شي جينپيڭ ما يىڭجيۋمەن جانە ونىڭ ساپارلاستارىمەن كەزدەستى
ۋاڭ حۋنيڭ قاتارلىلار كەزدەسۋدە بىرگە بولدى
2024.04.11 16:53 كەلۋ قاينارى : حالىق تورابى
 |
4 - ايدىڭ 10 - كۇنى تۇستەن كەيىن ج ك پ ورتالىق كوميتەتىنىڭ باس شۋجيى شي جينپيڭ بەيجيڭدە ما يىڭجيۋمەن جانە ونىڭ ساپارلاستارىمەن كەزدەستى.
سۋرەتتى شينحۋا اگەنتتىگىنىڭ ءتىلشىسى جۇي پىڭ
|
«حالىق گازەتى»، 4 - ايدىڭ 10 - كۇنى، بەيجيڭ. ج ك پ ورتالىق كوميتەتىنىڭ باس شۋجيى شي جينپيڭ 4 - ايدىڭ 10 - كۇنى تۇستەن كەيىن بەيجيڭدە ما يىڭجيۋمەن جانە ونىڭ ساپارلاستارىمەن كەزدەستى.
شي جينپيڭ مىنانى ءبىلدىردى: ەكى جاعالاۋداعى باۋىرلاستار − جۇڭحۋا ۇلتى. جۇڭحۋا ۇلتى − دۇنيە جۇزىندەگى ۇلى ۇلت، تاريحى ۇزاق، شۇعىلالى، دۇنيەدە تەڭدەسى جوق جۇڭحۋا وركەنيەتىن جاراتتى، ءاربىر جۇڭحۋا ۇلانى مۇنى ماقتانىش ەتەدى جانە داڭق سەزىنەدى. جۇڭحۋا ۇلتىنىڭ 5 مىڭ جىلدىق شالقار تاريحىندا اتا - بابالارىمىزدىڭ تايۋانعا كوشىپ كەلىپ، ءوسىپ - ونگەنى، ەكى جاعالاۋداعى باۋىرلاستاردىڭ شەتەل شاپقىنشىلارىنا بىرگە قارسى تۇرىپ، تايۋاندى قايتارىپ العانى ەستەلىككە الىنعان. جۇڭحۋا ۇلتى وسىناۋ تاريحي كەشىرمەلەر بارىسىندا بۇعازدىڭ ەكى جاعالاۋىنىڭ بولىنبەس تاريحىن، ەكى جاعالاۋداعى باۋىرلاستاردىڭ تامىرلاس تاريحي شىندىعىن ورنەكتەي ويىپ جازدى.
ەكى جاعالاۋداعى باۋىرلاستاردىڭ ءبارى − جۇڭگولىق، شەشىلمەيتىن ەشقانداي كوڭىل تۇيىنشەگى جوق، اقىلداسۋعا بولمايتىن ەشقانداي ماسەلە جوق، ءبىزدى ءبولىپ تاستايتىن ەشقانداي كۇش جوق. بۇعاز ارالىعى ەكى جاعالاۋداعى باۋىرلاستاردىڭ ەتەنە سۇيىسپەنشىلىگىن توسا دا، ۇزە دە المايدى. ءتۇزىمنىڭ ۇقساماستىعى ەكى جاعالاۋدىڭ ءبىر مەملەكەتكە، ءبىر ۇلتقا ءتان بولۋ سىندى وبيەكتيۆ شىندىعىن وزگەرتە المايدى. سىرتتىڭ كيلىگۋى وتباسى - وتاننىڭ باس قوسۋىنىڭ تاريحي اۋقىمىن توسا المايدى. ەكى جاعالاۋداعى باۋىرلاستار باستان - اياق تامىرلاس، جۇرەكتەرى توعىسقان، ءوزارا قارايلاسىپ، كومەكتەسىپ كەلەدى.
جاستار − مەملەكەتتىڭ ءۇمىتى، ۇلتتىڭ بولاشاعى. ەكى جاعالاۋ جاستارىنىڭ بولاشاعى جاقسى بولعاندا عانا، ەكى جاعالاۋدىڭ بولاشاعى نۇرلى بولادى. ەكى جاعالاۋداعى جاستار جۇڭگولىق بولۋ جىگەرىن، جالىنىن، سەنىمىن كۇشەيتىپ، جۇڭحۋا ۇلتى تاريحىندا ۇزدىكسىز شۇعىلالى تىڭ داستاندار جازۋى كەرەك.
شي جينپيڭ بىلاي دەپ دارىپتەدى: ەكى جاعالاۋداعى باۋىرلاستاردا ورتاق تامىرلاستىق، ورتاق مادەنيەت، ورتاق تاريح بار، ونان دا ماڭىزدىسى، ءبىزدىڭ ۇلتقا دەگەن ورتاق جاۋاپكەرلىگىمىز، بولاشاققا دەگەن ورتاق ءۇمىتىمىز بار. ءبىز جۇڭحۋا ۇلتىنىڭ جالپى تۇلعالىق مۇددەسى مەن ۇزاق بولاشاقتىق دامۋى تۇرعىسىنان ەكى جاعالاۋ قارىم - قاتىناسىنىڭ جالپى جاعدايىن يگەرۋىمىز كەرەك.
ءبىرىنشى، جۇڭحۋا ۇلتىنىڭ ورتاق مەكەنىن باتىل قورعاۋ كەرەك. جۇڭحۋا ۇلتى، جۇڭحۋا وركەنيەتى نەشە مىڭ جىلدان بەرى سان وزگەرىستى باستان كەشىرىپ، تار جول، تايعاق كەشۋلەردى باستان كەشىرگەنىمەن، توقتاۋسىز ءومىر ءسۇرىپ، ۇزدىكسىز جالعاسىپ كەلەدى، مۇنداعى شەشۋشى ءتۇيىن جۇڭحۋا ۇلتىنىڭ باستان - اياق مەملەكەت جەرىن بولۋگە بولمايدى، مەملەكەتتى بىلىقتىرۋعا بولمايدى، ۇلتتى بولۋگە بولمايدى، وركەنيەتتى بولۋگە بولمايدى دەگەن ورتاق سەنىمى بار. قۇدىرەتتى، بىرلىككە كەلگەن مەملەكەت باستان - اياق تايۋاندىق باۋىرلاستاردى قامتىعان بارلىق جۇڭحۋا ۇلاندارىنىڭ تاعدىرىمەن بايلانىسىپ كەلەدى. ەكى جاعالاۋداعى باۋىرلاستار ”تايۋاندى دەربەستەندىرۋدى“ كوزدەيتىن بولشەكتەۋ ارەكەتتەرىنە جانە سىرتقى كۇشتەردىڭ كيلىگۋىنە باتىل قارسى تۇرىپ، جۇڭحۋا ۇلتىنىڭ ورتاق مەكەنىن باتىل قورعاپ، بەيبىت بىرلىككە كەلگەن كوركەم بولاشاققا بىرگە تالپىنىپ، جۇڭحۋا ۇلتىنىڭ تاعدىرىن جۇڭگولىقتاردىڭ ءوز قولىندا بەرىك ۇستاۋى كەرەك.
ەكى جاعالاۋداعى باۋىرلاستار اتا مەكەندەرىنىڭ بەيبىت، تىنىش بولۋىن، وتباسىنداعىلاردىڭ تاتۋ - ءتاتتى ءوتۋىن اڭسايدى، بۇل ءۇشىن، ءسوز جوق، ەكى جاعالاۋ قارىم - قاتىناسىنىڭ بەيبىت دامۋىن ىلگەرىلەتۋ كەرەك، مۇنىڭ تەتىگى − ءبىر جۇڭگو پرينسيبىن ايگىلەيتىن ”92 - جىلعى ورتاق تانىمدا“ تاباندى بولۋدا، ونىڭ وزەگى − ەكى جاعالاۋدىڭ ءبىر مەملەكەتكە، ءبىر ۇلتقا ءتان بولۋى سىندى نەگىزگى فاكت جونىندە ورتاق تانىمعا كەلۋ. تەك مەملەكەتتى بولشەكتەمەسەك، ەكى جاعالاۋداعىلاردىڭ بارلىعى جۇڭگولىق، ءبىر ءۇيلى جان ەكەنىن مويىنداساق بولعانى، ەكى جاعالاۋداعى باۋىرلاستاردىڭ ورنىعىپ وتىرىپ، وتباسىنداعىلارمەن الدىن الا ارالاسىپ، اۋىس - كۇيىس جاساپ، ءتۇسىنىسۋدى كۇشەيتىپ، ءوزارا سەنىمدىلىكتى توپتاپ، قايشىلىقتى شەشىپ، ورتاق تانىمعا كەلۋىنە ابدەن بولادى.
ەكىنشى، جۇڭحۋا ۇلتىنىڭ باياندى باقىتىن بىرگە جاراتۋدا تاباندى بولۋ كەرەك. ەكى جاعالاۋداعى باۋىرلاستارعا باقىت جاراتۋ − ءبىزدىڭ ەكى جاعالاۋ قارىم - قاتىناسىن دامىتۋداعى شىعار ءتۇيىنىمىز جانە تابان تىرەر تياناعىمىز. جۇڭحۋا ۇلتىنىڭ باياندى باقىتىن بىرگە جاراتۋ، بۇل نىسانا − وتە ايبىندى ءارى وتە قاراپايىم، سايىپ كەلگەندە، ەكى جاعالاۋداعى باۋىرلاستاردىڭ تاماشا تۇرمىسقا دەگەن تالپىنىسىن جۇزەگە اسىرىپ، تايۋاندىق باۋىرلاستاردى قامتىعان بارلىق جۇڭگولىقتىڭ ءتىپتى دە جاقسى تۇرمىس كەشىرۋىنە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن بىرگە جۇزەگە اسىرۋىنا مۇمكىندىك جاساۋ بولىپ تابىلادى. ءبىز ءبىر ميلليارد 400 ميلليوننان استام ۇلى قۇرلىقتاعى باۋىرلاستاردى جاقسى تۇرمىس كەشىرۋگە باستاي الامىز، سونداي - اق تايۋاندىق باۋىرلاستارمەن بىرگە كوركەم بولاشاقتى بىرگە جاراتۋعا دا قۋاتىمىز قاپتال جەتەدى.
ءبىز باستان - اياق تايۋاندىق باۋىرلاستاردىڭ باقىتىن ەستە ساقتاپ، الدىمەن تايۋاندىق باۋىرلاستارمەن جۇڭگو ۇلگىسىندەگى وسىزامانداندىرۋدىڭ دامۋ ورايىنان يگىلىكتەنىپ، وتانىمىزدىڭ ۇلى قۇرلىعىنىڭ دامۋ، العا باسۋ جەتىستىكتەرىنەن بىرگە يگىلىكتەنىپ، تايۋاندىق باۋىرلاستار ءۇشىن بەلسەنە ناقتى ىستەر ىستەپ، يگى ىستەر ىستەپ، قيىن ىستەردى شەشىپ، تايۋاندىق باۋىرلاستاردىڭ مۇددەسىن اناعۇرلىم كوبەيتىپ، باقىتىن اناعۇرلىم ناقتىلاندىرىپ، بولاشاعىن اناعۇرلىم جاقسارتامىز.
ءۇشىنشى، جۇڭحۋا ۇلتى ورتاق تۇلعا تانىمىن بەرىك ورناتۋ كەرەك. جۇڭحۋا ۇلتى ۇزاق تاريح بارىسىندا ىرىستى ارال تايۋاندى قامتىعان وتان جەرىن بىرگە قۇرىپ، جۇڭگو تاريحىن بىرگە جازىپ، جۇڭحۋا مادەنيەتىن بىرگە جاراتىپ، ۇلتتىق رۋحتى بىرگە جەتىلدىردى. ەكى جاعالاۋداعى باۋىرلاستار − ەجەلدەن ءبىر ءۇيلى جاندار، ۇنەمى بارىس - كەلىس جاساپ، بارعان سايىن جاقىنداسىپ، بارعان سايىن ەتەنە بولۋى كەرەك. ءبىز اناعۇرلىم پارمەندى شارالار قولدانىپ، ەكى جاعالاۋدىڭ اۋىس - كۇيىسىن، بارىس - كەلىسىن، توعىسۋىن بەلسەنە ىلگەرىلەتىپ، ەكى جاعالاۋداعى باۋىرلاستاردىڭ اۋىس - كۇيىس بارىسىندا سىرلاسۋىنا، بارىس - كەلىس بارىسىندا سەنىمىن ارتتىرۋىنا، كوڭىلدەرىنىڭ توعىسۋىن جەبەۋىنە مۇمكىندىك جاسايمىز. ءبىز قالىڭ تايۋاندىق باۋىرلاستاردى ۇلى قۇرلىققا كوبىرەك كەلۋگە قىزۋ ىنتامەن ۇسىنىس ەتەمىز، ۇلى قۇرلىقتاعى بۇقارانىڭ وتانىمىزدىڭ ىرىستى ارالىنا كوبىرەك بارىپ ارالاپ جاتقانىن دا قۋانا كورىپ وتىرمىز.
جۇڭحۋا مادەنيەتى − جۇڭحۋا ۇلتىنىڭ رۋحاني جان تامىرى، ەكى جاعالاۋداعى باۋىرلاستاردىڭ ورتاق رۋحاني مەكەنى. ەكى جاعالاۋداعى باۋىرلاستار جۇڭحۋا مادەنيەتى سەنىمىن بەكەمدەپ، سانالى تۇردە جۇڭحۋا مادەنيەتىنىڭ قورعاۋشىسى، جالعاستىرۋشىسى، ساۋلەلەندىرۋشىسى بولىپ، جۇڭحۋا ۇلتىنىڭ تاۋەلدىلىك سەزىمىن، مۇراتتاستىق سەزىمىن، داڭق سەزىمىن كۇشەيتىپ، جۇڭحۋا ۇلتى ورتاق تۇلعا تانىمىن بەرىك ورناتۋى كەرەك.
ءتورتىنشى، جۇڭحۋا ۇلتىنىڭ ۇلى گۇلدەنۋىن تاباندىلىقپەن جۇزەگە اسىرۋ كەرەك. 100 جىلدىق كۇرەس ارقىلى ءبىز جۇڭگو ۇلگىسىندەگى وسىزامانداندىرۋ جولىمەن ءساتتى ءجۇرىپ، ۇلتتىڭ گۇلدەنۋىنىڭ نۇرلى بولاشاعىن قارسى الىپ، سۇن جۇڭشان مىرزانىڭ سول جىلدارى جاساعان جوباسىن جۇزەگە اسىرۋمەن بىرگە، سۇن جۇڭشان مىرزانىڭ ويلاعانىنان الدەقايدا اسىپ تۇسكەن كوپتەگەن تابىستى جاراتتىق. ۇلتتىڭ گۇلدەنۋىنىڭ تاريحي تەگەرشىگى جوڭكىلە العا ىلگەرىلەۋدە، وعان ەكى جاعالاۋداعى باۋىرلاستاردىڭ كۇرەسى مەن ماڭداي تەرى سىڭگەن، ەكى جاعالاۋداعى باۋىرلاستاردىڭ ءبىر نيەت، ءبىر تىلەكتە بولا وتىرىپ بىرگە جاراتۋىن، ۇزدىكسىز كۇرەس جۇرگىزۋىن قاجەت ەتەدى، سونداي - اق ەڭ سوڭىندا ەكى جاعالاۋىنداعى باۋىرلاستاردىڭ كۇش جالعاپ كۇرەس جۇرگىزۋى بارىسىندا جۇزەگە اسادى. ەكى جاعالاۋداعى جاستاردىڭ بولاشاعى، ءسوز جوق، نۇرلى بولادى ءارى زور ىستەردى تىندىرا الادى. ءبىز تايۋان جاستارىنىڭ وتانىمىزدىڭ ۇلى قۇرلىعىنا كەلىپ ارمانعا قۇلاش سەرمەۋىن، ارماندى جۇزەگە اسىرۋىن قارسى الامىز، ەكى جاعالاۋداعى جاستاردىڭ ەسەيىپ - ەرجەتۋىنە، دارىندى بولۋىنا، تابىسقا جەتۋىنە اناعۇرلىم جاقسى شارت - جاعداي، اناعۇرلىم كوپ وراي جاراتامىز. ەكى جاعالاۋداعى جاستاردىڭ ءوزارا ۇيرەنىپ، ءوزارا ۇلگى الىپ، ءبىر - بىرىنە ارقا سۇيەپ، ءبىر نيەت، ءبىر تىلەكتە بولا وتىرىپ، تاريحتىڭ ۇتىلامالى تاياقشاسىن ۇستاپ ويداعىداي جۇگىرىپ، ۇلتتىڭ گۇلدەنۋىن جۇزەگە اسىرۋعا جاستىق كوكتەمىن ارناۋىن ءۇمىت ەتەمىن.
شي جينپيڭ بىلاي دەدى: 4 - ايدىڭ 3 - كۇنى حۋاليان اۋدانىنىڭ تەڭىز ايدىنىندا 7.3 بال جەر سىلكىنىپ، ءولىم - ءجىتىم، مال - مۇلىك شىعىنى تۋىلدى، مەن قازا بولعان باۋىرلاستارعا ازا بىلدىرەمىن، اپاتقا ۇشىراعان بۇقارادان حال سۇرايمىن.
ما يىڭجيۋ مىنانى ءبىلدىردى: ”92 - جىلعى ورتاق تانىمدا“ تاباندى بولۋ، ”تايۋاندى دەربەستەندىرۋگە“ قارسى تۇرۋ − ەكى جاعالاۋ قارىم - قاتىناسىنىڭ بەيبىت دامۋىنىڭ ورتاق ساياسي نەگىزى. ەكى جاعالاۋ حالقى − بىردەي جۇڭحۋا ۇلتى، تۇگەلدەي يان - حۋاڭ ۇرپاقتارى، اۋىس - كۇيىستى، سەلبەستىكتى تەرەڭدەتىپ، جۇڭحۋا مادەنيەتىن بىرگە كۇش سالا جالعاستىرىپ، ەكى جاعالاۋداعى باۋىرلاستاردىڭ ىرىس - قۇتىن ارتتىرىپ، قول ۇستاسا العا باسىپ، جۇڭحۋانى كوركەيتۋگە كۇش سالۋىمىز كەرەك.
كەزدەسۋدە بىرگە بولعان تايۋاندىق جاستاردىڭ ۋاكىلدەرى ءسوز سويلەدى.
ۋاڭ حۋنيڭ، ساي چي قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
 |
تۇسىرگەن 4 - ايدىڭ 10 - كۇنى تۇستەن كەيىن ج ك پ ورتالىق كوميتەتىنىڭ باس شۋجيى شي جينپيڭ بەيجيڭدە ما يىڭجيۋمەن جانە ونىڭ ساپارلاستارىمەن كەزدەستى.
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
|
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
