك، كوكونىس جىلىجايدان ۇزدىكسىز بازارعا بەت الدى.
”ءاربىر جىلىجايدىڭ جىلدىق ورتاشا كىرىسى 17 - 23 مىڭ يۋان، ءار وتباسىندا ورتا ەسەپپەن 3 جىلىجاي بار“. بيانبادۇنجۋ بىلاي دەپ ەسەپ جاسادى: جىلىجايداعى جەمىس - جيدەك، كوكونىستەردىڭ كىرىسى بۇكىل قىستاقتىڭ ادام باسىنا تۋرا كەلەتىن يگەرىلمەلى كىرىسىنىڭ جارىمىنان استامىن ۇستايدى.
2023 - جىلى شيزاڭدا جاڭادان قوسىلعان مەملەكەتتىك شارۋالار سەلبەستىك كووپەراتيۆىنەن 30 ۇلگى كورسەتۋ كووپەراتيۆى قۇرىلىپ، استىق، كوكونىس، ەت، جۇمىرتقا، ءسۇت ءونىمى جەكە ـ جەكە ءبىر ميلليون 80 مىڭ تونناعا، 950 مىڭ تونناعا، 930 مىڭ تونناعا جەتىپ، ەگىنشى ـ مالشى بۇقاراسىنىڭ جاقىن ماڭدا يكەمدى جۇمىستانۋىنا مۇمكىندىك جاساۋمەن بىرگە، ۇستىرتتەگى ەرەكشە ەگىن، مال شارۋاشىلىق كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىرۋىنا جەتەكشىلىك ەتتى.
ەلەكتروندىق ساۋدا قىزمەت وتەۋى اۋىل - قىستاقتى جاپپاي گۇلدەندىرۋدى ىلگەرىلەتۋدىڭ جاڭا قوزعالتقىشىنا اينالدى
”موتو − بۇكىل ەل بويىنشا ەڭ سوڭعى تاس جول تۇتاسقان اۋدان ورتالىعى“ دەدى موتو اۋدانى موتو قىستاعى تۇرعىندار كوميتەتى مەڭگەرۋشىسىنىڭ ورىنباسارى لوبۋيانزۇڭ. جاقىنعى جىلداردان بەرى شيزاڭنىڭ ۇزدىك، ساپالى قوسالقى اۋىل شارۋاشىلىق ونىمدەرىن باسقا ورىندارعا تەز جەتكىزۋ ءۇشىن، شيزاڭنىڭ قىرۋار ورىندارىندا تەز، جوعارى ءونىمدى اۆياتسيا زات تاسىمال لەنياسى قۇرىلدى. قازىر قارلى ۇستىرتتەن قازىپ الىنعان قاراعاي ساڭىراۋقۇلاعى باسقا ولكەلەردەگى قالالاردىڭ اس ۇستەلىنە 48 ساعاتتا جەتىپ بولادى.
”ەگەر ۇشاققا وتىرىپ تاڭەرتەڭ بەيجيڭنەن جولعا شىقساق، كەشتە موتوعا بارىپ بۋى بۇرقىراعان تاۋىق سورپاسىن ىشە الامىز“ دەدى لوبۋيانزۇڭ. قازىر شاي، اس سۇتتىگەن سياقتى موتونىڭ ەرەكشە ونىمدەرى ەڭ تەز بولعاندا 2 - 3 كۇندە ەل ىشىندەگى ءىرى قالالارعا جەتكىزىلەدى، شيزاڭ مەن باسقا ولكەلەردىڭ بايلانىسى بارعان سايىن ىركىلىسسىزدەنىپ، قولايلى بولا ءتۇستى.
”كەيبىر ينتەرنەتتەن ساتىپ الىنعان تاۋارلار تاپسىرىس بەرىلگەن كۇنى جەتكىزىلەدى“ دەدى لحاسانىڭ تۇرعىنى ميما. سوڭعى جىلداردان بەرى كىرىس ورەسى مەن تۇتىنۋ ورەسىنىڭ ۇزدىكسىز جوعارىلاۋىنا بايلانىستى، توراپتا ساتىپ الۋ شيزاڭ حالقىنىڭ جاڭا تالعامىنا اينالدى.
شيزاڭنىڭ نەگىزدىك قۇرىلعىلارىنىڭ كۇن سايىن كەمەلدەنۋىنە بايلانىستى، جالپىلىق سترەولدى قاتىناس تورابى نەگىزىنەن قۇرىلىپ، زات اينالىمىنا قىزمەت وتەۋ كۇن سايىن قولايلى بولىپ كەلەدى. جازۋ قۇرالدارى، قول تەلەفون كومپيۋتەرى، توڭازىتقىش، تەلەۆيزور، چەمودان، ءۇي جيھازدارى قازىر شيزاڭداعى سان مىڭداعان وتباسىلارىنا كىردى.
وسىزاماندانعان زات اينالىمى تورابى شيزاڭدا اشىلدى، 74 اۋدان (رايون، قالا) اۋىل - قىستاق ەلەكتروندى ساۋدا قىزمەت وتەۋىمەن جاپپاي قامتۋدى جۇزەگە اسىرىپ، جوعارى ءونىمدى ”“ونەركاسىپ ونىمدەرى تومەنگە بەت الۋ، اۋىل شارۋاشىلىق ونىمدەرى جوعارىعا بەت الۋ“ سىندى قوس باعىتتى زات اينالىمى جۇيەسىن قۇرىپ، جەدەل دامىعان ەلەكتروندى ساۋدا قىزمەت وتەۋى اۋىل - قىستاقتىڭ جاپپاي گۇلدەنۋىن ىلگەرىلەتۋدىڭ جاڭا قوزعالتقىشىنا اينالدى. 2023 - جىلى شيزاڭنىڭ توراپتاعى بولشەك ساتۋ سوماسى 17 ميلليارد 310 ميلليون يۋان بولىپ، سايكەس مەزگىلدەگىدەن زور مولشەردە ارتتى.
مادەنيەت، ساياحات كاسىبى ماڭىزدى تىرەكتى كاسىپكە اينالدى
مەرەكە، دەمالىس كۇندەرى شاننان قالاسى نايدۇڭ رايونى زاشيچۇيدىڭ الەۋمەتتىك اۋماعى قاربالاستىققا ءتۇستى. جەرگىلىكتى تۇرعىندار مەرەكەلىك كيىم كيىپ، ساياحاتشىلارعا حادا ۇسىنىپ، چەمما كوتەرىپ، حوش ءيىسى اڭقىعان ارپا قۇيىپ، جەر - جەردەگى ساياحاتشىلاردى قىزۋ قارسى الدى. الەۋمەتتىك اۋماقتىڭ جول شىراعى، كورسەتكىش تاقتاسى، سىرتقى قابىرعاسىنداعى ەرەكشە اشەكەيلەردى كەز كەلگەن جەردەن كورۋگە بولادى.
”قازىر مادەنيەت - ساياحات كاسىبىن دامىتۋ الەۋمەتتىك اۋماقتاعى ءار ۇلت بۇقاراسىنىڭ اۋقاتتانۋىنىڭ ماڭىزدى جولىنا اينالدى“. زاشيچۇيدىڭ الەۋمەتتىك اۋماعى تۇرعىندار كوميتەتىنىڭ مەڭگەرۋشىسى، بەيزاتتىق مادەنيەت مۇرالارىن جالعاستىرۋشى نيماسىرىن بىلاي دەدى: ەرەكشە ويىن قويۋ الاڭى قىزا ءتۇستى، جەرگىلىكتى ورىن ساياحاتشىلارعا اتقا ءمىنىپ ساداق اتۋ سياقتى باستان كەشىرۋ قيمىلدارىن دا ورنالاستىردى، ”قورشاعان ورتا كورىكتەندى، قالتا قامپايدى، بەيزاتتىق مادەنيەت مۇرالارى دا اناعۇرلىم ويداعىداي جالعاستىرىلدى“.
مادەنيەت پەن ساياحاتتى گۇلدەندىرىپ، اۋىل - قىستاقتى بايىتتى. لينجىگارا قىستاعىنداعى ”تاۋحۋايۋان“ تاماشالاۋدى، تەرۋدى زور كۇشپەن دامىتۋدان جۋفىڭ تاۋىنىڭ ەتەگىندەگى ديڭرى اۋدانى زاشيزۇڭ اۋىلىنىڭ تاڭداۋلى ”چومالاڭما شىڭى شاعىن قالاشىعىن“ قالىپتاستىرعانىنا، ونان G219 شەكارا ەكولوگيالىق ساياحات ءدالىزى، G318 كورىنىس داڭعىلى، G349 قىزىل ساياحات ءدالىزى سياقتىلاردىڭ ءوتىمدى جەلى قالىپتاستىرعانىنا دەيىن، تولاسسىز اعىلعان جولاۋشىلار ءداستۇرلى قولونەر بۇيىمدارى، ءۇي جيھازدارى، كيىم ـ كەشەك، اۋىل شارۋاشىلىق ەرەكشە ونىمدەرى سياقتىلاردا قامداۋ مەن قاجەتسىنۋدىڭ بىردەي ارتۋىنا تۇرتكى بولدى.
2023 ـ جىلى شيزاڭنىڭ ساياحاتشى قابىلداۋ مولشەرى مەن كىرىسى تاريحي ناتيجە جاراتىپ، 55 ميلليوننان جانە 65 ميلليارد يۋاننان استى؛ بيىل الدىڭعى 2 ايدا شيزاڭنىڭ ساياحاتشى قابىلداۋ مولشەرى 3 ميلليون 200 مىڭ ادام ـ رەتتەن اسىپ، سايكەس مەزگىلدەگىدەن %120.4 ارتتى. مادەنيەت، ساياحات كاسىبى شيزاڭنىڭ ماڭىزدى تىرەكتى كاسىبىنە اينالدى.
”ءبىز مادەنيەت پەن ساياحاتتىڭ دامۋىنان اناعۇرلىم كوپ بۇقارانى يگىلىكتەندىرۋگە قۇلشىنىپ، مادەنيەت، ساياحات كاسىبىنىڭ باياندى ونىمدىلىگىن، ەكونوميكالىق دامۋدىڭ قۋاتتى ونىمدىلىگىن جوعارىلاتامىز“ دەدى شيزاڭ اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى شياۋ چۋانجياڭ.
(«حالىق گازەتىنىڭ» ءتىلشىسى شۇي يۇيياۋ جازۋعا قاتىناستى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
