شينجياڭدى ورنىقتىرۋ، شينجياڭنىڭ تىنىشتىعىن ساقتاۋ ستراتەگيالىق تۇرعىسىنان حالىق تۇرمىسىن بار كۇشپەن قامتاماسىز ەتەيىك جانە جاقسارتايىق
2017.03.16 15:19 كەلۋ قاينارى : شينجياڭ گازەتى
− باس شۋجي شي جينپيڭنىڭ شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزىنىڭ رۋحىن ۇيرەنۋ، دايەكتى تياناقتاندىرۋ تۋرالى (4)
باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسىنىڭ تالقىسىنا قاتىناسقان كەزدە ماڭىزدى ءسوز سويلەدى ءارى: «شينجياڭدى ورنىقتىرۋ، شينجياڭنىڭ تىنىشتىعىن ساقتاۋ ستراتەگيالىق تۇرعىسىن شىعار ءتۇيىن ەتىپ، ءار ۇلت بۇقاراسىنىڭ الاڭسىز تىرشىلىك ەتۋىن مىقتاپ ارقاۋ ەتىپ، ءوندىرىس، تۇرمىس شارت - جاعدايىن جاقسارتاتىن نىسانداردى كوبىرەك اتقارىپ، حالىققا تيىمدىلىك جاسايتىن ناقتى ىستەردى كوبىرەك ىستەپ، ءار ۇلت بۇقاراسىنىڭ كوكەيىندەگى ماسەلەلەردى كوبىرەك ءبىر جايلى ەتىپ، ءار ۇلت جۇرتشىلىعىنا پارتيانىڭ قامقورلىعى مەن وتان ۇلى شاڭىراعىنىڭ مەيىر - شاپاعاتىن شىنايى سەزىندىرۋ كەرەك» دەپ اتاپ كورسەتتى. باس شۋجيدىڭ حالىق تۇرمىسىنا باسا نازار اۋدارۋى شينجياڭداعى ءار ۇلت حالقىنا مەيىر - شاپاعات پەن كۇش - قۋات جەتكىزدى ءارى جاڭا داۋىردەگى شينجياڭنىڭ حالىق تۇرمىسى قىزمەتىنە ايقىن تالاپ قويدى.
حالىق تۇرمىسى − حالىق باقىتىنىڭ تياناعى، قوعام جاراسىمدىلىعىنىڭ نەگىزى. حالىقتى يگىلىككە كەنەلتۋ − پارتيامىزدىڭ جالپى ءۇشىن پارتيا قۇرۋعا، حالىق ءۇشىن بيلىك جۇرگىزۋگە تاباندى بولۋىنىڭ ماندىك تالابى. شينجياڭدا حالىق تۇرمىسى ماسەلەسى شينجياڭدى ورنىقتىرۋعا، شينجياڭنىڭ تىنىشتىعىن ساقتاۋعا ساياتىن ستراتەگيالىق ماسەلە. حالىق تۇرمىسى ماسەلەسىنىڭ ويداعىداي شەشىلۋ - شەشىلمەۋى ءار ۇلت بۇقاراسىنىڭ ءتول مۇددەسىنە، جۇرتتىڭ قولداۋ - قولداماۋىنا، بۇكىل ەلمەن بىرگە جاپپاي دوڭگەلەك داۋلەتتى قوعام قۇرۋعا، قوعام ورنىقتىلىعى مەن باياندى تىنىشتىق باس نىساناسىنىڭ ءساتتى جۇزەگە اسۋىنا سايادى. سول سەبەپتى، شينجياڭدى ورنىقتىرۋ، شينجياڭنىڭ تىنىشتىعىن ساقتاۋ ستراتەگيالىق تۇرعىسىنان حالىق تۇرمىسىن بار كۇشپەن قامتاماسىز ەتىپ جانە جاقسارتىپ، بۇقارا ەڭ كوڭىل بولگەن، ەڭ تىكە، ەڭ رەال مۇددە ماسەلەسىن ويداعىداي شەشىپ، ءار ۇلت بۇقاراسىنا پارتيانىڭ قامقورلىعى مەن وتان ۇلى شاڭىراعىنىڭ مەيىر - شاپاعاتىن شىنايى سەزىندىرگەندە عانا، ءار ۇلت بۇقاراسىنىڭ كەڭ كولەمدە قولداۋىنا باستان - اياق يە بولۋعا، قوعام ورنىقتىلىعى مەن باياندى تىنىشتىقتىڭ قۇدىرەتتى كۇشىن شوعىرلاندىرۋعا بولادى.
شينجياڭدى ورنىقتىرۋ، شينجياڭنىڭ تىنىشتىعىن ساقتاۋ ستراتەگيالىق تۇرعىسىنان حالىق تۇرمىسىن بار كۇشپەن قامتاماسىز ەتۋدە جانە جاقسارتۋدا، بۇقارا ەڭ كوڭىل ءبولىپ وتىرعان ماسەلەلەردى شەشۋگە كۇش سالۋ كەرەك. حالىقتىڭ تاماشا تۇرمىسقا دەگەن تالپىنىسى ءبىزدىڭ كۇرەس نىسانامىز. باس شۋجي شي جينپيڭنىڭ شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزىنىڭ رۋحىن ۇيرەنۋدە، دايەكتى تياناقتاندىرۋدا ءار ۇلت بۇقاراسىنىڭ مۇڭ - مۇقتاجىن كوڭىل تورىنە شىعارىپ، حالىق تۇرمىسىن الدىمەن ويلاسۋعا، حالىق تۇرمىسىنا قاتىستى قىزمەتتەردى الدىمەن جۇرگىزۋگە تاباندى بولىپ، بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، بۇقارانىڭ قيىنشىلىعىن شەشىپ، شىنايى ءونىمدى شارالارمەن بۇقارانىڭ ۇنىنە نازار اۋدارىپ، حالىق تۇرمىسىنا قاتىستى ماسەلەلەرگە جاۋاپ قايتارىپ، حالىق بۇقاراسىن رەفورمانىڭ، دامۋدىڭ جەمىسىنەن تەڭ يگىلىكتەندىرۋ كەرەك. كاسىپتەنۋ − حالىق تۇرمىسىنىڭ نەگىزى، تۇراقتى كاسىپتەنسە، كوڭىل ورنىعادى، وتباسى الاڭسىز بولادى، ەل تىنىش بولادى. كاسىپتەندىرۋدى ماڭداي الدى ورىنعا قويۋعا تاباندى بولىپ، كاسىپتەنۋ ءورىسىن كەڭەيتۋ، كاسىپتەنۋ، شارۋاشىلىق قۇرۋ تۇعىرىن ورناتۋ، كاسىپتەنۋ قابىلەتىن ءوسىرۋ، تۇرعىنداردىڭ كىرىسىن ارتتىرۋ جاعىنا كۇش سالۋ قاجەت. وقۋ - اعارتۋ، ەمدەۋ، قوعامدىق قامتاماسىزداندىرۋ، تۇرعىن ءۇي سياقتى بۇقارانىڭ ءتول مۇددەسىنە ساياتىن ماسەلەلەردى كۇش سالا شەشىپ، وقيتىن مەكتەپ بولۋ، ناۋقاس كورسەتەتىن شيپاحانا بولۋ، قارتايعاندا كۇتىمدەلەتىن ورنى بولۋ، تۇراتىن باسپاناسى بولۋ جاعىندا تىنباي تىڭ ىلگەرىلەۋشىلىكتەرگە قول جەتكىزىپ، ءار ۇلت بۇقاراسىنىڭ تابىس سەزىمىنىڭ، باقىت سەزىمىنىڭ ۇزدىكسىز ارتۋىنا، ءتىپتى دە سانالى تۇردە پارتيانىڭ مەيىر - شاپاعاتىنا العىس ايتۋىنا، پارتيانىڭ سوزىنە قۇلاق اسۋىنا، پارتياعا ىلەسۋىنە مۇمكىندىك جاساۋ ءتيىس.
شينجياڭدى ورنىقتىرۋ، شينجياڭنىڭ تىنىشتىعىن ساقتاۋ ستراتەگيالىق تۇرعىسىنان حالىق تۇرمىسىن بار كۇشپەن قامتاماسىز ەتۋدە جانە جاقسارتۋدا، كەدەيلەردى سۇيەمەلدەپ، حالىققا تيىمدىلىك جاساۋعا، ءسوز جوق، تاباندى بولىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋ كەرەك. حالىقتى الاڭسىز ەتۋدىڭ جولى ولاردىڭ مۇڭ - مۇقتاجىن بىلۋدە. كەدەيلەردى سۇيەمەلدەۋ، وركەندەتۋ قىزمەتىن ويداعىداي ىستەۋ − ءار ۇلت بۇقاراسىنىڭ تۇرمىس دەڭگەيىن جوعارىلاتۋدىڭ ۇتىمدى ارناسى، زەيىن - زەردەنى، كۇش - قۋاتتى شوعىرلاندىرۋدىڭ شەشۋشى شاراسى، شينجياڭنىڭ قوعام ورنىقتىلىعى مەن باياندى تىنىشتىعىنىڭ پارمەندى كەپىلى. قازىر كەدەيلىكتەن قۇتىلدىرۋدان قامال الۋ قىزمەتى قيىندىقتاردى جەڭەتىن كەزەڭگە ءوتتى. بۇكىل رايونىمىزدا جوعارىدان تومەنگە دەيىن يۇيگۇڭنىڭ تاۋدى كوشىرۋىندەي باتىل بەكىممەن جانە ەرىك - جىگەرمەن نىسانانى كوزدەپ، قاجىرلىلىقپەن شىنايى ىستەپ، بىردە - ءبىر رايوندى، بىردە - ءبىر ۇلتتى، بىردە - ءبىر ادامدى قاعىس قالدىرماۋ كەرەك. كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال قۇتىلدىرۋدى جاپپاي تياناقتاندىرىپ، ءدال شارالار قولدانۋ جاعىندا ناقتى ءادىس - امالدار شىعارىپ، ءدال ىلگەرىلەتۋ جاعىندا كۇش سالىپ، ءدال تياناقتاندىرۋ جاعىندا ناقتى ونىمدىلىككە قول جەتكىزىپ، 2020 - جىلى كەدەي حالىقتىڭ تۇگەلدەي كەدەيلىكتەن قۇتىلۋىنا، وڭتۇستىك شينجياڭنىڭ 3 ايماق، ءبىر وبلىسىنىڭ وڭىرلىك جالپىلىق كەدەيلىكتەن قۇتىلۋىنا كەپىلدىك ەتۋ قاجەت. وڭتۇستىك شينجياڭداعى كەدەي رايونداردى كەدەيلىكتەن قۇتىلدىرۋدان قامال الۋدىڭ نەگىزگى شايقاس مايدانى ەتىپ، اۋىل - قىستاقتارداعى بەيقۇت ءۇي جانە كوشپەندى مالشىلاردى وتىرىقتاندىرۋ ينجەنەرياسىن، قالا - قالاشىقتارداعى قامتاماسىزداندىرۋ سيپاتتى بەيقۇت ءۇي ينجەنەرياسىن ويداعىداي اتقارىپ، ەگىن، مال شارۋاشىلىق رايوندارى مەن شەكارا رايونداردىڭ نەگىزگى الەۋمەتتىك قىزمەت كورسەتۋىن كەمەلدەندىرىپ، ءار ۇلت بۇقاراسىن اناعۇرلىم جاقسى تۇرمىسقا كەنەلتۋگە قۇلشىنۋ ءتيىس.
حالىق تۇرمىسىن بار كۇشپەن قامتاماسىز ەتۋ جانە جاقسارتۋ ابستراكت، سىلدىر ۇعىم ەمەس. ءار دارەجەلى پارتيالى كادرلارعا سۇيەنە وتىرىپ، مۇنى ءار ۇلت بۇقاراسىنىڭ ناقتى مۇددەسىنە اينالدىرۋ كەرەك. باس شۋجيدىڭ تاپسىرماسىن ەستە بەرىك ساقتاپ، شينجياڭدى ورنىقتىرۋ، شينجياڭنىڭ تىنىشتىعىن ساقتاۋ ستراتەگيالىق تۇرعىسىن شىعار ءتۇيىن ەتىپ، حالىق تۇرمىسىن بار كۇشپەن قامتاماسىز ەتۋ جانە جاقسارتۋ مىندەتىن ارقالاپ، كوكەيدە ساقتاپ، حالىق تۇرمىسىن بارىنەن جوعارى ورىنعا قويۋ ىقىلاسىمەن حالىق تۇرمىسىنىڭ تىڭ داستانىن جازىپ، پارتيا 19 - قۇرىلتايىنىڭ جەڭىسپەن اشىلۋىن سۇبەلى ناتيجەلەرمەن قارسى الايىق!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
