- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كۇيەۋىمنەن تولەم تالاپ ەتۋىمە بولا ما
2015.07.28 15:46 كەلۋ قاينارى : شينجياڭ گازەتى
سۇراۋ: كۇيەۋىم ەكەۋىمىزدىڭ نەكەلەنگەنىمىزگە 10 جىلدان استى. الايدا كۇيەۋىمنىڭ سىرتتا باسقا ءبىر ايەلمەن قالىپسىز قاتىناس ساقتاپ كەلگەنىنە دە 2 جىلدان استى. كۇيەۋىمە مەنى ويلاۋىن، جالعىز ۇلى ءۇشىن بۇلاي ىستەمەۋىن ايتىپ ەدىم، ول ۇلىم ەكەۋىمىزدى تاياقتىڭ استىنان الىپ، ساباپ جارالاندىردى. قازىر ونىمەن نەكەدەن اجىراسۋ ءۇشىن، حالىق سوتى مەكەمەسىنە ارىز بەرۋدى ويلاستىرىپ جاتىرمىن. ۇلىمدى ءوزىم باعىپ - قاعىپ قاتارعا قوسايىن دەگەن ويىم بار، ال ءۇي مەن اۆتوكولىكتى كۇيەۋىمنىڭ اتىندا تىزىمگە الدىرعانبىز. ەكەۋىمىزدىڭ شاڭىراق كوتەرگەننەن كەيىنگى ورتاق مۇلكىمىز دە شامالى. بىلەيىن دەگەنىم، وسىنداي جاعدايدا نەكەدەن اجىراسۋدى تالاپ ەتسەم، كۇيەۋىمنەن زياندى تولەۋدى قالاي تالاپ ەتەمىن؟ كەڭەس بەرسەڭىزدەر.
جاۋاپ: «نەكە زاڭىنىڭ» 39 - ، 40 - جانە 46 - تارماقتارىندا: «نەكەدەن اجىراسقان كەزدە، ەرلى - زايىپتىلاردىڭ ورتاق مال - مۇلكى ەكى جاقتىڭ كەلىسىمى بويىنشا باسقارىلادى؛ كەلىسىمگە كەلە الماسا، حالىق سوتى مەكەمەسى مال - مۇلىكتىڭ ناقتى جاعدايىنا نەگىزدەلىپ، بالا مەن انا جاقتىڭ ۇقىق - مۇددەسىنە قامقورلىق جاساۋ پرينسيبى بويىنشا ۇكىم شىعارادى. ەرلى - زايىپتىلار نەكەلىك قارىم - قاتىناسى بار كەزدە جازباشا كەلىسىپ تاپقان مال - مۇلكى ءوز - وزىنە ءتان بولادى، بىرەۋى بالا باعۋ، قارتتاردى كۇتۋ، ەندى بىرەۋىنىڭ قىزمەتىنە سەلبەسۋ سىقىلدى بورىشتاردى كوپ وتەۋى سەبەپتى اجىراسقان كەزدە بىرەۋىنەن تولەم تالاپ ەتۋگە ۇقىقتى، ال ەندى بىرەۋى تولەم تولەۋى كەرەك.
مىناداي جايتتەردىڭ ءبىرى بولىپ، نەكەدەن اجىراسۋعا سەبەپ بولسا، ايىبى جوق جاعى زياندى تولەۋ تالابىن قويۋعا ۇقىقتى:
(1) قوس نەكەلى بولسا؛ (2) جۇبايى بولا تۇرا باسقامەن نەكەسىز بىرگە تۇرسا؛ (3) وتباسىندا زورلىق ىستەسە؛ (4) وتباسى مۇشەلەرىن جابىرلەسە، تاستاندى ەتسە» دەپ بەلگىلەنگەن.
دەمەك، جاعداي، راسىندا، ءسىز اڭىس ەتكەندەي بولسا، ارالارىڭىزداعى ءۇي مەن اۆتوكولىكتى كۇيەۋىڭىز نەكەلەنۋدەن بۇرىن العان ءارى ءوز اتىندا تىزىمگە الدىرعان، ال كۇيەۋىڭىز جۇبايى بار بولا تۇرا باسقا بىرەۋمەن ءبىر ۇيدە تۇرىپ، سەندەرگە وتباسى زورلىق - زومبىلىعىن جۇرگىزسە، وندا سىزگە تولەم تولەۋى كەرەك. تولەم بەرۋگە قارسى شىقسا، توتە حالىق سوتى مەكەمەسىنە ارىز بەرۋىڭىزگە بولادى. ارالارىڭىزداعى ورتاق مال - مۇلىكتى بولىسكە سالۋ ماسەلەسىنە كەلسەك، الدىمەن حالىق سوتى مەكەمەسىنە نەكەدەن اجىراسۋ جونىندە ارىز بەرىپ، سوت اشىلعاندا ورتاق مۇلىكتى ءبىر جاقتى ەتۋ جونىندەگى پىكىرىڭىزدى ورتاعا قويۋىڭىزعا بولادى. سوتشى دالەل - سىپاتتاردى تەكسەرىپ انىقتاعان سوڭ، شەشە مەن بالاعا كوڭىل ءبولۋ پرينسيبى بويىنشا ماسەلەنى ءبىر جاقتى ەتەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
