شي جينپيڭ مەكتەپتەردىڭ يدەيا - ساياسي نازاريا ساباعى قۇرىلىسى جونىندە ماڭىزدى نۇسقاۋ بەرىپ بىلاي دەپ باسا دارىپتەدى
جاڭا داۋىردەگى يدەيالىق - ساياسي تاربيەنىڭ جاڭا جاعدايىن ۇزدىكسىز اشىپ، پارتيانى الاڭسىز ەتەتىن، وتاندى ءسۇيىپ، ۇلەس قوساتىن، ۇلتتىڭ گۇلدەنۋى سىندى اۋىر مىندەتتى ارقالايتىن ءداۋىردىڭ ءتىپتى دە كوپ جاڭا ادامدارىن قۇلشىنا جەتىلدىرۋ كەرەك
ديڭ شۋەشياڭ جاڭا داۋىردەگى مەكتەپتەردىڭ يدەيا - ساياسي نازاريا ساباعى قۇرىلىسىن ىلگەرىلەتۋ ماجىلىسىنە قاتىناستى ءارى ءسوز سويلەدى
2024.05.13 14:05 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 11 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا مەكتەپتەردىڭ يدەيا - ساياسي نازاريا ساباعى قۇرىلىسى جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: پارتيانىڭ 18 - قۇرىلتايىنان بەرى پارتيا ورتالىق كوميتەتى مەكتەپتەردىڭ يدەيا - ساياسي نازاريا ساباعى قۇرىلىسىن وقۋ - اعارتۋ قىزمەتىنىڭ ماڭىزدى ورنىنا قويۋدا باستان - اياق تاباندى بولىپ، پارتيانىڭ يدەيا - ساياسي قۇرىلىسىنا باسشىلىعىن جاپپاي كۇشەيتىپ، ءار دارەجەلى، ءار ءتۇرلى مەكتەپتەردىڭ سوتسياليستىك مەكتەپ باسقارۋ بەتالىسى اناعۇرلىم ايقىندالدى، يدەيا - ساياسي نازاريا ساباعى وقىتۋشىلارىنىڭ وقىتۋعا پەيىل بولۋ، ىزگىلىككە تالپىنۋ، دەن قويا ادام تاربيەلەۋ سەنىمى مەن ارىنى اناعۇرلىم نىعايدى، قالىڭ جاس، ورەن وقۋشىلاردىڭ ”ءتورت سەنىمى“ كورنەكتى كۇشەيدى، رۋحاني بەت - بەينەسى قايراتتانا كوتەرىلدى، يدەيا - ساياسي نازاريا ساباعىنىڭ دامۋ ورتاسى مەن تۇتاس تۇلعالىق ەكولوگياسىندا جالپى جاعدايلىق، ءتۇبىرلى بۇرىلىس جارىققا شىقتى.
شي جينپيڭ بىلاي دەپ باسا دارىپتەدى: جاڭا ءداۋىر، جاڭا جورىقتا يدەيا - ساياسي نازاريا ساباعى قۇرىلىسى جاڭا جاعدايعا، جاڭا مىندەتكە ءدوپ كەلدى، ءسوز جوق، جاڭا بەينە، جاڭا ىسكەرلىك بولۋ كەرەك. جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ءمورال ارقىلى ادام تاربيەلەۋ ءتۇبىرلى مىندەتىن تياناقتاندىرىپ، يدەيا - ساياسي نازاريا ساباعى قۇرىلىسىن پارتيانىڭ جاڭالىق اشۋ نازارياسىمەن قارۋلاندىرۋمەن قاتار ىلگەرىلەتۋدە تاباندى بولىپ، جاڭا ءداۋىر جۇڭگوشا سوتسياليزم يدەياسىن وزەكتى مازمۇن ەتكەن ساباق - وقۋلىق جۇيەسىن ورناتىپ، جوعارى، ورتا، باستاۋىش مەكتەپتەردىڭ يدەيالىق - ساياسي تاربيەسىن ءبىر تۇلعالاندىرۋ قۇرىلىسىن ىشكەرىلەي ىلگەرىلەتۋ كەرەك. ماركسيزمنىڭ جەتەكشىلىك ورنىندا باستان - اياق تاباندى بولىپ، جۇڭگوشا سوتسياليزم قول جەتكىزگەن دۇنيە ءجۇزىن جالت قاراتقان تابىستاردى مازمۇندىق تىرەك، جۇڭحۋانىڭ تاڭداۋلى ءداستۇرلى مادەنيەتىن، توڭكەرىستىك مادەنيەتىن جانە سوتسياليستىك وزىق مادەنيەتىن كۇش نەگىزى ەتىپ، ءجون - جوسىقتى ىشكەرىلەي، ەگجەي - تەگجەيلى، جاندى ءتۇسىندىرىپ، دۇرىس جولدان جازباي، جاڭالىق اشىپ، يدەيا - ساياسي نازاريا ساباعى قۇرىلىسىنىڭ ماندىك دامۋىن ىلگەرىلەتىپ، يدەيا - ساياسي نازاريا ساباعىنىڭ باعىتتامالىلىعى مەن باۋراۋ قۋاتىن ۇزدىكسىز جوعارىلاتۋ كەرەك. ساياسيدا كۇشتى، سۇيىسپەنشىلىگى تەرەڭ، ويى جاڭا، كوز اياسى كەڭ، ءوزىن تەجەۋى قاتاڭ، ادامگەرشىلىگى دۇرىس يدەيا - ساياسي نازاريا ساباعى وقىتۋشىلار قوسىنىن كۇش سالا قۇرۋ كەرەك.
شي جينپيڭ بىلاي دەپ باسا دارىپتەدى: ءار دارەجەلى پارتكومدار (پارتيا باسشىلىق گرۋپپالارى) يدەيا - ساياسي نازاريا ساباعى قۇرىلىسىن ماڭىزدى كەڭەستىك تارتىپكە قويۋى، ءار دارەجەلى، ءار ءتۇرلى مەكتەپتەر تۇلعالىق جاۋاپكەرلىكتى سانالى تۇردە ارقالاپ، جاڭا داۋىردەگى يدەيا - ساياسي تاربيەسىنىڭ جاڭا جاعدايىن ۇزدىكسىز اشىپ، پارتيانى الاڭسىز ەتەتىن، وتاندى ءسۇيىپ، ۇلەس قوساتىن، ۇلتتىڭ گۇلدەنۋى سىندى اۋىر مىندەتتى ارقالايتىن ءداۋىردىڭ ءتىپتى دە كوپ جاڭا ادامدارىن قۇلشىنا باۋلۋى كەرەك.
جاڭا داۋىردەگى مەكتەپتەردىڭ يدەيالىق - ساياسي ساباق قۇرىلىسىن ىلگەرىلەتۋ ءماجىلىسى 5 - ايدىڭ 11 - كۇنى بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ ماجىلىسكە قاتىناستى ءارى ءسوز سويلەدى.
ديڭ شۋەشياڭ سوزىندە مىنالاردى اتاپ كورسەتتى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، وقۋ - اعارتۋدىڭ ساياسي سيپاتىن، ستراتەگيالىق سيپاتىن، حالىق تۇرمىسى سيپاتىن مىقتاپ يگەرىپ، يدەيا - ساياسي نازاريا ساباعى قۇرىلىسىن پارتيانىڭ وقۋ - اعارتۋ قىزمەتىنە باسشىلىق ەتۋدەگى ەڭ ماڭىزدى ءتۇيىنى ەتىپ، جاڭا داۋىردەگى پارتيانىڭ جاڭالىق اشۋ نازارياسىن جەتەكشى ەتىپ، جاڭا داۋىردەگى ۇلى امالياتتى تياناق ەتىپ، يدەيا - ساياسي نازاريا ساباعىندا رەفورما جاساۋ نەگىزىندە جاڭالىق اشۋدى ۇزدىكسىز ىلگەرىلەتىپ، پارتيا ىستەرى مەن سوتسياليستىك وسىزاماندانعان قۇدىرەتتى ەل قۇرىلىسىنىڭ مۇراگەرلەرى بولۋعا شىنايى كەپىلدىك ەتۋ كەرەك.
ديڭ شۋەشياڭ مىنالاردى باسا دارىپتەدى: جاڭا ءداۋىر، جاڭا جورىقتاعى وقۋ - اعارتۋ بورىشىن تىعىز ارقاۋ ەتىپ، يدەيا - ساياسي نازاريا ساباعى قۇرىلىسىن پارتيانىڭ جاڭالىق اشۋ نازارياسىمەن قارۋلاندىرۋمەن بىرگە ىلگەرىلەتۋدە تاباندى بولىپ، جاڭا داۋىردەگى يدەيا - ساياسي تاربيەنىڭ جاڭا جاعدايىن ۇزدىكسىز اشۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن وزەكتى مازمۇن ەتكەن ساباق – وقۋلىق جۇيەسىن جەدەل ورناتىپ، پارتيانىڭ جاڭالىق اشۋ نازارياسىنىڭ ەڭ جاڭا جەتىستىكتەرىن ساناعا ۇيالاتۋدى ىلگەرىلەتۋ كەرەك. جاڭا داۋىردەگى ۇلى جەتىستىكتەردىڭ تاربيەلەۋ، شابىتتاندىرۋ رولىن تولىق ساۋلەلەندىرىپ، يدەيالىق - ساياسي ساباقتىڭ وقىتۋ مازمۇنىن بايىتىپ، جاڭا ءداۋىر حيكاياسىن ويداعىداي بايانداپ، وقۋشىلاردى پارتيانىڭ جاڭالىق اشۋ نازارياسىنىڭ امالياتتىق ۇلى كۇشىن تۇسىنۋگە جەتەكتەۋ كەرەك. ”ۇلكەن يدەيا - ساياسي ساباعى“ ارقىلى جان - جاقتى ادام تاربيەلەۋدىڭ جاڭا جاعدايىن كەڭەيتىپ، يدەيا - ساياسي شاعىن ساباقحاناسى مەن قوعامدىق ۇلكەن ساباقحانانى ۇشتاستىرىپ، وقۋشىلاردىڭ مەملەكەت جاعدايىن، حالىق جاعدايىن اناعۇرلىم جاقسى ءتۇسىنىپ، مۇرات - سەنىمدى بەكەمدەۋىن ىلگەرىلەتۋ كەرەك. وقۋ - اعارتۋ زاڭدىلىعىنا بويسۇنىپ، جوعارى، ورتا، باستاۋىش مەكتەپتەردىڭ يدەيالىق - ساياسي تاربيەسىن ءبىر تۇلعالاندىرۋ قۇرىلىسىن ىشكەرىلەي ىلگەرىلەتىپ، ساباق نىساناسىن تارتىپپەن ىلگەرىلەتىپ، وقۋشىلاردىڭ يدەياسىنا، ۇيرەنۋىنە جانە تۇرمىس ءىس جۇزىندىگىنە جاناسىپ، وقۋشىلاردىڭ ىقىلاسپەن ۇيرەنۋىنە، ۇيرەنگەندى يگەرۋىنە مۇمكىندىك جاساۋ كەرەك. يدەيالىق - ساياسي ساباق وقىتۋشىلار قوسىنى قۇرىلىسىن كۇشەيتىپ، وقىتۋدى الدىمەن ويلاستىرۋدى كورنەكتىلەندىرەتىن باعالاۋ جۇيەسىن اقاۋسىزداندىرىپ، وقىتۋشىلاردىڭ ورنى مەن مامىلەسىن قامتاماسىزداندىرۋ مەحانيزمىن كەمەلدەندىرۋ كەرەك. جەر - جەر، تاراۋلار ساياسي جاۋاپكەرلىكتى ارقالاپ، قىزمەتتى تياناقتاندىرۋدى مىقتى يگەرىپ، يدەيا - ساياسي نازاريا ساباعى قۇرىلىسىنىڭ قۇدىرەتتى بىرىككەن كۇشىن قالىپتاستىرۋدى ىلگەرىلەتۋ كەرەك.
ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسىندەگى، مەملەكەتتىك مادەني مۇرالار مەكەمەسىندەگى، بەيجيڭ قالاسىنداعى، فۋجيان ولكەسىندەگى، جۇڭگو حالىق داشۋەسىندەگى، فۋدان داشۋەسىندەگى، شىعىس سولتۇستىك پەداگوگيكا داشۋەسىنە قاراستى ورتا مەكتەپتەگى، چاڭشا قالاسى يۇييىڭ باستاۋىش مەكتەبىندەگى قاتىستى جولداستار پىكىر اۋىستىرىپ، ءسوز سويلەدى.
لي گانجيە، لي شۋلەي ماجىلىسكە قاتىناستى.
ورتالىقتىڭ وقۋ - اعارتۋ قىزمەتىنە باسشىلىق ەتۋ گرۋپپاسىنىڭ مۇشەلەرى، ولكە، اۆتونوميالى رايون، توتە قاراستى قالالارداعى جانە شينجياڭ ءوندىرىس - قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، يدەيا - ساياسي نازاريا ساباعى وقىتۋشىلارىنىڭ تاڭداۋلى ۋاكىلدەرى قاتارلىلار ماجىلىسكە قاتىناستى.
ماجىلىستەن بۇرىن ديڭ شۋەشياڭ بەيجيڭ عىلىم - تەحنيكا داشۋەسى مەن بەيجيڭ قالالىق 159 - ورتا مەكتەپكە بارىپ تەكسەرۋ - زەرتتەۋ جۇرگىزىپ، يدەيالىق - ساياسي ساباعىن جەلىدە، جەلىدەن تىس توپتىق دايىنداۋ جاعدايىن ۇعىسىپ، يدەيالىق - ساياسي ساباق وقىتۋىن ناق مايداندا تىڭداپ، وقىتۋشى - وقۋشىلارمەن پىكىر اۋىستىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
