- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
يگىلىكتى ىسكە يگى باستاما
2015.07.28 15:54
كامالبەك بوقان ۇلى حابارلايدى. جادىراعان جازدىڭ جىبەك جەلىمەن تەربەلگەن وسىناۋ باۋ-باقشالى اۋلانىڭ ءىشى-سىرتى، ەتەك-جەڭى ورمانمەن كومكەرىلگەن. وسى باقشانىڭ كۇلتەلى كوك قۇراعى مەن بەلۋاردان كەلەتىن كوك شالعىنىنا سۇڭگىپ، وڭشەڭ شىمقاي قارا تاۋىقتار ەركىن جايىلىپ ءجۇر. شىبىن-شىركەيىن،شەگىرتكەسى مەن ماساسىن ءبىر-بىرلەپ تەرىپ جەپ توياتتاعان،قاناتتارى ابدەن قاتايعان قارا تاۋىقتار ءالسىن-ءالسىن قاناتتارىن قاعىپ،قورازدانا قارايدى. ال وسى اۋلانىڭ شىعىس جاعىنداعى اناۋ زامان تالابىنا ساي جاڭادان سالىنعان، وسىزاماندانعان تاۋىق باعىمشىلىعى قوراسىنىڭ الدىندا دا قارانوپىر ادام جينالعان ءبىر قاربالاس قيمىل جۇرگىزىلىپ جاتىر. ەندى سولاي قاراي اياڭدادىم. مۇندا، جاڭا سالىنعان وسى تاۋىق فەرماسىنىڭ قۇرىلعى قۇرىلىستارىنىڭ جابدىقتارىن جاڭادان ورناتىپ جاتىپتى.مىنە، بۇل ءدوربىلجىن اۋدانى كۇرە اۋىلى قاراسۋ قىستاعىنا تىلشىلىك ىستەي بارعانداعى ساپارىم ەدى. ايماقتىق اۋىل شارۋاشىلىعىن ماشينالاندىرۋ مەكەمەسىنەن ءدوربىلجىن اۋدانى كۇرە اۋىلى قاراسۋ قىستاعىنا تۇسكەن قىزمەت اترەتىنىڭ باستىعى، مەكەمە پارتكومنىڭ شۋجيى بىرلىك احۋالدى بىلايشا تانىستىرا كەلە : ‹يگى ءىستىڭ باسىنا،جاقسى كەلەر قاسىنا› دەگەندەي، بۇگىن قىستاعىمىزدىڭ ەگىنشىسى داۋلەتباي قاپاس ۇلى وسىزاماندانعان تاۋىق فەرماسىن قۇرعان قۇتتى كۇنى،‹جاقسىنى كورمەككە›،وسىعان جينالعان حالىق ازاماتتىڭ يگى باستاماسىنا قۇتتى بولسىن ايتىپ، تىلەۋىن تىلەسىپ جاتقان اق تىلەكتەرىنىڭ ۇستىنەن ءتۇستىڭىز. داۋلەتكەلدى دەپ ارداقتى اتىڭدى كىم قويسادا، داۋلەت كەلدى دەسە دەگەندەي، بۇگىن باسىڭا داۋلەتىڭنىڭ العاشقى اق قۇسى كەلىپ قونعان مەرەيلى كۇندەي ەلەستەيدى. جالپى احۋالدى، بۇگىنگى تىڭ تىرشىلىگىڭدى تىلشىگە ءوزىڭ ەگجەي-تەگجەيلى تانىستىرا بەر» دەدى الدىمدا تۇرعان سۇڭعاق بويلى، ەڭگەزەردەي 30 جاستار شاماسىنداعى ازاماتتى نۇسقاپ. -مەن وسى قاراسۋ قىستاعىنىڭ ەگىنشىسىمىن، وتباسىمدا 4 جاننىڭ 40 مۋ ەگىستىك جەرى بار. باقشامدا 15 مىڭ ءتۇپ تال-تەرەك بار، وتباسىمىزداعى ۇلكەندەر ۇزاق جىل اۋرۋ-سىرقاۋ بولىپ، وسىنىڭ سالدارىنان ەكونوميكالىق جاقتان بارىنشا تۇرالاپ، قانشالىق ەڭبەكتەنسەمدە ەڭسە كوتەرە المادىم. ءبىر ءتاۋىرى مىناۋ وتىرعان جەرىمنىڭ اينالاسى كەڭ،بىرەر كاسىپ كوزىن اشىپ، اۋلا شارۋاشىلىعىن شالقىتۋعا تاپتىرمايتىن ورىن ەدى،ونىڭ ۇستىنە ەسىك الدىمدا 11 مۋلىق باۋ-باقشام بار. الايدا، قولىمدا قارجى بولماعاندىقتان، بۇرا تارتىپ بىرەر كاسىپ ىستەۋ ويىنا كەلسەمدە،دارمەنىم جەتپەي جۇرگەن ەدى. اقىرى وسى كوكتەمدە ايماقتىق اۋىل شارۋاشىلىق ماشينالاندىرۋ مەكەمەسىنەن قىستاعىمىزعا تۇسكەن قىزمەت اترەتىنىڭ باستىعى بىرلىك اعايدان اقىل سۇراي بارعان ەدىم. بۇل كىسى مەنىڭ قونىستانعان ورنىمنىڭ ابزالدىلىعىن ءوز كوزىمەن كەلىپ كورىپ، مەنى تاۋىق فەرماسىن قۇرۋعا شابىتتاندىرىپ، جاقىننان جاردەم بەرەتىندىگىن ايتىپ قۋانتتى. اۋەلى، ءبىرىنشى باسقىشتا نە ىستەيتىندىگىمە دەيىن ءجون سىلتەپ، جەبەي ءتۇستى. وسىدان سوڭ مەن دەرەۋ ىسكە كىرىسىپ، اعايىن تۋىسقانداردىڭ كومەگىندە 222 شارشى مەترلىك تاۋىق باعىمشىلىق قوراسىن سالدىم. كەشە عانا بىرلىك اعا ايماقتىق اۋىل شارۋاشىلىعىن ماشينالاندىرۋ مەكەمەسى جاعىنان قۇنى 75 مىڭ يۋاندىق وسىزاماندانعان تاۋىق باعىمشىلىق قوراسىنا قاجەتتى ماشينا، اسپاپتاردى ءوز قولىمەن
اكەلىپ بەردى،مىنە بۇگىن وسىزاماندانعان تاۋىق باعىمشىلىق الاڭىمنىڭ ءىشى-سىرتى تۇگەلدەي نەگىزىنەن وزىق جابدىقتارمەن جابدىقتالىپ بولدى. وزىمدە 100 مىڭ يۋاننىڭ ۇستىندە قارجى شىعارىپ،قۇرىلعى قۇرىلىستارىن تولىقتىردىم. اناۋ باقشامداعى كوك شالعىندا جايىلىپ جۇرگەن ۇزىن سانى 2 مىڭ بالاپاندى وسى كوكتەمدە جۇمىرتقادان شىققانىنا 15 كۇن بولعانىندا قىستاعىمىز كەدەيلەردى سۇيەمەلدەۋ نىسان قارجىسىنان پايدالانىپ، ماعان تەگىن تاراتقان تاۋىق بالاپاندارى. ولار ايىرىم باعىلادى دا ەندى ءبىر ايدان كەيىن ەڭ تومەنى 90 يۋاننان بازارعا سالىنادى. كەلەر جىلى وسى تاۋىق فەرمامدا 10 مىڭ تاۋىق باعۋ جوسپارىم بار،-دەدى ول وتتاي جانعان جانارىنان قۋانىشتىڭ نۇرىن شاشىراتىپ. ءبىز ونىڭ وسىزاماندانعان تاۋىق باعىمشىلىق قوراسىن دا كوزدەن كەشىردىك. ىشكە قاراي كىرىسىممەن ماتور ءۇنى دە دۇرىلدەي جونەلدى، جەم جارعىش، جەم ارالاستىرۋ، دايراقتى اۆتوموتتى ءبىر جايلى ەتۋ، تاۋىقتى تور ىشىندە ءبىر تۇتاس باعۋ، ءبىر تۇتاس ۇيا ىشىندە جۇمىرتقالاتۋ سىندى قۇرىلعى قۇرىلىستارىنىڭ بارلىعى اۆتوموتتى باسقارىلادى دا تاۋىق جەمى مەن سۋى ءوز مەزگىلىندە ايىرىم-ايىرىم، كنوپكاسىن باسسا بولدى،دەرەۋ الدىنا ءبىر ۋاقىتتا دايار بولادى ەكەن. مۇندا جاڭادان 1000 نان استام كوك شىبار تاۋىق ۇياسىندا كۇتىمگە الىنا باستاپتى. ءيا، پارتيانىڭ ابزال ساياساتىنىڭ يگىلىگىن كورگەن مىناۋ جىلبۋرىندى ازامات ءالى دە تالاي ىرىس كوزىن اشار، شاڭىراعىنان نۇر جاۋار،بوساعاسىنا باقىت-بايلىق ۇيالار،يگى ءىسى ىلگەرى باسسىن دەگەن اق تىلەكپەن اتتانا بەردىم.
«تارباعاتاي اقپارات تورابىنان
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
