تاماق بۇيىرتقاندا «ءوزىڭىز تويساڭىز دا، كوزىڭىز تويمايتىن» ادەتتەن ارىلىڭىز
شيۇڭ جيان
2020.08.21 15:26 كەلۋ قاينارى : حالىق تورابى
مىناداي ءبىر كۇلدىرگى بار: بىرەۋدىڭ قارنى قاتتى اشىپ كەتىپ، شەلپەك جەمەك بولىپتى. ءبىر شەلپەك جەگەن سوڭ، تويماعان سياقتى بولىپ، تاعى بىرەۋىن جەپتى ... وسىلايشا، بەسىنشى شەلپەكتى جەگەن كەزدە، قارنى قامپايىپ، سىرەسىپ قالىپتى، سوندا: بۇلاي بولارىن بىلسەم، العاشىندا - اق بەسىنشى شەلپەكتى جەي سالماس پا ەدىم، — دەگەن ەكەن.
ەرىكسىز ەزۋ تارتاسىز، مۇقيات ويلانىپ كورسەڭىز، بۇل كۇلدىرگىدەگى اس – سۋ جاعىنداعى ىسىراپشىلدىقتى تەجەۋگە قاتىستى قيسىن جاتقانىن بايقايسىز، اتاپ ايتقاندا، تويعاننان كەيىن توقتىنىڭ ەتى توپىراق تاتيدى دەگەنىمىز وسى.
بۇل كۇلدىرگىدەگى جاعداي ءبارىمىزدىڭ باسىمىزدان وتكەن. قارىن اشىپ كەتكەن كەزدە، تاماقتان العاش ءدام تاتقاندا، وتە ءدامدى سەزىلىپ، تويىنۋ، قاناعاتتانۋ سەزىمى جوعارى بولادى. تاعى ءبىراز جەگەن سوڭ، تاماق باستاپقىداي ءدامدى سەزىلمەيدى. قارىن تويعان سوڭ، ەڭ ءدامدى تاعامدى الدىڭىزعا قويسا دا، جەيتىن ورىن قالمايدى.
ءار جولى كوكتەم مەرەكەسى كەلگەندە، وسىنداي جاعداي، وتە – موتە، كورنەكتى بولادى. كوكتەم مەرەكەسىندە تاماق وتە كوپ جەلىنەدى، بۇل كوپتەگەن ادامداردىڭ كوكتەم مەرەكەسىن اۋىرتپالىق سەزىنەتىنىنىڭ ءبىر سەبەبى بولسا كەرەك. مىسالى، اۆتور كوكتەم مەرەكەسىنىڭ ءۇشىنشى كۇنى اۋىلداعى ناعاشى اپاسىنىڭ ۇيىنە باردى، تۇستە الدىمەن شوشىرە جەپ، ارتىنان قۋىرماش پەن شاراپتان اۋىز ءتيدى. داستارقانعا ون نەشە ءتۇرلى قۋىرماش شىعارىلدى، تۇستەن كەيىن ساعات 4 كە دەيىن قۋىرماش جەگەن سوڭ، بۋ نان مەن ءبىر قازان قۋىرماش تاعى شىقتى، ونىڭ ارتىنان ءبىر تەگەنە كۇرىش كوجە دايىن بولدى. قارىننىڭ اشۋى – عوي مۇمكىن ەمەس، تويعاندا جارىلارمان بولدى. تويعاننان كەيىن توقتىنىڭ ەتى توپىراق تاتيدى دەگەن راس ەكەن.
اۆتور بۇرىن سىرتقا شىعىپ تاماقتانعاندا، قۋىرماشتى ۇنەمى ارتىق بۇيىرتىپ الاتىن. ەڭ سوڭىندا جەپ تاۋىسا المايتىن، الىپ كەتۋگە دە ەرىنەتىن، ۇنەمى جانىنداعىلارمەن «ءوزى تويسا دا كوزى تويماعان دەگەن وسى» دەپ قالجىڭداعاننان ارى اسپاي، كەردەڭ باسىپ كەتە بەرۋشى ەدى. شىنىن ايتقاندا، وسىنىڭ ءوزى تاماق بۇيىرتۋدىڭ الدىندا تويعاننان كەيىن توقتىنىڭ ەتى توپىراق تاتيدى دەگەن ۇعىممەن ەسەپتەسپەي، بەيبەرەكەت ءىشىپ – جەۋدەن باسقانى ويلاماعاندىقتان تۋىنداعان ىسىراپشىلدىق.
قازىر بۇكىل ەلىمىز بويىنشا جوعارىداعىلار مەن تومەندەگىلەر تۇگەل «تاماق اسىرماۋدى» دارىپتەپ، اس – سۋ جاعىنداعى ىسىراپشىلدىققا قارسى تۇرۋدا، اۆتور دا اسحاناعا بارعان دايىن، سانالى تۇردە تاماقتى از بۇيىرتاتىن بولدى. مەيلى، قۇرساعى شۇرىلداپ تۇرسا دا: الدىمەن وسىنشالىق بۇيىرتىپ، جەپ بولعان سوڭ كورەيىن، ايتپەسە، قانشا كوپ بۇيىرتقانمەن ءدامى بولمايدى، — دەپ وزىنە – ءوزى ەسكەرتەتىن بولدى.
ناتيجەدە، وسىلاي ىستەگەن سوڭ، تاماق جەپ بولعان كەزدە تاعى قۋىرماش بۇيىرتايىن دەگەن وي مۇلدە جوعالىپ، ىسىراپشىلدىق جويىلادى ەكەن. ونىڭ ۇستىنە، شەكتەن تىس تويا تاماقتانباعاندىقتان، اسقازانعا تۇسەتىن اۋىرتپالىق تا ازايىپ، دەنساۋلىققا دا پايدالى بولادى.
تاماقتانۋ تىرشىلىكتى ساقتاۋدىڭ قاجەتى، سونىمەن بىرگە، ول ءبىر ءتۇرلى ءناپسىنى قاناعاتتاندىرۋ بولىپ تابىلادى، ەگەر مۇنداي ءناپسىنى تەجەمەيتىن بولساق، قوعام جونىنەن ايتقاندا، بۇل استىقتى ىسىراپ ەتىپ، سالت – ساناعا داق سالعاندىق؛ جەكەلەر جونىنەن ايتقاندا، ەرتە مە، كەش شەكتەن تىس تاماقتانۋدىڭ اياعىنان سەمىزدىككە دۋشار بولۋى، اۋرۋ تاۋىپ الۋى مۇمكىن، مۇنان دا اۋىرى، ءناپسىنىڭ سوڭىنان مۇرنىن تەسكەن وگىزدەي ەرە بەرۋدىڭ ءوزى تۇرپايى ارەكەت بولىپ، ول پسيحولوگيالىق اقاۋسىزدىققا دا زياندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
