شي جينپيڭ ۆەنگريانىڭ زۇڭليى وربان وتكىزگەن قوناعاسى قيمىلىنا قاتىناستى
2024.05.11 16:17 كەلۋ قاينارى : حالىق تورابى
سول جەر ۋاقىتى 5 - ايدىڭ 10 - كۇنى تۇستە مەملەكەت ءتوراعاسى شي جينپيڭ مەن حانىمى پىڭ لييۋان بۋداپەشتتە ۇسىنىس بويىنشا ۆەنگريانىڭ زۇڭليى وربان مەن حانىمى وتكىزگەن قوناعاسى قيمىلىنا قاتىناستى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
«حالىق گازەتى»، 5 - ايدىڭ 10 - كۇنى، بۋداپەشت (تىلشىلەر ۋاڭ جوۋ، ۋاڭ شياڭيۇي). سول جەر ۋاقىتى 5 - ايدىڭ 10 - كۇنى تۇستە مەملەكەت ءتوراعاسى شي جينپيڭ مەن حانىمى پىڭ لييۋان بۋداپەشتتە ۆەنگريانىڭ زۇڭليى وربان مەن حانىمى وتكىزگەن قوناعاسى قيمىلىنا ۇسىنىسپەن قاتىناستى.
ەكى ەل باسشىلارى مەن ولاردىڭ حانىمدارى بۋداپەشت قالاسىنىڭ كورىنىسىنە كوز سالدى، دۋناي وزەنىنىڭ ەكى جاعالاۋىنداعى كوركەم كورىنىستەر كوز تارتادى.
وربان شي جينپيڭگە بۋداپەشت قالاسىنىڭ تاريحىن، دامۋ وزگەرىسىن جانە جوبا بولاشاعىن تانىستىرىپ، مىنانى ءبىلدىردى: جۇڭگو كاسىپورىندارى ۆەنگريا ەكونوميكاسىنىڭ دامۋى مەن قالا قۇرىلىسىنا ماڭىزدى ۇلەس قوستى، جۇڭگونىڭ كوپتەگەن قۇرىلىس نىساندارى ەكى ەل سەلبەستىگىنىڭ جەلكەندى كەمە نىسانىنا جانە دوستىقتىڭ سيمۆولىنا اينالدى. جۇڭگو تەحنيكاسى كوپتەگەن جاقتاردا دۇنيە ءجۇزى بويىنشا الدىڭعى ورىندا تۇرادى، ۆەنگريا جاق جۇڭگو جاقپەن اناعۇرلىم كوپ سەلبەستىك ورىستەتىپ، جۇڭگونىڭ اناعۇرلىم كوپ وزىق تەحنيكاسىن ەنگىزىپ، ۆەنگريا ەلىنىڭ دامۋى مەن حالىق تۇرمىسىنىڭ جاقسارۋىنا دەم بەرۋدى ءۇمىت ەتەدى.
شي جينپيڭ ورباننىڭ ىستىق ىقىلاسپەن ۇسىنىس ەتكەنىنە جانە دەن قويا ورنالاستىرعانىنا العىس ايتتى. شي جينپيڭ مىنانى ءبىلدىردى: مەن بۇل ارادا بۋداپەشتتىڭ تاريحي ءداستۇرىن سەزىنۋمەن بىرگە، تىڭ تىرشىلىك تىنىسى مەن ومىرشەڭدىك كۇشىن دە كورىپ، ۆەنگريا جونىندەگى تانىمىمدى تەرەڭدەتىپ، باعالى ەستەمەلەردى قالدىردىم. ارادا 15 جىل وتكەندە ۆەنگريانىڭ قول جەتكىزگەن دامۋ جەتىستىكتەرى ماعان تەرەڭ اسەر قالدىردى. جۇڭگو مەن ۆەنگريانىڭ اۋىس - كۇيىسى، سەلبەستىگى كەزىندە جۇڭگونىڭ رەفورما جاساپ، ەسىك اشۋىنا ۇلەس قوسقان. قازىر جۇڭگو جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدە، جۇڭگونىڭ جوعارى ساپالى دامۋى مەن سىرتقا ەسىك اشۋى ۆەنگرياعا اناعۇرلىم كوپ وراي جاراتادى. جۇڭگو جاق ۆەنگريا جاقپەن ەكونوميكالىق، تەحنيكالىق اۋىس - كۇيىستى، سەلبەستىكتى كۇشەيتىپ، ەكى ەلدىڭ اناعۇرلىم كوپ دامۋ جەتىستىكتەرىنە قول جەتكىزۋىن ىلگەرىلەتىپ، ەكى ەل حالىقتارىنا اناعۇرلىم تاماشا تۇرمىس جاراتۋدى قالايدى.
ەكى ەل باسشىلارى تەرەزەنىڭ الدىندا وتىرىپ، تەرەزەنىڭ سىرتىنداعى بۇلتقا قاراپ، وزدەرىنىڭ ەسەيىپ - ەرجەتۋ كەشىرمەلەرى مەن ەل باسقارۋ جونىندەگى اسەرلەرىن اقتارىلا اڭگىمەلەپ، ورتاق كوڭىل ءبولىپ وتىرعان ماڭىزدى ماسەلەلەر جونىندە پىكىر اۋىستىرىپ، كوپتەگەن ورتاق تانىمعا كەلدى.
شي جينپيڭ جۇڭگو كوممۋنيستىك پارتياسىنىڭ 100 جىلدىق پارتيا تاريحى مەن پارتيانى باسقارۋ، مەملەكەتتى جونگە سالۋ ماڭىزدى ۇستانىمىن تانىستىرىپ، بىلاي دەپ اتاپ كورسەتتى: جۇڭگو كوممۋنيستىك پارتياسى نەشە ونداعان مۇشەسى عانا بار شاعىن پارتيادان 98 ميلليوننان استام مۇشەسى بار ۇلكەن پارتياعا اينالىپ، كوپتەگەن قاتاڭ سىنداردان ءوتىپ، جۇڭگوعا باسشىلىق ەتىپ، بۇگىنگى تابىستارعا قول جەتكىزدى. ءبىزدىڭ العا باسۋ جولىنداعى ءتۇرلى حاۋىپ - قاتەر مەن سىن - سايىستى ۇزدىكسىز جەڭىپ، جۇڭگونىڭ ۇزاق ۋاقىتتىق ورنىقتىلىعى مەن دامۋىن ساقتاپ، جۇڭگو حالقىن بارعان سايىن جاقسى تۇرمىسقا كەنەلتۋمەن بىرگە، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم زور ۇلەس قوسۋعا سەنىمىمىز كامىل.
شي جينپيڭ مىنالاردى باسا دارىپتەدى: وسى رەتكى ساپاردىڭ ۋاقىتى ۇزاق بولماعانىمەن، ءبىز تولىق، ىشكەرىلەي پىكىرلەسىپ، كوپتەگەن ماڭىزدى ورتاق تانىمعا كەلدىك. ءبىز جاڭا داۋىردەگى بارلىق جاعدايدا بىردەي جان - جاقتى ستراتەگيالىق سەرىكتەستىك قارىم - قاتىناس ورناتىپ، ەكى ەل قارىم - قاتىناسىنىڭ بۇرىن - سوڭدى بولماعان تىڭ دەڭگەيگە كوتەرىلۋىن ىلگەرىلەتۋدى ۇيعاردىق. جۇڭگو مەن ۆەنگريا ۇستانىمى قارايلاس، دەربەس، ءوز - وزىنە قوجايىن بولۋدى قاستەرلەيدى. مەن وربان زۇڭليمەن تىعىز قارىم - قاتىناستى ساقتاپ، ەكى ەلدىڭ دوستىقتى جالعاستىرۋىنا جەتەكشىلىك ەتىپ، ءبىز كەلىسكەن ورتاق تانىمدى ناقتى سەلبەستىك جەتىستىكتەرىنە اينالدىرۋعا بىرگە قۇلشىنىپ، ەكى ەل حالىقتارىنا ۇزدىكسىز باقىت جاراتۋدى ءۇمىت ەتەمىن. مەن جۇڭگو - ۆەنگريا قارىم - قاتىناسىنىڭ بولاشاق دامۋىنا كامىل سەنەمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
